Panmaeq 21:12 - Akha

¹² Huiˬ dui goˇ dui dui-eu meuˬ meuˬ lahˇ gawˬ taˬ-awˇ, lahˇ kʼehˬ tseˇ nyiꞈ kʼehˬ jaˆ-awˇ, mˬ taˆ gʼaˬ kʼehˇ tseˇ nyiꞈ gʼaˬ loꞈ luꞈ-eu meh. Lahˇ kʼehˬ kʼoeˇ deuˬ kʼoeˇ taˆ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ tsawˇ myahˇ boꞈ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Meuq heumeuq-aq, zawr huiq-awr gor-eu lanr jav-awr, lanr-euq lanrkhaeq 12 khaeq danr-awr, mqtav ghaqkhaer 12 ghaq jawr-eu mae. Lanrkhaeq khoerdeuq-euq khoertav, Irsaqleqlav tsawrjeuq 12 jeuq-euq tsawrmyanr boftaq-euq mae.

Panmaeq 21:12 ပူးပေါင်းရင်းမြစ်များ

2 Laˬsaˬbaˬ 9:19

Dawˬ dzm dawˬ tehꞈ aˬ yawꞈ tehꞈ yawꞈ-euˬ kʼoeˇ paˆ ma paˆ-ehˇ aˇ laˬ jaˬ shiˇ mawˇ kawˇ tiˬ paw tiˬ kawˇ yawꞈ luꞈ-awˇ, aˇ laˬ jaˬ shiˇ mawˇ kawˇ kʼoeˇ dawˬ tawˆ luꞈ tseˇ nyiꞈ kawˇ byah-eu meh. Nuiˇ mahˬ kʼoeˇ mahˬ-ahˇ duˇ-eu nuiˇ mahˬ miˇ kʼahˬ tiˬ kʼahˬ-ahˇ-iˬ maˬ jaˆ haw-aˬ.

Eˇzaˬlaˬ 9:9

Nga maꞈ aˬ cawˬ zaˬ kʼaˆ geuꞈ luꞈ kʼawꞈ, nawˇ nga maꞈ-ahˇ byehˇ dzeh-awˇ kʼoeˇ loꞈ-ehˇ tehꞈ-ehˇ maˬ bi dehꞈ laꞈ-aˬ. Paˇshaˇ sahˬ paˬ deuˬ nga maꞈ-ahˇ gʼawˬ shaˬ gaˬ-awˇ, cawˆ-iˇ taˬ-euˬ nawˬ-euˬ Uˬ duˬ tahˬ nymˇ nymˇ ma-ahˇ paˇ bi tsoˆ muiˬ leˇ nehˬ laꞈ-awˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ guˆ kʼaˇ maˬ za ni nga maꞈ ya dehꞈ ya jawˇ-eu gʼaˇ duˬ, aˬ yawꞈ maꞈ-euˬ nui ma-ahˇ nawˇ laˆ saˆ nehˬ-euˬ meh.

Neˬhaˬmiˇ 12:27

Yeˬluˇsaˬlehˬ meuˬ lahˇ Miˬyehˇ-ahˇ a nehˬ ngeh, cehˇ lehˇ ciˆ, deuˇ-mˬ diˬ-awˇ ja ceuˬ-eu caˇ dawˬ bi caˇ-eu gʼaˇ duˬ, doe doe-ehˇ jawˇ luꞈ-eu Leˬbiˇ tsawˇ haˬ deuˬ-ahˇ meuˬ lahˇ a nehˬ-eu bawˬ-iˬ jahˇ gaˇ bi laˇ uiˬ-euˬ meh.

Jaceuq 122:7

Nawˬ-euˬ meuˬ lahˇ laꞈ kʼoeˇ suˬ saˬ-eu jeˬ maˬ ya keuˆ le-ehˇ, sahˬ paˬ-euˬ nymˇ guˆ-eu gaˆ-eu jeˬ-ahˇ buˬ-iˇ luꞈ-uˇ.

Jaceuq 51:18

Miˬyehˇ-oˇ, Ziˇoˬ gawˬ jawˬ-ahˇ gʼawˬ shaˬ gaˬ-awˇ ngehˬ gʼeh nehˬ-awˬ. Yeˬluˇsaˬlehˬ meuˬ-euˬ meuˬ lahˇ laˆ muiˬ nehˬ-awˬ.

