Panmaeq 3:3 - Akha

³ Nawˬ-ahˇ mehˬ nehˬ tsoˆ nehˬ-euˬ jeˬ hawˇ-eu nawˬ neh ya gaˬ taˬ-euˬ jeˬ-ahˇ noeˬ keuˆ-awˬ. Kʼoeˇ-ahˇ naˇ haˬ geuꞈ-awˇ, iˬ baˇ-ahˇ byehˇ dzeh-awˬ. Nawˇ maˬ noeˬ laˇ naˇ, smˇ kʼoeˬ oe-eu loꞈ-ehˇ nawˇ jawˇ gaˇ ngaˇ oe-awˇ, ngaˇ oe-eu aˇ yamˬ nawˇ maˬ ya siˬ-aˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoermirnae, nawr aqjox-aer hageuf-awr, aqjox-aer yagaq-euq deuq-anr taqngaer de-eq. Khoerdeuq-anr narhaq geuf-awr, noeqpov noeqpar-awq. Nawr yawbeur beur-aer maqjawr ngae, smrkhoeq lof-aer ngar oe ma. Nawr jawr-eu gar, ngar aqgeu ngae yamq-anr oekeuv-eu laer nawr maqya siq-ar.

Panmaeq 3:3 ပူးပေါင်းရင်းမြစ်များ

Yeˬsaˬgeˬlaˇ 20:43

Kʼoeˇ ngeh jawˇ, naw maꞈ neh mˇ dzeuˇ yaꞈ-euˬ shaꞈ dawˇ paˬ-ehˇ gʼeh-eu gaˇ deuˬ hawˇ-eu, naw maꞈ yawˬ haˇ yawˬ ha laˆ jawꞈ-euˬ gaˇ kawˆ-ahˇ noeˬ mawˇ laˇ tehꞈ-a. Naw maꞈ neh mˇ dzeuˇ yaꞈ-euˬ yaw haiˬ jeˬ baˬ da neh, naw maꞈ yawˬ haˇ yawˬ ha nui daˆ daˆ tehꞈ-a.

Yeˬsaˬgeˬlaˇ 36:31

Naw maꞈ neh mˇ-euˬ yaw haiˬ jeˬ hawˇ-eu naw maꞈ-euˬ yaw lehˬ yaw ca-ahˇ naw maꞈ noeˬ mawˇ laˇ-awˇ, naw maꞈ-euˬ iˬ baˇ baˬ da neh, yawˬ haˇ yawˬ ha nui daˆ daˆ tehꞈ-a.

Maꞈtehˬ 25:13

“Tsawˇhaˬ-euˬ Zaˬmaˇ zaꞈ ka le-eu aˇ nah aˇ yamˬ naw maꞈ maˬ siˬ duˬ nya-eu miˇ neh, yaw beuˇ beuˇ-ehˇ dehꞈ-awˬ.

Maˬkuˆ 13:33

Aˇ yamˬ kʼoeˇ aˬ geu ngeh keuˆ le-eu naw maꞈ maˬ siˬ nya-eu miˇ neh, yaw gahˇ gahˇ-ehˇ dehꞈ-awˇ, yaw beuˇ beuˇ-ehˇ jawˇ-awˬ.

Maˬkuˆ 13:36

Naw maꞈ maˬ noeˬ gahˇ naˇ, aˬ yawꞈ ja pyuˬ ni gʼoꞈ keuˆ le ngeh, naw maꞈ yuꞈ kʼaˆ luꞈ gaˇ zaˬ leˇ tehꞈ-a.

1 Teˇsaˬloˇni 5:2

Aˬ jeˬ miˇ neh ehˇ naˇ, Sahˬpaˬ Yeˬsuˇ-euˬ Aˇ nah-aˬ, uˬ ciꞈ sehˇ gʼahˇ smˇ kʼoeˬ tahˇ joe oe-eu loꞈ-ehˇ maˬ noeˬ maˬ duˇ-ehˇ jawˇ ngeh keuˆ le tehꞈ-a lehˇ naw maꞈ siˬ duˬ taˬ-euˬ meh.

1 Tiˆmoˇseˬ 6:20

Tiˆmoˇseˬ-oˇ, nawˬ-ahˇ a nehˬ taˬ-euˬ jeˬ-ahˇ yaw muiˬ paˬ-ehˇ jeˬ hmˬ bo saˆ-awˬ. Gaˇ dahˇ maˬ tsoeˬ-eu jeˬ ngehˬ-eu tmˇ-eu jeˬ-ahˇ maˬ ehˇ, tsawˇ haˬ tiˬ paˆ na deuˬ neh “Zaˬ siˬ tawˇ gahˇ” lehˇ maˬ ngeuˇ gaˇ myahˇ lehˬ taˬ-euˬ tsawˇ pyehˇ pyehˇ-eu jeˬ-ahˇ maˬ ehˇ, gaˇ jaw jaw-awˬ.

