Panmaeq 7:9 - Akha

⁹ Kʼoeˇ naˇ, ngaˇ paˇ haw gʼeh ngeh, tsawˇ haˬ tiˬ gʼaˬ-iˬ maˬ gui jiˇ coeˇ ni myaˬ-eu tsawˇ haˬ aˇ maꞈ tiˬ maꞈ-ahˇ ya mawˇ-euˬ ma. Aˬ yawꞈ maꞈ-aˬ, miˇ tsaˬ tsawˇ jeuˬ tsawˇ ca dawˬ tawˆ luꞈ-ahˇ taꞈ-eu tsawˇ haˬ deuˬ pyeuꞈ-awˇ, pyuˇ deuˬ ni gʼeh-eu pehˇ kʼahˬ pehˇ mahˇ dm-awˇ aˬ laꞈ-ahˇ daoˇ uˬ pyaˬ yuˇ luꞈ-awˇ, dzoeˬ dzaˬ nuiˇ mahˬ hawˇ-eu Yawˇzaˬ-euˬ mehˬ shi yawꞈ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoernar-aq, ngar hawghae ngae, hawsher-eq, tsawrhaq tiqghaq-iq maq guijir coer-eu tsawrhaq armaf mafma-anr ya’mawr-euq ma. Aqyawf maf-aq, tsawrjeuq tsawrca, arjeuq arca, tsawrhaq hawr-eu dawqngaeq dawqbav yawqjeq navluf-euq lafkhoer nae lartaq-euq mae. Aqyawfmaf pyurdeuqni ghae-eu paerkhanq paermanr dm-awr, aqlaf-anr daor uqpyaq baf-awr nae, nuirmanq hawr-eu Yawrzaq-euq maeqshi yawfluf-eu mae.

Panmaeq 7:9 ပူးပေါင်းရင်းမြစ်များ

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Jaceuq 2:8

Nawˇ ngaˬ-ahˇshaˇhaw sheˇ. Miˇtsaˬtsawˇjeuˬ dawˬtawˆhawˇ-eu, Miˇkʼahˬ mˬdzeˇmiˇdzeˇkeuˆni, nawˬ-ahˇngaˇ biꞈjiˇnehˬ-eu ma.

Jaceuq 22:27

Miˇtsaˬtsawˇjeuˬtsawˇca dawˬtawˆ, SahˬpaˬMiˬyehˇ-ahˇnoeˬlaˇ-awˇ, aˬyawꞈjawˇgaˇ gʼoꞈkʼoꞈlaˇ-awˇ, aˬyawꞈ-ahˇuˬduˬtahˬtehꞈ-a.

Jaceuq 76:4

Miˬyehˇ-oˇ, nawˇ aˇ naˆ ni yaw shehꞈ kʼahꞈ sehˇ huiˬ-eu nga. Muiˇ-eu deuˬ-ahˇ nawˇ deuˆ gʼaˬ-awˇ, gawˬ jawˬ-ahˇ gʼoꞈ ka le ngeh, aˇ naˆ ni kʼahˬ sehˇ jaˆ-eu nga.

Jaceuq 77:2

Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Jaceuq 98:3

Iˇsaˬleˬlaˆ tsawˇ jeuˬ-ahˇ saˇ jaˇ ziꞈ-awˇ maˬ tsehˆ leˇ ni gaˬ-eu laꞈ kʼoeˇ, aˬ yawꞈ maꞈ nehˬ-ehˇ dzaˬ taˬ-eu saˇ jaˇ-ahˇ ziꞈ-eu meh. Aˬ dui-euˬ Miˬyehˇ gʼaˬ leˇ-eu gʼaˬ pyeuꞈ-eu gaˇ kawˆ, miˇ tsaˬ zaˬ dawˬ tawˆ luꞈ ya mawˇ-euˬ meh.

Yeˬlaˬmiˇ 16:19

Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.

