Panmaeq 19:6 - Akha

⁶ Kʼoeˇ naˇ, iˇ cuꞈ tsawˬ ga ga-eu teˇ saˇ hawˇ-eu mˬ jeˬ jeˬ-eu teˇ saˇ loꞈ-ehˇ gʼeh-awˇ, tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ heu loꞈ-ehˇ ehˇ-eu dawˬ-ahˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Baoˬhuiˬ-eu Sahˬpaˬ Miˬyehˇ-aˬ, dzoeˬ dzaˬ-eu Sahˬpaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoeruqtaf, ngar, tsawrhaq armaf mafma-euq tersar lof-aer dur-awr, lawrgawv gawvma-euq tersar hawr-eu mqjeq yawkhav-aer jeq-eu tersar lof-aer khawf dur-eu tersar heulof-aer aer-eu gar yagaq-euq ma, “Haleluya! Baoq huiq duidui-eu Sanqpaq Miqyaer uvlanrluf mae.

Panmaeq 19:6 ပူးပေါင်းရင်းမြစ်များ

Yawˇbaˆ 40:9

Nawˇ ngaˇ naˆ ni gʼaˬ kʼaˆ te loˇ. Ngaˇ loꞈ-ehˇ mˬ jeˬ bi jeˬ mahˇ nya te loˇ.

Jaceuq 47:2

Huiˬ dui mahˇ dui dui-eu gʼaˬ pyeuꞈ-eu Sahˬpaˬ Miˬyehˇ-aˬ, guˆ paˬ-ehˇ gʼeh-eu tiˬ gʼaˬ meh. Aˬ yawꞈ-aˬ, miˇ kʼahˬ dawˬ tawˆ luꞈ kʼoeˇ taˆ uˆ lahˇ-eu huiˬ-eu sahˬ paˬ meh.

Jaceuq 47:7

Miˬyehˇ-aˬ, miˇ kʼahˬ dawˬ tawˆ luꞈ kʼoeˇ taˆ uˆ lahˇ-eu sahˬ paˬ meh. Caˇ dawˬ caˇ-awˇ aˬ yawꞈ-ahˇ ja ceuˬ-awˬ.

Jaceuq 77:18

Nawˬ-euˬ mˬ jeˬ mahˇ doˆ laˇ-awˇ, mˬ myawꞈ myawꞈ-awˇ miˇ tsaˬ-ahˇ bi bya laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ luˆ luˆ-ehˇ jaˆ-eu meh.

Jaceuq 93:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Baoˬ yaw shehꞈ kʼahˬ sehˇ hawˇ-eu gʼaˬ huiˬ-eu jeˬ-ahˇ aˬ yawꞈ dm taˬ-euˬ meh. Miˇ tsaˬ tahˬ kʼawˇ-ahˇ ziꞈ dah ni ciˬ tsaˬ taˬ-awˇ, maˬ luˆ-iˇ nya-a.

Jaceuq 97:1

Sahˬpaˬ Miˬyehˇ sahˬ paˬ pyeuꞈ-eu meh. miˇ tsaˬ tahˬ kʼawˇ laˬ kʼaˬ cehˇ-awˬ. Iˬ ma laˆ shaˆ iˇ jaw lahˇ deuˬ kʼawꞈ laˬ kʼaˬ cehˇ-awˬ.

Jaceuq 97:12

Sahˬpaˬ Miˬyehˇ neh mˇ-euˬ gaˇ baˬ da neh, yaw tsaˬ yaw dawˇ tsawˇ haˬ dawˬ tawˆ luꞈ laˬ kʼaˬ cehˇ-awˬ. Muiˬ-eu shawˇ-eu Miˬyehˇ neh mˇ-euˬ gaˇ-ahˇ noeˬ keuˆ-awˇ, aˬ yawꞈ-euˬ guiˬ lahˬ-ahˇ ja ceuˬ-awˬ.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Iˇsaˬyaˇ 52:7

