Panmaeq 2:17 - Akha

¹⁷ “Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ “Naqbawr tsof-awr gaqnya-eu tsawrhaq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq-anr, zaftaq-euq maqnav bidzaq-awr, khaqlo lopyur tiq siq bif ma. Khaqlo khoersiq-euq khoertav tsawrmyanr yawshuif boftaq-euq mae. Khaqlo khoersiq za-euq aqyawfghaq maqngeur nar-aq, tsawrmyanr khoermyanr-anr nuighaq tiqghaq-iq maq siqnya-a.” ’

Panmaeq 2:17 ပူးပေါင်းရင်းမြစ်များ

Jaceuq 25:14

Yehˇdawˬnaˇ-eu tsawˇhaˬdeuˬ-aˬ, SahˬpaˬMiˬyehˇ-euˬcawˬpyeuꞈ-awˇ, Dawˬma saˇjaˇguiˬlahˬdawˬtawˆ, aˬyawꞈmaꞈkʼoeˇtaˆziꞈtehꞈ-a.

Jaceuq 36:8

Baw-eu za-eu nawˬ-euˬnymˇ-ahˇ, aˬyawꞈmaꞈdzaˬdehˆdawˇdehˆ-awˇ, nawˬ-euˬ guiˬlahˬlawˇbaˬyoeˇgaˇ, aˬyawꞈmaꞈya kʼawꞈdawˇ-eu meh.

Doˆ-iˇ 16:33

Kʼoeˇ naˇ, “Ciˬ cuˇ tiˬ siˬ yuˇ-awˇ, maˬnaˆ kaˬ muˇ nyiˬ pehˬ ehˇ gʼaˬ ni pehˬ ahˇ-awˇ, aˬ kaˇ aˬ dui-euˬ zaˬ deuˬ uˆ deuˬ gʼaˇ duˬ bi jeˬ hmˬ taˬ-eu gʼaˇ duˬ, Sahˬpaˬ Miˬyehˇ-euˬ mehˬ shi ciˬ taˬ-iˇ-awˬ” lehˇ, Aˬloˬ-ahˇ Moˇseˬ ehˇ nehˬ-euˬ meh.

Dawqdaq 14:10

Noeˬ shaˬ kʼawꞈ yawˬ ha kʼaˆ behˆ, noeˬ saˇ kʼawꞈ yawˬ ha shaˬ bymˇ meh. Suˇ ngehˬ gʼeh-ehˇ yawˬ kʼawˇ maˬ piˇ-a.

Dawqdaq 3:32

Yawˬ haiˬ jeˬ mˇ-eu tsawˇ haˬ-ahˇ Sahˬpaˬ Miˬyehˇ nui daˆ daˆ-awˇ, Yaw tsaˬ yaw dawˇ tsawˇ haˬ-ahˇ aˬ yawꞈ jah coeˇ-eu meh.

Iˇsaˬyaˇ 56:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ caˆ pyehˆ-euˬ tsawˇ haˬ pyeuꞈ kʼawꞈ, ngaˬ-euˬ nui kʼahˇ poˆ-awˇ, ngaˬ-euˬ dawˬ ma saˇ jaˇ-ahˇ ziꞈ luꞈ-eu, jawˇ nah tawˬ-eu tsawˇ haˬ deuˬ-ahˇ,

Iˇsaˬyaˇ 56:5

Zaˬ jawˇ-eu naˆ maˬ tseˇ muiˬ-eu tsawˇ myahˇ biꞈ-awˇ, ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ, mˬ maˬ maˬ byaˆ zaˇ ziˇ maˬ ngehˇ ni bi jaˆ ma.

Iˇsaˬyaˇ 62:2

Yeˬluˇsaˬlehˬ meuˬ-oˇ, nawˇ gʼaˬ leˇ-eu gʼaˬ pyeuꞈ-eu gaˇ, miˇ kʼahˬ tsawˇ jeuˬ dawˬ tawˆ ya mawˇ tehꞈ-a. Aˬ yawꞈ maꞈ-euˬ sahˬ paˬ dawˬ tawˆ, nawˬ-euˬ yaw shehꞈ kʼahˬ sehˇ-ahˇ ya mawˇ-awˇ, nawˬ-ahˇ tsawˇ myahˇ yaw shuiꞈ myahˇ paˇ tehꞈ-a. Sahˬpaˬ Miˬyehˇ neh biꞈ-euˬ tsawˇ myahˇ myahˇ tehꞈ-a.

Iˇsaˬyaˇ 65:13

Kʼoeˇ miˇ neh ngaˬ-euˬ dawˬ naˇ haˬ-awˇ, ngaˬ-ahˇ uˬ duˬ tahˬ-eu deuˬ, maˬ dzaˬ maˬ dawˇ jiˇ coeˇ ni jaˆ le kʼawꞈ, naw maꞈ ya mehꞈ ya shuꞈ tehꞈ-a lehˇ ehˇ-eu ma. Aˬ yawꞈ maꞈ laˬ kʼaˬ cehˇ luꞈ ngeh, naw maꞈ noeˬ shaˬ-awˇ daˬ ya ga tehꞈ-a.

