Panmaeq 6:16 - Akha

¹⁶ Gawˬ jawˬ hawˇ-eu lo guˇ deuˬ-ahˇ aˬ yawꞈ maꞈ guˇ guˇ-ehˇ ehˇ-eu, “Nga maꞈ kʼoeˇ taˆ byaˆ tehˬ le-awˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ-euˬ myaˆ nuiˆ hawˇ-eu, Yawˇzaˬ-euˬ nui ma pehˇ-eu jeˬ-ahˇ maˬ bi mawˇ ni dehˬ kaˬ nehˬ laꞈ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqyawfmaf gawqjawq hawr-eu khaqlo deuq-anr aernaeq-eu, “Nga’maf, nuirmanq-anr nuirluf-eu ghaq-euq myavpyawq-anr maqya mawr-aer, Yawrzaq nuima paer-eu gar maqya daqni, nga’maf-anr byavtaeq le-awr lavzaf naeqlaf-awq.

Panmaeq 6:16 ပူးပေါင်းရင်းမြစ်များ

Jaceuq 14:5

Aˬyawꞈmaꞈtsawˬguˆ-iˇtehꞈ-a. Aˬjeˬmiˇneh nga lehˇehˇnaˇ, yawꞈdawˬgaˬ-eu tsawˇhaˬdeuˬ-ahˇ, SahˬpaˬMiˬyehˇmaˬbyehˇdzeh-a.

Iˇsaˬyaˇ 2:10

Sahˬpaˬ Miˬyehˇ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo byoe doe ni cehˆ uˇ-awˇ, kʼaˬ lehˇ dawˬ dah siˇ byoˆ-awˬ.

Yeˬlaˬmiˇ 8:3

Haiˬ-eu tsawˇ jeuˬ heu jeuˬ laꞈ kʼoeˇ, maˬ shiˇ-ehˇ dzeuˇ-iˇ-awˇ, ngaˬ neh kʼaˇ teh dzeh nehˬ-euˬ gaˇ dehꞈ gʼawˬ-awˇ jawˇ-eu deuˬ kʼawꞈ, dehꞈ-eu naˆ maˬ tseˇ shiˇ mawꞈ dzehˬ tehꞈ-a lehˇ Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 10:8

Iˇsaˬleˬlaˆ uˬ duˬ tahˬ-euˬ, tahˬ pahˬ aˬ ma kʼoeˇ deuˬ jaˆ-eu, Aˬbehˇ meuˬ-euˬ gawˬ duˇ uˬ du, jaˆ-eu uˬ duˬ tahˬ nymˇ kʼoeˇ deuˬ, ya luˬ ya seˇ-iˇ jiˇ tehꞈ-a. Lawˇ duˬ kʼoeˇ deuˬ jaˆ-eu kʼoeˇ taˆ, aˬ gah baw duˆ uˆ byoˆ tehꞈ-a. “Nga maꞈ-ahˇ byaˆ tehˬ le-awˬ” lehˇ, gawˬ jawˬ-ahˇ aˬ yawꞈ maꞈ guˇ-awˇ, “Nga maꞈ-ahˇ pymˬ tehˬ le-awˬ” lehˇ, gawˬ duˇ-ahˇ yawꞈ maꞈ guˇ tehꞈ-a.

Maꞈtehˬ 26:64

Yeˬsuˇ ehˇ-eu, “Nawˇ ehˇ luꞈ ngaˇ tawˇ. Ehˇ kʼawꞈ, naw maꞈ dawˬ tawˆ luꞈ-ahˇ ngaˇ heu loꞈ-ehˇ ehˇ-eu ma. Aˬ kaˇ naˇ, Tsawˇhaˬ-euˬ Zaˬmaˇ-aˬ, Baoˬ huiˬ-eu Miˬyehˇ-euˬ aˇ maˇ paw nuiˇ luꞈ gaˇ maˬ ehˇ, mˬ taˆ mˬ dmˇ dziˬ-awˇ oe gaˇ maˬ ehˇ, naw maꞈ ya mawˇ tehꞈ-a.”

