Panmaeq 18:23 - Akha

²³ Tsiˇ kʼmˬ doꞈ bya taˬ-euˬ yaw shehꞈ, tiˬ jawˇ-iˬ maˬ paˇ ya mawˇ-aˇ. Miˬ daꞈ zaˬ daꞈ jiˇ cehˇ gʼeh-eu, teˇ saˇ maˬ paˇ ya gaˬ haw-aˇ. Nawˬ-euˬ tsawˇ haˬ baw gaꞈ kʼoeˇ deuˬ, miˇ tsaˬ kʼoeˇ taˆ kʼawˇ teˇ doˆ-awˇ, nawˬ-euˬ mah loˬ ja maw kʼoeˇ neh, miˇ tsaˬ zaˬ-ahˇ shuiˇ tawˆ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Tsirkhmq dofbya taq-euq yawshaef, nawq-euq lafkhoer tiqjawr-iq maqpar bya-aer, Miqshuif hawr-eu yoshuif-euq tersar nawq-euq lafkhoer tiqjawr-iq maqpar yagaq mae. Jeqgaf jeqka mr-eu nawq-euq tsawrhaq deuq-aq, mirtsaq-euq khoertav-euq yawhuiq yawmanr deuq mae. Mirkhanq-euq tsawrjeuq dawqtawv luf-anr nawq-euq nyirpaq shavma nae, myawftawv shuirtawv jir-euq mae.

Panmaeq 18:23 ပူးပေါင်းရင်းမြစ်များ

2 Sahˬpaˬ 9:22

Yeˬhuˇ-ahˇ Yoˇlamˬ mawˇ-awˇ, “Yaw muiˬ jeˬ mˇ le-euˬ ma loˇ” lehˇ naˇ haˬ-euˬ meh. Yeˬhuˇ ehˇ-eu, “Nawˬ ma Yeˬsaˬbeˬlaˇ neh aˇ dahˬ beh taˬ yaꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, jaˬ nehꞈ ja maw kʼoeˇ deuˬ kʼaˇ jaˆ kʼoeˇ keuˆ ni, gaˇ kawˆ yaw muiˬ maˬ jaˆ kʼmˬ-aˇ.”

Yawˇbaˆ 21:17

Haiˬ-eu tsawˇ haˬ-euˬ tsiˇ kʼmˬ bi baw miˆ haw taˬ loˇ. Aˬ yawꞈ maꞈ tiˬ gʼaˬ na luˬ-iˇ seˇ-iˇ-eu jeˬ-ahˇ ya tahˬ puˬ haw taˬ loˇ. Haiˬ-eu tsawˇ haˬ-ahˇ Miˬyehˇ nui ma pehˇ-awˇ kʼehˬ nehˬ haw-euˬ jaˆ-awˇ,

Dawqdaq 24:20

Maˬ tsaˬ maˬ dawˇ-eu tsawˇ haˬ yaw dehꞈ dehꞈ-eu uˬ duˬ duˬ leˇ kʼaˇ maˬ za-a. Noeˬ tmˬ duˬ tiˬ jeˬ-iˬ maˬ jaˆ-a. -30-

Iˇsaˬyaˇ 23:8

Dzoeˬ dzaˬ oꞈ-eu meuˬ ma pyeuꞈ-awˇ, miˇ tsaˬ kʼoeˇ taˆ myaˆ pyawˬ naˇ mehˇ jaˆ-eu, smˇ muiˬ aˬ da baw gaꞈ deuˬ jawˇ-eu Duˇlu meuˬ kʼoeˇ taˆ, yaw doeˇ dawˬ tawˆ aˬ suˇ gʼaˬ neh bi keuˆ le taˬ.

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Yeˬlaˬmiˇ 16:9

Baoˬ huiˬ-eu Sahˬpaˬ Miˬyehˇ Iˇsaˬleˬlaˆ-euˬ Miˬyehˇ pyeuꞈ-eu ngaˇ ehˇ gaˇ naˇ haˬ sheˇ. Laˬ kʼaˬ cehˇ-awˇ byawˬ gʼa muˆ gʼa-eu teˇ saˇ deuˬ hawˇ-eu, oeˇ mˇ baˇ gaˇ cehˇ gʼa-eu teˇ saˇ deuˬ-ahˇ, ngaˇ ciˬ cuˇ ni bi pyeuꞈ-iˇ ma. Heu gaˇ jawˇ-eu tsawˇ haˬ deuˬ kʼoeˇ loꞈ-ehˇ pyeuꞈ laˇ gaˇ ya mawˇ tehꞈ-a.

