Panmaeq 6:6 - Akha

⁶ Dehꞈ luꞈ-eu jeˬ zaˬ oeˬ mawˇ jawˇ gaˇ neh doˆ le-euˬ teˇ saˇ-ahˇ duˇ-awˇ, heu loꞈ-ehˇ ehˇ-eu dawˬ-ahˇ ngaˇ ya gaˬ-euˬ ma. “Cehˇ tiˬ pehˬ-euˬ tiˬ nah gʼaˬ gaˇ poeˬ tsaˬ-awˇ, lawˬ loeˇ smˇ pehˬ-euˬ tiˬ nah gʼaˬ gaˇ poeˬ tsaˬ-eu meh. Ehˇ kʼawꞈ, saˬ loˬ aˇ bawˇ hawˇ-eu aˬ gaꞈ gaꞈ yaˇ-ahˇ taˬ laˆ cawˆ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoerngae, ngar, yawdaef jeq khoer oeq mawr-euq ghanrcae, dawq ngaeq-eu gar dur-eu tersar heulof-aer aer-eu gar yagaq-euq ma, “Caer tiq paeq deqnaqlir tiq byav poeq-awr, caerguiq smr paeq deqnaqlir tiq byav poeq-eu mae. Tsir hawr-eu aqgaf dzaruir-anr taq lavcawv.”

Panmaeq 6:6 ပူးပေါင်းရင်းမြစ်များ

Jaceuq 76:10

Tsawˇ haˬ zaˬ-euˬ nui pehˇ-aˬ, nawˬ-ahˇ ja ceuˬ-eu gaˇ kawˆ bi doˆ laˇ-eu tehꞈ meh. Guiˇ deuˆ gaˇ maˬ ya shiˇ-ehˇ dzeuˇ-iˇ-euˬ deuˬ, nawˬ-ahˇ ja ceuˬ-eu bawˬ-iˬ gʼeh tehꞈ-a.

Maꞈtehˬ 24:7

Miˇ kʼahˬ tiˬ kʼahˬ tiˇ kʼahˬ guiˇ deuˆ-awˇ, tsawˇ jeuˬ tiˬ jeuˬ tiˇ jeuˬ ceh tehꞈ-a. Mehꞈ-eu shuꞈ-eu jeˬ hawˇ-eu miˇ luˆ luˆ-eu jeˬ, yawˬ gaˇ na luꞈ keuˆ le tehꞈ-a.

Panmaeq 4:6

Dzoeˬ dzaˬ nuiˇ mahˬ kʼoeˇ-euˬ mehˬ shi, doˆ coˆ-ehˇ haw mawˇ nya-eu shawˇ jehˆ ni gʼeh-eu pyawˬ haw lah-ahˇ duˇ-eu lah tiˬ lah jaˆ-eu meh. Dzoeˬ dzaˬ nuiˇ mahˬ kʼoeˇ-euˬ tiˬ jawˬ oeˬ pyawˬ luꞈ, mehˬ shi naˇ kʼah myaˆ nuiˆ tiˬ byah ni tsoꞈ gʼoeˬ taˬ-euˬ dehꞈ luꞈ-eu jeˬ zaˬ oeˬ mawˇ jawˇ-eu meh.

Panmaeq 4:8

Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”

Panmaeq 7:3

“Aˬ dui Miˬyehˇ-euˬ zaˬ kʼaˆ deuˬ-euˬ naˇ kʼawˇ-ahˇ aˬ dui jmˬ maˬ diˬ gʼaˬ kʼoeˇ keuˆ ni, miˇ tsaˬ-ahˇ maˬ ehˇ, iˬ ma laˆ shaˆ-ahˇ maˬ ehˇ, aˇ bawˇ deuˬ-ahˇ maˬ ehˇ, tiˬ jeˬ-iˬ taˬ gʼeh lawˬ siˬ” lehˇ mˬ taˆ gʼaˬ kʼehˇ kʼoeˇ gʼaˬ ehˇ-eu meh.

Panmaeq 9:4

Sahˬ lahˬ aˇ bawˇ deuˬ-ahˇ maˬ laˆ cawˆ-eu gʼaˇ duˬ, aˬ yawꞈ maꞈ-ahˇ ehˇ nehˬ taˬ-euˬ meh. Naˇ kʼawˇ-ahˇ Miˬyehˇ-euˬ jmˬ maˬ diˬ taˬ-euˬ tsawˇ haˬ deuˬ-ahˇ tehꞈ-ehˇ bi laˆ cawˆ-eu gʼaˇ duˬ pyeuꞈ-eu meh.