Panmaeq 8:7 - Akha

⁷ Mˬ taˆ gʼaˬ kʼehˇ yaw beh gʼaˬ daˇ heh baw ngeh, shiˬ keuˬ-eu uˬ yehˇ aˇ siˬ miˇ tsaˬ kʼoeˇ taˆ ga le-awˇ, miˇ tsaˬ tahˬ kʼawˇ smˬ bymˇ tiˬ bymˇ, aˇ bawˇ smˬ bymˇ tiˬ bymˇ hawˇ-eu, buˬ nyoeˇ dawˬ tawˆ luꞈ puiˆ dzaˬ jiˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoernar-aq, mqtav ghaqkhaer yawbae ghaq darhae baw ngae, shiq keuq-eu uqyaer arsiq hawr-eu miqdzaq, mirtsaq-euq khoertav biqka ghae-euq mae. Miqdzaq khoer nae arbawr smq bymr-anr nae tiq bymr puivdzaq jir-awr, yarmof yawnyoer dawqtawv luf-anr khawf puivdzaq jir-euq mae.

Panmaeq 8:7 ပူးပေါင်းရင်းမြစ်များ

Jaceuq 105:32

Uˬ yehˇ-euˬ dah zaˇ mˬ jeˬ tsawˬ tehˆ hawˇ-eu uˬ yehˇ aˇ siˬ, aˬ yawꞈ maꞈ-euˬ miˇ kʼahˬ kʼoeˇ taˆ bi ga le-euˬ meh.

Doˆ-iˇ 9:33

Sahˬ paˬ kʼoeˇ gʼaˬ jawˇ-eu meuˬ kʼoeˇ meuˬ-euˬ laꞈ nyiˇ paw Moˇseˬ doˆ-iˇ-awˇ, aˬ laꞈ baꞈ diˇ-awˇ Sahˬpaˬ Miˬyehˇ-ahˇ guiˬ lahˬ shaˇ ngeh, mˬ jeˬ jeˬ-awˇ uˬ yehˇ aˇ siˬ ga le-eu naˬ leˇ-awˇ, uˬ yehˇ tsiˇ leˇ-euˬ meh.

Iˇsaˬyaˇ 28:2

Aˬ yawꞈ maꞈ-ahˇ guiˇ bi deuˆ le-eu lehˇ, baoˬ huiˬ-awˇ gʼaˬ kʼaˆ-eu tsawˇ haˬ-ahˇ, Sahˬpaˬ Miˬyehˇ bi lehˬ hmˬ taˬ-euˬ meh. Uˬ yehˇ aˇ siˬ ga le-eu loꞈ-ehˇ, uˬ yehˇ yehˇ ma ma le-eu loꞈ-ehˇ, iˇ jeuˬ jeuˬ le-eu loꞈ-ehˇ aˬ yawꞈ oe-awˇ, miˇ kʼahˬ kʼoeˇ kʼahˬ-ahˇ laˆ cawˆ le tehꞈ-a.

Iˇsaˬyaˇ 29:6

mˬ jeˬ jaˬ lehˇ hawˇ-eu miˇ luˆ luˆ-eu laꞈ kʼoeˇ, Baoˬ huiˬ-eu Sahˬpaˬ Miˬyehˇ nawˬ-ahˇ ka kʼoꞈ tehꞈ-a. Jaˬ lehˇ lehˇ ma hawˇ-eu miˬ dzaˬ miˬ lmˇ, aˬ yawꞈ pyehˬ leꞈ tehꞈ-a.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Iˇsaˬyaˇ 32:19

Bawˇ tsahˬ-ahˇ uˬ yehˇ aˇ siˬ ga le-awˇ, meuˬ bi deh meuˇ leꞈ kʼawꞈ,

Yeˬsaˬgeˬlaˇ 38:22

Naˇ gawˇ hawˇ-eu shiˬ doˆ le ni laˆ tahˬ laˆ zaw-eu jeˬ aˬ yawꞈ kʼoeˇ taˆ bi keuˆ le ma. Uˬ yehˇ yehˇ ma hawˇ-eu uˬ yehˇ aˇ siˬ nehˬ-ehˇ, miˬ dzaˬ hawˇ-eu miˬ dzaˇ dzaˇ shuiˇ bi yehˇ keuˬ le-awˇ, aˬ yawꞈ hawˇ-eu aˬ yawꞈ-euˬ guiˇ maꞈ kʼoeˇ taˆ maˬ ehˇ, aˬ yawꞈ jawˇ paw kʼaˇ pyawˬ-eu miˇ kʼahˬ deuˬ kʼoeˇ taˆ maˬ ehˇ, bi yehˇ shehˬ ma.