Laˬ kʼaˬ cehˇ-eu guiˬ lahˬ dawˬ deuˬ hawˇ-eu, nui saˇ oꞈ-eu dawˬ deuˬ biꞈ le-eu lehˇ, gawˬ jawˬ nyiˬ tsehˆ-ehˇ oe luꞈ-eu, Miˬyehˇ neh kʼehˇ leꞈ-euˬ gʼaˬ-euˬ kuiˇ toꞈ, aˇ naˆ ni muiˬ-eu nga. Gʼaˬ leˇ-eu gaˇ kawˆ aˬ yawꞈ dawˬ dzawˇ mˇ le-awˇ, “Nawˬ-euˬ Miˬyehˇ sahˬ paˬ meh” lehˇ, Ziˇoˬ meuˬ-ahˇ tsaꞈ le-euˬ meh.

Yeˬlaˬmiˇ 51:48

Laꞈ taˆ paw pyawˬ-ahˇ neh oe-awˇ laˆ cawˆ le-euˬ deuˬ-euˬ laꞈ-ahˇ Baˬbuˇloˬ miˇ kʼahˬ cawˆ-iˇ ngeh, mˬ hawˇ-eu miˇ kʼoeˇ taˆ kʼaˇ jawˇ kʼaˇ jaˆ-eu jeˬ dawˬ tawˆ luꞈ, laˬ kʼaˬ cehˇ-awˇ guˇ tehꞈ-a.

Yeˬsaˬgeˬlaˇ 1:24

Aˬ yawꞈ maꞈ zaw luꞈ ngeh, aˬ dahˇ kʼoeˇ deuˬ teˇ saˇ mahˇ-eu ngaˇ gaˬ-euˬ ma. Teˇ saˇ kʼoeˇ-aˬ, iˬ ma laˆ shaˆ iˇ cuꞈ mahˇ-eu teˇ saˇ, guiˇ maꞈ maꞈ ma laˇ luꞈ-eu teˇ saˇ hawˇ-eu, baoˬ huiˬ-eu Miˬyehˇ-euˬ teˇ saˇ-ahˇ duˇ-eu meh. Aˬ yawꞈ maꞈ maˬ zaw ni naˬ leˇ ngeh, aˬ dahˇ mˇ cuꞈ taˬ-euˬ meh.

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Panmaeq 1:15

Aˬ yawꞈ-euˬ aˬ kuiˇ-aˬ, jeˬ ba taˬ-euˬ guiˬ shuiˇ loꞈ-ehˇ guiˇ nyiˬ ni gʼeh-awˇ, aˬ yawꞈ-euˬ teˇ saˇ-aˬ, iˇ cuꞈ tsawˬ ga ga-eu teˇ saˇ-ahˇ duˇ-eu meh.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Panmaeq 12:10

Kʼoeˇ naˇ, mˬ kʼoeˇ taˆ teˇ saˇ yaw kʼaˆ-ehˇ heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-euˬ ka kʼoꞈ-eu jeˬ nymˬ-mˇ keuˆ le taˬ-euˬ meh. Miˬyehˇ aˬ yawꞈ Sahˬpaˬ pyeuꞈ-eu gaˇ kawˆ, aˬ yawꞈ-euˬ baoˬ nymˬ-mˇ bi mawˇ laꞈ-euˬ meh. Aˬ yawꞈ-euˬ Ka li kʼawꞈ, uˆ lahˇ-eu baoˬ bi mawˇ laꞈ-euˬ meh. Aˬ jeˬ miˇ neh ehˇ naˇ, Miˬyehˇ-euˬ mehˬ shi yawꞈ-awˇ, aˬ dui-euˬ aˬ yuiꞈ aˬ nyiˇ Ka li zaˬ deuˬ-ahˇ uˬ ciꞈ nah gʼahˇ maˬ ehˇ iˬ baˇ poˆ luꞈ-eu gʼaˬ-aˬ, mˬ-ahˇ neh bi biˬ ka-euˬ meh.

