Panmaeq 7:4 - Akha

⁴ Kʼoeˇ naˇ, naˇ kʼawˇ-ahˇ Miˬyehˇ-euˬ jmˬ diˬ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ byah-eu meh lehˇ ngaˬ-ahˇ ehˇ nehˬ laꞈ-euˬ meh. Aˬ yawꞈ maꞈ-aˬ, Iˇsaˬleˬlaˬ tsawˇ jeuˬ tseˇ nyiꞈ jeuˬ laꞈ kʼoeˇ ahˇ-eu tsawˇ haˬ deuˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Irsaqleqlav tsawrjeuq tsawrca dawqtawv luf-euq lafkhoer, jmq diqtaq-euq tsawrhaq 144,000 ghaq byan-eu mae laer aer-eu gar ngar yagaq-euq ma:

Panmaeq 7:4 ပူးပေါင်းရင်းမြစ်များ

Aˇ dahˬ 15:5

Sahˬpaˬ Miˬyehˇ aˬ yawꞈ-ahˇ laꞈ nyiˇ paw sheuˬ doˆ gʼeh-awˇ ehˇ nehˬ-eu, “Mˬ paw gʼawˇ leuˇ-awˇ aˬ guiˇ kʼoeˇ deuˬ-ahˇ nawˇ gui haw sheˇ. Nawˬ-euˬ zaˬ nawˬ-euˬ uˆ deuˬ aˬ guiˇ kʼoeˇ deuˬ loꞈ-ehˇ jeuˬ le o le tehꞈ-a.”

Doˆ-iˇ 28:21

Kʼaˬ lo sehˇ heu tseˇ nyiꞈ siˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ pyeuꞈ-eu gʼaˇ duˬ, aˬ yawꞈ siˬ yawꞈ kʼoeˇ taˆ, Yaˬkoˆ-euˬ aˬ li tiˬ li-euˬ tsawˇ myahˇ ya toeˬ boꞈ taˬ meh.

Yeˬsaˬgeˬlaˇ 47:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ jeuˬ tseˇ nyiˬ jeuˬ ya biˇ geuꞈ-eu miˇ kʼahˬ kʼoeˇ kʼahˬ-euˬ miˇ kaˬ-aˬ, heu loꞈ-ehˇ meh. Yoˇsehˆ tsawˇ jeuˬ-ahˇ miˇ tsaˬ nyiˬ tsahˇ oꞈ-eu meh.

Yeˬsaˬgeˬlaˇ 48:19

Meuˬ kʼoeˇ meuˬ-ahˇ kʼaˇ jawˇ-eu tsawˇ haˬ aˬ geu gʼaˬ maˬ kaˬ, tsawˇ jeuˬ maˬ tseˇ paˆ ni miˇ tsaˬ kʼoeˇ tsahˇ-ahˇ mˇ dzaˬ nya-eu meh.

Yeˬsaˬgeˬlaˇ 48:31

Kʼoeˇ pyawˬ-ahˇ lahˇ kʼehˬ smˇ kʼehˬ dahˇ-awˇ, Luˇbeˬ lahˇ kʼehˬ, Yuˇdaˆ lahˇ kʼehˬ hawˇ-eu, Leˬbiˇ lahˇ kʼehˬ lehˇ myahˇ nehˬ taˬ-euˬ meh. Meuˬ-euˬ lahˇ kʼehˬ dawˬ tawˆ luꞈ-ahˇ, Iˇsaˬleˬlaˆ tsawˇ jeuˬ deuˬ-euˬ tsawˇ myahˇ biꞈ taˬ-euˬ meh.

Zaˬkaˬliˇ 9:1

Haˬdaˬlaˆ miˇ kʼahˬ-ahˇ maˬ ehˇ, Daˬmaˬsehˇ meuˬ kʼoeˇ meuˬ maˬ ehˇ, Sahˬpaˬ Miˬyehˇ kʼehˬ-eu jaˆ meh. Iˇsaˬleˬlaˆ tsawˇ jeuˬ uˬ taꞈ, Suˇliˆ meuˬ meuˬ ma kʼoeˇ meuˬ kʼawꞈ, Sahˬpaˬ Miˬyehˇ-ahˇ taꞈ-eu meh.

