Panmaeq 20:1 - Akha

¹ Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-ahˇ neh zaꞈ ka le gaˇ ngaˇ ya mawˇ-euˬ ma. Aˬ yawꞈ-euˬ aˬ laꞈ-ahˇ, yaw li maˬ baw-eu duˬ kʼahˬ-euˬ mahˬ tawꞈ kahˬ hawˇ-eu shmˇ caˆ caˆ ma yuˇ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae, ngar, mqtav ghaqkhaer tiq ghaq, mq-anr nae zafkale luf-eu gar ya’mawr-euq ma. Aqyawf-euq aqlaf-anr li-eu maqbaw-eu duqkhanq-euq mawqtawfdur hawr-eu shmrcav cavma tiq cav yurluf-eu mae.

Panmaeq 20:1 ပူးပေါင်းရင်းမြစ်များ

Luˇkaꞈ 8:31

Nehꞈ kʼoeˇ deuˬ Yeˬsuˇ-ahˇ shaˇ-eu, “Naꞈ dui dui-eu shiˬ buiˇ lah ma -ahˇ taˬ bi uˇ-iˇ nehˬ laꞈ.” lehˇ, nehꞈ kʼoeˇ deuˬ Yeˬsuˇ-ahˇ shaˇ-eu meh.

2 Beˬtuˆluˆ 2:4

Aˬ jeˬ miˇ neh ehˇ naˇ, iˬ baˇ mˇ-eu mˬ taˆ gʼaˬ kʼehˇ deuˬ-ahˇ keuˆ ni Miˬyehˇ maˬ taˬ nehˬ-ehˇ shiˬ buiˇ lah ma-ahˇ biˬ ahˇ-awˇ, Yaˇ kʼaˬ daˇ-eu Aˇ nah-ahˇ dawˬ luꞈ-eu meh.

Yuˇdaˆ 1:6

Yawˬ ha-ahˇ biꞈ taˬ-euˬ baoˬ laꞈ kʼoeˇ maˬ jawˇ-ehˇ, yawˬ ha-ahˇ bi jawˇ-euˬ jawˇ duˬ-ahˇ byehˇ dzeh-euˬ mˬ taˆ gʼaˬ kʼehˇ kʼoeˇ deuˬ-euˬ gaˇ kawˆ shaˇ noeˬ haw sheˇ. Miˇ oˆ yaw zahˇ laꞈ kʼoeˇ aˬ yawꞈ maꞈ-ahˇ mˬ maˬ maˬ byaˆ zaˇ ziˇ shmˇ caˆ neh paꞈ tawꞈ taˬ-awˇ, aˬ yawꞈ maꞈ-ahˇ yaˇ kʼaˬ daˇ nehˬ-eu Aˇ nah nah huiˬ kʼoeˇ Nah-ahˇ bi dawˬ-euˬ meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 10:1

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ mˬ-ahˇ neh zaꞈ ka le gaˇ ngaˇ ya mawˇ-euˬ ma. Aˬ yawꞈ-ahˇ mˬ dmˇ neh lahˇ kaˬ taˬ-awˇ, uˬ duˬ tiˬ jawˬ aˇ deˇ leˇ kʼah tiˬ kʼah jaˆ-eu meh. Aˬ yawꞈ-euˬ myaˆ pyawˬ nahˇ ma-ahˇ duˇ-awˇ, aˬ kuiˇ miˬ dzaˬ kʼawˇ zeuˇ-ahˇ duˇ-eu meh.

Panmaeq 18:1

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-ahˇ neh paˇ zaꞈ ka le gaˇ ngaˇ ya mawˇ-euˬ ma. Aˬ yawꞈ-aˬ, huiˬ dui dui-eu uˆ lahˇ-eu baoˬ ahˇ-awˇ, aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ yawˬ gaˇ na luꞈ bya keuˆ-eu meh.

Panmaeq 20:3

Tiˬ heˇ kʼoꞈ aˇ yamˬ laꞈ kʼoeˇ miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ mehˇ shuiˇ maˬ bi shuiˇ nya ni, mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ yaw li maˬ baw-eu duˬ kʼahˬ-ahˇ baꞈ ahˇ-awˇ, mahˬ tawꞈ tawꞈ tehˬ-awˇ jmˬ diˬ gʼoeˬ taˬ-euˬ meh. Kʼoeˇ dzeuˇ naˇ, aˬ yawꞈ-ahˇ tiˬ kʼehˬ tiˬ yamˬ pyehˬ nehˬ tehꞈ-a.