Yawˇlaˆ 2:30

“Mˬ taˆ hawˇ-eu miˇ tsaˬ kʼoeˇ taˆ, kʼaˆ jeˬ-ehˇ gʼeh-eu jeˬ mehˬ-awˇ, shiˬ sehꞈ yoeˇ-awˇ miˬ dzaˬ doꞈ-eu, uˬ kʼoeˬ uꞈ uꞈ-ehˇ jaˆ tehꞈ-a.

Yaˬkoˆ 1:11

Nahˇ ma doˆ laˇ-awˇ nahˇ tsaˇ kʼaˆ laˇ ngeh, yaˇ moꞈ kʼoeˇ nyoeˬ-iˇ koˆ-iˇ-eu meh. Kʼoeˇ ngeh jawˇ, aˇ yehˆ kʼoeˇ ga ka-awˇ haw muiˬ-eu jeˬ cawˆ-iˇ jiˇ-eu meh. Kʼoeˇ gaˇ duˇ ni, smˇ muiˬ muiˬ-eu tsawˇ haˬ kʼawꞈ, yawˬ ha-euˬ gaˇ-ahˇ kʼoꞈ gʼa luꞈ ngeh ya luˬ ya seˇ-iˇ tehꞈ-a.

Yawˇshuˆ 10:11

Iˇsaˬleˬlaˆ tsawˇ haˬ deuˬ-euˬ mehˬ shi Aˬmawˇliˆ tsawˇ haˬ deuˬ gʼaˬ lahˇ caw caw-ehˇ cehˆ ka gʼeh ngeh, Aˬzeˬkaˬ meuˬ-ahˇ keuˆ ni, huiˬ dui dui-eu uˬ yehˇ aˇ siˬ aˬ yawꞈ maꞈ kʼoeˇ taˆ bi ga deh-euˬ meh. Iˇsaˬleˬlaˆ tsawˇ haˬ deuˬ neh sehꞈ-euˬ naˆ maˬ tseˇ, uˬ yehˇ aˇ siˬ bi ga deh-awˇ shiˇ-euˬ myaˬ dzehˬ-eu meh.

1 Beˬtuˆluˆ 1:24

Jaˇ liꞈ laꞈ kʼoeˇ ehˇ taˬ-euˬ, “Tsawˇ haˬ dawˬ tawˆ yaˇ moˬ pyeuꞈ-awˇ, aˬ yawꞈ maꞈ-euˬ yaw shehꞈ kʼahˬ sehˇ, bawˇ tsahˬ aˇ yehˆ loꞈ-ehˇ tehꞈ meh. Yaˇ moꞈ nyoeˬ-iˇ koˆ-iˇ jiˇ-awˇ, aˇ yehˆ juˬ-iˇ ga-iˇ-eu meh.

Panmaeq 12:4

Aˬ yawꞈ-euˬ dawˬ miˬ neh mˬ taˆ-euˬ aˬ guiˇ smˬ bymˇ tiˬ bymˇ-ahˇ miˇ tsaˬ kʼoeˇ taˆ yaˆ dzeh leꞈ-euˬ meh. Byaˆ yahˬ kʼoeˇ mawˇ zaˬ miˬ zaˬ kʼoeˇ gʼaˬ-euˬ mehˬ shi yawꞈ-awˇ, zaˬ ciˬ doˆ leꞈ-eu nehˬ-ehˇ dzaˬ-eu lehˇ gʼeh-eu meh.

Panmaeq 16:2

Kʼoeˇ naˇ, mˬ taˆ gʼaˬ kʼehˇ yaw beh gʼaˬ iˇ-awˇ, aˬ yawꞈ-euˬ naˬ bo miˇ tsaˬ kʼoeˇ taˆ shehˆ daˆ-euˬ meh. Kʼoeˇ ngeh, jeˬ zaˬ yaw haiˬ kʼoeˇ mawˇ neh tsaˬ tsoˆ taˬ-euˬ tsawˇ haˬ deuˬ hawˇ-eu, aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ kʼoeˇ taˆ, gawˇ dui dui-eu maˇ naˇ naˇ-eu jeˬ keuˆ le-euˬ meh.