2 Tiˆmoˇseˬ 1:13

Ngaˬ neh nawˬ-ahˇ mehˬ nehˬ tsoˆ nehˬ-euˬ dawˬ kʼoeˇ deuˬ-ahˇ nawˇ dzaw geuꞈ-awˇ caw teh-eu laꞈ kʼoeˇ, ziꞈ dah ni tuˆ tehˬ taˬ-awˇ, Yeˬsuˇ Ka li laꞈ kʼoeˇ aˬ dui za taˬ-euˬ jah-eu jeˬ hawˇ-eu gʼoeˇ-eu gaˬ-eu jeˬ laꞈ kʼoeˇ jawˇ-awˬ.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

2 Beˬtuˆluˆ 1:13

Gaˇ kawˆ heu deuˬ naw maꞈ maˬ bi ngehˇ-eu gʼaˇ duˬ, ngaˇ kʼaˇ dehꞈ kʼoeˇ keuˆ ni naw maꞈ-ahˇ laˆ noeˬ-eu tsaˬ meh lehˇ ngaˇ noeˬ-eu ma.

2 Beˬtuˆluˆ 3:1

Ngaˇ gaˬ dui dui-eu cawˬ deuˬ-oˇ, sahˬ boꞈ heu taꞈ-aˬ, ngaˬ neh naw maꞈ jawˇ gaˇ boꞈ ahˇ laꞈ-euˬ sahˬ boꞈ nyiˬ taꞈ tiˬ taꞈ ma. Sahˬ boꞈ nyiˬ taꞈ luꞈ laꞈ kʼoeˇ, gaˇ kawˆ heu deuˬ ngaˇ naw maꞈ-ahˇ ja noeˬ nehˬ-awˇ, naw maꞈ-euˬ nui ma laꞈ kʼoeˇ shawˇ jehˆ ni gʼeh-eu nui noeˬ dehꞈ laˇ nya ni laˆ noeˬ-eu ma.

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

Panmaeq 16:15

“Naˇ haˬ-awˬ. smˇ kʼoeˬ tahˇ joe oe-eu loꞈ-ehˇ ngaˇ oe luꞈ-eu ma. Neˇ myawˆ ni maˬ ya cah-ehˇ aˬ cawˬ mehˬ shi maˬ ya shaꞈ dawˇ ni, yaw beuˇ beuˇ-ehˇ dehꞈ-awˇ mehˬ tsoeˬ yaw muiˬ-ehˇ dm gʼoeˬ-eu tsawˇ haˬ guiˬ lahˬ huiˬ-eu meh.”

Panmaeq 2:25

Ehˇ kʼawꞈ, ngaˇ oe ngeh keuˆ ni naw maꞈ kʼaˇ jaˆ luꞈ-eu jeˬ-ahˇ ziꞈ dah ni tuˆ tehˬ taˬ-awˬ.

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.

Panmaeq 22:7

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Sahˬ boꞈ heu taꞈ laꞈ kʼoeˇ mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh.”

Panmaeq 3:11

Ngaˇ yaw kawˇ-ehˇ oe ma. Naw maꞈ-euˬ gʼaˬ leˇ-eu laꞈ sawˬ-ahˇ tsawˇ haˬ tiˬ gʼaˬ-iˬ maˬ bi lu doˆ geuꞈ-eu gʼaˇ duˬ, naw maꞈ jaˆ luꞈ-eu jeˬ-ahˇ yaw muiˬ paˬ-ehˇ jeˬ hmˬ taˬ-awˬ.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

Panmaeq 3:2

Kʼoeˇ miˇ neh, noeˬ laˇ-awˬ. Nawˬ-euˬ laꞈ kʼoeˇ kʼaˇ dzeˇ luꞈ-eu yaw muiˬ jeˬ maˬ bi shiˇ tsehˆ ni gʼaˬ shaˇ-awˬ. Aˬ jeˬ miˇ neh ehˇ naˇ, nawˬ neh mˇ-euˬ shaˇ-euˬ jeˬ-aˬ, ngaˬ-euˬ Miˬyehˇ mehˬ shi maˬ byah maˬ loꞈ-a siˬ lehˇ ngaˇ haw mawˇ-euˬ ma.