Panmaeq 3:19 - Akha

¹⁹ Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Ngar gaq-eu tsawrhaq yawqghaq navluf-anr, ngar maeqpar dzawpar naeq-eu ma. Khoermirnae, nawr nuima keuv-awr noeqpov noeqpar mr-awq.

Panmaeq 3:19 ပူးပေါင်းရင်းမြစ်များ

2 Saˬmeuˬlaˆ 7:14

Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.

Yawˇbaˆ 5:17

“Miˬyehˇ neh bi tsiˬ shawˇ-euˬ tsawˇ haˬ guiˬ lahˬ huiˬ-eu meh. Kʼoeˇ miˇ neh aˬ yawꞈ lawˬ haw-eu jeˬ-ahˇ nui ma taˬ pehˇ.

Jaceuq 39:11

Tsawˇhaˬti gʼaˬiˬbaˇmˇgaˇ, nawˇnui ma pehˇ-awˇkʼehˬnehˬngeh, aˬyawꞈ gaˬdui dui-eu jeˬ-ahˇ, boeˬcoeˇcoeˇbyoˆnehˬgaˇduˇmeh. Tsawˇhaˬzaˬyaw dehꞈdehꞈ-eu-aˬ, saꞈgʼawˇka-eu myah ni tehꞈmeh.

Jaceuq 6:1

Sahˬpaˬ Miˬyehˇ-oˇ, nui ma pehˇ-awˇ taˬbyehˇdzeh laꞈ. Nawˇnui ma pehˇ-eu baˬda neh, ngaˬ-ahˇtaˬkʼehˬtaˬkʼaˆnehˬ laꞈ.

Jaceuq 69:9

Nawˬ-euˬ Uˬ duˬ tahˬ nymˇ nymˇ ma-ahˇ nui ma keuˆ-awˇ uˬ duˬ tahˬ-eu jeˬ, ngaˬ-euˬ nui ma laꞈ kʼoeˇ miˬ dzaˬ doꞈ-eu loꞈ-ehˇ jaˆ-awˇ, nawˬ-euˬ dah zaˇ ngaˇ dawˬ doeˇ daˬ luꞈ-eu ma.

Jaceuq 94:10

Tsawˇ jeuˬ dawˬ tawˆ luꞈ-ahˇ haw luꞈ pyaˆ luꞈ-eu gʼaˬ aˬ yawꞈ maꞈ-ahˇ maˬ kʼehˬ maˬ kʼaˆ nehˬ nya ta loˇ. Tsawˇ haˬ dawˬ tawˆ luꞈ-ahˇ mehˬ luꞈ tsoˆ luꞈ-eu gʼaˬ tsawˇ gahˇ maˬ ahˇ nmˇ loˇ.

Dawqdaq 15:10

Dehꞈ bahˬ-eu tsawˇ haˬ-ahˇ yaw kʼaˆ-ehˇ kʼehˬ nehˬ-awˇ, maˬ mehˬ paˇ nya-eu deuˬ ya shiˇ tehꞈ-a.

Dawqdaq 15:32

Dawˬ mehˬ maˬ naˇ haˬ-ehˇ-aˬ, yaw ha-ahˇ laˆ shaˬ-awˇ, dawˬ tsoˆ-ahˇ noeˬ poˆ-eu-aˬ, tsawˇ gahˇ lahˬ-mˇ jeˇ.

Dawqdaq 22:15

Zaˬ laꞈ kʼoeˇ aˬ dzawˬ aˇ gah nui ma ahˇ-awˇ, daˇ cuiˇ neh mehˬ-awˇ ya teh doˆ-eu meh.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Yeˬlaˬmiˇ 10:24

Sahˬpaˬ Miˬyehˇ-oˇ, nawˬ-euˬ tsawˇ jeuˬ-ahˇ mehˬ nehˬ tsoˆ nehˬ laꞈ-awˬ. Ehˇ kʼawꞈ, aˇ dzehˬ taˬ dzeuˇ nehˬ laꞈ. Nga maꞈ-ahˇ nawˇ nui ma pehˇ-awˇ kʼehˬ ngeh, aˇ saˬ saˬ-eu jeˬ taˬ bi keuˆ le laꞈ.

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Yeˬlaˬmiˇ 30:11

Naw maꞈ jawˇ gaˇ ngaˇ oe-awˇ ka kʼoꞈ ma. Naw maꞈ-ahˇ ngaˇ teh byaˆ taˬ-euˬ miˇ kʼahˬ kʼoeˇ deuˬ laꞈ kʼoeˇ, aˬ cawˬ tsawˇ jeuˬ dawˬ tawˆ luꞈ-ahˇ ngaˇ laˆ cawˆ kʼawꞈ, naw maꞈ-ahˇ ngaˇ maˬ laˆ cawˆ nehˬ. Naw maꞈ-ahˇ ngaˇ maˬ kʼehˬ ni-aˬ maˬ bi dzeuˇ-iˇ. Ehˇ kʼawꞈ naw maꞈ-ahˇ ngaˇ kʼehˬ ngeh, aˬ za za-ehˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 31:18

“Iˇsaˬleˬlaˆ tsawˇ haˬ heu loꞈ-ehˇ mahˇ-eu ngaˇ gaˬ-euˬ ma. Sahˬpaˬ Miˬyehˇ-oˇ nga maꞈ-aˬ, jeˬ zaˬ yaw gahˇ tiˬ mawˇ-ahˇ duˇ-euˬ kʼawꞈ, nawˬ neh laˆ yah nehˬ laꞈ-euˬ meh. Nga maꞈ-ahˇ sheuˬ kʼoꞈ laˬ le-awˬ. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ jawˇ gaˇ gʼoꞈ laˇ-eu gʼaˇ duˬ, nga maꞈ noeˬ jiˇ-euˬ ma.

