Panmaeq 2:14 - Akha

¹⁴ Ehˇ kʼawꞈ, ngaˇ nawˬ-ahˇ heu myaˆ jeˬ iˬ baˇ taˬ kʼaˇ za-eu ma. Iˇsaˬleˬlaˇ tsawˇ haˬ deuˬ tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu ni mehˇ shuiˇ shuiˇ-awˇ aˬ joˆ-ehˇ ya sheuˬ pyawˇ-eu gaˇ kawˆ, Baˬlehˇ-ahˇ mehˬ nehˬ-euˬ gʼaˬ pyeuꞈ-eu Baˬlamˬ neh mehˬ-euˬ tsoˆ-euˬ dawˬ deuˬ-ahˇ, nawˬ-euˬ tsawˇ haˬ tiˬ paˆ na deuˬ caw teh luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aerkhawf, ngar, nawq-anr aer paq-aer ghae-eu heumyav jeq jav-eu ma. Nawr jawr-eu gar, Baqlamq-euq dawqmaeq dawqtsov-anr cantae-eu tsawrhaq bijawr-euq mae. Dawqmaeq dawqtsov khoer-aq, Irsaqleqlav-euq zaqdeuq sanqtif bitif-eu laer, tanqpanq aqma mawrkawr-anr lawrnaeq-euq lawrdzar dzaqni hawr-eu, banq-awr khaqmiq sheuni, Baqlamq nae Baqlaer-anr maeqnaeq-euq mae.

Panmaeq 2:14 ပူးပေါင်းရင်းမြစ်များ

Iˇsaˬyaˇ 57:14

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ ngaˇ jawˇ gaˇ gʼoꞈ laˇ-eu gʼaˇ duˬ, gaˇ jawˬ lehˬ hmˬ laˆ saˆ dahˇ-awˇ, gaˇ ma-ahˇ tsoeˬ-eu jeˬ yuˇ dzeh jiˇ-awˬ.

Yeˬlaˬmiˇ 6:21

Tsawˇ haˬ heu deuˬ sahˬ tiꞈ tiꞈ-awˇ coˬ-iˇ ni ngaˇ jahˇ ma. Aˬ da hawˇ-eu zaˬ tiˬ gaˇ ya shiˇ-awˇ, nymˇ kaˬ taꞈ-eu cawˬ deuˬ tiˬ kawˆ loꞈ-ehˇ ya shiˇ tehꞈ-a.”

Yeˬsaˬgeˬlaˇ 3:20

“Yaw tsaˬ yaw dawˇ tsawˇ haˬ iˬ baˇ mˇ dahˬ beh laˇ-awˇ, ngaˬ neh shaˬ zahˬ laˆ naꞈ nehˬ ngeh, aˬ yawꞈ-ahˇ nawˇ maˬ mehˬ maˬ tsoˆ nehˬ ni aˬ yawꞈ shiˇ naˇ, aˬ yawꞈ-euˬ iˬ baˇ baˬ da neh shiˇ-euˬ jeˬ pyeuꞈ-eu meh. Aˬ yawꞈ neh mˇ-euˬ yaw muiˬ jeˬ dawˬ tawˆ luꞈ-ahˇ ngaˇ ngehˇ byoˆ nehˬ jiˇ-eu uˬ taꞈ, nawˬ-ahˇ kʼawꞈ ngaˇ do yuˇ ma.

Yeˬsaˬgeˬlaˇ 44:12

Ehˇ kʼawꞈ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ sheuˬ gʼeh nehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ iˬ baˇ mˇ ni sheuˬ bahˬ-euˬ miˇ neh, aˬ yawꞈ maꞈ-ahˇ kʼehˬ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.

Bawˇtsahˬ 24:14

Baˬlehˇ-ahˇ Baˬlamˬ ehˇ nehˬ-eu, “Ngaˬ-euˬ tsawˇ haˬ jawˇ gaˇ ngaˇ nymˬ-mˇ gʼoꞈ-iˇ ma. Ngaˇ maˬ gʼoꞈ-iˇ mi naˆ-ehˇ, aˬ kaˇ, Iˇsaˬleˬlaˆ tsawˇ haˬ deuˬ nawˬ-euˬ tsawˇ haˬ deuˬ kʼoeˇ taˆ aˬ joˆ-ehˇ jahˇ nehˬ laꞈ paˬ-ehˇ jaˆ-eu gaˇ kawˆ ehˇ nehˬ yaꞈ nyaˇ.”

Bawˇtsahˬ 31:16

Peˬoˇ lehˇ kuˇ-eu jawˇ duˬ-ahˇ zaˬ miˬ zaˬ heu deuˬ Baˬlamˬ neh mehˬ nehˬ-euˬ loꞈ-ehˇ mˇ-awˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ saˇ jaˇ maˬ ziꞈ ni pyeuꞈ-iˇ-euˬ naw maꞈ ngehˇ teˬ loˇ. Kʼoeˇ baˬ da neh Sahˬpaˬ Miˬyehˇ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ keuˆ le-euˬ maˬ ngeuˇ-a loˇ.

