Panmaeq 5:6 - Akha

⁶ Kʼoeˇ naˇ, jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ deuˬ tiˬ jawˬ jawˇ luꞈ-eu gʼahˇ ceh jaˆ-eu dzoeˬ dzaˬ nuiˇ mahˬ kʼoeˇ taˆ, Yawˇzaˬ yawꞈ luꞈ gaˇ ya mawˇ-euˬ ma. Yawˇzaˬ kʼoeˇ-aˬ, bi sehꞈ-euˬ gaˇ duˇ-eu meh. Uˬ coeˇ shiꞈ coeˇ tsoꞈ-awˇ, myaˆ nuiˆ shiꞈ nuiˆ tsoꞈ-eu meh. Kʼoeˇ-aˬ, miˇ tsaˬ doe ni pyehˬ taˬ-euˬ Miˬyehˇ-euˬ yaw sahˇ shiꞈ sahˇ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoerngae, ngar, aqyuif aqtsu deuq-euq ghanrcae, nuirmanq hawr-eu yawdaef jeq khoer oeq mawr-euq yawkaq-anr Yawrzaq yawfluf-eu gar ya’mawr-euq ma. Yawrzaq-aq, saef-euq gar yadaq-euq lof-aer dur-eu mae. Aqyawf-aq, uqcoer shif coer tsof-awr, myavnuiv shif nuiv tsof-eu mae. Myavnuiv khoer shif nuiv-aq, mirtsaq-euq khoertav doeni Miqyaer nae bi irbyan taq-euq Miqyaer-euq Saflar shif lar mae.

Panmaeq 5:6 ပူးပေါင်းရင်းမြစ်များ

2 Laˬsaˬbaˬ 16:9

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ yaw muiˬ paˬ-ehˇ haw luꞈ-awˇ, aˬ yawꞈ-ahˇ saˇ jaˇ ziꞈ-eu deuˬ-ahˇ gʼaˬ biꞈ luꞈ-eu meh. Nawˇ yaw muiˬ paˬ-ehˇ maˬ shaˇ noeˬ ni kʼoeˇ loꞈ-ehˇ mˇ lehˬ-euˬ miˇ neh, iˬ nah neh aˇ dahˬ beh-awˇ mehˬ hu paw dehꞈ daˆ leꞈ ngeh, nawˇ aˬ myah luꞈ guiˇ ya deuˆ tehꞈ-a.”

Daˬyeˬlaˇ 7:14

Miˇ tsaˬ tsawˇ jeuˬ tsawˇ ca dawˬ tawˆ luꞈ hawˇ-eu, miˇ kʼahˬ dawˬ tawˆ luꞈ aˬ yawꞈ-euˬ laꞈ oˆ bi jawˇ-eu gʼaˇ duˬ, uˆ lahˇ-eu baoˬ hawˇ-eu miˇ kʼahˬ dawˬ tawˆ luꞈ maˬ ehˇ, taˬ huiˬ taˬ mahˇ-eu jeˬ hawˇ-eu yaw shehꞈ kʼahˬ sehˇ dawˬ tawˆ luꞈ maˬ ehˇ, aˬ yawꞈ-ahˇ biꞈ-euˬ meh. Aˬ yawꞈ uˆ lahˇ-eu jeˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ miˇ kʼahˬ tiˬ jawˇ-iˬ maˬ cawˆ-iˇ-a.

Daˬyeˬlaˇ 8:3

Lawˇ baˬ lawˇ dzeˇ-ahˇ, uˬ coeˇ coeˇ mahˇ nyiˬ kahˬ tsoꞈ-eu yawˇ tiˬ mawˇ ngaˇ mawˇ-euˬ ma. Uˬ coeˇ tiˬ kahˬ-aˬ, mahˇ dzehˬ-awˇ shuiꞈ dzehˬ-eu meh.

