Panmaeq 7:12 - Akha

¹² Aˬ yawꞈ maꞈ ehˇ-eu, “Aˬ miˬ. Ja ceuˬ-eu jeˬ, yaw shehꞈ kʼahˬ sehˇ, zaˬ siˬ tsawˇ gahˇ, guiˬ lahˬ-ahˇ ja ceuˬ-eu jeˬ, taˬ huiˬ taˬ mahˇ-eu jeˬ, baoˬ hawˇ-eu gʼaˬ dawˬ tawˆ luꞈ, mˬ maˬ maˬ byaꞈ zaˇ ziˇ aˬ dui-euˬ Miˬyehˇ-ahˇ oꞈ-eu meh. Aˬ miˬ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² aer-eu, “Aqmeq. Jaceuq-eu jeq hawr-eu yawshaef khanqsaer, Zaqsiq tsawrganr hawr-eu guiqlanq-anr jaceuq-eu jeq, Taqhuiq taqmanr-eu jeq, baoq hawr-eu ghaq dawqtawvluf, Mqmaq maqbyav yarzir, aqdui-euq Miqyaer-anr of luf-ur. Aqmeq.”

Panmaeq 7:12 ပူးပေါင်းရင်းမြစ်များ

Neˬhaˬmiˇ 12:46

Aˇ hu ba sahˬpaˬ Daˬbiˇ hawˇ-eu caˇ dawˬ caˇ-eu gʼaˬ pyeuꞈ-eu Aˬsaˆ-euˬ ziˇ-ahˇ neh, Miˬyehˇ-euˬ guiˬ lahˬ-ahˇ ja ceuˬ-eu caˇ dawˬ caˇ-eu laꞈ kʼoeˇ sheuˬ gʼeh-eu tsawˇ haˬ deuˬ jawˇ luꞈ-eu meh.

Neˬhaˬmiˇ 12:8

Leˬbiˇ tsawˇ haˬ deuˬ laꞈ kʼoeˇ, Yeˬshah, Biˇnuiˇ, Kaˬdaˬmeˬlaˇ, Sheˬleˬbiˇ, Yuˇdaˆ hawˇ-eu Maˬtaˬniˇ meh. Aˬ yawꞈ maꞈ-aˬ, ja ceuˬ-eu caˇ dawˬ caˇ-eu paw aˬ yuiꞈ geuꞈ-eu deuˬ pyeuꞈ-eu meh.

Jaceuq 100:4

Aˬ yawꞈ-euˬ guiˬ lahˬ-ahˇ noeˬ keuˆ-eu laꞈ kʼoeˇ, aˬ yawꞈ-euˬ gʼoˆ kʼehˬ-ahˇ uˇ leˇ-awˬ. Aˬ yawꞈ-ahˇ ja ceuˬ-eu laꞈ kʼoeˇ, aˬ yawꞈ-euˬ nymˇ-ahˇ uˇ leˇ-awˬ. Aˬ yawꞈ-euˬ guiˬ lahˬ-ahˇ noeˬ keuˆ-awˇ ja ceuˬ-awˬ.

Jaceuq 106:48

Iˇsaˬleˬlaˆ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Nymˬ-mˇ hawˇ-eu mˬ maˬ maˬ byaˆ zaˇ ziˇ ja ceuˬ-awˬ. Tsawˇ haˬ yawˬ gʼaˬ na luꞈ “Aˬ miˬ” lehˇ ehˇ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 107:22

Lawˇ-eu shehˇ-eu laꞈ kʼoeˇ aˬ yawꞈ-ahˇ aˬ yawꞈ maꞈ ja ceuˬ-eu tsaˬ-awˇ, laˬ kʼaˬ cehˇ-eu caˇ dawˬ caˇ-eu laꞈ kʼoeˇ, aˬ yawꞈ neh mˇ-euˬ huiˬ-eu gaˇ deuˬ gaˇ kawˆ, aˬ cawˬ-ahˇ ja mehˬ-eu tsaˬ meh.