Maꞈtehˬ 19:28

Aˬ yawꞈ maꞈ-ahˇ Yeˬsuˇ ehˇ nehˬ-eu, “Miˇ tsaˬ tahˬ kʼawˇ yaw shuiꞈ paˇ laˇ-awˇ, yaw shehꞈ kʼahˬ sehˇ huiˬ-eu dzoeˬ dzaˬ nuiˇ mahˬ kʼoeˇ taˆ Tsawˇhaˬ-euˬ Zaˬmaˇ nuiˇ le ngeh, ngaˬ-euˬ mehˬ nah caw teh-eu naw maꞈ tseˇ nyiꞈ gʼaˬ kʼawꞈ, dzoeˬ dzaˬ nuiˇ mahˬ kʼoeˇ taˆ nuiˇ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ ya uˆ lahˇ tehꞈ-a.

Luˇkaꞈ 14:22

Tiˬ kʼehˬ keuˆ laˇ ngeh, zaˬ kʼaˆ kʼoeˇ gʼaˬ ehˇ-eu, ‘Baw leˬ-oˇ, nawˬ neh ehˇ-euˬ loꞈ-ehˇ kuˇ uiˬ taˬ-euˬ ma. Ehˇ kʼawꞈ, jawˇ duˬ gʼawˬ mya ni ngehꞈ nga siˬ.’

Luˇkaꞈ 22:30

Ngaˇ uˆ lahˇ-eu miˇ kʼahˬ laꞈ kʼoeˇ, naw maꞈ ngaˬ-euˬ hawˬ jeh-ahˇ ya dzaˬ yaw dawˇ taꞈ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ kʼoeˇ taˆ uˆ lahˇ-eu dzoeˬ dzaˬ nuiˇ mahˬ deuˬ kʼoeˇ taˆ, naw maꞈ nuiˇ-awˇ ya dzoeˬ tehꞈ-a.

Gʼaˬkʼehˇ 26:7

Aˬ dui-euˬ tsawˇ jeuˬ tseˇ nyiꞈ jeuˬ luꞈ, uˬ ciꞈ nah gʼahˇ maˬ ehˇ, Miˬyehˇ-ahˇ uˬ duˬ tahˬ tahˬ-ehˇ noeˬ tmˬ luꞈ-eu kʼoeˇ kʼawꞈ, nymˬ-mˇ ngaˇ noeˬ tmˬ luꞈ-eu heu hmˬ meh. Sahˬ paˬ-oˇ, kʼoeˇ loꞈ-ehˇ noeˬ tmˬ-eu heu hmˬ baˬ da neh Yuˇdaˆ tsawˇ haˬ deuˬ ngaˬ-ahˇ yaˇ kʼaˬ ja-eu meh.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

Yaˬkoˆ 1:1

Miˬyehˇ hawˇ-eu Sahˬpaˬ Yeˬsuˇ Ka li-euˬ zaˬ kʼaˆ pyeuꞈ-eu ngaˇ Yaˬkoˆ, Miˇ tsaˬ heu kʼoeˇ taˆ jawˇ byaˆ taˬ-euˬ Miˬyehˇ-euˬ tsawˇ haˬ dawˬ tawˆ luꞈ-ahˇ dawˬ cawˬ puˬ ahˇ laꞈ-eu ma.

Panmaeq 14:1

Kʼoeˇ naˇ, ngaˇ haw gʼeh leꞈ ngeh, Ziˇoˬ gawˬ jawˬ kʼoeˇ taˆ Yawˇzaˬ yawꞈ luꞈ gaˇ ya mawˇ-euˬ ma. Naˇ kʼawˇ-ahˇ aˬ yawꞈ Aˬda-euˬ tsawˇ myahˇ hawˇ-eu aˬ yawꞈ-euˬ tsawˇ myahˇ boꞈ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ, aˬ yawꞈ nehˬ-ehˇ jawˇ-eu meh.

Panmaeq 14:3

Tsawˇ haˬ tiˬ seh oeˬ muiˇ oeˬ heˇ gʼaˬ kʼoeˇ-aˬ, dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ deuˬ-euˬ mehˬ shi yawꞈ luꞈ-eu meh. Aˬ yawꞈ maꞈ-aˬ, aˬ cawˬ maˬ caˇ nya-eu caˇdawˬ yaw shuiꞈ tiˬ bymˇ caˇ luꞈ-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ, aˬ yawꞈ maꞈ tehꞈ-ehˇ ka kʼoꞈ-eu jeˬ za-euˬ meh.

Panmaeq 7:5

Yuˇdaˆ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Luˇbeˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Gaˆ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ,

Panmaeq 9:16

Mahˬ dziˬ-eu yehˇ aˇ myaˆ gʼaˬ byah-eu gaˇ kawˆ ngaˬ-ahˇ ehˇ nehˬ laꞈ-euˬ meh. Nyiˬ yaˇ lam gʼaˬ byah-eu meh.