Miˇkaˬ 4:13

Sahˬpaˬ Miˬyehˇ ehˇ-eu, “Yeˬluˇ=saˬlehˬ meuˬ-ahˇ jawˇ-eu tsawˇ haˬ deuˬ-oˇ, iˇ-awˇ naw maꞈ-ahˇ muiˇ-eu tsawˇ haˬ deuˬ-ahˇ kʼehˬ nehˬ-iˇ-awˬ. Shmˇ uˬ coeˇ tsoꞈ-awˇ guiˬ kuiˇ sehˬ tsoꞈ-eu mawˇ neˇ mawˇ gaw tiˬ mawˇ loꞈ-ehˇ, naw maꞈ gʼaˬ kʼaˆ ni ngaˇ jahˇ ma. Miˇ kʼahˬ gʼawˬ mya kʼahˬ-ahˇ naw maꞈ deh meuˇ-awˇ, aˬ yawꞈ maꞈ neh ceh za deuˆ za taˬ-euˬ pyuˇ shuiˇ myawˬ gahˬ deuˬ naw maꞈ yuˇ-awˇ, miˇ kʼahˬ dawˬ tawˆ luꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ ya a nehˬ laˇ meh.”

Haˬbaˬkuˆ 3:4

Mˬ myawꞈ myawꞈ ngeh bya-eu loꞈ-ehˇ, aˬ yawꞈ oe-eu yaw shehꞈ bya-awˇ, baoˬ tuˆ zaꞈ-euˬ aˬ laꞈ kʼoeˇ laꞈ, yaw shehꞈ bya cehˆ ni jaˆ-eu meh.

Zaˬkaˬliˇ 3:9

Pyawˬ ma shiꞈ pyawˬ baw-eu kʼaˬ lo tiˬ siˬ Yawˇshuˆ mehˬ shi ngaˇ bi jaˆ ma. Kʼoeˇ-euˬ kʼoeˇ taˆ ngaˇ sahˬ boꞈ toeˬ boꞈ-awˇ, tiˬ nah laꞈ kʼoeˇ tehꞈ- ehˇ miˇ kʼahˬ heu kʼahˬ-euˬ iˬ baˇ ngaˇ tsiˬ shawˇ ma.

Bawˇtsahˬ 7:39

miˬ dzaˬ dzah puiˆ-awˇ lawˇ-eu jeˬ lawˇ-eu gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

Bawˇtsahˬ 7:57

miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu, tiˬ myaˇ byah-eu yawˇ zaˬ aˬ buˬ tiˬ mawˇ,

Luˇkaꞈ 1:69

Yawꞈ-euˬ zaˬ kʼaˆ Daˬbiˇ o neh, baoˬ huiˬ-eu Ka kʼoꞈ-eu yaw sahˇ, aˬ dui-ahˇ biꞈ nehˬ leꞈ-euˬ meh.

Yoˇhaˬ 1:29

Yawˬ nah yawˬ, Yeˬsuˇ oe luꞈ gaˇ Yoˇhaˬ mawˇ-awˇ ehˇ-eu, “Miˇ tsaˬ zaˬ-euˬ iˬ baˇ-ahˇ pi dzeh le-euˬ Miˬyehˇ-euˬ yawˇ zaˬ-ahˇ haw sheˇ.

Yoˇhaˬ 1:36

Yeˬsuˇ oe luꞈ gaˇ aˬ yawꞈ ya mawˇ ngeh, “Miˬyehˇ-euˬ Yawˇ zaˬ-ahˇ haw sheˇ” lehˇ ehˇ-eu meh.

Gʼaˬkʼehˇ 8:32

Aˬ yawꞈ gui luꞈ-eu Jaˇliꞈ aˇ deuˆ kʼoeˇ deuˆ-aˬ, heu loꞈ-ehˇ meh. “Diˬ sehꞈ-eu lehˇ bi tsahˇ gʼeh-euˬ, yawˇ-ahˇ aˬ yawꞈ duˇ leˇ-eu meh. Caꞈ hm bi tehˬ luꞈ-eu yawˇ zaˬ, ciˬ cuˇ ni awˆ daˬ-eu loꞈ-ehˇ, aˬ yawꞈ dawˬ maˬ ngehˬ doˆ laˇ-a.