Jaceuq 116:17

Nawˬ-euˬ guiˬ lahˬ-ahˇ noeˬ keuˆ-eu lawˇ-eu jeˬ ngaˇ lawˇ-awˇ, nawˬ-ahˇ ngaˇ guiˬ lahˬ shaˇ ma.

Jaceuq 147:7

Sahˬpaˬ Miˬyehˇ-ahˇ ja ceuˬ-eu caˇ dawˬ caˇ-awˬ. Deuˇ-mˬ diˬ-awˇ aˬ dui-euˬ Miˬyehˇ-ahˇ ja ceuˬ-awˬ.

Jaceuq 41:13

IˇsaˬleˬlaˆMiˬyehˇpyeuꞈ-eu, SahˬpaˬMiˬyehˇ-ahˇja ceuˬ-awˬ. Mˬmaˬmaˬbyaˆzaˇziˇjiˇni, aˬyawꞈ-ahˇciˬhuiˬciˬmahˇ-awˬ.

Jaceuq 50:14

Guiˬ lahˬ-ahˇ noeˬ keuˆ-eu jeˬ naw maꞈ neh Miˬyehˇ-ahˇ lawˇ nehˬ-euˬ jeˬ bi pyeuꞈ-awˇ, naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ, Baoˬ huiˬ-eu gʼaˬ-ahˇ biꞈ-awˬ.

Jaceuq 72:19

Yaw shehꞈ kʼahˬ sehˇ huiˬ-eu aˬ yawꞈ-euˬ tsawˇ myahˇ-ahˇ, mˬ maˬ maˬ byaˆ zaˇ ziˇ ja ceuˬ-awˬ. Aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ byah luꞈ-uˇ. Aˬmiˬ. Aˬmiˬ.

Jaceuq 89:52

Sahˬpaˬ Miˬyehˇ-ahˇ mˬ maˬ maˬ byaˆ zaˇ ziˇ ja ceuˬ-awˬ. Aˬmiˬ. Aˬmiˬ.

Jaceuq 95:2

Guiˬ lahˬ-ahˇ noeˬ keuˆ-eu laꞈ kʼoeˇ aˬ yawꞈ-euˬ mehˬ shi uiˬ leˇ-awˇ, laˬ kʼaˬ tiˬ cehˇ ja ceuˬ-eu caˇ dawˬ caˇ kaˇ-euˇ.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Yeˬlaˬmiˇ 33:11

Laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ nawˇ paˇ ya gaˬ tehꞈ-a. Uˬ duˬ tahˬ nymˇ nymˇ ma laꞈ kʼoeˇ ngaˬ-ahˇ lawˇ-eu shehˇ-eu jeˬ mˇ-eu laꞈ kʼoeˇ, caˇ dawˬ caˇ-eu teˇ saˇ nawˇ ya gaˬ tehꞈ-a. Aˬ yawꞈ maꞈ heu loꞈ-ehˇ caˇ tehꞈ-a. ‘Baoˬ huiˬ-eu Sahˬpaˬ Miˬyehˇ-euˬ guiˬ lahˬ-ahˇ ja ceuˬ-awˬ. Aˬ jeˬ miˇ neh ehˇ naˇ, aˬ yawꞈ muiˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ maˬ tsehˆ leˇ-a.’ Miˇ kʼahˬ heu kʼahˬ-ahˇ, dzeuˇ laˇ ngeh loꞈ-ehˇ bi baw bi za le ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 33:9

Yeˬluˇsaˬlehˬ meuˬ-aˬ, laˬ kʼaˬ cehˇ-eu jeˬ, taˬ huiˬ taˬ mahˇ nehˬ-eu jeˬ hawˇ-eu, yaw shehꞈ kʼahˇ sehˇ huiˬ-eu jawˇ duˬ pyeuꞈ laˇ tehꞈ-a. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh jahˇ nehˬ-euˬ yaw muiˬ jeˬ hawˇ-eu, Yeˬluˇsaˬlehˬ meuˬ-ahˇ ngaˬ neh biꞈ nehˬ-euˬ baw le za le-eu guiˬ lahˬ gaˇ kawˆ ya gaˬ ngeh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-awˇ yaw dzuˬ dzuˬ tehꞈ-a.”

