Panmaeq 20:9 - Akha

⁹ Aˬ yawꞈ maꞈ miˇ tsaˬ kʼoeˇ taˆ jawˇ byah jiˇ-awˇ, Miˬyehˇ-euˬ tsawˇ haˬ deuˬ-euˬ sehˬ gʼawˆ hawˇ-eu Miˬyehˇ gaˬ-eu meuˬ kʼoeˇ meuˬ-ahˇ jawˬ lahˇ jiˇ-euˬ meh. Ehˇ kʼawꞈ, mˬ-ahˇ neh miˬ dzaˬ ga ka le-awˇ, aˬ yawꞈ maꞈ-ahˇ laˆ luˬ laˆ seˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawfmaf mirtsaq tanqkhawr yawqpaw navluf-anr nae davlar-awr, tsawrshawr deuq-euq naqduq hawr-eu Miqyaer zawr gaq-eu meuq-anr gajawq taq-euq mae. Khoerngae, mq-anr nae miqdzaq gaka lef-awr, aqyawf maf-anr puivdzaq jir-euq mae.

Panmaeq 20:9 ပူးပေါင်းရင်းမြစ်များ

Aˇ dahˬ 19:24

Tiˬ poˆ tehꞈ-ehˇ, miˬ dzaˬ doꞈ luꞈ-eu miˬ dzaˇ dzaˇ shuiˇ deuˬ, uˬ yehˇ yehˇ-eu loꞈ-ehˇ, Sawˇdoˬ meuˬ hawˇ-eu Gawˇmawˇlaˆ meuˬ kʼoeˇ taˆ Sahˬpaˬ Miˬyehˇ bi ga le-euˬ meh.

2 Sahˬpaˬ 6:15

Uˬ shawˬ yaw naꞈ-ehˇ, Eˇliˇshehˇ-euˬ zaˬ kʼaˆ uˬ suˇ tuˇ-awˇ laꞈ nyiˇ doˆ-iˇ ngeh, mahˬ hawˇ-eu mahˬ laˆ lawˬ deuˬ teh luꞈ-eu Suˇliˆ guiˇ maꞈ kʼoeˇ maꞈ neh, meuˬ-ahˇ loꞈ jawˬ jiˇ taˬ-euˬ gaˇ ya mawˇ-euˬ meh. Kʼoeˇ ngeh, Eˇliˇshehˇ jawˇ gaˇ aˬ yawꞈ gʼoꞈ leˇ-awˇ, “Aˬ joˆ-ehˇ jahˇ nmˇ. Aˬ dui kʼoeˇ taˆ luˬ-iˇ seˇ-iˇ-eu jeˬ keuˆ le taˬ-euˬ nga” lehˇ ehˇ nehˬ-euˬ meh.

Yawˇbaˆ 38:18

Miˇ tsaˬ tahˬ kʼawˇ heu aˇ hui ni ahˇ-eu nawˇ siˬ nya naˇ, ngaˬ-ahˇ ehˇ mehˬ nehˬ laꞈ haw sheˇ.

Jaceuq 106:18

Aˬ yawꞈ maꞈ-euˬ mehˬ nah caw teh-eu deuˬ kʼoeˇ taˆ miˬ dzaˬ ga le-awˇ, haiˬ-eu tsawˇ haˬ kʼoeˇ deuˬ-ahˇ puiˆ dzeh-euˬ meh.

Jaceuq 87:2

Iˇsaˬleˬlaˆ miˇ kʼahˬ-ahˇ jaˆ-eu meuˬ deuˬ laꞈ kʼoeˇ, Yeˬluˇsaˬlehˬ meuˬ-ahˇ aˬ yawꞈ gaˬ dzehˬ-eu meh.

Jaceuq 97:3

Aˬ yawꞈ-euˬ mehˬ shi miˬ dzaˬ cah-awˇ, tiˬ jawˬ jawˇ-eu muiˇ-eu deuˬ-ahˇ puiˆ sehꞈ-eu meh.

Iˇsaˬyaˇ 30:33

Aˬshuˇliˆ miˇ kʼahˬ-ahˇ miˬ dzaˬ yaw kʼaˆ-ehˇ bi puiˆ-eu gʼaˇ duˬ, aˇ hu ba neh lehˬ hmˬ taˬ-euˬ jawˇ duˬ jaˆ-eu meh. Kʼoeˇ-aˬ, naꞈ dui jeˇ dui dui-eu miˬ dzaˬ jehˆ bymˇ bymˇ ma meh. Miˬ dzaˬ jehˆ bymˇ kʼoeˇ bymˇ-ahˇ, miˬ dzaˬ miˬ lmˇ ahˇ-eu Sahˬpaˬ Miˬyehˇ-euˬ saꞈ neh baw-awˇ bi puiˆ tehꞈ-a.

