Panmaeq 4:6 - Akha

⁶ Dzoeˬ dzaˬ nuiˇ mahˬ kʼoeˇ-euˬ mehˬ shi, doˆ coˆ-ehˇ haw mawˇ nya-eu shawˇ jehˆ ni gʼeh-eu pyawˬ haw lah-ahˇ duˇ-eu lah tiˬ lah jaˆ-eu meh. Dzoeˬ dzaˬ nuiˇ mahˬ kʼoeˇ-euˬ tiˬ jawˬ oeˬ pyawˬ luꞈ, mehˬ shi naˇ kʼah myaˆ nuiˆ tiˬ byah ni tsoꞈ gʼoeˬ taˬ-euˬ dehꞈ luꞈ-eu jeˬ zaˬ oeˬ mawˇ jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Nuirmanq-euq maeqshi, jeq-oq saer-anr dur-eu pyawqhaw-euq iqmalavshav jav-eu mae. Nuirmanq-euq ghanrcae hawr-eu tiqjawq, maeqshi narkhan-aer myavnuiv tiqbyanni tsof-eu yawdaef jeq oeq mawr jawr-eu mae.

Panmaeq 4:6 ပူးပေါင်းရင်းမြစ်များ

1 Sahˬpaˬ 7:23

Yaw naꞈ paw ngaˬ caˆ, mehˬ kʼehˬ yaw jeˇ paw nyiˬ lmˇ nui paˆ, yaw huiˬ paw caˆ jawˬ shiꞈ lmˇ nui paˆ byah-eu guiˬ shuiˇ lah tiˬ lah Huˇlamˬ neh kʼaˇ-euˬ meh.

Yawˇbaˆ 28:17

Zaˬ siˬ tsawˇ gahˇ-aˬ, shuiˇ naˆ maˬ tseˇ aˇ poeˬ kʼaˆ-awˇ, shuiˇ myawˬ guˇ hawˇ-eu muiˬ dui dui-eu kʼaw teuꞈ ba la sehˇ neh maˬ paˇ za nya-a.

Doˆ-iˇ 38:8

Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ gaˇ mˇ-eu zaˬ miˬ zaˬ deuˬ-euˬ kʼaw teuꞈ ba la deuˬ yuˇ uiˬ-awˇ, guiˬ shuiˇ sehˇ byehˇ hawˇ-eu kʼoeˇ-euˬ aˬ kuiˇ jahˇ-euˬ meh.

Yeˬsaˬgeˬlaˇ 10:12

Naˇ kʼah paw maˬ ehˇ, aˬ laꞈ-ahˇ maˬ ehˇ, aˬ dahˇ-ahˇ maˬ ehˇ, aˇ beuˆ deuˬ-ahˇ maˬ ehˇ, mawˇ lah-ehˇ myaˆ nuiˆ tsoꞈ byah taˬ-euˬ meh.

Yeˬsaˬgeˬlaˇ 10:14

Jeˬluˇbeˬ tiˬ mawˇ-euˬ myaˆ pyawˬ oeˬ pyawˬ tsoꞈ-eu meh. Mawˇ neˇ myaˆ pyawˬ, tsawˇ haˬ myaˆ pyawˬ, aˇ laˬ jaˬ shiˇ myaˆ pyawˬ hawˇ-eu, kʼaˬ dzeˇ myaˆ pyawˬ meh.

Panmaeq 14:3

Tsawˇ haˬ tiˬ seh oeˬ muiˇ oeˬ heˇ gʼaˬ kʼoeˇ-aˬ, dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ deuˬ-euˬ mehˬ shi yawꞈ luꞈ-eu meh. Aˬ yawꞈ maꞈ-aˬ, aˬ cawˬ maˬ caˇ nya-eu caˇdawˬ yaw shuiꞈ tiˬ bymˇ caˇ luꞈ-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ, aˬ yawꞈ maꞈ tehꞈ-ehˇ ka kʼoꞈ-eu jeˬ za-euˬ meh.

