Panmaeq 8:10 - Akha

¹⁰ Kʼoeˇ naˇ, mˬ taˆ gʼaˬ kʼehˇ smˇ gʼaˬ tiˬ gʼaˬ daˇ heh baw ngeh, miˬ dzaˬ miˬ doꞈ-ahˇ duˇ-eu aˬ guiˇ guiˇ ma tiˬ siˬ mˬ-ahˇ neh ga ka le-awˇ, lawˇ baˬ baˬ ma smˬ bymˇ tiˬ bymˇ hawˇ-eu, lawˇ gawˆ gawˆ zaˬ deuˬ kʼoeˇ taˆ ga daˆ le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoernar-aq, mqtav ghaqkhaer smr ghaq tiqghaq darhae baw ngae, dofluf-eu miqdzaq miqdof lof-aer dur-eu aqguir guirma tiq siq, mq-anr nae gale-awr, ircuf lawrbaq smq bymr-anr nae tiq bymr hawr-eu ircuf irbyoe deuq-euq khoertav gadav lef-euq mae.

Panmaeq 8:10 ပူးပေါင်းရင်းမြစ်များ

2 Laˬsaˬbaˬ 32:3

Yeˬluˇsaˬlehˬ meuˬ laꞈ nyiˇ yoeˇ-eu iˇ cuꞈ iˇ byoe deuˬ laˆ tsoeˬ-eu gʼaˇ duˬ, aˬ yawꞈ-euˬ yaw huiˬ yaw mahˇ deuˬ hawˇ-eu guiˇ maꞈ kʼoeˇ taˆ uˆ lahˇ-eu yaw huiˬ deuˬ-ahˇ bawˬ dzaˬ ngeh, aˬ yawꞈ maꞈ aˬ yawꞈ-ahˇ caw ba nehˬ-euˬ meh.

Iˇsaˬyaˇ 12:3

Iˇ cuꞈ mehꞈ luꞈ-eu tsawˇ haˬ deuˬ, lah duˬ iˇ cuꞈ-ahˇ laˬ kʼaˬ cehˇ-eu loꞈ-ehˇ, Miˬyehˇ-euˬ tsawˇ haˬ deuˬ, aˬ yawꞈ ka kʼoꞈ nehˬ gaˇ laˬ kʼaˬ cehˇ-eu meh.”

Iˇsaˬyaˇ 14:12

Shawˬ ga shawˬ muiˇ-ahˇ duˇ-eu Baˬbuˇloˬ sahˬ paˬ-oˇ, mˬ kʼoeˇ taˆ neh aˬ joˆ-ehˇ ga ka le teˬ. Dzeuˇ laˇ ngeh tsawˇ jeuˬ dawˬ tawˆ luꞈ kʼoeˇ taˆ nawˬ tehˬ-euˬ tsawˇ haˬ, aˬ joˆ-ehˇ miˇ tsaˬ kʼoeˇ taˆ bi biˬ ka teˬ.

Zaˬkaˬliˇ 13:8

Sahˬpaˬ Miˬyehˇ ehˇ-eu, “Miˇ kʼahˬ heu kʼahˬ kʼahˬ lah kʼoeˇ taˆ, smˬ bymˇ nyiˬ bymˇ shiˇ byoˆ jiˇ-awˇ, smˬ bymˇ tiˬ bymˇ dehꞈ yaꞈ tehꞈ-a.

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Maꞈtehˬ 25:1

“Aˇ nah aˇ yamˬ kʼoeˇ yamˬ keuˆ le ngeh, Mˬtaˆ Miˇkʼahˬ-aˬ, heu loꞈ-ehˇ duˇ tehꞈ-a. Miˬ zaˬ sheuˬ le-eu kʼaˬ dzeˇ zaˬ-ahˇ ha laˬ leˇ-eu gʼaˇ duˬ, aˬ buˇ zaˬ guˬ tseˇ gʼaˬ yawˬ ha-euˬ tsiˇ kʼmˬ ciˬ-awˇ le-euˬ meh.

