Panmaeq 6:13 - Akha

¹³ Aˬ guiˇ deuˬ kʼawꞈ, maˬ awꞈ laˇ dah-euˬ siˬ guˬ aˇ siˬ-ahˇ jaˬ lehˇ lehˇ ma neh bi baw juˆ ka-euˬ loꞈ-ehˇ miˇ tsa ga ka le-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Jaqlaer laerma bawlar-awr, siqguq marsheur-euq arbawr-anr bawnyaeler ngae, arsiq yawtsan gale-eu lof-aer, mq-euq khoertav-euq aqguir deuq mirtsaq-euq khoertav gale-euq mae.

Panmaeq 6:13 ပူးပေါင်းရင်းမြစ်များ

Yawˇbaˆ 15:33

Maˬ gʼahˇ laˇ-euˬ aˇ siˬ deuˬ bi ga jiˇ-euˬ aˬ gaꞈ baw duˆ hawˇ-eu, aˇ yehˆ ga jiˇ-euˬ saˬ loˬ aˇ bawˇ-ahˇ aˬ yawꞈ duˇ leˇ tehꞈ-a.

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Iˇsaˬyaˇ 33:9

Miˇ kʼahˬ ngoeˇ doˆ laˇ-awˇ gʼaˬ baˬ-iˇ luꞈ meh. Leˬbaˬnoˬ sahˬ kʼaˆ nyoeˬ-iˇ-awˇ, miˇ muiˬ muiˬ-eu Shaˬloˬ deh kʼawꞈ, kʼaˇ shuiꞈ deh yaˇ pyeuꞈ-iˇ-euˬ meh. Baˬshaˬ miˇ tsaˬ hawˇ-eu Gaˬlaˬmeˬlaˇ gawˬ jawˬ, aˇ bawˇ aˇ paꞈ ga jiˇ-euˬ meh.

Iˇsaˬyaˇ 34:4

Nahˇ ma, ba la, aˬ guiˇ dawˬ tawˆ guiˇ byoˆ jiˇ-awˇ, saˬ nmˇ lehˬ yoˆ-eu loꞈ-ehˇ mˬ lehˬ yoˆ kʼoꞈ-awˇ, siˬ guˬ maˇ sheuˇ aˇ paꞈ ga-eu loꞈ-ehˇ, aˬ guiˇ dawˬ tawˆ ga le tehꞈ-a.

Iˇsaˬyaˇ 7:2

Suˇliˆ guiˇ maꞈ deuˬ Iˇsaˬleˬlaˆ miˇ kʼahˬ-ahˇ oe uiˬ taˬ-euˬ gaˇ kawˆ Yuˇdaˆ sahˬ paˬ ya gaˬ ngeh, aˬ yawꞈ hawˇ-eu aˬ yawꞈ-euˬ tsawˇ haˬ deuˬ dawˬ tawˆ luꞈ guˆ dui dui-iˇ-awˇ, jaˬ lehˇ neh bi baw nyeh-euˬ aˇ bawˇ loꞈ-ehˇ yaw dzuˬ dzuˬ dui dui-euˬ meh.

Yeˬsaˬgeˬlaˇ 32:7

Nawˬ-ahˇ ngaˇ laˆ cawˆ nehˬ ngeh nah, mˬ-ahˇ ngaˇ dehˬ kaˬ-eu laꞈ kʼoeˇ, aˬ guiˇ zahˇ tsui ni bi jaˆ ma. Nahˇ ma-ahˇ mˬ dmˇ dehˬ kaˬ-awˇ, ba la tsehˬ-eu bi naˬ leˇ ma.

Daˬyeˬlaˇ 4:14

Aˬ yawꞈ yaw kʼaˆ-ehˇ guˇ-awˇ heu loꞈ-ehˇ ehˇ-eu meh. Aˇ bawˇ heu bawˇ tuˇ lawˇ-awˇ uˬ laꞈ deuˆ tsehˆ dzeh jiˇ-awˬ. Aˇ paꞈ juˆ dzeh jiˇ-awˇ, aˇ siˬ byaˆ byoˆ jiˇ-awˬ. Aˇ bawˇ dawˬ pehˬ-ahˇ jawˇ-eu jeˬ zaˬ deuˬ teh dzeh jiˇ-awˇ, uˬ laꞈ-ahˇ dawꞈ-eu aˇ jiˇ deuˬ teh zaw jiˇ-awˬ.

Daˬyeˬlaˇ 8:10

Uˬ coeˇ kʼoeˇ kahˬ gʼaˬ kʼaˆ dui dui laˇ-awˇ, mˬ taˆ guiˇ maꞈ-ahˇ maˬ ehˇ, aˬ guiˇ deuˬ-ahˇ maˬ ehˇ, guiˇ deuˆ nya laˇ-euˬ meh. Aˬ guiˇ tiˬ paˆ na deuˬ-ahˇ miˇ ca deuˆ ka-awˇ, nawˬ pahˬ-euˬ meh.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Naˬhmˬ 3:12

Nawˬ-euˬ taˆ yaw ziꞈ dawˬ tawˆ luꞈ, aˇ siˬ awꞈ laˇ yaˇ laˇ jiˇ-euˬ, siˬ guˬ aˇ bawˇ tiˬ bawˇ loꞈ-ehˇ, kʼaˬ meh mˇ nga-awˇ ngawˬ zuˆ ngeh, kʼaˬ meh-ahˇ ga ahˇ jiˇ tehꞈ-a.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maˬkuˆ 13:25

aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Luˇkaꞈ 21:25

“Nahˇ ma, ba la, aˬ guiˇ laꞈ kʼoeˇ, bi siˬ bi mawˇ-eu gʼawˬ mya jeˬ pyeuꞈ doˆ laˇ tehꞈ-a. Miˇ tsaˬ tsawˇ jeuˬ deuˬ iˬ ma laˆ shaˆ iˇ luˆ dzeh-awˇ teˇ saˇ mahˇ gaˇ guˆ dui dui-awˇ, zahˬ leˇ tsoˆ leˇ tehꞈ-a.

Panmaeq 9:1

Kʼoeˇ naˇ, mˬ taˆ gʼaˬ kʼehˇ ngaˬ gʼaˬ tiˬ gʼaˬ daˇ heh baw ngeh, aˬ guiˇ tiˬ siˬ miˇ tsaˬ kʼoeˇ taˆ ga ka le gaˇ ngaˇ ya mawˇ-euˬ ma. Aˬ guiˇ kʼoeˇ siˬ-ahˇ maˬ li-iˇ nya-eu duˬ kʼahˬ -ahˇ pah-eu mahˬ tawꞈ kahˬ biꞈ taˬ-euˬ meh.