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Panmaeq 12:11

Aˬ dui-euˬ aˬ yuiꞈ aˬ nyiˇ Ka li zaˬ deuˬ-aˬ, Yawˇzaˬ-euˬ shiˬ hawˇ-eu aˬ yawꞈ maꞈ mehˬ luꞈ-eu yaw tsaˬ yaw dawˇ jeˬ baˬ da neh aˬ yawꞈ-ahˇ gʼaˬ leˇ-euˬ meh. Aˬ yawꞈ maꞈ-aˬ, gʼawˇ mawˇ shiˇ dah peuˬ-eu meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

Panmaeq 14:1

Kʼoeˇ naˇ, ngaˇ haw gʼeh leꞈ ngeh, Ziˇoˬ gawˬ jawˬ kʼoeˇ taˆ Yawˇzaˬ yawꞈ luꞈ gaˇ ya mawˇ-euˬ ma. Naˇ kʼawˇ-ahˇ aˬ yawꞈ Aˬda-euˬ tsawˇ myahˇ hawˇ-eu aˬ yawꞈ-euˬ tsawˇ myahˇ boꞈ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ, aˬ yawꞈ nehˬ-ehˇ jawˇ-eu meh.

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Panmaeq 21:22

Meuˬ kʼoeˇ meuˬ laꞈ kʼoeˇ, uˬ duˬ tahˬ nymˇ nymˇ ma jaˆ gaˇ ngaˇ maˬ ya mawˇ-aˬ. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ hawˇ-eu Yawˇzaˬ-aˬ, meuˬ kʼoeˇ meuˬ-euˬ uˬ duˬ tahˬ nymˇ nymˇ ma pyeuꞈ-eu meh.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Panmaeq 22:3

Meuˬ kʼoeˇ meuˬ laꞈ kʼoeˇ Miˬyehˇ neh yaˬ kʼehˇ bi yaˬ-euˬ jeˬ tiˬ jeˬ-iˬ maˬ ya mawˇ-a. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ meuˬ kʼoeˇ meuˬ-ahˇ jaˆ-awˇ, aˬ yawꞈ-euˬ zaˬ kʼaˆ deuˬ aˬ yawꞈ-ahˇ uˬ duˬ tahˬ tehꞈ-a.

Panmaeq 4:8

Jeˬ zaˬ aˬ yawꞈ mawˇ yawꞈ aˬ dahˇ koꞈ dahˇ tsoꞈ-awˇ, aˬ dahˇ kʼoeˇ deuˬ-euˬ laꞈ kʼoeˇ laꞈ nyiˇ nyiˬ pyawˬ luꞈ myaˆ nuiˆ tiˬ byah ni tsoꞈ gʼoeˬ taˬ-euˬ meh. Jeˬ zaˬ kʼoeˇ deuˬ uˬ ciꞈ nah gʼahˇ maˬ ehˇ heu loꞈ-ehˇ caˇ-eu meh. “Baoˬ huiˬ-eu Sahˬpaˬ Miˬyehˇ-aˬ, muiˬ meh shawˇ meh, muiˬ meh shawˇ meh, muiˬmeh shawˇ meh. Aˇ hu maˬ ehˇ, nymˬ-mˇ maˬ ehˇ, mˬ maˬ maˬ byaˆ zaˇ ziˇ dehꞈ meh.”

Panmaeq 5:11

Ngaˇ paˇ haw gʼeh leꞈ ngeh, mˬ taˆ gʼaˬ kʼehˇ aˇ seh aˇ lamˬ-euˬ teˇ saˇ ya gaˬ-euˬ ma. Dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ nyiˬ tseˇ oeˬ gʼaˬ-euˬ tiˬ jawˬ, aˬ yawꞈ maꞈ yawꞈ luꞈ-eu meh.

