Panmaeq 4:5 - Akha

⁵ Dzoeˬ dzaˬ nuiˇ mahˬ kʼoeˇ mahˬ mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ mahˇ doˆ laˇ-eu meh. Dzoeˬ dzaˬ nuiˇ mahˬ mehˬ shi Miˬyehˇ-euˬ yaw sahˇ shiꞈ sahˇ pyeuꞈ-eu tsiˇ du shiꞈ du doꞈ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nuirmanq-anr nae mqmyawf myawf-awr, mqjeq jeq-eu hawr-eu tersar ghawqmya jeq manrdov lef-eu mae. Nuirmanq-euq maeqshi miqdzaq tsirkhmq doftaq-euq mae. Tsirkhmq dofdavduq khoer shif hmq-aq, Miqyaer-euq Saflar shif lar mae.

Panmaeq 4:5 ပူးပေါင်းရင်းမြစ်များ

Aˇ dahˬ 15:7

“Ngaˇ-aˬ, miˇ kʼahˬ heu kʼahˬ nawˬ-ahˇ biꞈ-eu gʼaˇ duˬ, Baˬbuˇloˬ miˇ kʼahˬ Uˇlaˆ meuˬ-ahˇ neh nawˬ-ahˇ sheuˬ doˆ laꞈ-euˬ Sahˬpaˬ Miˬyehˇ ma” lehˇ, Aˬbyaˬ-ahˇ Sahˬpaˬ Miˬyehˇ ehˇ nehˬ-euˬ meh.

2 Laˬsaˬbaˬ 4:20

yaw beh ehˇ taˬ-euˬ loꞈ-ehˇ, Muiˬ dui shawˇ dui dui-eu jawˇ duˬ-euˬ mehˬ shi bi doꞈ-eu gʼaˇ duˬ, maˇ jawˆ ni gʼeh-eu shuiˇ neh jahˇ taˬ-euˬ tsiˇ kʼmˬ doꞈ taˬ duˬ hawˇ-eu tsiˇ kʼmˬ deuˬ,

Jaceuq 68:35

Aˬ yawꞈ-euˬ muiˬ-eu shawˇ-eu jawˇ duˬ-ahˇ neh doˆ le-eu Miˬyehˇ, aˇ naˆ ni zahˬ leˇ paˬ-ehˇ gʼeh-eu nga. Iˇsaˬleˬlaˆ-euˬ Miˬyehˇ aˇ naˆ ni zahˬ leˇ paˬ-ehˇ gʼeh-eu nga. Aˬ yawꞈ-euˬ tsawˇ jeuˬ-ahˇ, gʼaˬ hawˇ-eu baoˬ aˬ yawꞈ biꞈ nehˬ-euˬ meh. Miˬyehˇ-ahˇ ja ceuˬ-awˬ.

Doˆ-iˇ 19:16

Smˬ nah tiˬ nah uˬ shawˬ paw keuˆ le ngeh, mˬ jeˬ jeˬ-awˇ, mˬ myawꞈ myawꞈ-euˬ meh. Zahˇ tsui ni gʼeh-eu mˬ dmˇ gawˬ jawˬ kʼoeˇ jawˬ kʼoeˇ taˆ jaˆ le-awˇ, kʼaˆ dui dui-eu daˇ heh baw-eu teˇ saˇ mahˇ doˆ laˇ-euˬ meh. Kʼoeˇ ngeh, sehˬ gʼawˆ laꞈ kʼoeˇ jawˇ luꞈ-eu Iˇsaˬleˬlaˆ tsawˇ haˬ dawˬ tawˆ luꞈ guˆ dui dui-awˇ, yaw dzuˬ dzuˬ-euˬ meh.

Doˆ-iˇ 20:18

Mˬ jeˬ jeˬ-eu teˇ saˇ hawˇ-eu daˇ heh teˇ saˇ-ahˇ ya gaˬ-awˇ, mˬ myawꞈ myawꞈ-awˇ, gawˬ jawˬ-ahˇ uˬ kʼoeˬ du doˆ laˇ gaˇ ya mawˇ ngeh, Iˇsaˬleˬlaˆ tsawˇ haˬ deuˬ guˆ-awˇ, yaw dzuˬ dzuˬ-eu laꞈ kʼoeˇ, gaˇ mahˇ kaˬ gaˇ yawꞈ luꞈ-eu meh.

Doˆ-iˇ 25:37

Tsiˇ kʼmˬ doꞈ taˬ duˬ kʼoeˇ taˆ doꞈ taˬ-eu gʼaˇ duˬ, tsiˇ kʼmˬ shiꞈ kʼmˬ jahˇ-awˇ, yaw shehꞈ bi bya-eu gʼaˇ duˬ, tsiˇ kʼmˬ kʼoeˇ deuˬ doꞈ-awˇ, kʼoeˇ gaˇ ciˬ daˆ taˬ-awˬ.

Doˆ-iˇ 37:23

Tsiˇ kʼmˬ doꞈ taˬ duˬ kʼoeˇ taˆ ciˬ daˆ-eu gʼaˇ duˬ, tsiˇ kʼmˬ shiꞈ kʼmˬ jahˇ-awˇ, ciˆ nyawˆ hawˇ-eu tsiˇ diꞈ deh kʼaˇ ahˇ duˬ kʼmˬ maˬ-ahˇ, maˇ jawˆ ni gʼeh-eu shuiˇ neh jahˇ-euˬ meh.

Yeˬsaˬgeˬlaˇ 1:13

Jeˬluˇbeˬ kʼoeˇ oeˬ mawˇ yaw kaˬ-ahˇ, maˬ naˬ leˇ ni iˇ luꞈ-eu miˬ dzaˬ doꞈ luꞈ-eu tsiˇ kʼmˬ-ahˇ duˇ-eu tiˬ jeˬ ahˇ-eu meh. Miˬ lmˇ kʼoeˇ mˬ myawꞈ pyehˬ doˆ-eu meh.

