Panmaeq 19:8 - Akha

⁸ Dahˬ dzaˬ-iˇ-eu zaˬ miˬ gʼaˬ-ahˇ, yaw shehꞈ bya-eu paˇ pyuˇ paˇ shawˇ, bi dm-eu lehˇ jahˇ taˬ-euˬ meh.” (Paˇ pyuˇ paˇ shawˇ kʼoeˇ-aˬ, Miˬyehˇ-euˬ tsawˇ haˬ deuˬ neh mˇ-euˬ yaw tsaˬ yaw dawˇ jeˬ-euˬ dawˬ tsuiꞈ pyeuꞈ-eu meh.)

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Khoerngae, miqshuif-anr shawrjaevni ghae-awr yawshaef bya-eu, muiq-eu sheqsha saqpar maeqtsoeq bifnaeq-awr bidm-euq mae. Sheqsha saqpar khoer-aq, tsawrshawr deuq nae tsaq-awr dawr-eu jeq mr-euq gar aermawf-eu mae.

Panmaeq 19:8 ပူးပေါင်းရင်းမြစ်များ

Jaceuq 132:9

Nawˬ-euˬ piˇ ma deuˬ aˬ myah luꞈ, yaw tsaˬ yaw dawˇ dawˇ-ehˇ mˇ-awˇ, nawˬ-euˬ tsawˇ haˬ deuˬ laˬ kʼaˬ cehˇ-awˇ guˇ luꞈ-uˇ.

Dawqdaq 31:22

Aˬ yawꞈ yuꞈ zaˇ kʼawˬ daˬ yaw muiˬ paˬ-ehˇ guꞈ taˬ-awˇ, neˇ tseuˆ ni gʼeh-eu muiˬ dui dui-eu mehˬ tsoeˬ deuˬ dm-eu meh.

Iˇsaˬyaˇ 3:23

shaˬ jiˇ mawˇ laˇ-eu pehˇ kʼahˬ maˬ ehˇ, paˇ jeh maˬ ehˇ, uˬ boeˬ maˬ ehˇ, myaˆ pyawˬ-ahˇ tsahˇ kaˬ-eu paˇ dzeh dzeh mahˇ maˬ ehˇ, bi yuˇ dzeh jiˇ tehꞈ-a.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Yeˬsaˬgeˬlaˇ 16:10

Aˇ boꞈ aˇ yehˆ yehˆ taˬ-euˬ pi di di mahˇ bi dm-awˇ, muiˬ dui dui-eu shaˬ kʼoˆ neh guꞈ taˬ-euˬ sehˬ nawˆ bi nawˬ-euˬ ma. Shawˇ jehˆ ni gʼeh-eu saˬ paˇ neh guꞈ taˬ-euˬ uˬ dzahˬ bi dzahˬ-awˇ, boeˬ kahˇ neh zaꞈ taˬ-euˬ pehˇ kʼahˬ bi dm-euˬ ma.

Yeˬsaˬgeˬlaˇ 44:17

Uˬ duˬ tahˬ nymˇ nymˇ ma-euˬ laꞈ kʼoeˇ pu kaˬ-ahˇ le-eu gʼoˆ kʼehˬ-ahˇ aˬ yawꞈ maꞈ kʼaˇ uˇ leˇ ngeh, shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ aˬ yawꞈ maꞈ ya dm meh.

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Maꞈtehˬ 22:12

‘Cawˬ-oˇ, oeˇ mˇ baˇ gaˇ kʼaˇ laˇ-eu tsawˇ haˬ deuˬ ya dm-eu mehˬ tsoeˬ maˬ dm ni, nawˇ heu gaˇ aˬ joˆ-ehˇ laˇ uˇ-awˇ jawˇ te’ lehˇ sahˬ paˬ aˬ yawꞈ-ahˇ naˇ haˬ kʼawꞈ, tsawˇ haˬ kʼoeˇ gʼaˬ dawˬ maˬ tmˇ-a.

Maˬkuˆ 9:3

Aˬ yawꞈ-euˬ mehˬ tsoeˬ yaw shehꞈ bya laˇ-awˇ, pyuˇ deuˬ ni gʼeh-eu meh. Miˇ tsaˬ kʼoeˇ taˆ jawˇ-eu mehˬ tsoeˬ lehˬ tsiˬ-eu tsawˇ haˬ tiˬ gʼaˬ-iˬ, kʼoeˇ naˆ naˆ-ehˇ pyuˇ laˇ ni maˬ lehˬ tsiˬ shawˇ nya-a.

Luˇkaꞈ 24:4

Aˬ yawꞈ maꞈ zahˬ leˇ-awˇ jawˇ ngeh, yaw shehꞈ bya-eu mehˬ tsoeˬ dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh yawꞈ luꞈ gaˇ ya mawˇ-euˬ meh.

Gʼaˬkʼehˇ 1:10

A yawꞈ maꞈ aˬ yawꞈ mˬ-ahˇ gʼoꞈ daˆ leˇ gaˇ haw tsoˆ-awˇ jawˇ ngeh, mehˬ tsoeˬ pyuˇ deuˬ ni dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh ja pyuˬ ni yawꞈ le-euˬ meh.

Lormav 13:14

Aˬ dui-euˬ guiˇ deuˆ-eu keu ka pyeuꞈ-eu Yeˬsuˇ Ka li-ahˇ dm-awˇ, shiˬ shaˬ jiˇ-euˬ nui loˆ maˬ paˇ poˆ ni, shiˬ shaˬ jiˇ nui kʼahˇ jaˆ-eu jeˬ-ahˇ byehˇ dzeh yaꞈ jiˇ kaˇ-euˇ.

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

Panmaeq 15:4

Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”

Panmaeq 15:6

Kʼehˬ-eu kʼaˆ-eu shiꞈ jeˬ ahˇ-eu mˬ taˆ gʼaˬ kʼehˇ shiꞈ gʼaˬ, uˬ duˬ tahˬ nymˇ nymˇ ma laꞈ kʼoeˇ neh doˆ le-euˬ meh. Aˬ yawꞈ maꞈ-aˬ, yaw shehꞈ bya-eu shawˇ jehˆ ni gʼeh-eu saˬ paˇ paˇ pyuˇ dm-awˇ, kʼahˬ-ahˇ shuiˇ joꞈ paꞈ paꞈ luꞈ-eu meh.

Panmaeq 19:14

Mˬ taˆ guiˇ maꞈ deuˬ mahˬ mahˬ pyuˇ dziˬ-awˇ, shawˇ jehˆ ni gʼeh-eu saˬ paˇ paˇ pyuˇ dm-awˇ, aˬ yawꞈ-euˬ mehˬ nah caw teh-eu meh.

Panmaeq 3:18

Kʼoeˇ miˇ neh, nawˇ smˇ muiˬ bi muiˬ laˇ-eu gʼaˇ duˬ, ngaˇ jawˇ gaˇ maˇ jawˆ ni gʼeh-eu shuiˇ zeuˇ laˇ-awˬ lehˇ nui noeˬ nui duˇ biꞈ-eu ma. Nawˇ dm-eu gʼaˇ duˬ mehˬ tsoeˬ yaw pyuˇ kʼawꞈ zeuˇ-awˇ, shaꞈ dawˇ dui dui paˬ-ehˇ neˇ myawˆ ni gʼeh-eu nawˬ-euˬ gʼawˇ mawˇ-ahˇ dm kaˬ-awˬ. Nawˬ-euˬ myaˆ nuiˆ mawˇ nya laˇ ni, myaˆ nuiˆ-ahˇ dawˆ-eu tsiˇ zeuˇ-awˬ.