Panmaeq 9:16 - Akha

¹⁶ Mahˬ dziˬ-eu yehˇ aˇ myaˆ gʼaˬ byah-eu gaˇ kawˆ ngaˬ-ahˇ ehˇ nehˬ laꞈ-euˬ meh. Nyiˬ yaˇ lam gʼaˬ byah-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Manq-anr dziq-eu guirzaq armyav ghaq byan-eu la laer aernar-aq, aqyawf maf-aq 200,000,000 ghaq byan-eu mae laer aer-eu gar, ngar yagaq-euq ma.

Panmaeq 9:16 ပူးပေါင်းရင်းမြစ်များ

Jaceuq 68:17

Mahˬ laˆ lawˬ aˇ heˇ aˇ muiˇ laˇ teh-awˇ, Siˇnaˆ gawˬ jawˬ-ahˇ neh muiˬ-eu shawˇ-eu jawˇ duˬ-ahˇ, Sahˬpaˬ Miˬyehˇ oe tehꞈ-a.

Yeˬsaˬgeˬlaˇ 23:6

Aˬshuˇliˆ tsawˇ haˬ kʼoeˇ deuˬ-aˬ, neˇ naˆ naˆ-eu mehˬ tsoeˬ dm luꞈ-eu yehˇ deuˬ, yaw huiˬ yaw mahˇ deuˬ hawˇ-eu, sahˬ paˬ sahˬ ma geuꞈ-eu deuˬ meh. Aˬ yawꞈ maꞈ dawˬ tawˆ luꞈ aˇ gʼehˇ muiˬ-eu mahˬ dziˬ-eu yehˇ deuˬ meh.

Yeˬsaˬgeˬlaˇ 38:4

Aˬ yawꞈ-ahˇ ngaˇ ngawˬ zeuˆ-awˇ, baˬ ngeuˇ-ahˇ kuˆ seuˬ kʼoˆ tsoˆ-awˇ, aˬ yawꞈ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ tsahˇ-awˇ cah ma. Mahˬ hawˇ-eu guiˇ deuˆ-eu mehˬ tsoeˬ tiˬ kawˆ loꞈ-ehˇ dm luꞈ-eu yehˇ deuˬ ahˇ-eu aˬ yawꞈ-euˬ guiˇ maꞈ myaˬ dui dui-awˇ, yehˇ yawˬ gʼaˬ na luꞈ dehˬ daˬ duˬ yuˇ-awˇ, mi cehˇ dawꞈ luꞈ-eu meh.

Daˬyeˬlaˇ 11:40

“Suˇliˆ sahˬ paˬ-euˬ aˇ yamˬ jiˇ le-eu dawˬ peh peh laˇ ngeh, Iˇjiˇtuˆ sahˬ paˬ aˬ yawꞈ-ahˇ guiˇ deuˆ laˇ tehꞈ-a. Suˇliˆ sahˬ paˬ gʼeh gʼaˬ kʼaˇ jaˆ-eu yuˇ doˆ-awˇ, mahˬ laˆ lawˬ deuˬ, mahˬ deuˬ, saˇ baoˬ deuˬ zmˬ-awˇ guiˇ deuˆ tehꞈ-a. Iˇ jeuˬ jeuˬ-eu loꞈ-ehˇ, miˇ kʼahˬ gʼawˬ mya kʼahˬ-ahˇ aˬ yawꞈ guiˇ deuˆ uˇ gʼeh tehꞈ-a.

Daˬyeˬlaˇ 7:10

Kʼoeˇ gaˇ neh miˬ dzaˬ lawˇ gawˆ yoeˇ ka luꞈ-eu meh. Aˬ yawꞈ-euˬ myawˬ kʼehˇ gʼoˆ-eu aˇ heˇ aˇ muiˇ gʼaˬ jawˇ-awˇ, aˬ yawꞈ-euˬ mehˬ shi yawꞈ luꞈ-eu tsawˇ haˬ aˇ lam aˇ lam byah -eu meh. Yaˇ kʼaˬ daˇ-eu gʼaˬ yaˇ kʼaˬ daˇ dahˬ beh-awˇ, sahˬ boꞈ deuˬ dehˬ pah-euˬ meh.

Panmaeq 5:11

Ngaˇ paˇ haw gʼeh leꞈ ngeh, mˬ taˆ gʼaˬ kʼehˇ aˇ seh aˇ lamˬ-euˬ teˇ saˇ ya gaˬ-euˬ ma. Dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ nyiˬ tseˇ oeˬ gʼaˬ-euˬ tiˬ jawˬ, aˬ yawꞈ maꞈ yawꞈ luꞈ-eu meh.

Panmaeq 7:4

Kʼoeˇ naˇ, naˇ kʼawˇ-ahˇ Miˬyehˇ-euˬ jmˬ diˬ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ byah-eu meh lehˇ ngaˬ-ahˇ ehˇ nehˬ laꞈ-euˬ meh. Aˬ yawꞈ maꞈ-aˬ, Iˇsaˬleˬlaˬ tsawˇ jeuˬ tseˇ nyiꞈ jeuˬ laꞈ kʼoeˇ ahˇ-eu tsawˇ haˬ deuˬ meh.