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Yeˬsaˬgeˬlaˇ 38:16

Miˇ kʼahˬ nyiˬ tsehˆ-ehˇ baw gʼeh leꞈ-eu ja lehˇ lehˇ ma loꞈ-ehˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ nawˇ oe tehꞈ-a. Aˇ nah aˇ yamˬ kʼoeˇ keuˆ le ngeh, ngaˇ aˬ suˇ gʼaˬ nga lehˇ tsawˇ jeuˬ dawˬ tawˆ luꞈ bi mawˇ duˬ-eu gʼaˇ duˬ maˬ ehˇ, nawˬ-ahˇ zmˬ-awˇ ngaˬ neh mˇ-euˬ jeˬ baˬ da neh, ngaˬ-euˬ muiˬ-eu shawˇ-eu jeˬ bi siˬ bi mawˇ duˬ-eu gʼaˇ duˬ maˬ ehˇ, nawˬ-ahˇ pyehˬ gʼeh-awˇ, ngaˬ-euˬ miˇ kʼahˬ-ahˇ guiˇ bi deuˆ-iˇ ma.

Yeˬsaˬgeˬlaˇ 38:22

Naˇ gawˇ hawˇ-eu shiˬ doˆ le ni laˆ tahˬ laˆ zaw-eu jeˬ aˬ yawꞈ kʼoeˇ taˆ bi keuˆ le ma. Uˬ yehˇ yehˇ ma hawˇ-eu uˬ yehˇ aˇ siˬ nehˬ-ehˇ, miˬ dzaˬ hawˇ-eu miˬ dzaˇ dzaˇ shuiˇ bi yehˇ keuˬ le-awˇ, aˬ yawꞈ hawˇ-eu aˬ yawꞈ-euˬ guiˇ maꞈ kʼoeˇ taˆ maˬ ehˇ, aˬ yawꞈ jawˇ paw kʼaˇ pyawˬ-eu miˇ kʼahˬ deuˬ kʼoeˇ taˆ maˬ ehˇ, bi yehˇ shehˬ ma.

Yeˬsaˬgeˬlaˇ 38:9

Aˬ yawꞈ hawˇ-eu aˬ yawꞈ-euˬ guiˇ maꞈ deuˬ nehˬ-ehˇ, tsawˇ jeuˬ gʼawˬ mya jeuˬ gm leˇ-awˇ, jaˬ lehˇ lehˇ ma baw-eu loꞈ-ehˇ miˇ kʼahˬ kʼoeˇ kʼahˬ-ahˇ guiˇ deuˆ uˇ leꞈ ngeh, mˬ dmˇ ciˬ tehˬ nehˬ-euˬ gaˇ duˇ tehꞈ-a.”

Yeˬsaˬgeˬlaˇ 39:6

Maˬgawˇgaˆ miˇ kʼahˬ hawˇ-eu iˬ ma laˆ shaˆ lawˇ deh caw caw-ehˇ jaˆ-eu nui ma saˇ lehˆ ni jawˇ luꞈ-eu miˇ kʼahˬ deuˬ-ahˇ ngaˇ miˬ dzaˬ bi doꞈ laˇ-awˇ, ngaˇ Sahˬpaˬ Miˬyehˇ pyeuꞈ-eu yawˬ gʼaˬ na luꞈ ya siˬ duˬ tehꞈ-a.

Miˇkaˬ 2:13

Aˬ yawꞈ maꞈ-ahˇ Miˬyehˇ gaˇ ma pah nehˬ-awˇ, aˬ cawˬ neh nyehꞈ gʼeh-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ sheuˬ doˆ nehˬ tehꞈ-a. Meuˬ meuˬ lahˇ-ahˇ aˬ yawꞈ maꞈ tahˬ paˆ doˆ-awˇ, ya buˬ ya law-iˇ tehꞈ-a. Aˬ yawꞈ maꞈ-euˬ sahˬ paˬ pyeuꞈ-eu Sahˬpaˬ Miˬyehˇ-euˬ mawˇ do aˬ yawꞈ maꞈ-ahˇ sheuˬ doˆ gʼeh tehꞈ-a.

Haˬbaˬkuˆ 1:6

Haiˬ dui jawꞈ dui gʼeh dui dui-eu, Baˬbuˇloˬ tsawˇ jeuˬ kʼoeˇ jeuˬ-ahˇ, ciˬ tuˇ-awˇ baoˬ biꞈ-eu laꞈ kʼoeˇ, mˬ dzeˇ miˇ dzeˇ doˆ ni coeˬ-awˇ, aˬ cawˬ miˇ kʼahˬ ceh geuꞈ tehꞈ-a.

Bawˇtsahˬ 11:1

Iˇsaˬleˬlaˆ tsawˇ haˬ deuˬ yawˬ ha ya shaˬ ya zahˬ-eu gaˇ kawˆ, Sahˬpaˬ Miˬyehˇ mehˬ shi toˇ-eu meh. Aˬ yawꞈ maꞈ kʼoeˇ loꞈ-ehˇ toˇ-eu Sahˬpaˬ Miˬyehˇ ya gaˬ ngeh nui ma pehˇ laˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ miˬ dzaˬ pyehˬ gʼeh leꞈ-eu meh. Miˬ dzaˬ kʼoeˇ aˬ yawꞈ maꞈ jawˇ gaˇ doꞈ laˇ-awˇ, taˆ-euˬ gaˇ dzeˇ dzeˇ saˬ paw jawˇ-eu tsawˇ haˬ tiˬ paˆ na deuˬ bi puiˆ sehꞈ-euˬ meh.