Bawˇtsahˬ 31:8

Miˇdiˬyaˬ tsawˇ haˬ deuˬ-euˬ sahˬpaˬ ngaˬ gʼaˬ pyeuꞈ-eu Eˇbiˇ, Leˬkeˬ, Zuˇlaˆ, Huˇlaˆ hawˇ-eu Leˬbaˇ-ahˇ kʼawꞈ, sehꞈ-euˬ meh. Beˬyoˇ-euˬ aˬ li Baˬlamˬ-ahˇ kʼawꞈ, aˬ yawꞈ maꞈ sehꞈ-euˬ meh.

Maꞈtehˬ 18:7

Tsawˇ haˬ zaˬ-euˬ jah-eu nui ma byoˆ-iˇ ni jahˇ-eu gʼawˬ mya jeˬ jaˆ-eu baˬ da neh, miˇ tsaˬ tahˬ kʼawˇ heu aˇ naˆ ni guˆ laˇ paˬ-ehˇ gʼeh-eu nga. Kʼoeˇ loꞈ-ehˇ gʼeh-eu jeˬ aˬ myah luꞈ jaˆ luꞈ meh. Ehˇ kʼawꞈ, kʼoeˇ loꞈ-ehˇ gʼeh-eu jeˬ bi doˆ laˇ ni mˇ-eu tsawˇ haˬ deuˬ ya noeˬ shaˬ dui dui tehꞈ-a.

Gʼaˬkʼehˇ 15:29

Tahˬ pahˬ aˬ ma mawˇ kawˇ-ahˇ lawˇ nehˬ gʼaˬ-euˬ jeˬ taˬ dzaˬ. Shiˬ taˬ dzaˬ. Shiˬ maˬ sehꞈ dzeˇ ni paꞈ sehꞈ-euˬ shaˬ jiˇ taˬ dzaˬ. Maˬ tsaˬ maˬ dawˇ-eu laꞈ kʼoeˇ kʼaˬ miˬ taˬ sheu. Heu deuˬ-ahˇ maˬ mˇ ni gʼeh nya naˇ, muiˬ dui dui tehꞈ-a. Guiˬ lahˬ huiˬ luꞈ-uˇ.”

Gʼaˬkʼehˇ 21:25

Ehˇ kʼawꞈ, jah-eu tsawˇ haˬ pyeuꞈ laˇ-euˬ aˬ cawˬ tsawˇ jeuˬ deuˬ-ahˇ nga maꞈ sahˬ boꞈ boꞈ ahˇ gʼeh-awˇ, tahˬ pahˬ aˬ ma mawˇ kawˇ-ahˇ lawˇ nehˬ gʼaˬ-eu dzaˇ-ahˇ aˬ yawꞈ maꞈ maˬ dzaˬ-eu gʼaˇ duˬ maˬ ehˇ, shiˬ maˬ dzaˬ-euˬ gʼaˇ duˬ maˬ ehˇ, shiˬ maˬ sehꞈ doˆ-euˬ shaˬ jiˇ maˬ dzaˬ-eu gʼaˇ duˬ maˬ ehˇ, maˬ tsaˬ maˬ dawˇ-eu kʼaˬ miˬ sheu-eu jeˬ maˬ mˇ-eu gʼaˇ duˬ maˬ ehˇ, nga maꞈ bawˬ dzaˬ tsehˆ gʼaˬ-euˬ gaˇ kawˆ ehˇ nehˬ-euˬ ma.”

Lormav 11:9

Daˬbiˇ neh ehˇ taˬ-euˬ heu loꞈ-ehˇ jaˆ-eu meh. “Aˬ yawꞈ maꞈ yaw bui bui luꞈ ngeh, lahˇ ju neh bi kʼmˇ paꞈ luꞈ-uˇ. Aˬ yawꞈ maꞈ coˬ-iˇ-eu laꞈ kʼoeˇ, aˬ cawˬ kʼehˬ gaˇ ya daˬ luꞈ-uˇ.

Lormav 14:13

Kʼoeˇ miˇ neh, aˬ dui tiˬ gʼaˬ tiˇ gʼaˬ iˬ baˇ poˆ-eu jeˬ-ahˇ byehˇ dzeh kaˇ-euˇ. Yawˬ ha-euˬ cawˬ Ka li zaˬ deuˬ sahˬ tiꞈ tiꞈ-awˇ iˬ baˇ laꞈ kʼoeˇ bi coˬ ahˇ-eu gʼaˇ duˬ tiˬ jeˬ-iˬ maˬ mˇ lehˇ, naw maꞈ noeˬ tsehˆ-eu tsaˬ meh.

Lormav 14:21

Shaˬ jiˇ dzaˬ-eu, jiˇ baˬ dawˇ-eu, yawˬ ha-euˬ cawˬ Ka li zaˬ tiˬ gʼaˬ na iˬ baˇ mˇ ni jahˇ-eu, heu loꞈ-ehˇ gʼeh-eu deuˬ-ahˇ yahˇ-eu muiˬ meh.

