Panmaeq 2:27 - Akha

²⁷ Ngaˬ Da neh ngaˬ-ahˇ baoˬ biꞈ laꞈ-euˬ loꞈ-ehˇ, tsawˇ jeuˬ dawˬ tawˆ luꞈ-ahˇ shmˇ gawˬ yoeˬ neh aˬ yawꞈ uˆ lahˇ-awˇ, miˇ tsaˬ oeˬ lahˬ deh paˆ-eu loꞈ-ehˇ deh paˆ deh shaˆ nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ ‘Aqyawf, aqyawf maf-anr shmr gawqyoeq nae uvlanr-awr, mirtsaq oeqlanq daepav-eu lof-aer daepav daeshav taef-a.’ NgaqDa nae ngaq-anr bifnaeq laf-euq lof-aer,

Panmaeq 2:27 ပူးပေါင်းရင်းမြစ်များ

Jaceuq 49:14

Yawˇ loꞈ-ehˇ aˬ yawꞈ maꞈ ya shiˇ cawˆ-awˇ, shiˇ-eu jeˬ aˬ yawꞈ maꞈ-ahˇ bo tehꞈ-a. Gaˇ mahˇ kaˬ-eu shiˇ-eu miˇ kʼahˬ-ahˇ, aˬ yawꞈ maꞈ buꞈ-iˇ shoˆ-iˇ ngeh, yaw tsaˬ yaw dawˇ tsawˇ haˬ deuˬ aˬ yawꞈ maꞈ-ahˇ gʼaˬ leˇ tehꞈ-a.

Iˇsaˬyaˇ 30:14

Mui duiˇ oeˬ lahˬ ga meuˇ jiˇ ngeh, miˬ jiˆ pehˆ ahˇ-eu kuˬ cuˇ luˇ pyehˬ maˬ dzeˇ-ehˇ, iˇ cuꞈ kuˬ-eu ni tseuˆ tseuˆ pyehˬ maˬ oꞈ-eu loꞈ-ehˇ, naw maꞈ guiˬ lahˬ doeˇ tehꞈ-a.”

Yeˬlaˬmiˇ 19:11

Kʼoeˇ naˇ, “Aˬ yawꞈ maꞈ-ahˇ heu loꞈ-ehˇ ehˇ nehˬ-awˬ” lehˇ ehˇ-eu meh. “Tsawˇ haˬ heu deuˬ hawˇ-eu meuˬ heu meuˬ-ahˇ ngaˇ heu loꞈ-ehˇ bi ga paˆ ma. Ciˬ cuˇ heu siˬ paˆ-iˇ shaˆ-iˇ-euˬ loꞈ-ehˇ, maˬ paˇ tsoꞈ tsaꞈ leˇ nya ni pyeuꞈ-iˇ tehꞈ-a. Tawˇpehˆ lehˇ kuˇ-eu jawˇ duˬ kʼoeˇ tsahˇ-ahˇ kʼawꞈ, aˬ yawꞈ maꞈ tsawˇ shiˇ ya baꞈ pahˬ gaˇ keuˆ tehꞈ-a. Aˬ jeˬ miˇ neh ehˇ naˇ, nui gaˇ baꞈ pahˬ kʼaˇ maˬ za ni tsawˇ shiˇ myaˬ dui dui tehꞈ-a.

Daˬyeˬlaˇ 7:18

Ehˇ kʼawꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ dzoeˬ dzaˬ-eu baoˬ za-awˇ, aˬ yawꞈ maꞈ-euˬ miˇ kʼahˬ mˬ maˬ maˬ byaˆ zaˇ ziˇ ziꞈ tehꞈ-a’ lehˇ ehˇ-eu meh.

Daˬyeˬlaˇ 7:22

Kʼoeˇ naˇ, mˬ bymˬ miˇ bymˬ bymˬ ngeh neh jawˇ luꞈ-eu gʼaˬ oe-awˇ, Dawˬ tawˆ kʼoeˇ taˆ huiˬ-eu Miˬyehˇ-euˬ tsawˇ haˬ deuˬ jawˇ paw pyawˬ-awˇ yaˇ kʼaˬ daˇ-euˬ meh. Miˬyehˇ-euˬ tsawˇ haˬ deuˬ miˇ kʼahˬ-ahˇ ya uˆ lahˇ-eu aˇ yamˬ keuˆ laˇ-euˬ meh.

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Luˇkaꞈ 22:29

Ngaˬ Da neh ngaˬ-ahˇ uˆ lahˇ-eu baoˬ biꞈ laꞈ-euˬ loꞈ-ehˇ, naw maꞈ-ahˇ kʼawꞈ baoˬ kʼoeˇ ngaˇ biꞈ-eu ma.

Yoˇhaˬ 17:24

Aˬda-oˇ, nawˬ neh biꞈ laꞈ-euˬ tsawˇ haˬ heu deuˬ nawˇ ngaˬ-ahˇ biꞈ laꞈ-euˬ yaw shehꞈ kʼahˬ sehˇ-ahˇ mawˇ nya ni, aˬ yawꞈ maꞈ-ahˇ ngaˇ kʼaˇ jawˇ gaˇ bi jawˇ mawꞈ-eu ma. Aˬ jeˬ miˇ neh ehˇ naˇ, miˇ tsaˬ tahˬ kʼawˇ maˬ beh mi naˆ-ehˇ nawˇ ngaˬ-ahˇ gaˬ-euˬ meh.

Panmaeq 12:5

Kʼoeˇ naˇ, zaˬ miˬ zaˬ kʼoeˇ gʼaˬ shmˇ gawˬ yoeˬ neh tsawˇ jeuˬ dawˬ tawˆ luꞈ kʼoeˇ taˆ uˆ lahˇ-eu aˬ li tiˬ li ciˬ-euˬ meh. Ehˇ kʼawꞈ, aˬ li kʼoeˇ li-ahˇ Miˬyehˇ jawˇ gaˇ hawˇ-eu Miˬyehˇ-euˬ dzoeˬ dzaˬ nuiˇ mahˬ jaˆ gaˇ bi ciˬ leꞈ-euˬ meh.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.