Panmaeq 2:20 - Akha

²⁰ Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yawˬ haˇ yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ ehˇ-eu zaˬ miˬ zaˬ tiˬ gʼaˬ pyeuꞈ-eu Yeˬsaˬbeˬlaˇ-ahˇ nawˇ tiˬ jeˬ-iˬ maˬ jahˇ ni kʼoeˇ loꞈ-ehˇ pyehˬ taˬ-euˬ meh. Aˬ yawꞈ mehˬ-eu tsoˆ-eu kʼoeˇ-aˬ, ngaˬ-euˬ zaˬ kʼaˆ deuˬ maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ ni sheuˬ bahˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aerkhawf, ngar, nawq-anr aer paq-aer ghae-eu heumyav jeq jav-eu ma. Yawqhar yawqha, Miqyaer gharduq ngaeqdan-eu tsawrhaq ma laer aer-eu zaqmiq aqbur Yeqsaqbeqlar-anr nawr bi jawrluf-eu nga siq. Aqyawf, ngaq-euq ghaqzaq ghaqkhaer-anr banq-awr, khaqmiq sheuni hawr-eu tanqpanq aqma mawrkawr-anr lawrnaeq-euq lawrdzar dzaqni, maeqnaeq tsovnaeq-awr murluf-eu mae.

Panmaeq 2:20 ပူးပေါင်းရင်းမြစ်များ

1 Sahˬpaˬ 16:31

Sahˬ paˬ Yeˬyawˇbamˬ neh mˇ-euˬ iˬ baˇ naˆ ni tehꞈ-ehˇ aˬ yawꞈ nui kʼahˇ maˬ shiˇ-ehˇ, kʼoeˇ naˆ maˬ tseˇ mˇ dzehˬ-eu laꞈ kʼoeˇ, Siˇdoˬ sahˬ paˬ Eˇdaˬbaˬlaˇ-euˬ aˬ buˇ Yeˬsaˬbeˬlaˇ-ahˇ sheuˬ-awˇ, Baˬlaˇ miˬ yehˇ-ahˇ uˬ duˬ tahˬ-euˬ meh.

1 Sahˬpaˬ 17:13

Kʼoeˇ ngeh, miˬ coeˬ miˬ ma kʼoeˇ gʼaˬ-ahˇ Eˇliˇyaˆ ehˇ nehˬ-eu, “Taˬ noeˬ shaˬ. Gʼoꞈ leˇ-awˇ kaˬ muˇ jahˇ leˇ-awˬ. Nawˇ kʼaˇ jaˆ-eu jeˬ laꞈ kʼoeˇ kaˬ muˇ yaw zaˬ zaˬ-ehˇ tiˬ siˬ jahˇ-awˇ, ngaˇ jawˇ gaˇ jeˬ huˬ yuˇ laꞈ-awˬ. Kʼoeˇ naˇ, kʼaˇ dzeˇ-eu deuˬ naw nyaꞈ ma zaˬ jahˇ dzaˬ-awˬ.

1 Sahˬpaˬ 17:4

Lawˇ gawˆ kʼoeˇ gawˆ-euˬ iˇ cuꞈ-ahˇ nawˇ dawˇ-awˬ. Nawˇ dzaˬ-eu dzaˇ sha nehˬ le-eu gʼaˇ duˬ, awꞈ-aꞈ-ahˇ ngaˇ dawˬ biꞈ taˬ gʼaˬ-euˬ ma.

2 Sahˬpaˬ 9:22

Yeˬhuˇ-ahˇ Yoˇlamˬ mawˇ-awˇ, “Yaw muiˬ jeˬ mˇ le-euˬ ma loˇ” lehˇ naˇ haˬ-euˬ meh. Yeˬhuˇ ehˇ-eu, “Nawˬ ma Yeˬsaˬbeˬlaˇ neh aˇ dahˬ beh taˬ yaꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, jaˬ nehꞈ ja maw kʼoeˇ deuˬ kʼaˇ jaˆ kʼoeˇ keuˆ ni, gaˇ kawˆ yaw muiˬ maˬ jaˆ kʼmˬ-aˇ.”