Panmaeq 5:12

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ heu loꞈ-ehˇ caˇ-eu meh. “Sehꞈ gaˇ ya daˬ-euˬ Yawˇzaˬ-aˬ, baoˬ hawˇ-eu pyuˇ shuiˇ myawˬ gahˬ, zaˬ siˬ tsawˇ gahˇ hawˇ-eu gʼaˬ, taˬ huiˬ taˬ mahˇ nehˬ-eu jeˬ, yaw shehꞈkʼahˬsehˇ huiˬ-eu jeˬ, ja ceuˬ nehˬ-eu jeˬ, heu deuˬ-ahˇ za geuˇ-eu meh.

Panmaeq 5:13

Kʼoeˇ naˇ, mˬ kʼoeˇ taˆ, miˇ tsaˬ kʼoeˇ taˆ hawˇ-eu, miˇ oˆ kʼahˬ hawˇ-eu iˬ ma laˆ shaˆ-ahˇ kʼaˇ dehꞈ kʼaˇ jawˇ-eu jeˬ pyeuꞈ-eu, boeˬ boeˬ luˆ luˆ laꞈ kʼoeˇ kʼaˇ dehꞈ kʼaˇ jawˇ-eu deuˬ dawˬ tawˆ luꞈ-euˬ teˇ saˇ ngaˇ ya gaˬ-euˬ ma. Aˬ yawꞈ maꞈ heu loꞈ-ehˇ caˇ luꞈ-eu meh. “Nuiˇ mahˬ-ahˇ nuiˇ-eu gʼaˬ hawˇ-eu Yawˇ zaˬ-ahˇ, yaw shehꞈ kʼahˬsehˇ hawˇ-eu baoˬ, mˬ mˬ maˬ byaˆ zaˇ zi jaˆ luꞈ-uˇ”

Panmaeq 5:14

Kʼoeˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ “Aˬ miˬ” lehˇ ehˇ kʼoꞈ nehˬ-euˬ meh. Kʼoeˇ naˇ, aˬ yuiꞈ aˬ tsu kʼoeˇ deuˬ awˆ byaˆ-awˇ uˬ duˬ tahˬ-euˬ meh.

Panmaeq 6:16

Gawˬ jawˬ hawˇ-eu lo guˇ deuˬ-ahˇ aˬ yawꞈ maꞈ guˇ guˇ-ehˇ ehˇ-eu, “Nga maꞈ kʼoeˇ taˆ byaˆ tehˬ le-awˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ-euˬ myaˆ nuiˆ hawˇ-eu, Yawˇzaˬ-euˬ nui ma pehˇ-eu jeˬ-ahˇ maˬ bi mawˇ ni dehˬ kaˬ nehˬ laꞈ-awˬ.

1 Saˬmeuˬlaˆ 2:10

SahˬpaˬMiˬyehˇ-ahˇ muiˇ-eu deuˬ, luˬ-iˇ seˇ-iˇ gaˇ keuˆ tehꞈ-a. Aˬ yawꞈ maꞈ-ahˇ mˬ kʼoeˇ taˆ neh, mˬ jeˬ tsawˬ tehˆ bi tehˆ tehꞈ-a. Miˇ tsaˬ zaˬ dawˬ tawˆ-ahˇ, Sahˬpaˬ Miˬyehˇ yaˇ kʼaˬ daˇ meh. Yawꞈ neh ka nehˬ-euˬ sahˬ paˬ-ahˇ, dzoeˬdzaˬ-eu baoˬyawꞈ biꞈ nehˬ-awˇ, yawꞈ neh tseˇ doˆ-euˬ sahˬ paˬ-ahˇ, gʼaˬ leˇ-eu gʼaˬ bi pyeuꞈ tehꞈ-a.”