Panmaeq 22:20 - Akha

²⁰ Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Garkawv heudeuq sarkir kamq-eu ghaq aer-eu, “Ngar aqdir yawkawr-aer oe ma.” Aqmeq. Sanqpaq Yeqsur-or! Nawr aer-eu lof-aer oe-awq.

Panmaeq 22:20 ပူးပေါင်းရင်းမြစ်များ

Dawˬ caˇ 8:14

Ngaˇ gaˬ-eu gʼaˬ-oˇ, kʼaˬ tsehˆ loꞈ-ehˇ ngaˇ jawˇ gaˇ coeˬ gʼeh leꞈ-awˬ. Aˇ bawˇ yaw saw gʼawˬ mya ni dehꞈ-eu gawˬ jawˬ-ahˇ jawˇ-eu kʼaˬ tsehˆ zaˬ loꞈ-ehˇ, yaw kawˇ-ehˇ coeˬ gʼeh leꞈ-awˬ.

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Yoˇhaˬ 21:25

Yeˬsuˇ neh mˇ-euˬ gaˇ gʼawˬ mya ni jaˆ-a siˬ. Aˬ yawꞈ neh kʼaˇ mˇ-euˬ gaˇ deuˬ tiˬ jeˬ saˇ-iˬ tiˬ jeˬ boꞈ doˆ jiˇ naˇ, boꞈ doˆ-euˬ sahˬ boꞈ paˇ dmˬ kʼoeˇ deuˬ miˇ tsaˬ heu kʼoeˇ taˆ maˬ deˇ leˇ-aˇ lehˇ ngaˇ noeˬ-eu ma.

1 Gawˇliˬtu 16:22

Sahˬpaˬ Yeˬsuˇ-ahˇ maˬ kʼaˇ gaˬ-eu tsawˇ haˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Maˬ laˬ naˬ daˬ--Aˬ dui-euˬ Sahˬpaˬ Yeˬsuˇ oe luꞈ-uˇ.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

HeˬByehˇ 10:37

Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Aˇ yamˬ tiˬ kʼehˇ laˇ kʼehˬ dzeuˇ naˇ, oe-eu lehˇ gʼeh luꞈ-eu kʼoeˇ gʼaˬ, maˬ nyi naˬ ni oe keuˆ tehꞈ-a.

HeˬByehˇ 9:28

Kʼoeˇ gaˇ duˇ ni, tsawˇ haˬ gʼawˬ mya ni-euˬ iˬ baˇ yuˇ dzeh-eu gʼaˇ duˬ, Ka li-euˬ gʼawˇ mawˇ tiˬ poˆ lawˇ dah-euˬ meh. Aˬ yawꞈ tiˬ poˆ paˇ doˆ le tehꞈ-a. Ehˇ kʼawꞈ, iˬ baˇ shawˇ-eu gʼaˇ duˬ oe-euˬ maˬ ngeuˇ-a. Aˬ yawꞈ-ahˇ loꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ oe-euˬ jeˬ pyeuꞈ-eu meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 1:2

Yoˇhaˬ gʼeh, aˬ yawꞈ neh kʼaˇ ya siˬ kʼaˇ ya mawˇ-euˬ jeˬ dawˬ tawˆ luꞈ paˇ dzawˇ poˆ taˬ-euˬ meh. Heu-aˬ, Miˬyehˇ-euˬ dawˬ hawˇ-eu Yeˬ suˇ Ka li neh pah mehˬ laꞈ-euˬ yaw tsaˬ yaw dawˇ jeˬ gaˇ kawˆ Yoˇhaˬ neh dzawˇ nehˬ laꞈ-euˬ kʼoeˇ meh.

Panmaeq 2:16

Kʼoeˇ miˇ neh, nawˬ-euˬ iˬ baˇ-ahˇ byehˇ dzeh-awˬ. Maˬ byehˇ dzeh naˇ, nawˇ jawˇ gaˇ ngaˇ yaw kawˇ-ehˇ oe-awˇ, ngaˬ-euˬ kʼaˬ meh-ahˇ doˆ le-euˬ mi cehˇ neh tsawˇ haˬ kʼoeˇ deuˬ-ahˇ ngaˇ guiˇ deuˆ ma.

Panmaeq 22:10

Kʼoeˇ naˇ, aˬ yawꞈ ngaˬ-ahˇ heu loꞈ-ehˇ ehˇ-eu meh. “Sahˬ boꞈ heu taꞈ laꞈ kʼoeˇ mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ deuˬ-ahˇ aˬ cawˬ maˬ bi siˬ ni taˬ laˆ zaꞈ taˬ. Aˬ jeˬ miˇ neh ehˇ naˇ, gaˇ kawˆ heu deuˬ dawˬ tawˆ luꞈ pyeuꞈ laˇ-eu aˇ yamˬ peh laˇ-euˬ meh.

Panmaeq 22:12

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Tsawˇ haˬ yawˬ gʼaˬ na luꞈ-ahˇ yawˬ ha neh kʼaˇ mˇ kʼaˇ shaˇ dzeuˇ-euˬ loꞈ-ehˇ geuˇ ni laꞈ sawˬ biꞈ-eu gʼaˇ duˬ ngaˇ oe ma.

Panmaeq 22:18

Sahˬ boꞈ heu taꞈ laꞈ kʼoeˇ ahˇ-eu mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ kʼaˇ ya gaˬ-euˬ tsawˇ haˬ yawˬ gʼaˬ na luꞈ, yaw kʼaˆ kʼaˆ-ehˇ yahˇ-eu gʼaˇ duˬ, ngaˇ Yoˇhaˬ heu loꞈ-ehˇ ehˇ-eu ma. Tsawˇ haˬ tiˬ gʼaˬ dawˬ tiˬ dawˬ na dawˆ lahˬ naˇ, aˬ yawꞈ ya daˬ-eu kʼehˬ-eu kʼaˆ-eu jeˬ uˬ taꞈ, sahˬ boꞈ heu taꞈ laꞈ kʼoeˇ ehˇ taˬ-euˬ kʼehˬ-eu kʼaˆ-eu jeˬ Miˬyehˇ aˬ yawꞈ-ahˇ paˇ ciˬ pi tehꞈ-a.

Panmaeq 22:7

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Sahˬ boꞈ heu taꞈ laꞈ kʼoeˇ mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh.”