Panmaeq 2:16 - Akha

¹⁶ Kʼoeˇ miˇ neh, nawˬ-euˬ iˬ baˇ-ahˇ byehˇ dzeh-awˬ. Maˬ byehˇ dzeh naˇ, nawˇ jawˇ gaˇ ngaˇ yaw kawˇ-ehˇ oe-awˇ, ngaˬ-euˬ kʼaˬ meh-ahˇ doˆ le-euˬ mi cehˇ neh tsawˇ haˬ kʼoeˇ deuˬ-ahˇ ngaˇ guiˇ deuˆ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoermirnae, noeqpov noeqpar mr-awq. Maq noeqpov nar-aq, ngar, nawr jawr-eu gar yawkawr-aer oe-awr, ngaq-euq khaqmae-anr nae dovle-eu micaer nae tsawrhaq khoerdeuq-anr guirdeuvdeuv ma.

Panmaeq 2:16 ပူးပေါင်းရင်းမြစ်များ

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 49:2

Ngaˬ-euˬ dawˬ deuˬ mi cehˇ mi seuˬ loꞈ-ehˇ taˆ ni aˬ yawꞈ jahˇ-awˇ, aˬ yawꞈ-euˬ aˬ laꞈ neh ngaˬ-ahˇ haw piˇ-euˬ meh. Kaˆ-ahˇ gʼoˆ daˬ-awˇ beuˆ-eu kaˆ myaˬ-ahˇ duˇ ni, aˬ yawꞈ ngaˬ-ahˇ seuˆ ceh-euˬ meh,

Eˇpeˇsu 6:17

Ka kʼoꞈ-eu jeˬ pyeuꞈ-eu shmˇ uˬ kʼoˆ kʼoˆ-awˇ, Yaw sahˇ Miˬyehˇ neh biꞈ laꞈ-euˬ mi cehˇ pyeuꞈ-eu Miˬyehˇ-euˬ dawˬ kawˬ-ahˇ tuˆ tehˬ taˬ-awˬ.

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

Panmaeq 1:16

Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

Panmaeq 16:9

Aˬ yawꞈ maꞈ-aˬ, lahˇ dui dui-eu miˬ dzaˬ kʼoeˇ neh bi lahˇ-awˇ, kʼehˬ-eu kʼaˆ-eu kʼoeˇ deuˬ kʼoeˇ taˆ baoˬ jaˆ-eu gʼaˬ pyeuꞈ-eu Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Ehˇ kʼawꞈ, aˬ yawꞈ maꞈ iˬ baˇ maˬ noeˬ poˆ-ehˇ, aˬ yawꞈ huiˬ dui mahˇ dui dui gaˇ maˬ ja ceuˬ-a.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Panmaeq 19:21

Aˬ yawꞈ maꞈ-euˬ guiˇ maꞈ deuˬ-aˬ, mahˬ dziˬ luꞈ-eu gʼaˬ-euˬ kʼaˬ meh-ahˇ doˆ le-euˬ miˬ cehˇ neh bi sehꞈ jiˇ-euˬ meh. Aˇ jiˇ dawˬ tawˆ luꞈ aˬ yawꞈ maꞈ-euˬ shaˬ jiˇ tiˬ dehˆ dzaˬ-euˬ meh.

Panmaeq 2:12

Beˬlaˬgaˬ meuˬ-ahˇ jawˇ-eu Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, mi seuˬ nyiˬ pyawˬ tsoꞈ-eu mi cehˇ jaˆ-eu gʼaˬ-euˬ dawˬ meh.

Panmaeq 2:5

Nawˇ aˇ naˆ ni awˆ gaˇ ga keuˆ-iˇ taˬ-euˬ gaˇ kawˆ shaˇ noeˬ haw sheˇ. Iˬ baˇ-ahˇ byehˇ dzeh yaꞈ-awˇ, yaw beh nawˬ neh mˇ-euˬ jeˬ-ahˇ paˇ mˇ poˆ-awˬ. Nawˬ-euˬ iˬ baˇ-ahˇ nawˇ maˬ byehˇ dzeh naˇ, nawˇ jawˇ gaˇ ngaˇ oe-awˇ, nawˬ-euˬ tsiˇ kʼmˬ doꞈ taˬ duˬ yuˇ kʼoꞈ ma. Ehˇ kʼawꞈ, nawˇ yaw muiˬ tiˬ jeˬ mˇ luꞈ nga siˬ.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.

Panmaeq 22:7

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Sahˬ boꞈ heu taꞈ laꞈ kʼoeˇ mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ deuˬ-ahˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh.”

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.