Panmaeq 14:2

Kʼoeˇ naˇ, iˇ cuꞈ tsawˬ ga ga-eu teˇ saˇ hawˇ-eu mˬ jeˬ tsawˬ tehˆ tehˆ-eu teˇ saˇ-ahˇ duˇ-eu teˇ saˇ tiˬ saˇ, mˬ kʼoeˇ taˆ neh gaˬ le-euˬ meh. Teˇ saˇ kʼoeˇ-aˬ, deuˇ-mˬ diˬ-eu tsawˇ haˬ tiˬ deuˬ deuˇ-mˬ diˬ luꞈ-eu teˇ saˇ-ahˇ duˇ-eu meh.

Panmaeq 19:1

Kʼoeˇ naˇ, mˬ kʼoeˇ taˆ tsawˇ haˬ aˇ maꞈ maꞈ ma guˇ-eu teˇ saˇ loꞈ-ehˇ, heu loꞈ-ehˇ ehˇ gaˇ ngaˇ ya gaˬ-euˬ ma. “Miˬyehˇ-ahˇ ja ceuˬ-awˬ. Ka kʼoꞈ-eu jeˬ maˬ ehˇ, yaw shehꞈ kʼahˬ sehˇ maˬ ehˇ, baoˬ maˬ ehˇ, Miˬyehˇ-euˬ pyeuꞈ-eu meh.

Panmaeq 19:4

Aˬ yuiꞈ aˬ tsu kʼoeˇ nyiˬ tseˇ oeˬ gʼaˬ hawˇ-eu dehꞈ luꞈ-eu jeˬ zaˬ kʼoeˇ oeˬ mawˇ awˆ byaˆ-awˇ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu Miˬyehˇ-ahˇ uˬ duˬ tahˬ-euˬ meh. “Aˬ miˬ. Miˬyehˇ-ahˇ ja ceuˬ-awˬ” lehˇ aˬ yawꞈ maꞈ ehˇ-eu meh.

Panmaeq 21:22

Meuˬ kʼoeˇ meuˬ laꞈ kʼoeˇ, uˬ duˬ tahˬ nymˇ nymˇ ma jaˆ gaˇ ngaˇ maˬ ya mawˇ-aˬ. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ hawˇ-eu Yawˇzaˬ-aˬ, meuˬ kʼoeˇ meuˬ-euˬ uˬ duˬ tahˬ nymˇ nymˇ ma pyeuꞈ-eu meh.

Panmaeq 4:5

Dzoeˬ dzaˬ nuiˇ mahˬ kʼoeˇ mahˬ mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ mahˇ doˆ laˇ-eu meh. Dzoeˬ dzaˬ nuiˇ mahˬ mehˬ shi Miˬyehˇ-euˬ yaw sahˇ shiꞈ sahˇ pyeuꞈ-eu tsiˇ du shiꞈ du doꞈ luꞈ-eu meh.

Panmaeq 6:1

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ yaw beh hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ laꞈ kʼoeˇ tiˬ mawˇ, “Laˇ-awˬ” lehˇ mˬ jeˬ jeˬ-eu teˇ saˇ loꞈ-ehˇ ehˇ gaˇ ngaˇ ya gaˬ-euˬ ma.

Panmaeq 8:5

Kʼoeˇ naˇ, tsiˇ yaw saw jeˬ doꞈ duˬ kʼoeˇ-ahˇ mˬ taˆ gʼaˬ kʼehˇ kʼoeˇ gʼaˬ yuˇ-awˇ, lawˇ duˬ kʼoeˇ taˆ doꞈ luꞈ-eu miˬ dzaˬ pehˆ ahˇ-awˇ, miˇ tsaˬ kʼoeˇ taˆ biˬ ka gʼeh-euˬ meh. Kʼoeˇ ngeh, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-awˇ, mˬ myawꞈ myawꞈ-awˇ miˇ luˆ luˆ-euˬ meh.