Panmaeq 22:8 - Akha

⁸ Ngaˇ Yoˇhaˬ-aˬ, gaˇ kawˆ heu deuˬ dawˬ tawˆ luꞈ-ahˇ ya gaˬ ya mawˇ-euˬ ma. Gaˇ kawˆ heu deuˬ-ahˇ ngaˇ ya gaˬ ya mawˇ gʼaˬ ngeh, ngaˬ-ahˇ gaˇ kawˆ heu deuˬ bi siˬ bi mawˇ laꞈ-euˬ mˬ taˆ gʼaˬ kʼehˇ kʼoeˇ gʼaˬ-euˬ aˬ kuiˇ dawˬ peh ga byaˆ-awˇ, aˬ yawꞈ-ahˇ uˬ duˬ tahˬ-eu lehˇ gʼeh-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ngar-aq, Yorhaq ma. Ngar garkawv heudeuq-anr yagaq-awr ya’mawr-euq ma. Ngar garkawv heudeuq-anr yagaq-awr ya mawrghaq ngae, ngaq-anr bi hawmawr naeqlaf-euq mqtav ghaqkhaer khoerghaq-anr uqduq tanq-eu laer, aqyawf-euq aqkuir-euq dawqpae awbyav-euq ma.

Panmaeq 22:8 ပူးပေါင်းရင်းမြစ်များ

Daˬyeˬlaˇ 2:46

Sahˬ paˬ Neˬbuˬkaˬneˬzaˬ miˇ tsa awˆ byaˆ-awˇ, Daˬyeˬlaˇ-ahˇ lawˇ nehˬ shehˇ nehˬ-eu gʼaˇ duˬ dawˬ biꞈ-euˬ meh.

Gʼaˬkʼehˇ 10:26

Ehˇ kʼawꞈ, Beˬtuˆluˆ neh aˬ yawꞈ-ahˇ gʼeu tuˇ-awˇ, “Tuˇ-awˬ. Ngaˇ kʼawꞈ tsawˇ haˬ zaˬ tehꞈ ma” lehˇ ehˇnehˬ-euˬ meh.

Panmaeq 1:1

Sahˬ boꞈ heu taꞈ-aˬ, Yeˬsuˇ Ka li neh pah mehˬ laꞈ-euˬ gaˇ kawˆ deuˬ boꞈ taˬ-euˬ sahˬ boꞈ pyeuꞈ-eu meh. Gʼawˬ myahˇ maˬ gʼeh-ehˇ aˬ joˆ-ehˇ pyeuꞈ laˇ-eu lehˇ gʼeh-eu gaˇ kawˆ aˬ yawꞈ-euˬ zaˬ kʼaˆ deuˬ-ahˇ bi siˬ bi mawˇ-eu gʼaˇ duˬ, Miˬyehˇ neh aˬ yawꞈ-ahˇ heu loꞈ-ehˇ pah mehˬ nehˬ-euˬ jeˬ pyeuꞈ-eu meh. Ka li-aˬ, Yoˇhaˬ jawˇ gaˇ aˬ yawꞈ-euˬ mˬ taˆ gʼaˬ kʼehˇ bi oe-awˇ gaˇ kawˆ heu deuˬ bi siˬ bi mawˇ le-euˬ meh.

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.

Panmaeq 19:19

Kʼoeˇ naˇ, jeˬ zaˬ yaw haiˬ kʼoeˇ mawˇ hawˇ-eu miˇ kʼahˬ sahˬ paˬ deuˬ uiˬ leˇ bymˇ leˇ-awˇ, mahˬ dziˬ luꞈ-eu gʼaˬ hawˇ-eu aˬ yawꞈ-euˬ guiˇ maꞈ-ahˇ guiˇ deuˆ-eu lehˇ gʼeh luꞈ gaˇ ngaˇ ya mawˇ-euˬ ma.