Iˇsaˬyaˇ 65:15

Ngaˬ neh tseˇ doˆ-euˬ deuˬ yaˬ kʼehˇ yaˬ ngeh, naw maꞈ-euˬ tsawˇ myahˇ zmˬ tehꞈ-a. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, shiˇ-eu jeˬ-ahˇ naw maꞈ kʼoeˇ taˆ bi keuˆ le ma. Ehˇ kʼawꞈ, ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, tsawˇ myahˇ yaw shuiꞈ myahˇ paˇ nehˬ ma.

Maꞈtehˬ 13:11

Yeˬsuˇ ehˇ-eu, “Mˬtaˆ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, aˬ yawꞈ maꞈ-ahˇ maˬ biꞈ taˬ-aˬ.

Yoˇhaˬ 4:32

Ehˇ kʼawꞈ, Yeˬsuˇ ehˇ-eu, “Naw maꞈ maˬ siˬ nya-eu dzaˬ-eu jeˬ ngaˇ dzaˬ gʼaˬ-euˬ ma.”

1 Gawˇliˬtu 2:14

Yaw sahˇ Miˬyehˇ maˬ za-euˬ tsawˇ haˬ aˬ geu gʼaˬ maˬ kaˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ za nya-a. Kʼoeˇ loꞈ-ehˇ gʼeh-eu tsawˇ haˬ-aˬ, Miˬyehˇ-euˬ Yaw sahˇ neh biꞈ-euˬ jeˬ-ahˇ maˬ siˬ nya-ehˇ, aˬ yawꞈ-euˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a. Aˬ jeˬ miˇ neh ehˇ naˇ, kʼoeˇ-aˬ, gaˇ dahˇ tsoeˬ-eu meh lehˇ guiˬ lahˬ saꞈ laˇ paw neh tehꞈ-ehˇ ehˇ tsehˆ nya-eu meh.

Gawˇlawˇsehˇ 3:3

Aˬ jeˬ miˇ neh ehˇ naˇ, naw maꞈ shiˇ-euˬ tsawˇ haˬ pyeuꞈ-awˇ, naw maꞈ maˇ maˇ ni ya dehꞈ-eu jeˬ-aˬ, Ka li dehꞈ-eu jeˬ nehˬ-ehˇ tiˬ kawˆ loꞈ-ehˇ Miˬyehˇ laꞈ kʼoeˇ zaꞈ taˬ-awˇ jaˆ-a siˬ.

Panmaeq 14:3

Tsawˇ haˬ tiˬ seh oeˬ muiˇ oeˬ heˇ gʼaˬ kʼoeˇ-aˬ, dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ deuˬ-euˬ mehˬ shi yawꞈ luꞈ-eu meh. Aˬ yawꞈ maꞈ-aˬ, aˬ cawˬ maˬ caˇ nya-eu caˇdawˬ yaw shuiꞈ tiˬ bymˇ caˇ luꞈ-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ, aˬ yawꞈ maꞈ tehꞈ-ehˇ ka kʼoꞈ-eu jeˬ za-euˬ meh.

Panmaeq 19:16

Aˬ yawꞈ-euˬ pehˇ kʼahˬ pehˇ mahˇ hawˇ-eu shaˬ pyaˬ-ahˇ, “Sahˬ paˬ kʼoeˇ taˆ Sahˬpaˬ” lehˇ boꞈ taˬ-euˬ meh.

Panmaeq 2:11

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-aˬ, nyiˬ poˆ tiˬ poˆ shiˇ-eu jeˬ-ahˇ maˬ paˇ ya daˬ meh.

Panmaeq 2:7

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, Miˬyehˇ-euˬ Eˬdeˬ yaˇ kmˇ laꞈ kʼoeˇ bawˇ-eu dehꞈ-eu saꞈ laˇ biꞈ-eu aˇ bawˇ kʼoeˇ bawˇ-euˬ aˇ siˬ ngaˇ bi dzaˬ ma.

Panmaeq 3:22

“Nawˇ naˬ bawˇ tsoꞈ-eu ngeuˇ naˇ, Yaw sahˇ Miˬyehˇ neh Ka li zaˬ aˇ muˇ deuˬ-ahˇ ehˇ nehˬ-euˬ dawˬ-ahˇ naˇ haˬ-awˬ.

Panmaeq 3:6

“Nawˇ naˬ bawˇ tsoꞈ-eu ngeuˇ naˇ, Yaw sahˇ Miˬyehˇ neh Ka li zaˬ aˇ muˇ deuˬ-ahˇ ehˇ nehˬ-euˬ dawˬ-ahˇ naˇ haˬ-awˬ.