Panmaeq 6:5 - Akha

⁵ Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ smˇ hmˬ tiˬ hmˬ ngawˬ paˆ-euˬ meh. Kʼoeˇ ngeh, dehꞈ luꞈ-eu jeˬ zaˬ oeˬ mawˇ tiˬ mawˇ “Laˇ-awˬ” lehˇ ehˇ gaˇ ngaˇ ya gaˬ-euˬ ma. Mahˬ dziˬ-eu gʼaˬ-euˬ aˬ laꞈ-ahˇ paˆ yawˬ tuˆ tehˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Khoernar-aq, Yawrzaq, jmq diqtaq-euq smq tsanr tiqtsanr-anr pan ngae, ngar, yawdaef jeq smq mawr tiqmawr heulof-aer aer-eu gar yagaq-euq ma, “Lar-awr, hawlar-awq.” Hawsher-eq. Ngar hawghae ngae, manq manqnav tiq mawr-anr ya’mawr-euq ma. Manq-anr dziqluf-eu khoerghaq-euq aqlaf-euq lafkhoer pavyawq tuvtaeq taq-euq mae.

Panmaeq 6:5 ပူးပေါင်းရင်းမြစ်များ

Ngoeˇ dawˬ 5:10

Mehꞈ-eu baˬ da gʼawˇ mawˇ lahˇ-eu, miˬ dzaˬ tsawˬ bu-ahˇ duˇ leˇ nya.

Yeˬsaˬgeˬlaˇ 4:10

Tiˬ nah-euˬ hawˬ tahˬ tiˬ kaˇ ngaˬ ja dzaˬ-awˇ, yawˬ nah yawˬ-ahˇ keuˆ ni ya dzahˬ keuˆ meh.

Yeˬsaˬgeˬlaˇ 4:16

Kʼoeˇ naˇ, aˬ yawꞈ heu loꞈ-ehˇ paˇ ehˇ-eu meh. “Tsawˇ haˬ zaˬ-oˇ, Yeˬluˇsaˬlehˬ meuˬ-ahˇ dzaˬ dzaˬ dawˇ dawˇ sha ahˇ-eu gaˇ ma ngaˇ laˆ tsoeˬ ma. Yawˬ ha dzaˬ-eu gʼaˇ duˬ dzaˬ dzaˬ dawˇ dawˇ hawˇ-eu iˇ cuꞈ nym le-eu gaˇ haw haw-ehˇ, kʼoeˇ gaˇ jawˇ-eu tsawˇ haˬ deuˬ noeˬ shaˬ-awˇ nui ma cawˆ dui dui tehꞈ-a.

Uˬ duˬ 26:26

Naw maꞈ-euˬ dzaˬ dzaˬ dawˇ dawˇ sha miˇ-eu gaˇ ma ngaˇ deuˆ tsehˆ-euˬ miˇ neh, zaˬ miˬ zaˬ tseˇ gʼaˬ kʼaˇ jaˆ-eu kaˬ muˇ yuˇ uiˬ-awˇ jahˇ ngeh, mui za za zaˬ tiˬ siˬ laꞈ kʼoeˇ jahˇ loꞈ ni tehꞈ-ehˇ jaˆ tehꞈ-a. Kaˬ muˇ kʼoeˇ aˬ yawꞈ maꞈ biˇ doe nehˬ-awˇ, naw maꞈ dzaˬ jiˇ ngeh, maˬ ya dzaˬ dehˆ-ehˇ ya shaˬ tehꞈ-a.

Zaˬkaˬliˇ 6:2

Laˆ lawˬ yaw beh laˇ-ahˇ mahˬ mahˬ neˇ gʼeu-awˇ, nyiˬ laˇ tiˬ laˇ-ahˇ mahˬ mahˬ naˆ gʼeu luꞈ-eu meh.

Zaˬkaˬliˇ 6:6

Mahˬ mahˬ naˆ neh gʼeu-euˬ laˆ lawˬ kʼoeˇ laˇ-aˬ, laꞈ taˆ paw pyawˬ-ahˇ jaˆ-eu Baˬbuˇloˬ miˇ kʼahˬ paw le-awˇ, mahˬ mahˬ pyuˇ neh gʼeu-euˬ laˆ lawˬ kʼoeˇ laˇ-aˬ, nahˇ ma ga kʼehˬ paw pyawˬ-ahˇ jaˆ-eu miˇ kʼahˬ paw iˇ-eu meh. Mahˬ mahˬ byaꞈ neh gʼeu-euˬ laˆ lawˬ kʼoeˇ laˇ-aˬ, laꞈ oˆ paw pyawˬ-ahˇ jaˆ-eu miˇ kʼahˬ paw iˇ-eu meh.”

Maꞈtehˬ 24:7

Miˇ kʼahˬ tiˬ kʼahˬ tiˇ kʼahˬ guiˇ deuˆ-awˇ, tsawˇ jeuˬ tiˬ jeuˬ tiˇ jeuˬ ceh tehꞈ-a. Mehꞈ-eu shuꞈ-eu jeˬ hawˇ-eu miˇ luˆ luˆ-eu jeˬ, yawˬ gaˇ na luꞈ keuˆ le tehꞈ-a.

Panmaeq 5:5

Kʼoeˇ ngeh, aˬ yuiꞈ aˬ tsu kʼoeˇ deuˬ laꞈ kʼoeˇ tiˬ gʼaˬ, ngaˬ-ahˇ heu loꞈ-ehˇ ehˇ-eu meh. “Taˬ ngoeˇ. Haw-awˬ. Yuˇdaˆ tsawˇ jeuˬ-euˬ Aˇ laˬ jaˬ shiˇ pyeuꞈ-eu, Daˬbiˇ-euˬ Duˬ ciˇ kʼoeˇ gʼaˬ guiˇ deuˆ gʼaˬ-euˬ meh. Jmˬ shiꞈ tsahˇ diˬ taˬ-euˬ kʼoeˇ aˬ yawꞈ ngawˬ paˆ-awˇ, sahˬ boꞈ paˇ yoˆ pah nya meh.”

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.

Panmaeq 6:1

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ yaw beh hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ laꞈ kʼoeˇ tiˬ mawˇ, “Laˇ-awˬ” lehˇ mˬ jeˬ jeˬ-eu teˇ saˇ loꞈ-ehˇ ehˇ gaˇ ngaˇ ya gaˬ-euˬ ma.