Panmaeq 9:19 - Akha

¹⁹ Aˬ jeˬ miˇ neh ehˇ naˇ, mahˬ kʼoeˇ deuˬ-euˬ baoˬ-aˬ, kʼaˬ meh hawˇ-eu dawˬ miˬ-ahˇ ahˇ-eu meh. Aˬ yawꞈ maꞈ-euˬ dawˬ miˬ-aˬ, uˬ duˬ tsoꞈ-awˇ, aˇ lawˇ-ahˇ duˇ-eu meh. Dawˬ miˬ kʼoeˇ neh tsawˇ haˬ zaˬ-ahˇ laˆ tahˬ laˆ naˇ nehˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Manq khoerdeuq-euq baoq-aq, khaqmae hawr-eu dawqmiq-anr anr-eu mae. Aqyawf maf-euq dawqmiq-aq arlawr-anr dur-awr, uqduq khawf tsof-awr, aqyawfmaf, uqduq khoer nae tsawrhaqzaq-anr lavtanq lavnar-eu mae.

Panmaeq 9:19 ပူးပေါင်းရင်းမြစ်များ

Iˇsaˬyaˇ 9:15

Uˬ duˬ-aˬ, aˬ yuiꞈ aˬ tsu deuˬ meh. Dawˬ miˬ-aˬ, Miˬyehˇ gʼaˇ duˬ ngehˬ dah-eu deuˬ meh. Aˬ yawꞈ maꞈ mehˬ-eu jeˬ jaˬ myawꞈ myawꞈ luꞈ-eu meh.

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

Panmaeq 9:10

Aˬ yawꞈ maꞈ-euˬ dawˬ miˬ-aˬ, boeˬ kaˬ laˬ ma-euˬ dawˬ miˬ-ahˇ duˇ-awˇ, byaˬ iˬ tsoꞈ-eu meh. Dawˬ miˬ kʼoeˇ baˬ da neh, tsawˇ haˬ zaˬ-ahˇ ba la ngaˬ siˬ byah ni kʼehˬ nya-eu baoˬ ahˇ-eu meh.

Panmaeq 9:18

Mahˬ kʼoeˇ deuˬ-euˬ kʼaˬ meh-ahˇ doˆ luꞈ-eu miˬ dzaˬ hawˇ-eu, uˬ kʼoeˬ hawˇ-eu miˬ dzaˇ dzaˇ shuiˇ kʼoeˇ smˇ jeˬ kʼehˬ-eu baˬ da neh miˇ tsaˬ tsawˇ haˬ zaˬ smˬ bymˇ tiˬ bymˇ shiˇ-euˬ meh.

Panmaeq 9:20

Kʼoeˇ smˇ jeˬ neh maˬ bi sehꞈ jiˇ-ehˇ dzeˇ-eu miˇ tsaˬ tsawˇ haˬ zaˬ deuˬ-aˬ, aˬ yawꞈ maꞈ neh mˇ dzeuˇ shaˇ dzeuˇ yaꞈ-euˬ jeˬ-ahˇ maˬ byehˇ dzeh-a. Nehꞈ deuˬ-ahˇ uˬ duˬ tahˬ-eu jeˬ-ahˇ maˬ ehˇ, shuiˇ, pyuˇ, guiˬ shuiˇ, kʼaˬ lo, daˇ kawˬ, heu deuˬ neh jahˇ taˬ-euˬ, maˬ mawˇ nya, maˬ gaˬ nya, maˬ cah nya-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu jeˬ-ahˇ maˬ ehˇ, aˬ yawꞈ maꞈ maˬ byehˇ dzeh-a.