Panmaeq 18:8 - Akha

⁸ Kʼoeˇ naˆ ni jahˇ gʼeh-eu miˇ neh, aˬ yawꞈ kʼoeˇ taˆ shaˬ zahˬ guˆ gaˆ, shiˇ-eu naˇ-eu mehꞈ-eu shuꞈ-eu, tiˬ nah kaꞈ dzahˬ-awˇ oe tehꞈ-a. Yaˇ kʼaˬ daˇ-eu Sahˬpaˬ Miˬyehˇ, baoˬ huiˬ dui dui-eu baˬ da neh, yawꞈ-ahˇ miˬ dzaˬ puiˆ dzeh tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Khoermirnae, shir-eu jeq, tsawrngoer ngoer-eu jeq hawr-eu maef-awr shuf-eu jeq, khaeqnaeq khavnaeq-eu heudeuq, tiq nan-euq lafkhoer taef-aer aqyawf-euq khoertav keuvle taef-a. Aqyawf-anr yarkhaq dar-eu Sanqpaq Miqyaer-aq, ghaq khav-eu mirnae, aqyawf-anr miqdzaq nae keuqdzae taef-a.”

Panmaeq 18:8 ပူးပေါင်းရင်းမြစ်များ

Yawˇbaˆ 9:19

Gʼaˬ-ahˇ gʼoe-awˇ aˬ yawꞈ nehˬ-ehˇ ngaˇ dawꞈ ceh ceh-eu loˇ. Aˬ yawꞈ nehˬ-ehˇ yaˇ kʼaˬ daˇ-eu nymˇ-ahˇ iˇ ni aˬ suˇ gʼaˬ laˆ luˆ peuˬ nmˇ.

Jaceuq 62:11

Baoˬ ehˇ-eu jeˬ aˬ yawꞈ-euˬ ma lehˇ Miˬyehˇ ehˇ gaˇ, ngaˇ gʼawˬ mya poˆ ya gaˬ haw-euˬ ma.

Iˇsaˬyaˇ 27:1

Aˇ nah kʼoeˇ nah-ahˇ, Sahˬpaˬ Miˬyehˇ aˬ yawꞈ-euˬ baoˬ huiˬ dui dui-eu mi cehˇ-ahˇ gʼoe-awˇ, joe joe-ehˇ maˬ ehˇ, yaw gʼahˬ yaw diˆ-ehˇ maˬ ehˇ, cah nya-eu Leˬbeˇdaˬ aˇ lawˇ ma kʼoeˇ mawˇ-ahˇ kʼehˬ-awˇ, iˬ ma laˆ shaˆ-ahˇ uˇ-eu byaˆ yahˬ yahˬ ma kʼoeˇ mawˇ-ahˇ sehꞈ tehꞈ-a.

Iˇsaˬyaˇ 9:14

Iˇsaˬleˬlaˆ tsawˇ haˬ hawˇ-eu aˬ yawꞈ maꞈ-euˬ aˬ yuiꞈ aˬ tsu deuˬ-ahˇ, uˬ duˬ hawˇ-eu dawˬ miˬ toˆ tsehˆ dzeh-awˇ, tiˬ nah laꞈ kʼoeˇ Sahˬpaˬ Miˬyehˇ laˆ cawˆ nehˬ jiˇ tehꞈ-a.

Yeˬlaˬmiˇ 50:31

“Baˬbuˇloˬ miˇ kʼahˬ-oˇ, nawˇ-aˬ, nui ma huiˬ dui mahˇ dui dui-eu meh. Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu ngaˇ, Baoˬ huiˬ-eu Sahˬpaˬ Miˬyehˇ-aˬ, nawˬ-ahˇ muiˇ-eu ma. Ngaˇ nawˬ-ahˇ kʼehˬ nehˬ kʼaˆ nehˬ-eu aˇ nah keuˆ le-euˬ meh.

Yeˬlaˬmiˇ 50:34

Ehˇ kʼawꞈ, aˬ yawꞈ maꞈ-ahˇ ka kʼoꞈ nehˬ le-eu lehˇ gʼeh-eu gʼaˬ, gʼaˬ kʼaˆ dui dui-eu meh. Aˬ yawꞈ-euˬ tsawˇ myahˇ-aˬ, Baoˬ huiˬ-eu Sahˬpaˬ Miˬyehˇ meh. Aˬ yawꞈ maꞈ dehꞈ doˆ laˇ nya ni aˬ yawꞈ yaw muiˬ paˬ-ehˇ ngehˬ gʼeh nehˬ-awˇ, miˇ tsaˬ kʼoeˇ taˆ nui saˇ oꞈ-eu jeˬ bi keuˆ le tehꞈ-a. Ehˇ kʼawꞈ, Baˬbuˇloˬ miˇ kʼahˬ kʼoeˇ taˆ shaˬ zahˬ bi keuˆ le tehꞈ-a.”

Yeˬlaˬmiˇ 51:58

Baoˬ huiˬ-eu Baˬbuˇloˬ meuˬ lahˇ, miˇ tsa ga byaˆ le tehꞈ-a. Goˇ dui dui-eu meuˬ lahˇ laˇ gʼoˆ deuˬ kʼawꞈ, miˬ dzaˬ puiˆ dzeh tehꞈ-a. Miˇ tsaˬ tsawˇ jeuˬ mˇ-euˬ gaˇ deuˬ, tiˬ jeˬ-iˬ gaˇ dahˇ maˬ tsoeˬ-a. Aˬ yawꞈ maꞈ neh yuˇ doˆ-euˬ gʼaˬ, miˬ lmˇ laꞈ kʼoeˇ byoˆ jiˇ meh lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ ma.”

