Panmaeq 21:25 - Akha

²⁵ Meuˬ-euˬ lahˇ kʼehˬ kʼoeˇ deuˬ maˬ piˬ tehˬ ni nah ga-ehˇ pah taˬ tehꞈ-a. Aˬ jeˬ miˇ neh ehˇ naˇ, kʼoeˇ gaˇ uˬ ciꞈ ciꞈ-iˇ-eu maˬ baw-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Meuq-euq lanrkhaeq deuq-aq, maq piqtaeq-aer nan’ga-i pantaq taef-a. Heugar-aq, uqcif cif-ir-eu maqbaw-a.

Panmaeq 21:25 ပူးပေါင်းရင်းမြစ်များ

Iˇsaˬyaˇ 60:11

Miˇ kʼahˬ sahˬ paˬ deuˬ pyuˇ shuiˇ myawˬ gahˬ sha ha le nya ni, uˬ ciꞈ nah gʼahˇ maˬ ehˇ nawˬ-euˬ meuˬ lahˇ laˇ gʼoˆ pah dzeh taˬ ma.

Iˇsaˬyaˇ 60:20

Shaˬ zahˬ naꞈ-eu nawˬ-euˬ aˇ nah aˇ yamˬ dzeuˇ-awˇ, Sahˬpaˬ Miˬyehˇ pyeuꞈ-eu ngaˇ-aˬ, mˬ maˬ maˬ byaˆ zaˇ ziˇ nawˬ-euˬ yaw shehꞈ pyeuꞈ-awˇ, nahˇ ma hawˇ-eu ba la maˬ tseˇ gmˬ ma.

Zaˬkaˬliˇ 14:7

Yaw zahˇ tiˬ pawꞈ-iˬ maˬ paˇ jaˆ-ehˇ, uˬ ciꞈ paw kʼawꞈ nah gʼahˇ loꞈ-ehˇ yaw shehꞈ bya tehꞈ-a. Kʼoeˇ loꞈ-ehˇ pyeuꞈ laˇ-eu aˇ yamˬ Sahˬpaˬ Miˬyehˇ tehꞈ-ehˇ siˬ nya-eu meh.

Panmaeq 21:12

Huiˬ dui goˇ dui dui-eu meuˬ meuˬ lahˇ gawˬ taˬ-awˇ, lahˇ kʼehˬ tseˇ nyiꞈ kʼehˬ jaˆ-awˇ, mˬ taˆ gʼaˬ kʼehˇ tseˇ nyiꞈ gʼaˬ loꞈ luꞈ-eu meh. Lahˇ kʼehˬ kʼoeˇ deuˬ kʼoeˇ taˆ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ tsawˇ myahˇ boꞈ taˬ-euˬ meh.

Panmaeq 21:15

Ngaˬ-ahˇ dawˬ ngehˬ cawˬ-euˬ mˬ taˆ gʼaˬ kʼehˇ kʼoeˇ gʼaˬ-aˬ, meuˬ-ahˇ maˬ ehˇ, lahˇ kʼehˬ deuˬ-ahˇ maˬ ehˇ, meuˬ meuˬ lahˇ-ahˇ maˬ ehˇ, dza haw-eu shuiˇ daˇ dza ahˇ-eu meh.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.