Panmaeq 21:11 - Akha

¹¹ Meuˬ kʼoeˇ-aˬ, Miˬyehˇ-euˬ yaw shehꞈ kʼahˬ sehˇ ahˇ-awˇ, yaw shehꞈ gʼawˬ mya jeˬ ahˇ-eu kʼaˬ lo sehˇ loꞈ-ehˇ yaw shehꞈ bya-awˇ, shawˇ jehˆ ni doˆ coˆ-ehˇ haw mawˇ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Meuq heumeuq-euq lafkhoer, Miqyaer-euq yawshaef khanqsaer jav-awr, yawshaef khoer-aq, jeq-oq-anr dur-eu yawbyaf byaf-aer ghae-eu, arpoeq zawr khav-eu khaqlo saer lof-aer dur-eu mae.

Panmaeq 21:11 ပူးပေါင်းရင်းမြစ်များ

Yawˇbaˆ 28:17

Zaˬ siˬ tsawˇ gahˇ-aˬ, shuiˇ naˆ maˬ tseˇ aˇ poeˬ kʼaˆ-awˇ, shuiˇ myawˬ guˇ hawˇ-eu muiˬ dui dui-eu kʼaw teuꞈ ba la sehˇ neh maˬ paˇ za nya-a.

Iˇsaˬyaˇ 4:5

Kʼoeˇ naˇ, Ziˇoˬ gawˬ jawˬ hawˇ-eu kʼoeˇ gaˇ kʼaˇ uiˬ leˇ taˬ-euˬ tsawˇ haˬ deuˬ kʼoeˇ taˆ, nah gʼahˇ paw Sahˬpaˬ Miˬyehˇ mˬ dmˇ pyehˬ gʼeh leꞈ-awˇ, uˬ ciꞈ paw miˬ dzaˬ miˬ lmˇ hawˇ-eu uˬ kʼoeˬ pyehˬ gʼeh leꞈ tehꞈ-a. Meuˬ meuˬ lah ni kʼoeˇ taˆ Miˬyehˇ-euˬ yaw shehꞈ kʼahˬ sehˇ uˆ tehˬ-awˇ, haw piˇ nehˬ tehꞈ-a.

Yeˬsaˬgeˬlaˇ 1:22

Jeˬluˇbeˬ kʼoeˇ deuˬ-euˬ uˬ duˬ uˬ taˆ, mˬ-ahˇ duˇ-awˇ, kʼaw teuꞈ ba la loꞈ-ehˇ guiˇ nyiˬ ni gʼeh-eu jeˬ jaˆ-eu meh.

Yeˬsaˬgeˬlaˇ 1:26

Mˬ kʼoeˇ siˬ-euˬ kʼoeˇ taˆ, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ jaˆ-awˇ, tsawˇ haˬ-ahˇ duˇ-eu tiˬ gʼaˬ kʼoeˇ-euˬ kʼoeˇ taˆ nuiˇ luꞈ-eu meh.

Yeˬsaˬgeˬlaˇ 28:16

Jeˬ gaꞈ jeˬ ka gʼeh nya laˇ ngeh, yaw haiˬ hawˇ-eu iˬ baˇ mˇ-awˇ, Miˬyehˇ gawˬ jawˬ yaw shawˇ kʼoeˇ taˆ, nawˬ-ahˇ ngaˬ neh teh dzeh-euˬ ma. Yaw shehꞈ bya-eu sehˇ deuˬ gʼahˇ ceh, Jeˬluˇbeˬ nawˬ-ahˇ teh-euˬ meh.

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.

Yeˬsaˬgeˬlaˇ 48:35

Meuˬ meuˬ lahˇ tiˬ jawˬ oeˬ heˇ ngaˬ yaˇ lmˇ byah-eu meh. Aˬ kaˇ naˇ, meuˬ kʼoeˇ meuˬ-euˬ tsawˇ myahˇ-aˬ, “ Sahˬpaˬ Miˬyehˇ heu gaˇ jawˇ meh” lehˇ ya kuˇ paˇ tehꞈ-a.

Panmaeq 15:8

Uˬ duˬ tahˬ nymˇ nymˇ ma laꞈ kʼoeˇ Miˬyehˇ-euˬ baoˬ yaw shehꞈ kʼahˬ sehˇ uˬ kʼoeˬ byah-awˇ, mˬ taˆ gʼaˬ kʼehˇ kʼoeˇ shiꞈ gʼaˬ neh hehˇ leꞈ-euˬ kʼehˬ-eu kʼaˆ-eu kʼoeˇ shiꞈ jeˬ aˇ saˬ maˬ saˬ gʼaˬ kʼoeˇ keuˆ ni, uˬ duˬ tahˬ nymˇ nymˇ ma laꞈ kʼoeˇ tiˬ gʼaˬ-iˬ maˬ uˇ leˇ nya-a.

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.

Panmaeq 4:3

Aˬ yawꞈ-euˬ myaˆ pyawˬ-aˬ, yaw byaꞈ byaꞈ-eu kʼaˬ lo sehˇ hawˇ-eu neˇ tseuˆ ni gʼeh-eu kʼaˬ lo sehˇ-ahˇ duˇ-awˇ, dzoeˬ dzaˬ nuiˇ mahˬ kʼoeˇ-euˬ tiˬ jawˬ, neˇ naˆ naˆ-eu kʼaˬ lo sehˇ-ahˇ duˇ-eu aˇ deˇ leˇ kʼah jaˆ-eu meh.

Panmaeq 4:6

Dzoeˬ dzaˬ nuiˇ mahˬ kʼoeˇ-euˬ mehˬ shi, doˆ coˆ-ehˇ haw mawˇ nya-eu shawˇ jehˆ ni gʼeh-eu pyawˬ haw lah-ahˇ duˇ-eu lah tiˬ lah jaˆ-eu meh. Dzoeˬ dzaˬ nuiˇ mahˬ kʼoeˇ-euˬ tiˬ jawˬ oeˬ pyawˬ luꞈ, mehˬ shi naˇ kʼah myaˆ nuiˆ tiˬ byah ni tsoꞈ gʼoeˬ taˬ-euˬ dehꞈ luꞈ-eu jeˬ zaˬ oeˬ mawˇ jawˇ-eu meh.