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yawˇlaˆ 2:11

Sahˬpaˬ Miˬyehˇ-euˬ guiˇ maꞈ-ahˇ Sahˬpaˬ Miˬyehˇ dawˬ biꞈ nehˬ ngeh, mˬ jeˬ tsawˬ tehˆ tehˆ gaˇ duˇ meh. Yawꞈ-euˬ ehˇ dawˬ geuꞈ-eu guiˇ maꞈ, myaˬ dui dui-awˇ baoˬ huiˬ-eu meh. Sahˬpaˬ Miˬyehˇ-euˬ aˇ nah-aˬ, guˆ dui dui laˇ paˬ-ehˇ gʼeh-awˇ, tiˬ gʼaˬ-iˬ maˬ dzeuˇ-iˇ nya-a.

1 Gawˇliˬtu 10:22

Sahˬpaˬ Yeˬsuˇ myaˆ naˆ ni aˬ dui mˇ-eu shaˇ-eu loˇ. Aˬ yawꞈ naˆ maˬ tseˇ gʼaˬ kʼaˆ dzehˬ ma lehˇ aˬ dui noeˬ te loˇ.

Panmaeq 11:17

Aˬ yawꞈ maꞈ ehˇ-eu, “Aˇ hu dehꞈ-awˇ nymˬ-mˇ dehꞈ-eu, Baoˬhuiˬ-eu Sahˬpaˬ Miˬyehˇ-oˇ, Nawˬ-euˬ huiˬ-eu baoˬ nawˇ yuˇ-awˇ, uˆ lahˇ dahˬ beh le-euˬ miˇ neh, nawˬ-euˬ guiˬ lahˬ-ahˇ ja ceuˬ ma.

Panmaeq 17:16

Nawˬ neh ya mawˇ-euˬ uˬ coeˇ kʼoeˇ tseˇ coeˇ hawˇ-eu jeˬ zaˬ yaw haiˬ kʼoeˇ mawˇ meh maˬ laˇ kʼoeˇ gʼaˬ-ahˇ muiˇ-awˇ, aˬ yawꞈ kʼaˇ jaˆ-eu jeˬ dawˬ tawˆ luꞈ yuˇ geuꞈ jiˇ-awˇ, neˇ myawˆ ni byehˇ dzeh yaꞈ tehꞈ-a. Aˬ yawꞈ maꞈ aˬ yawˬ-euˬ shaˬ jiˇ dzaˬ-awˇ, aˬ yawꞈ-ahˇ miˬ dzaˬ keuˬ dzeh tehꞈ-a.

Panmaeq 17:18

“Nawˬ neh ya mawˇ-euˬ zaˬ miˬ zaˬ kʼoeˇ gʼaˬ-aˬ, miˇ tsaˬ kʼoeˇ taˆ jawˇ-eu sahˬ paˬ deuˬ kʼoeˇ taˆ uˆ lahˇ-eu huiˬ dui dui-eu meuˬ kʼoeˇ meuˬ pyeuꞈ-eu meh.”

Panmaeq 18:17

naˬ liˬ tiˬ laꞈ laꞈ kʼoeˇ, pyuˇ shuiˇ myawˬ gahˬ dawˬ tawˆ piˬ jiˇ byoˆ jiˇ-euˬ nga.” Saˇ baoˬ kʼoeˇ taˆ aˬ yuiꞈ geuꞈ-eu deuˬ, saˇ baoˬ dziˬ-eu tsawˇ haˬ deuˬ hawˇ-eu, saˇ baoˬ laꞈ kʼoeˇ gaˇ mˇ-eu tsawˇ haˬ dawˬ tawˆ luꞈ, gaˇ mahˇ kaˬ gaˇ yawꞈ-awˇ haw-eu meh.

Panmaeq 18:19

Aˬ yawꞈ maꞈ uˬ duˬ-ahˇ kʼaˬ lehˇ tawˆ daˆ-awˇ, heu loꞈ-ehˇ dawˬ kawˬ kawˬ-awˇ ngoeˇ-eu meh. Aˬ huˇ-i, huiˬ-eu meuˬ-ahˇ haw sheˇ. Aˬ yawꞈ pyuˇ shuiˇ byehˬ-euˬ miˇ neh, laˆ shaˆ saˇ baoˬ kʼaˇ jaˆ-euˬ deuˬ, q3 smˇ muiˬ muiˬ laˇ-euˬ meh. Ehˇ kʼawꞈ naˬ liˬ tiˬ laꞈ laꞈ kʼoeˇ, aˬ yawꞈ piˬ le byoˆ le-euˬ meh.

Panmaeq 19:3

Aˬ yawꞈ maꞈ heu loꞈ-ehˇ paˇ guˇ-eu meh. “Miˬyehˇ-ahˇ ja ceuˬ-awˬ. Yawꞈ-ahˇ puiˆ-euˬ miˬ dzaˬ uˬ kʼoeˬ, mˬ maˬ maˬ byaˆ zaˇ ziˇ du meh.”