Yawˇnaˆ 2:9

Ehˇ kʼawꞈ, nawˬ-ahˇ ngaˇ ja ceuˬ-awˇ, nawˬ-ahˇ lawˇ-eu shehˇ-eu laꞈ kʼoeˇ, nawˬ-ahˇ saˇ jaˇ dzaˬ taˬ-euˬ jeˬ, maˬ byehˇ dzeh ni ngaˇ mˇ byah ma. Ka kʼoꞈ-eu guiˬ lahˬ yaw dzahˇ-aˬ, Sahˬpaˬ Miˬyehˇ neh biꞈ-euˬ meh.”

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Lormav 11:36

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

1 Gawˇliˬtu 14:16

Nawˬ-euˬ saꞈ laˇ tehꞈ-ehˇ Miˬyehˇ-euˬ guiˬ lahˬ-ahˇ ja ceuˬ naˇ, nawˬ nehˬ-ehˇ tiˬ kawˆ loꞈ-ehˇ uˬ duˬ tahˬ luꞈ-eu maˬ siˬ nya-eu tsawˇ haˬ nawˬ neh guiˬ lah shaˇ-euˬ gaˇ “Aˬ miˬ” lehˇ aˬ joˆ-ehˇ ehˇ caw nya nmˇ. Nawˇ aˬ jeˬ ehˇ luꞈ-eu aˬ yawꞈ tiˬ pawꞈ-iˬ maˬ gʼoˆ siˬ nya-a.

2 Gawˇliˬtu 4:15

Nga maꞈ kʼaˇ ya daˬ-euˬ heu deuˬ dawˬ tawˆ luꞈ, naw maꞈ-euˬ gʼaˇ duˬ pyeuꞈ-eu ma. Miˬyehˇ-euˬ guiˬ lahˬ yaw dzahˇ za-euˬ tsawˇ haˬ tiˬ jawˇ saˇ-iˬ tiˬ jawˇ myaˬ laˇ luꞈ-eu loꞈ-ehˇ, Miˬyehˇ-euˬ yaw shehꞈ kʼahˬ sehˇ hawˇ-eu aˬ yawꞈ-euˬ guiˬ lahˬ-ahˇ ja ceuˬ-eu jeˬ, tiˬ jawˇ saˇ-iˬ tiˬ jawˇ myaˬ laˇ tehꞈ-a.

Gawˇlawˇsehˇ 2:7

Naw maꞈ-ahˇ mehˬ nehˬ tsoˆ nehˬ taˬ-euˬ loꞈ-ehˇ, aˬ yawꞈ laꞈ kʼoeˇ ciˇ ka bi naꞈ-awˇ, naw maꞈ yaw dehꞈ dehꞈ-eu jeˬ aˬ yawꞈ kʼoeˇ taˆ gawˬ daˆ leꞈ-awˇ, jah-eu jeˬ laꞈ kʼoeˇ gʼaˬ kʼaˆ dzehˬ laˇ-awˇ, Miˬyehˇ guiˬ lahˬ-ahˇ ja ceuˬ-eu jeˬ tiˬ byah ni bi ahˇ-awˬ.

Gawˇlawˇsehˇ 3:17

Naw maꞈ kʼaˇ mˇ kʼaˇ shaˇ kʼaˇ ngehˬ kʼaˇ tmˇ-eu jeˬ laꞈ kʼoeˇ, Sahˬ paˬ Yeˬsuˇ-euˬ tsawˇ myahˇ uˬ moˆ Aˬ da Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ mˇ-awˬ.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 19:4

Aˬ yuiꞈ aˬ tsu kʼoeˇ nyiˬ tseˇ oeˬ gʼaˬ hawˇ-eu dehꞈ luꞈ-eu jeˬ zaˬ kʼoeˇ oeˬ mawˇ awˆ byaˆ-awˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu Miˬyehˇ-ahˇ uˬ duˬ tahˬ-euˬ meh. “Aˬ miˬ. Miˬyehˇ-ahˇ ja ceuˬ-awˬ” lehˇ aˬ yawꞈ maꞈ ehˇ-eu meh.