Luˇkaꞈ 10:18

Yeˬsuˇ aˬ yawꞈ maꞈ-ahˇ ehˇ kʼoꞈ nehˬ-eu, “Mˬ myawꞈ myawꞈ-eu loꞈ-ehˇ, Saˬdaˬ mˬ-ahˇ neh ga ka le gaˇ ngaˇ mawˇ-euˬ ma.

Yuˇdaˆ 1:13

Aˬ yawꞈ maꞈ-aˬ, iˬ ma laˆ shaˆ iˇ luˆ dzeh gaˇ duˇ-awˇ, yawˬ ha neh mˇ-euˬ shaꞈ dawˇ dui dui paˬ-ehˇ gʼeh-eu jeˬ boeˇ loeˇ yoˆ-i bi siˬ bi mawˇ-eu meh. Miˬyehˇ neh lehˬ hmˬ taˬ-euˬ yaw zahˇ zahˇ dui dui-eu jawˇ duˬ-ahˇ mˬ maˬ maˬ byaˆ zaˇ ziˇ ya jawˇ leˇ-eu, gaˇ ma maˬ poˆ ni doe doe gʼa gʼa-ehˇ cah luꞈ-eu aˬ guiˇ-ahˇ duˇ-eu meh.

Panmaeq 1:20

Ngaˬ-euˬ aˇ maˇ laꞈ-ahˇ tuˆ tehˬ taˬ-euˬ nawˇ mawˇ-euˬ aˬ guiˇ shiꞈ siˬ hawˇ-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ shiꞈ hmˬ-ahˇ taꞈ leˇ-awˇ, zaꞈ taˬ-euˬ dawˬ tsuiꞈ heu loꞈ-ehˇ meh. Aˬ guiˇ shiꞈ siˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ-euˬ mˬ taˆ gʼaˬ kʼehˇ deuˬ pyeuꞈ-awˇ, tsiˇ kʼmˬ doꞈ taˬ duˬ shiꞈ hmˬ kʼoeˇ-aˬ, Ka li zaˬ aˇ muˇ kʼoeˇ shiꞈ muˇ pyeuꞈ-eu meh.

Panmaeq 12:4

Aˬ yawꞈ-euˬ dawˬ miˬ neh mˬ taˆ-euˬ aˬ guiˇ smˬ bymˇ tiˬ bymˇ-ahˇ miˇ tsaˬ kʼoeˇ taˆ yaˆ dzeh leꞈ-euˬ meh. Byaˆ yahˬ kʼoeˇ mawˇ zaˬ miˬ zaˬ kʼoeˇ gʼaˬ-euˬ mehˬ shi yawꞈ-awˇ, zaˬ ciˬ doˆ leꞈ-eu nehˬ-ehˇ dzaˬ-eu lehˇ gʼeh-eu meh.

Panmaeq 14:7

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Miˬyehˇ-ahˇ taˬ huiˬ taˬ mahˇ-awˇ, aˬ yawꞈ huiˬ dui mahˇ dui dui gaˇ ja ceuˬ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ yawꞈ yaˇ kʼaˬ daˇ-eu aˇ yamˬ keuˆ le-euˬ meh. Mˬ, miˇ, iˬ ma laˆ shaˆ hawˇ-eu, iˇ cuꞈ lawˇ gawˆ deuˬ-ahˇ beh-euˬ gʼaˬ-ahˇ uˬ duˬ tahˬ-awˬ.”

Panmaeq 16:4

Mˬ taˆ gʼaˬ kʼehˇ oeˬ gʼaˬ tiˬ gʼaˬ aˬ yawꞈ-euˬ naˬ bo lawˇ baˬ lawˇ gawˆ deuˬ-ahˇ shehˆ ahˇ gʼeh ngeh, iˇ cuꞈ shiˬ pyeuꞈ jiˇ-euˬ meh.