Yeˬlaˬmiˇ 3:17

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ ‘Sahˬpaˬ Miˬyehˇ -euˬ nuiˇ mahˬ’ lehˇ kuˇ-awˇ, tsawˇ jeuˬ dawˬ tawˆ luꞈ kʼoeˇ gaˇ uiˬ laˇ-awˇ ngaˬ-ahˇ uˬ duˬ tahˬ tehꞈ-a. Aˬ yawꞈ maꞈ-euˬ haiˬ-eu gʼahˇ-eu nui ma neh kʼehˇ-euˬ jeˬ-ahˇ, aˬ yawꞈ maꞈ maˬ mˇ ni byehˇ tehꞈ-a.

Yeˬsaˬgeˬlaˇ 47:5

Laꞈ oˆ paw nyiˬ yaˇ ngaˬ tseˇ lmˇ paˇ dza ka gʼeh ngeh, iˇ cuꞈ naꞈ dui dui-eu miˇ neh, iˇ diˬ maˬ diˬ naˇ maˬ tsehˆ nya ni jaˆ-eu meh.

Daˬyeˬlaˇ 4:1

Miˇ tsaˬ kʼoeˇ taˆ kʼaˇ jawˇ-eu miˇ kʼahˬ dawˬ tawˆ luꞈ hawˇ-eu tsawˇ jeuˬ dawˬ tawˆ luꞈ-ahˇ, sahˬ paˬ Neˬbuˬkaˬneˬzaˬ heu loꞈ-ehˇ dawˬ tsaꞈ tsaꞈ ahˇ gʼeh-euˬ meh. “Naw maꞈ dawˬ tawˆ luꞈ nui saˇ oꞈ luꞈ-uˇ.

Daˬyeˬlaˇ 6:25

Kʼoeˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ-ahˇ, sahˬ paˬ Daˬliˇ heu loꞈ-ehˇ sahˬ boꞈ boꞈ nehˬ-euˬ meh. “Naw maꞈ dawˬ tawˆ luꞈ nui saˇ oꞈ-awˇ jawˇ saˇ doˆ luꞈ-uˇ.

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Uˬ duˬ 23:40

Kʼoeˇ ngeh nah-ahˇ, naw maꞈ-euˬ aˇ siˬ aˇ bawˇ deuˬ-ahˇ siˬ-eu muiˬ dui dui-eu aˇ siˬ deuˬ maˬ ehˇ, daoˇ uˬ pyaˬ deuˬ maˬ ehˇ, aˇ paꞈ sahˇ-eu aˇ bawˇ uˬ pyaˬ deuˬ maˬ ehˇ, yuˇ-awˇ, Sahˬpaˬ Miˬyehˇ-ahˇ taˬ huiˬ taˬ mahˇ-eu gʼaˇ duˬ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu bawˬ-iˬ aˇ dahˬ beh-awˬ.

Zaˬkaˬliˇ 10:8

“Ngaˬ-euˬ tsawˇ haˬ-ahˇ ngaˇ kuˇ-awˇ, tiˬ gaˇ bi uiˬ bi bymˇ laˇ ma. Aˬ yawꞈ maꞈ-ahˇ ngaˇ ka kʼoꞈ-awˇ, aˇ hu loꞈ-ehˇ bi behˇ laˇ ma.

Zaˬkaˬliˇ 2:11

Aˇ yamˬ kʼoeˇ yamˬ keuˆ laˇ ngeh, tsawˇ jeuˬ gʼawˬ mya ni Sahˬpaˬ Miˬyehˇ jawˇ gaˇ laˇ-awˇ, aˬ yawꞈ-euˬ tsawˇ haˬ pyeuꞈ laˇ tehꞈ-a. Naw maꞈ nehˬ-ehˇ aˬ yawꞈ jawˇ le-awˇ, aˬ yawꞈ neh ngaˬ-ahˇ naw maꞈ jawˇ gaˇ kʼehˇ gʼeh leꞈ-euˬ gaˇ kawˆ, naw maꞈ ya siˬ duˬ tehꞈ-a.