Yeˬlaˬmiˇ 7:28

Yawˬ ha-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ yawˬ ha tsawˇ jeuˬ maˬ naˇ haˬ ehˇ, kʼehˬ nehˬ kʼaˆ nehˬ-eu jeˬ-ahˇ ya daˬ kʼawꞈ, maˬ paˇ laˇ nya nga lehˇ, aˬ yawꞈ maꞈ-ahˇ nawˇ ya ehˇ nehˬ meh. Saˇ jaˇ ziꞈ-eu jeˬ shiˇ tsehˆ-euˬ meh. Saˇ jaˇ ziꞈ-eu gaˇ kawˆ ja-eu tsawˇ haˬ tiˬ gʼaˬ-iˬ maˬ jawˇ-a.

Zeˬpaˬniˇ 3:2

Dawˬ muiˬ tmˇ-eu maˬ gʼoˆ geuꞈ-ehˇ, mehˬ gaˇ tsoˆ gaˇ maˬ naˇ haˬ-a. Sahˬpaˬ Miˬyehˇ-ahˇ maˬ gʼoe-ehˇ, Miˬyehˇ dawˬ peh maˬ nyiˬ laˇ-a.

Maꞈtehˬ 25:7

Aˬ buˇ zaˬ guˬ kʼoeˇ tseˇ gʼaˬ noeˬ laˇ-awˇ, yawˬ ha-euˬ tsiˇ kʼmˬ yawˬ ha laˆ nyehˆ-euˬ meh.

Yoˇhaˬ 2:17

Kʼoeˇ ngeh, “Miˬyehˇ-oˇ, nawˬ-euˬ nymˇ-ahˇ ngaˇ gaˬ-eu ngaˬ-euˬ nui ma laꞈ kʼoeˇ miˬ dzaˬ doꞈ gaˇ duˇ miˇ-a” lehˇ Jaˇ liꞈ laꞈ kʼoeˇ boꞈ taˬ-euˬ kʼoeˇ tsahˇ, aˬ yawꞈ-euˬ zaˬ lahˇ deuˬ-ahˇ noeˬ doˆ leˇ-euˬ meh.

Lormav 12:11

Yaw doeˇ maˬ doeˇ ni mˇ dui dui-awˬ. Nui ma keuˆ dui dui-eu laꞈ kʼoeˇ Miˬyehˇ gaˇ mˇ-awˬ.

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

2 Gawˇliˬtu 6:9

Aˬ cawˬ tiˬ gʼaˬ-iˬ maˬ siˬ nya-eu tsawˇ haˬ-ahˇ duˇ kʼawꞈ, yawˬ gʼaˬ na luꞈ siˬ nya-eu tsawˇ haˬ ma. Shiˇ leˇ-eu tsawˇ haˬ-ahˇ duˇ kʼawꞈ, dehꞈ luꞈ-eu tsawˇ haˬ ma. Kʼehˬ dui kʼaˆ dui dui nehˬ laꞈ-euˬ kʼawꞈ, shiˇ gaˇ maˬ keuˆ-euˬ tsawˇ haˬ ma.

2 Gawˇliˬtu 7:11

Naw maꞈ neh noeˬ shaˬ-euˬ kʼoeˇ-ahˇ Miˬyehˇ aˬ joˆ-ehˇ jahˇ-euˬ gaˇ shaˇ noeˬ haw sheˇ. Naw maꞈ guiˬ lahˬ saꞈ laˇ paw nui ma keuˆ dui dui laˇ-euˬ meh. Naw maꞈ yawˬ ha maˬ mˇ lehˬ-euˬ gaˇ kawˆ bi siˬ bi mawˇ mawꞈ dui dui laˇ-euˬ meh. Yaw tsaˬ yaw dawˇ laꞈ kʼoeˇ nui ma pehˇ-eu, kʼahˬ lahˇ-eu, ngaˬ-ahˇ mawˇ mawꞈ dui dui-eu, ngaˬ-euˬ gʼaˇ duˬ nui ma keuˆ dui dui-eu, yaw lehˬ mˇ gaˇ yaw kʼaˆ-ehˇ daˇ nehˬ mawꞈ-eu, heu deuˬ naw maꞈ-euˬ laꞈ kʼoeˇ pyeuꞈ doˆ laˇ-euˬ meh. Yawˬ jeˬ na luꞈ laꞈ kʼoeˇ yawˬ ha maˬ lehˬ maˬ ca-eu gaˇ kawˆ bya cehˆ ni doˆ laˇ ni naw maꞈ dehꞈ-euˬ meh.

Gaˬlaˬtiˆ 4:18

Ngaˇ naw maꞈ nehˬ-ehˇ jawˇ ngeh tehꞈ-ehˇ maˬ ngeuˇ ni, yawˬ jawˇ na luꞈ yaw muiˬ jeˬ-ahˇ naw maꞈ nui ma keuˆ naˇ, muiˬ dui dui tehꞈ-a.

Dawˬmehˬ 8:5

Tsawˇ haˬ tiˬ gʼaˬ yawˬ ha-euˬ zaˬ-ahˇ mehˬ-eu tsoˆ-eu loꞈ-ehˇ, naw maꞈ-ahˇ Miˬyehˇ mehˬ nehˬ tsoˆ nehˬ-euˬ gaˇ noeˬ keuˆ-awˬ. Kʼoeˇ miˇ neh, Sahˬpaˬ Miˬyehˇ naw maꞈ-ahˇ dawˬ biꞈ-euˬ loꞈ-ehˇ mˇ-awˬ.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.