Doˆ-iˇ 28:21

Kʼaˬ lo sehˇ heu tseˇ nyiꞈ siˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ-euˬ dah zaˇ pyeuꞈ-eu gʼaˇ duˬ, aˬ yawꞈ siˬ yawꞈ kʼoeˇ taˆ, Yaˬkoˆ-euˬ aˬ li tiˬ li-euˬ tsawˇ myahˇ ya toeˬ boꞈ taˬ meh.

Iˇsaˬyaˇ 54:12

Nawˬ-ahˇ loꞈ piˇ-eu nymˇ nymˇ goˇ deuˬ-ahˇ, kʼaˬ lo sehˇ yaw neˇ neh gawˬ ma. Miˬ dzaˬ loꞈ-ehˇ bya-eu kʼaˬ lo sehˇ deuˬ yuˇ-awˇ, nawˬ-euˬ meuˬ lahˇ ngaˇ gawˬ ziꞈ ma. Nawˬ-euˬ meuˬ lahˇ tiˬ jawˬ kʼaˬ lo sehˇ neh gawˬ ma.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Maꞈtehˬ 18:10

“Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Luˇkaꞈ 15:10

Kʼoeˇ gaˇ duˇ ni, iˬ baˇ zaˬ tiˬ gʼaˬ iˬ baˇ noeˬ poˆ-euˬ gaˇ, Miˬyehˇ-euˬ mˬ taˆ gʼaˬ kʼehˇ deuˬ laˬ kʼaˬ cehˇ-eu meh lehˇ, naw maꞈ-ahˇ ngaˇ ehˇ-eu ma.”

Luˇkaꞈ 16:22

“Iˇ shaˬ iˇ taw kʼoeˇ gʼaˬ shiˇ-awˇ, mˬ taˆ gʼaˬ kʼehˇ deuˬ neh Aˬbyaˬhaˬ-euˬ bawˇ kʼahˇ-ahˇ ciˬ keuˆ ha nehˬ leˇ-euˬ meh. Smˇ muiˬ smˇ baw kʼoeˇ gʼaˬ kʼawꞈ shiˇ-awˇ, baꞈ pahˬ-iˇ-euˬ meh.

Gʼaˬkʼehˇ 26:7

Aˬ dui-euˬ tsawˇ jeuˬ tseˇ nyiꞈ jeuˬ luꞈ, uˬ ciꞈ nah gʼahˇ maˬ ehˇ, Miˬyehˇ-ahˇ uˬ duˬ tahˬ tahˬ-ehˇ noeˬ tmˬ luꞈ-eu kʼoeˇ kʼawꞈ, nymˬ-mˇ ngaˇ noeˬ tmˬ luꞈ-eu heu hmˬ meh. Sahˬ paˬ-oˇ, kʼoeˇ loꞈ-ehˇ noeˬ tmˬ-eu heu hmˬ baˬ da neh Yuˇdaˆ tsawˇ haˬ deuˬ ngaˬ-ahˇ yaˇ kʼaˬ ja-eu meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

Panmaeq 21:13

Tiˬ pyawˬ-ahˇ lahˇ kʼehˬ smˇ kʼehˬ dahˇ-eu meh. Nahˇ ma doˆ kʼehˬ paw pyawˬ-ahˇ smˇ kʼehˬ, laꞈ oˆ pyawˬ-ahˇ smˇ kʼehˬ, laꞈ taˆ pyawˬ-ahˇ smˇ kʼehˬ, nahˇ ma ga kʼehˬ pyawˬ-ahˇ smˇ kʼehˬ dahˇ-eu meh.

Panmaeq 21:15

Ngaˬ-ahˇ dawˬ ngehˬ cawˬ-euˬ mˬ taˆ gʼaˬ kʼehˇ kʼoeˇ gʼaˬ-aˬ, meuˬ-ahˇ maˬ ehˇ, lahˇ kʼehˬ deuˬ-ahˇ maˬ ehˇ, meuˬ meuˬ lahˇ-ahˇ maˬ ehˇ, dza haw-eu shuiˇ daˇ dza ahˇ-eu meh.

Panmaeq 21:25

Meuˬ-euˬ lahˇ kʼehˬ kʼoeˇ deuˬ maˬ piˬ tehˬ ni nah ga-ehˇ pah taˬ tehꞈ-a. Aˬ jeˬ miˇ neh ehˇ naˇ, kʼoeˇ gaˇ uˬ ciꞈ ciꞈ-iˇ-eu maˬ baw-a.

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.