Luˇkaꞈ 12:1

Tsawˇ haˬ aˇ heˇ aˇ muiˇ gʼaˬ uiˬ laˇ-awˇ, tiˬ gʼaˬ tiˇ gʼaˬ nawˬ tehˬ nawˬ tehˬ-ehˇ shaˬ luꞈ ngeh, Yeˬsuˇ aˬ yawꞈ-euˬ zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Paˬliˬsehˇ deuˬ-euˬ dehˬ tseˬ-ahˇ yahˇ-awˬ. Kʼoeˇ-aˬ, awꞈ-aꞈ tahˬ kʼoˬ -ahˇ duˇ-eu meh.

Luˇkaꞈ 21:36

Keuˆ le teuˇ le-eu gaˇ kawˆ kʼoeˇ deuˬ dawˬ tawˆ luꞈ-ahˇ, naw maꞈ dehꞈ dzeuˇ jawˇ dzeuˇ nya ni gʼaˬ tiˬ byah ahˇ-awˇ, Tsawˇhaˬ-euˬ Zaˬmaˇ mehˬ shi ya yawꞈ gaˇ dehꞈ keuˆ nya ni, aˬ myah luꞈ yaw beuˇ beuˇ-ehˇ jawˇ-awˇ guiˬ lahˬ shaˇ-awˬ.”

Yoˇhaˬ 12:13

Kʼoeˇ miˇ neh, aˬ yawꞈ maꞈ daoˇ uˬ pyaˬ baꞈ-awˇ, aˬ yawꞈ-ahˇ ha laˬ-iˇ-eu lehˇ heu loꞈ-ehˇ guˇ guˇ-ehˇ doˆ-iˇ-euˬ meh. “Miˬyehˇ-ahˇ ja ceuˬ-awˬ. Sahˬpaˬ Miˬyehˇ-euˬ tsawˇ myahˇ uˬ moˆ oe-euˬ gʼaˬ-ahˇ Miˬyehˇ guiˬ lahˬ biꞈ luꞈ-uˇ. Iˇsaˬleˬlaˆ tsawˇ jeuˬ-euˬ sahˬ paˬ-ahˇ Miˬyehˇ guiˬ lahˬ biꞈ luꞈ-uˇ.”

Lormav 11:25

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ yawˬ haˇ yawˬ ha zaˬ siˬ tsawˇ gahˇ ahˇ ma lehˇ maˬ ya noeˬ ni, zaꞈ taˬ-euˬ yaw tsaˬ yaw dawˇ tiˬ jeˬ naw maꞈ-ahˇ ngaˇ ehˇ nehˬ mawꞈ miˇ-a. Iˇsaˬleˬlaˇ tsawˇ haˬ deuˬ nui ma gʼahˇ-eu kʼoeˇ-aˬ, gʼawˬ myahˇ ni maˬ gmˬ-aˇ. Aˬ cawˬ tsawˇ jeuˬ aˇ myaˆ gʼaˬ bi laˇ byah-eu lehˇ Miˬyehˇ neh noeˬ taˬ-euˬ loꞈ-ehˇ laˇ byah ngeh keuˆ ni gmˬ-eu tehꞈ meh.

Eˇpeˇsu 6:13

Haiˬ-eu aˇ nah aˇ yamˬ kʼoeˇ keuˆ le ngeh, muiˇ-eu deuˬ deuˆ le gaˇ naw maꞈ ciˬ daˬ coeˇ-awˇ, aˇ saˬ deuˆ saˬ ngeh keuˆ ni tiˬ toꞈ-iˬ maˬ jiˆ kʼoꞈ-iˇ ni ziꞈ dah ni yawꞈ tehˬ coeˇ-eu gʼaˇ duˬ, Miˬyehˇ-euˬ guiˇ deuˆ-eu keu ka dawˬ tawˆ luꞈ-ahˇ nymˬ-mˇ dm-awˬ.