Yawˇlaˆ 3:16

Ziˇoˬ gawˬ jawˬ kʼoeˇ taˆ jawˇ-awˇ, Sahˬpaˬ Miˬyehˇ lmˬ doˆ laˇ ngeh, Yeˬluˇsaˬlehˬ meuˬ-ahˇ jawˇ-awˇ, mˬ jeˬ jeˬ-eu loꞈ-ehˇ lmˬ ngeh, mˬ hawˇ miˇ tsaˬ yaw dzuˬ dzuˬ meh. Ehˇ kʼawꞈ aˬ yawꞈ-euˬ tsawˇ jeuˬ-ahˇ, Sahˬpaˬ Miˬyehˇ haw piˇ tehꞈ-a.

Zaˬkaˬliˇ 4:2

“Nawˇ aˬ jeˬ mawˇ teˬ” lehˇ aˬ yawꞈ ngaˬ-ahˇ naˇ haˬ laˇ ngeh, ngaˇ heu loꞈ-ehˇ ehˇ kʼoꞈ nehˬ-euˬ ma. “Shuiˇ neh jahˇ taˬ-euˬ tsiˇ kʼmˬ doꞈ taˬ duˬ mawˇ-euˬ ma. Tsiˇ kʼmˬ doꞈ taˬ duˬ kʼoeˇ hmˬ-euˬ uˬ du, tsiˇ shehˆ ahˇ duˬ naˬ bo jaˆ-awˇ, tsiˇ kʼmˬ shiꞈ kʼmˬ dahˇ-eu meh. Tsiˇ kʼmˬ aˬ yawꞈ kʼmˬ yawꞈ, tsiˇ diꞈ shiꞈ hmˬ tsoꞈ kʼaˇ za-eu meh.

Maꞈtehˬ 25:1

“Aˇ nah aˇ yamˬ kʼoeˇ yamˬ keuˆ le ngeh, Mˬtaˆ Miˇkʼahˬ-aˬ, heu loꞈ-ehˇ duˇ tehꞈ-a. Miˬ zaˬ sheuˬ le-eu kʼaˬ dzeˇ zaˬ-ahˇ ha laˬ leˇ-eu gʼaˇ duˬ, aˬ buˇ zaˬ guˬ tseˇ gʼaˬ yawˬ ha-euˬ tsiˇ kʼmˬ ciˬ-awˇ le-euˬ meh.

Maꞈtehˬ 3:11

Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.

Gʼaˬkʼehˇ 2:3

Kʼoeˇ ngeh, miˬ dzaˬ miˬ lmˇ-ahˇ duˇ-eu mehˬ laˇ deuˬ-ahˇ aˬ yawꞈ maꞈ ya mawˇ-euˬ meh. Mehˬ laˇ kʼoeˇ deuˬ oe kʼawˬ gʼeh-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ toeˬ ciˆ-euˬ meh.

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Panmaeq 10:3

Aˇ laˬ jaˬ shiˇ joeˬ-eu teˇ saˇ loꞈ-ehˇ, aˬ yawꞈ yaw kʼaˆ-ehˇ guˇ-eu meh. Aˬ yawꞈ kʼoeˇ loꞈ-ehˇ guˇ gʼaˬ ngeh, mˬ jeˬ shiꞈ teˇ jeˬ-euˬ meh.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Panmaeq 3:1

“Saˬdiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, Miˬyehˇ-euˬ Yaw sahˇ shiꞈ sahˇ jawˇ-awˇ, aˬ guiˇ shiꞈ siˬ jaˆ-eu gʼaˬ-euˬ dawˬ meh. Nawˇ aˬ jeˬ mˇ luꞈ-eu gaˇ kawˆ ngaˇ siˬ nya ma. Nawˇ-aˬ, shiˇ-euˬ kʼawꞈ, dehꞈ luꞈ-eu meh lehˇ aˬ cawˬ sawˇ taˬ-euˬ meh.

Panmaeq 5:6

Kʼoeˇ naˇ, jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ deuˬ tiˬ jawˬ jawˇ luꞈ-eu gʼahˇ ceh jaˆ-eu dzoeˬ dzaˬ nuiˇ mahˬ kʼoeˇ taˆ, Yawˇzaˬ yawꞈ luꞈ gaˇ ya mawˇ-euˬ ma. Yawˇzaˬ kʼoeˇ-aˬ, bi sehꞈ-euˬ gaˇ duˇ-eu meh. Uˬ coeˇ shiꞈ coeˇ tsoꞈ-awˇ, myaˆ nuiˆ shiꞈ nuiˆ tsoꞈ-eu meh. Kʼoeˇ-aˬ, miˇ tsaˬ doe ni pyehˬ taˬ-euˬ Miˬyehˇ-euˬ yaw sahˇ shiꞈ sahˇ pyeuꞈ-eu meh.

Panmaeq 8:5

Kʼoeˇ naˇ, tsiˇ yaw saw jeˬ doꞈ duˬ kʼoeˇ-ahˇ mˬ taˆ gʼaˬ kʼehˇ kʼoeˇ gʼaˬ yuˇ-awˇ, lawˇ duˬ kʼoeˇ taˆ doꞈ luꞈ-eu miˬ dzaˬ pehˆ ahˇ-awˇ, miˇ tsaˬ kʼoeˇ taˆ biˬ ka gʼeh-euˬ meh. Kʼoeˇ ngeh, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-awˇ, mˬ myawꞈ myawꞈ-awˇ miˇ luˆ luˆ-euˬ meh.