Panmaeq 16:21

Smˬ tseˇ jawꞈ-i dzehˬ ni byah-eu uˬ yehˇ aˇ siˬ deuˬ mˬ-ahˇ neh ga le-awˇ, tsawˇ haˬ zaˬ-ahˇ ga deh le-euˬ meh. Uˬ yehˇ aˇ siˬ bi ga le-awˇ kʼehˬ-eu kʼaˆ-eu kʼoeˇ poˆ, kʼoeˇ naˆ naˆ-ehˇ guˆ laˇ paˬ-ehˇ gʼeh-eu miˇ neh, a yawꞈ maꞈ Miˬyehˇ-ahˇ yaˬ kʼehˇ toˇ-eu meh.

Panmaeq 6:8

Ngaˇ haw gʼeh ngeh, pyuˇ pya ni gʼeh-eu mahˬ tiˬ mawˇ mawˇ-euˬ ma. Mahˬ dziˬ luꞈ-eu gʼaˬ-aˬ, shiˇ-eu jeˬ lehˇ myahˇ-awˇ, aˬ yawꞈ-euˬ mehˬ nah tehˬ ni shiˇ-eu miˇ kʼahˬ caw teh luꞈ-eu meh. Guiˇ deuˆ-eu jeˬ, mehꞈ-eu shuꞈ-eu jeˬ, naˇ-eu gawˇ-eu jeˬ , jeˬ zaˬ yaw haiˬ jeˬ, heu loꞈ-ehˇ gʼeh-eu deuˬ-ahˇ gʼoe-awˇ aˬ cawˬ-ahˇ sehꞈ-eu gʼaˇ duˬ, miˇ tsaˬ heu oeˬ bymˇ tiˬ bymˇ kʼoeˇ taˆ uˆ lahˇ-eu baoˬ aˬ yawꞈ nyaꞈ-ahˇ biꞈ taˬ-euˬ meh.

Panmaeq 7:1

Kʼoeˇ naˇ, miˇ ma oeˬ coeˇ oeˬ pyawˬ-ahˇ mˬ taˆ gʼaˬ kʼehˇ oeˬ gʼaˬ yawꞈ luꞈ gaˇ ngaˇ ya mawˇ-euˬ ma. Miˇ tsaˬ kʼoeˇ taˆ maˬ ehˇ, iˬ ma laˆ shaˆ kʼoeˇ taˆ maˬ ehˇ, aˇ bawˇ-ahˇ maˬ ehˇ, jaˬ lehˇ maˬ bi baw ni, miˇ ma oeˬ coeˇ oeˬ pyawˬ-euˬ jaˬ lehˇ-ahˇ aˬ yawꞈ maꞈ nyehꞈ tehˬ taˬ-euˬ meh.

Panmaeq 9:15

Kʼoeˇ ngeh, mˬ taˆ gʼaˬ kʼehˇ kʼoeˇ oeˬ gʼaˬ-ahˇ pyehˬ nehˬ-euˬ meh. Aˇ kʼoꞈ kʼoeˇ kʼoꞈ, ba la kʼoeˇ siˬ, aˇ nah kʼoeˇ nah, aˇ yamˬ kʼoeˇ yamˬ-ahˇ, miˇ tsaˬ tsawˇ haˬ zaˬ smˬ bymˇ tiˬ bymˇ-ahˇ bi sehꞈ-eu gʼaˇ duˬ, mˬ taˆ gʼaˬ kʼehˇ kʼoeˇ oeˬ gʼaˬ-ahˇ bi lehˬ hmˬ dah taˬ-euˬ jeˬ pyeuꞈ-eu meh.

Panmaeq 9:18

Mahˬ kʼoeˇ deuˬ-euˬ kʼaˬ meh-ahˇ doˆ luꞈ-eu miˬ dzaˬ hawˇ-eu, uˬ kʼoeˬ hawˇ-eu miˬ dzaˇ dzaˇ shuiˇ kʼoeˇ smˇ jeˬ kʼehˬ-eu baˬ da neh miˇ tsaˬ tsawˇ haˬ zaˬ smˬ bymˇ tiˬ bymˇ shiˇ-euˬ meh.

Panmaeq 9:4

Sahˬ lahˬ aˇ bawˇ deuˬ-ahˇ maˬ laˆ cawˆ-eu gʼaˇ duˬ, aˬ yawꞈ maꞈ-ahˇ ehˇ nehˬ taˬ-euˬ meh. Naˇ kʼawˇ-ahˇ Miˬyehˇ-euˬ jmˬ maˬ diˬ taˬ-euˬ tsawˇ haˬ deuˬ-ahˇ tehꞈ-ehˇ bi laˆ cawˆ-eu gʼaˇ duˬ pyeuꞈ-eu meh.