Lormav 9:32

Aˬ jeˬ miˇ neh maˬ poˆ mawˇ nya ta lehˇ ehˇ ngeh, jah-eu jeˬ-ahˇ aˬ yawꞈ maꞈ maˬ gʼoe-ehˇ, yawˬ ha neh mˇ-euˬ shaˇ-euˬ jeˬ-ahˇ tehꞈ-ehˇ gʼoe-eu miˇ neh meh. Kʼoeˇ miˇ neh, “tsawˇ haˬ zaˬ sahˬ tiꞈ tiꞈ-eu kʼaˬ lo”-ahˇ aˬ yawꞈ maꞈ sahˬ tiꞈ tiꞈ-euˬ meh.

1 Gawˇliˬtu 1:23

Aˬ dui maꞈ-aˬ, laꞈ yaꞈ kʼoeˇ taˆ kamˇ shiˇ-euˬ Ka li gaˇ kawˆ mehˬ-eu ma. Aˬ dui mehˬ-eu dawˬ heu-ahˇ Yuˇdaˆ tsawˇ haˬ deuˬ gʼoˆ coeˬ -eu meh. Aˬ cawˬ tsawˇ jeuˬ deuˬ-aˬ, gaˇ dahˇ maˬ tsoeˬ-eu dawˬ lehˇ sawˇ-eu meh.

1 Gawˇliˬtu 7:2

Ehˇ kʼawꞈ, aˬ cawˬ nehˬ-ehˇ joe ni muˇ juˇ juˇ-eu jeˬ jaˆ myaˬ-eu miˇ neh, kʼaˬ dzeˇ zaˬ yawˬ gʼaˬ na luꞈ miˬ zaˬ baw-eu tsaˬ-awˇ, zaˬ miˬ zaˬ yawˬ gʼaˬ na luꞈ kʼawꞈ kʼaˬ dzeˇ zaˬ baw-eu tsaˬ meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

Yawˇshuˆ 24:9

Kʼoeˇ naˇ, Ziˇpoˬ-euˬ aˬ li pyeuꞈ-eu Mawˇbaˆ sahˬ paˬ Baˬlehˇ naw maꞈ-ahˇ guiˇ deuˆ le-euˬ meh. Beˬyoˇ-euˬ aˬ li Baˬlamˬ jawˇ gaˇ aˬ yawꞈ tsawˇ haˬ pyehˬ gʼeh-awˇ, naw maꞈ-ahˇ yaˬ kʼehˇ yaˬ-awˬ lehˇ bi ehˇ gaˬ-iˇ-euˬ meh.

1 Beˬtuˆluˆ 2:8

Jaˇliꞈ laꞈ kʼoeˇ heu loꞈ-ehˇ paˇ ehˇ taˬ-euˬ jaˆ-eu meh. “Tsawˇ haˬ zaˬ sahˬ tiꞈ bi tiꞈ-awˇ, bi coˬ dzeh-iˇ-eu kʼaˬ lo meh.” Miˬyehˇ dawˬ kawˬ-ahˇ aˬ yawꞈ maꞈ maˬ jah-eu baˬ da neh, aˬ yawꞈ maꞈ sahˬ tiˬ tiꞈ-eu meh. A yawꞈ maꞈ sahˬ tiˬ tiꞈ-eu kʼoeˇ-aˬ, Miˬyehˇ aˇ hu ba neh lehˬ hmˬ taˬ-euˬ jeˬ pyeuꞈ-eu meh.

2 Beˬtuˆluˆ 2:15

Gaˇ ma yaw dawˇ-ahˇ byehˇ dzeh-awˇ, gaˇ bahˬ bahˬ-iˇ-euˬ tsawˇ haˬ pyeuꞈ-eu meh. Maˬ tsaˬ-eu jeˬ mˇ-awˇ za-euˬ pyuˇ shuiˇ-ahˇ nui kʼahˇ jaˆ-eu gʼaˬ pyeuꞈ-eu Beˬyoˇ-euˬ aˬ li Baˬlamˬ-euˬ pehˬ zaˇ-ahˇ caw teh luꞈ-eu meh.

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.

Panmaeq 2:20

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yawˬ haˇ yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ ehˇ-eu zaˬ miˬ zaˬ tiˬ gʼaˬ pyeuꞈ-eu Yeˬsaˬbeˬlaˇ-ahˇ nawˇ tiˬ jeˬ-iˬ maˬ jahˇ ni kʼoeˇ loꞈ-ehˇ pyehˬ taˬ-euˬ meh. Aˬ yawꞈ mehˬ-eu tsoˆ-eu kʼoeˇ-aˬ, ngaˬ-euˬ zaˬ kʼaˆ deuˬ maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ ni sheuˬ bahˬ-euˬ meh.

Panmaeq 2:4

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yaw beh nawˇ ngaˬ-ahˇ gaˬ-euˬ loꞈ-ehˇ, nymˬ-mˇ maˬ gaˬ-a.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.