Panmaeq 15:2

Kʼoeˇ naˇ, miˬ dzaˬ nehˬ-ehˇ laˆ keuˬ taˬ-euˬ pyawˬ haw lah-ahˇ duˇ-eu jeˬ-ahˇ ngaˇ ya mawˇ-euˬ ma. Jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ maˬ ehˇ, tsawˇ myahˇ naˬ baꞈ neh myahˇ taˬ-euˬ gʼaˬ-ahˇ guiˇ deuˆ gʼaˬ-euˬ deuˬ-ahˇ maˬ ehˇ, ngaˇ ya mawˇ-euˬ ma. Aˬ yawꞈ maꞈ-aˬ, Miˬyehˇ neh biꞈ-euˬ deuˇ-mˬ yuˇ-awˇ, pyawˬ haw lah dawˬ peh yawꞈ luꞈ-eu meh.

Panmaeq 15:7

Dehꞈ luꞈ-eu jeˬ zaˬ kʼoeˇ shiꞈ mawˇ laꞈ kʼoeˇ tiˬ mawˇ-aˬ, mˬ taˆ gʼaˬ kʼehˇ kʼoeˇ shiꞈ gʼaˬ-ahˇ, mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ nui ma pehˇ-eu jeˬ tiˬ byah ni dahˬ-eu shuiˇ naˬ bo shiꞈ bo ciˬ nehˬ-euˬ meh.

Panmaeq 19:4

Aˬ yuiꞈ aˬ tsu kʼoeˇ nyiˬ tseˇ oeˬ gʼaˬ hawˇ-eu dehꞈ luꞈ-eu jeˬ zaˬ kʼoeˇ oeˬ mawˇ awˆ byaˆ-awˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu Miˬyehˇ-ahˇ uˬ duˬ tahˬ-euˬ meh. “Aˬ miˬ. Miˬyehˇ-ahˇ ja ceuˬ-awˬ” lehˇ aˬ yawꞈ maꞈ ehˇ-eu meh.

Panmaeq 21:11

Meuˬ kʼoeˇ-aˬ, Miˬyehˇ-euˬ yaw shehꞈ kʼahˬ sehˇ ahˇ-awˇ, yaw shehꞈ gʼawˬ mya jeˬ ahˇ-eu kʼaˬ lo sehˇ loꞈ-ehˇ yaw shehꞈ bya-awˇ, shawˇ jehˆ ni doˆ coˆ-ehˇ haw mawˇ nya-eu meh.

Panmaeq 21:18

Meuˬ meuˬ lahˇ kʼoeˇ-aˬ, yaw shehꞈ gʼawˬ mya jeˬ ahˇ-eu kʼaˬ lo sehˇ neh gawˬ taˬ-awˇ, meuˬ aˬ yawꞈ-ahˇ-aˬ, pyawˬ haw loꞈ-ehˇ shawˇ jehˆ ni gʼeh-eu shuiˇ neh gawˬ taˬ-euˬ meh.

Panmaeq 21:21

Lahˇ kʼehˬ tseˇ nyiꞈ kʼehˬ-aˬ, aˇ caˇ caˇ kʼawꞈ sehˇ tseˇ nyiꞈ siˬ pyeuꞈ-eu meh. Lahˇ kʼehˬ aˬ yawꞈ kʼehˬ yawꞈ-ahˇ, aˇ caˇ caˇ kʼawꞈ sehˇ tiˬ siˬ neh tehꞈ-ehˇ jahˇ jiˇ taˬ-euˬ meh. Meuˬ gʼahˇ ceh dahˇ-eu gaˇ jawˬ dawˬ tawˆ luꞈ, pyawˬ haw loꞈ-ehˇ shawˇ jehˆ ni gʼeh-eu shuiˇ pyeuꞈ-eu meh.

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Panmaeq 4:4

Dzoeˬ dzaˬ nuiˇ mahˬ kʼoeˇ-euˬ tiˬ jawˬ, dzoeˬ dzaˬ nuiˇ mahˬ nyiˬ tseˇ oeˬ mahˬ jaˆ-awˇ, mehˬ tsoeˬ yaw pyuˇ dm-awˇ shuiˇ uˬ kʼoˆ kʼoˆ luꞈ-eu aˬ yuiꞈ aˬ tsu nyiˬ tseˇ oeˬ gʼaˬ nuiˇ luꞈ-eu meh.