HeˬByehˇ 11:12

Ziˇ jiˇ-eu dawˬ peh peh le-euˬ tsawˇ haˬ kʼoeˇ tiˬ gʼaˬ o neh, mˬ taˆ tsehˬ-eu aˬ guiˇ hawˇ-eu iˬ ma laˆ shaˆ lawˇ deh-ahˇ jaˆ-eu kʼaˇ shuiˬ loꞈ-ehˇ myaˬ dui dui-eu zaˬ deuˬ uˆ deuˬ jeuˬ le o le-euˬ meh.

HeˬByehˇ 12:22

Ehˇ kʼawꞈ, naw maꞈ-aˬ, Ziˇoˬ gawˬ jawˬ hawˇ-eu dehꞈ luꞈ-eu Miˬyehˇ-euˬ meuˬ-ahˇ laˇ-euˬ meh. Kʼoeˇ-aˬ, mˬ taˆ gʼaˬ kʼehˇ aˇ muiˇ aˇ seh jawˇ-eu mˬ taˆ-euˬ Yeˬluˇsaˬlehˬ meuˬ meh.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 22:3

Meuˬ kʼoeˇ meuˬ laꞈ kʼoeˇ Miˬyehˇ neh yaˬ kʼehˇ bi yaˬ-euˬ jeˬ tiˬ jeˬ-iˬ maˬ ya mawˇ-a. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ meuˬ kʼoeˇ meuˬ-ahˇ jaˆ-awˇ, aˬ yawꞈ-euˬ zaˬ kʼaˆ deuˬ aˬ yawꞈ-ahˇ uˬ duˬ tahˬ tehꞈ-a.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.

Panmaeq 4:4

Dzoeˬ dzaˬ nuiˇ mahˬ kʼoeˇ-euˬ tiˬ jawˬ, dzoeˬ dzaˬ nuiˇ mahˬ nyiˬ tseˇ oeˬ mahˬ jaˆ-awˇ, mehˬ tsoeˬ yaw pyuˇ dm-awˇ shuiˇ uˬ kʼoˆ kʼoˆ luꞈ-eu aˬ yuiꞈ aˬ tsu nyiˬ tseˇ oeˬ gʼaˬ nuiˇ luꞈ-eu meh.

Panmaeq 5:11

Ngaˇ paˇ haw gʼeh leꞈ ngeh, mˬ taˆ gʼaˬ kʼehˇ aˇ seh aˇ lamˬ-euˬ teˇ saˇ ya gaˬ-euˬ ma. Dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ nyiˬ tseˇ oeˬ gʼaˬ-euˬ tiˬ jawˬ, aˬ yawꞈ maꞈ yawꞈ luꞈ-eu meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.

Panmaeq 6:11

Kʼoeˇ ngeh, aˬ yawꞈ maꞈ yawˬ gʼaˬ na luꞈ-ahˇ pehˇ kʼahˬ pehˇ mahˇ yaw pyuˇ bi dm awˇ, aˬ yawꞈ maꞈ-ahˇ sehꞈ-euˬ loꞈ-ehˇ, aˬ yawꞈ maꞈ nehˬ-ehˇ tiˬ kawˆ loꞈ-ehˇ gaˇ mˇ-euˬ deuˬ tsawˇ haˬ aˇ gʼaˬ noeˬ taˬ-euˬ loꞈ-ehˇ bi sehꞈ byah ngeh keuˆ ni, tiˬ kʼehˬ gʼaˬ naˬ naˬ tawˬ-eu gʼaˇ duˬ ehˇ nehˬ-euˬ meh.

Panmaeq 7:8

Zeˬbuˬluˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Yoˇsehˆ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Beˬyaˬmiˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ meh.