Panmaeq 6:13

Aˬ guiˇ deuˬ kʼawꞈ, maˬ awꞈ laˇ dah-euˬ siˬ guˬ aˇ siˬ-ahˇ jaˬ lehˇ lehˇ ma neh bi baw juˆ ka-euˬ loꞈ-ehˇ miˇ tsa ga ka le-euˬ meh.

Panmaeq 8:7

Mˬ taˆ gʼaˬ kʼehˇ yaw beh gʼaˬ daˇ heh baw ngeh, shiˬ keuˬ-eu uˬ yehˇ aˇ siˬ miˇ tsaˬ kʼoeˇ taˆ ga le-awˇ, miˇ tsaˬ tahˬ kʼawˇ smˬ bymˇ tiˬ bymˇ, aˇ bawˇ smˬ bymˇ tiˬ bymˇ hawˇ-eu, buˬ nyoeˇ dawˬ tawˆ luꞈ puiˆ dzaˬ jiˇ-euˬ meh.

Panmaeq 9:1

Kʼoeˇ naˇ, mˬ taˆ gʼaˬ kʼehˇ ngaˬ gʼaˬ tiˬ gʼaˬ daˇ heh baw ngeh, aˬ guiˇ tiˬ siˬ miˇ tsaˬ kʼoeˇ taˆ ga ka le gaˇ ngaˇ ya mawˇ-euˬ ma. Aˬ guiˇ kʼoeˇ siˬ-ahˇ maˬ li-iˇ nya-eu duˬ kʼahˬ -ahˇ pah-eu mahˬ tawꞈ kahˬ biꞈ taˬ-euˬ meh.

Panmaeq 9:15

Kʼoeˇ ngeh, mˬ taˆ gʼaˬ kʼehˇ kʼoeˇ oeˬ gʼaˬ-ahˇ pyehˬ nehˬ-euˬ meh. Aˇ kʼoꞈ kʼoeˇ kʼoꞈ, ba la kʼoeˇ siˬ, aˇ nah kʼoeˇ nah, aˇ yamˬ kʼoeˇ yamˬ-ahˇ, miˇ tsaˬ tsawˇ haˬ zaˬ smˬ bymˇ tiˬ bymˇ-ahˇ bi sehꞈ-eu gʼaˇ duˬ, mˬ taˆ gʼaˬ kʼehˇ kʼoeˇ oeˬ gʼaˬ-ahˇ bi lehˬ hmˬ dah taˬ-euˬ jeˬ pyeuꞈ-eu meh.

Panmaeq 9:18

Mahˬ kʼoeˇ deuˬ-euˬ kʼaˬ meh-ahˇ doˆ luꞈ-eu miˬ dzaˬ hawˇ-eu, uˬ kʼoeˬ hawˇ-eu miˬ dzaˇ dzaˇ shuiˇ kʼoeˇ smˇ jeˬ kʼehˬ-eu baˬ da neh miˇ tsaˬ tsawˇ haˬ zaˬ smˬ bymˇ tiˬ bymˇ shiˇ-euˬ meh.

Yaˇ kʼaˬ daˇ 15:11

Kʼoeˇ ngeh, Yuˇdaˆ tsawˇ haˬ smˬ heˇ gʼaˬ Eˇtamˬ lo guˇ-ahˇ jaˆ-eu lo kʼahˬ-ahˇ le-awˇ, Saˬsoˬ-ahˇ ehˇ nehˬ-eu, “Piˇliˇtiˆ tsawˇ haˬ deuˬ aˬ dui-ahˇ uˆ lahˇ luꞈ-eu nawˇ maˬ siˬ nya te loˇ. Nawˇ nga maꞈ-ahˇ aˬ joˆ-ehˇ jahˇ nehˬ laꞈ te.” Saˬsoˬ ehˇ-eu, “Aˬ yawꞈ maꞈ ngaˬ-ahˇ jahˇ nehˬ laꞈ-euˬ loꞈ-ehˇ, aˬ yawꞈ maꞈ-ahˇ ngaˇ paˇ jahˇ kʼoꞈ nehˬ-euˬ ma.”