Panmaeq 5:11

Ngaˇ paˇ haw gʼeh leꞈ ngeh, mˬ taˆ gʼaˬ kʼehˇ aˇ seh aˇ lamˬ-euˬ teˇ saˇ ya gaˬ-euˬ ma. Dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ nyiˬ tseˇ oeˬ gʼaˬ-euˬ tiˬ jawˬ, aˬ yawꞈ maꞈ yawꞈ luꞈ-eu meh.

Panmaeq 5:14

Kʼoeˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ “Aˬ miˬ” lehˇ ehˇ kʼoꞈ nehˬ-euˬ meh. Kʼoeˇ naˇ, aˬ yuiꞈ aˬ tsu kʼoeˇ deuˬ awˆ byaˆ-awˇ uˬ duˬ tahˬ-euˬ meh.

Panmaeq 5:6

Kʼoeˇ naˇ, jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ deuˬ tiˬ jawˬ jawˇ luꞈ-eu gʼahˇ ceh jaˆ-eu dzoeˬ dzaˬ nuiˇ mahˬ kʼoeˇ taˆ, Yawˇzaˬ yawꞈ luꞈ gaˇ ya mawˇ-euˬ ma. Yawˇzaˬ kʼoeˇ-aˬ, bi sehꞈ-euˬ gaˇ duˇ-eu meh. Uˬ coeˇ shiꞈ coeˇ tsoꞈ-awˇ, myaˆ nuiˆ shiꞈ nuiˆ tsoꞈ-eu meh. Kʼoeˇ-aˬ, miˇ tsaˬ doe ni pyehˬ taˬ-euˬ Miˬyehˇ-euˬ yaw sahˇ shiꞈ sahˇ pyeuꞈ-eu meh.

Panmaeq 5:8

Kʼoeˇ loꞈ-ehˇ yuˇ laˬ leˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, Yawˇzaˬ-euˬ mehˬ shi awˆ byaˆ-euˬ meh. Aˬ yawꞈ maꞈ yawˬ gʼaˬ na luꞈ, deuˇ-mˬ tiˬ siˬ hawˇ-eu tsiˇ yaw saw jeˬ tiˬ byah ni dahˬ-eu shuiˇ naˬ bo deuˬ ahˇ-eu meh.

Panmaeq 6:1

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ yaw beh hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ laꞈ kʼoeˇ tiˬ mawˇ, “Laˇ-awˬ” lehˇ mˬ jeˬ jeˬ-eu teˇ saˇ loꞈ-ehˇ ehˇ gaˇ ngaˇ ya gaˬ-euˬ ma.

Panmaeq 6:6

Dehꞈ luꞈ-eu jeˬ zaˬ oeˬ mawˇ jawˇ gaˇ neh doˆ le-euˬ teˇ saˇ-ahˇ duˇ-awˇ, heu loꞈ-ehˇ ehˇ-eu dawˬ-ahˇ ngaˇ ya gaˬ-euˬ ma. “Cehˇ tiˬ pehˬ-euˬ tiˬ nah gʼaˬ gaˇ poeˬ tsaˬ-awˇ, lawˬ loeˇ smˇ pehˬ-euˬ tiˬ nah gʼaˬ gaˇ poeˬ tsaˬ-eu meh. Ehˇ kʼawꞈ, saˬ loˬ aˇ bawˇ hawˇ-eu aˬ gaꞈ gaꞈ yaˇ-ahˇ taˬ laˆ cawˆ.”

Panmaeq 7:11

Mˬ taˆ gʼaˬ kʼehˇ dawˬ tawˆ luꞈ, dzoeˬ dzaˬ nuiˇ mahˬ, aˬ yuiꞈ aˬ tsu deuˬ hawˇ-eu, dehꞈ luꞈ-eu jeˬ zaˬ oeˬ mawˇ-euˬ tiˬ jawˬ yawꞈ luꞈ-eu meh. Kʼoeˇ naˇ, mˬ taˆ gʼaˬ kʼehˇ kʼoeˇ deuˬ dzoeˬ dzaˬ nuiˇ mahˬ mehˬ shi uˬ duˬ awˆ moꞈ-awˇ, Miˬyehˇ-ahˇ uˬ duˬ tahˬ-euˬ meh.

Panmaeq 7:17

Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.