2 Sahˬpaˬ 9:7

Ngaˬ-euˬ gʼaˇ duˬ ngehˬ dah-eu deuˬ hawˇ-eu ngaˬ-euˬ zaˬ kʼaˆ deuˬ-ahˇ sehꞈ-euˬ gʼaˬ pyeuꞈ-eu Yeˬzaˬbeˬlaˇ-ahˇ ngaˇ paˇ kʼehˬ poˆ nehˬ-eu gʼaˇ duˬ, Aˬhaˆ-euˬ aˬ li pyeuꞈ-eu nawˬ-euˬ sahˬ paˬ-ahˇ nawˇ ya sehꞈ meh.

Doˆ-iˇ 34:15

Aˬ jeˬ miˇ neh ehˇ naˇ, lawˇ ciꞈ zaˬ kʼoeˇ deuˬ-aˬ, aˬ yawꞈ maꞈ-euˬ miˬyehˇ-ahˇ lawˇ-eu shehˇ-eu jeˬ mˇ ngeh, naw maꞈ-ahˇ kuˇ-awˇ, lawˇ gʼaˬ shehˇ gʼaˬ-euˬ dzaˇ deuˬ dzaˬ-awˬ lehˇ muˇ tehꞈ-a.

Yeˬsaˬgeˬlaˇ 13:17

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, naw maꞈ-euˬ tsawˇ haˬ deuˬ-ahˇ, mehˬ hu paw pyeuꞈ laˇ-eu gaˇ kawˆ mehˬ luꞈ-eu zaˬ miˬ zaˬ deuˬ-ahˇ haw sheˇ. Aˬ yawꞈ maꞈ-euˬ gaˇ kawˆ nawˇ ngehˬ dah nehˬ-awˬ.

Gʼaˬkʼehˇ 15:20

Ehˇ kʼawꞈ, aˬ yawꞈ maꞈ-ahˇ sahˬ boꞈ boꞈ nehˬ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ maˬ shawˇ-eu dzaˇ deuˬ-ahˇ dzaˬ-eu, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu taꞈ-eu, shiˬ maˬ sehꞈ dzeˇ ni paꞈ sehꞈ-euˬ shaˬ jiˇ hawˇ-eu shiˬ dzaˬ-eu, heu deuˬ-ahˇ maˬ mˇ ni ya yahˇ meh lehˇ ehˇ nehˬ-eu tsaˬ tehꞈ-a.

Gʼaˬkʼehˇ 15:29

Tahˬ pahˬ aˬ ma mawˇ kawˇ-ahˇ lawˇ nehˬ gʼaˬ-euˬ jeˬ taˬ dzaˬ. Shiˬ taˬ dzaˬ. Shiˬ maˬ sehꞈ dzeˇ ni paꞈ sehꞈ-euˬ shaˬ jiˇ taˬ dzaˬ. Maˬ tsaˬ maˬ dawˇ-eu laꞈ kʼoeˇ kʼaˬ miˬ taˬ sheu. Heu deuˬ-ahˇ maˬ mˇ ni gʼeh nya naˇ, muiˬ dui dui tehꞈ-a. Guiˬ lahˬ huiˬ luꞈ-uˇ.”

1 Gawˇliˬtu 10:28

Ehˇ kʼawꞈ, “Heu-aˬ, tahˬ pahˬ aˬ ma mawˇ kawˇ-ahˇ lawˇ nehˬ-euˬ dzaˇ ma” lehˇ ehˇ nehˬ laꞈ naˇ, naw maꞈ-ahˇ ehˇ nehˬ laꞈ-euˬ gʼaˬ-euˬ gʼaˇ duˬ hawˇ-eu, naw maꞈ-euˬ siˬ nya-eu nui ma-euˬ gʼaˇ duˬ shaˇ noeˬ-awˇ, maˬ dzaˬ ni byehˇ-awˬ.

Panmaeq 2:14

Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.

Panmaeq 2:4

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yaw beh nawˇ ngaˬ-ahˇ gaˬ-euˬ loꞈ-ehˇ, nymˬ-mˇ maˬ gaˬ-a.