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Luˇkaꞈ 17:29

Ehˇ kʼawꞈ, Sawˇdoˬ meuˬ-ahˇ neh Lawˇtaˬ jiˆ doˆ-iˇ ngeh nah, mˬ-ahˇ neh miˬ dzaˬ hawˇ-eu miˬ dzaˇ dzaˇ shuiˇ uˬ yehˇ yehˇ-eu loꞈ-ehˇ ga le-awˇ, aˬ yawꞈ maꞈ dawˬ tawˆ luꞈ shiˇ jiˇ-euˬ meh.

Luˇkaꞈ 19:43

Nawˬ-ahˇ muiˇ-eu deuˬ nawˬ-euˬ tiˬ jawˬ taˆ ciˬ goˇ-awˇ loꞈ jawˬ-eu laꞈ kʼoeˇ, yawˬ paw na luꞈ tah uˇ le-eu aˇ nah keuˆ le tehꞈ-a.

Luˇkaꞈ 21:20

“Yeˬluˇsaˬlehˬ meuˬ-ahˇ guiˇ maꞈ deuˬ jawˬ lahˇ le-euˬ gaˇ ya mawˇ ngeh, meuˬ kʼoeˇ meuˬ ya cawˆ-iˇ-eu aˇ yamˬ keuˆ le-euˬ gaˇ siˬ nya-awˬ.

Luˇkaꞈ 9:54

Aˬ yawꞈ-euˬ zaˬ lahˇ Yaˬkoˆ hawˇ-eu Yoˇhaˬ aˬ nyaꞈ kʼoeˇ gaˇ ya mawˇ ngeh, heu loꞈ-ehˇ ehˇ-eu meh. “Sahˬ paˬ-oˇ, mˬ kʼoeˇ taˆ neh miˬ dzaˬ bi ga le-awˇ, aˬ yawꞈ maꞈ-ahˇ puiˆ dzaˬ jiˇ ni nga nyaꞈ jahˇ-awˬ loˇ.”

Dawˬmehˬ 23:14

Nawˬ-euˬ taˆ-ahˇ, zahˇ sahˇ kʼoꞈ-ahˇ tsaˬ ni yaw muiˬ yaw shawˇ shawˇ-ehˇ bi jaˆ-awˬ. Aˬ jeˬ miˇ neh ehˇ naˇ, nawˬ-ahˇ haw piˇ-eu gʼaˇ duˬ maˬ ehˇ, nawˬ-ahˇ muiˇ-eu deuˬ-ahˇ nawˇ gʼaˬ leˇ nya ni caw ba-eu gʼaˇ duˬ maˬ ehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ taˆ laꞈ kʼoe jawˇ-eu meh. Sahˬpaˬ Miˬyehˇ nawˬ-ahˇ maˬ ya byehˇ dzeh yaꞈ-eu gʼaˇ duˬ, maˬ muiˬ maˬ shawˇ-eu jeˬ maˬ mˇ ni jawˇ-awˬ.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

HeˬByehˇ 13:13

Kʼoeˇ miˇ neh, aˬ dui kʼawꞈ, pu pu dzeˇ aˬ yawꞈ jawˇ gaˇ iˇ-awˇ, shaꞈ dawˇ-eu jeˬ-ahˇ tiˬ kawˆ loꞈ-ehˇ caw daˬ kaˇ-euˇ.

Panmaeq 11:5

Tsawˇ haˬ tiˬ gʼaˬ na aˬ yawꞈ nyaꞈ-ahˇ laˆ coeˬ laˆ ciˆ-eu lehˇ gʼeh naˇ, aˬ yawꞈ nyaꞈ-euˬ kʼaˬ meh-ahˇ miˬ dzaˬ doˆ le-awˇ, aˬ yawꞈ nyaꞈ-ahˇ muiˇ-eu deuˬ-ahˇ laˆ cawˆ tehꞈ-a. Aˬ yawꞈ nyaꞈ-ahˇ laˆ coeˬ laˆ ciˆ-eu lehˇ kʼaˇ leh jeh-eu tsawˇ haˬ-aˬ, kʼoeˇ loꞈ-ehˇ ya shiˇ tehꞈ-a.

Panmaeq 13:13

Jeˬ zaˬ yaw haiˬ nyiˬ mawˇ tiˬ mawˇ-aˬ, zahˬ leˇ paˬ-ehˇ gʼeh-eu gʼawˬ mya jeˬ mˇ mehˬ-euˬ meh. Tsawˇ haˬ yawˬ gʼaˬ na luꞈ mawˇ-eu mehˬ shi, mˬ-ahˇ neh miˇ tsaˬ kʼoeˇ taˆ miˬ dzaˬ ga le ni aˬ yawꞈ jahˇ mehˬ-euˬ meh.