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Luˇkaꞈ 23:30

Kʼoeˇ ngeh jawˇ, gawˬ jawˬ-ahˇ ‘Nga maꞈ kʼoeˇ taˆ byaˆ tehˬ leꞈ-awˬ’ lehˇ ya ehˇ-awˇ, gawˬ duˇ-ahˇ ‘Nga maꞈ kʼoeˇ taˆ pymˬ tehˬ leꞈ-awˬ’ lehˇ ya ehˇ gaˇ keuˆ tehꞈ-a.

Panmaeq 10:6

Kʼoeˇ naˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu, mˬ, miˇ, iˬ ma laˆ shaˆ hawˇ-eu kʼoeˇ deuˬ-euˬ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ beh-euˬ Miˬyehˇ-euˬ tsawˇ myahˇ uˬ moˆ heu loꞈ-ehˇ kamˬ-eu meh. “Aˇ yamˬ maˬ paˇ jiˆ nya meh.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Panmaeq 20:11

Kʼoeˇ naˇ, pyuˇ deuˬ ni gʼeh-eu huiˬ dui dui-eu dzoeˬ dzaˬ nuiˇ mahˬ hawˇ-eu kʼoeˇ gaˇ nuiˇ luꞈ-eu gʼaˬ-ahˇ ngaˇ ya mawˇ-euˬ ma. Mˬ hawˇ-eu miˇ tsaˬ aˬ yawꞈ-euˬ mehˬ shi cehˆ byoˆ-awˇ, tiˬ jawˇ-iˬ maˬ paˇ ya mawˇ ni byoˆ-iˇ-euˬ meh.

Panmaeq 4:2

Kʼoeˇ ngeh, tiˬ poˆ tehꞈ-ehˇ Yaw sahˇ Miˬyehˇ ngaˬ-ahˇ uˆ lahˇ le-euˬ meh. Mˬ kʼoeˇ taˆ dzoeˬ dzaˬ nuiˇ mahˬ tiˬ mahˬ jaˆ-awˇ, tsawˇ haˬ tiˬ gʼaˬ nuiˇ luꞈ-eu meh.

Panmaeq 4:5

Dzoeˬ dzaˬ nuiˇ mahˬ kʼoeˇ mahˬ mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ mahˇ doˆ laˇ-eu meh. Dzoeˬ dzaˬ nuiˇ mahˬ mehˬ shi Miˬyehˇ-euˬ yaw sahˇ shiꞈ sahˇ pyeuꞈ-eu tsiˇ du shiꞈ du doꞈ luꞈ-eu meh.

Panmaeq 4:9

Jeˬ zaˬ kʼoeˇ oeˬ mawˇ-aˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu mˬ maˬ maˬ byaˆ zaˇ ziˆ dehꞈ-eu gʼaˬ-ahˇ, yaw shehꞈ kʼahˬ sehˇ huiˬ gaˇ ja ceuˬ-eu caˇ dawˬ, ciˬ huiˬ ciˬ mahˇ-eu caˇ dawˬ hawˇ-eu, guiˬ lahˬ-ahˇ ja ceuˬ-eu caˇ dawˬ caˇ-eu meh. Aˬ yawꞈ maꞈ kʼoeˇ loꞈ-ehˇ caˇ ngeh,

Panmaeq 5:1

Dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ-euˬ aˇ maˇ laꞈ-ahˇ, sahˬ boꞈ paˇ yoˆ tiˬ yoˆ tuˆ tehˬ taˬ-euˬ gaˇ ngaˇ ya mawˇ-euˬ ma. Nyiˬ pyawˬ luꞈ sahˬ boꞈ boꞈ byah taˬ-awˇ, jmˬ shiꞈ tsahˇ diˬ taˬ-euˬ meh.

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.

Panmaeq 9:6

Ba la kʼoeˇ ngaˬ siˬ laꞈ kʼoeˇ, tsawˇ haˬ kʼoeˇ deuˬ shiˇ-eu jeˬ-ahˇ poˆ tehꞈ-a. Ehˇ kʼawꞈ, maˬ poˆ mawˇ nya ni ya shaˬ tehꞈ-a. Aˬ yawꞈ maꞈ shiˇ mawꞈ dui dui tehꞈ-a. Ehˇ kʼawꞈ, shiˇ-eu jeˬ aˬ yawꞈ maꞈ-ahˇ cehˆ dzeuˇ tehꞈ-a.