Yeˬlaˬmiˇ 25:10

Aˬ yawꞈ maꞈ laˬ kʼaˬ cehˇ-awˇ guˇ-eu teˇ saˇ hawˇ-eu, oeˇ mˇ baˇ-awˇ byawˬ gʼa-eu teˇ saˇ deuˬ-ahˇ ciˬ cuˇ ni bi pyeuꞈ-iˇ ma. Tsiˇ kʼmˬ doꞈ-eu tsiˇ maˬ jaˆ-ehˇ pyeuꞈ-iˇ-awˇ, hawˬ dzaˬ-eu cehˇ maˬ ahˇ-ehˇ bi shaˬ ma.

Yeˬlaˬmiˇ 7:34

Miˇ kʼahˬ heu kʼahˬ kʼaˇ shuiꞈ deh ga pyeuꞈ jiˇ tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ lehˆ kawˆ doe ni, byawˬ gʼa-eu teˇ saˇ hawˇ-eu, jiˇ cehˇ gʼeh-awˇ laˬ kʼaˬ cehˇ luꞈ-eu teˇ saˇ deuˬ-ahˇ, ngaˇ bi byoˆ-iˇ jiˇ ma.

Naˬhmˬ 3:4

Aˇ gʼehˇ muiˬ-awˇ aˬ cawˬ mawꞈ-eu, miˇ tsaˬ zaˬ baˬ ya baw uiˬ-awˇ, aˬ yawꞈ zaˬ kʼaˆ bi geuꞈ jiˇ-euˬ, Niˇnaˬbeˬ meh maˬ laˇ meuˬ-aˬ, kʼehˬ-eu kʼaˆ-eu jeˬ daˬ luꞈ meh.

Gʼaˬkʼehˇ 8:11

Aˬ yawꞈ mah loˬ loˬ-eu laꞈ kʼoeˇ, aˬ yawꞈ maꞈ-ahˇ bi zahˬ leˇ-euˬ myahˇ laˇ-euˬ miˇ neh, aˬ yawꞈ-euˬ ehˇ dawˬ-ahˇ naˇ haˬ-euˬ meh.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.

Panmaeq 17:2

Miˇ tsaˬ kʼoeˇ taˆ jawˇ-eu sahˬ paˬ deuˬ aˬ yawꞈ nehˬ-ehˇ joe-awˇ, miˇ tsaˬ zaˬ deuˬ aˬ gaꞈ dzaˇ uiˇ dawˇ yehꞈ-euˬ loꞈ-ehˇ aˬ yawꞈ nehˬ-ehˇ kʼaˬ miˬ sheu-eu jeˬ-ahˇ yehꞈ leˇ taˬ-euˬ meh.

Panmaeq 17:5

Zaꞈ taˬ-euˬ dawˬ tsuiꞈ ahˇ-eu tsawˇ myahˇ tiˬ myahˇ aˬ yawꞈ-euˬ naˇ kʼawˇ-ahˇ heu loꞈ-ehˇ boꞈ taˬ-euˬ meh. “Meh maˬ laˇ deuˬ hawˇ-eu, miˇ tsaˬ kʼoeˇ taˆ nui daˆ daˆ laˇ paˬ-ehˇ gʼeh-eu jeˬ dawˬ tawˆ luꞈ-euˬ aˬ ma yaw dzahˇ Baˬbuˬloˬ meuˬ meuˬ ma” lehˇ boꞈ taˬ-euˬ meh.

Panmaeq 18:22

deuˇ-mˬ, bawˬ law, daˇ heh teˇ saˇ, tiˬ jawˇ-iˬ maˬ paˇ ya gaˬ-aˇ, Gaꞈ-eu ka-eu, laꞈ myawˬ laꞈ muˆ, tiˬ jawˇ-iˬ maˬ paˇ ya mawˇ-aˇ.

Panmaeq 18:3

Aˬ jeˬ miˇ neh ehˇ naˇ, miˇ kʼahˬ tsawˇ jeuˬ dawˬ tawˆ luꞈ taˆ dui dui-eu aˬ gaꞈ dzaˇ uiˇ dawˇ yehꞈ-euˬ loꞈ-ehˇ, aˬ yawꞈ nehˬ-ehˇ joe-eu jeˬ-ahˇ dawˇ yehꞈ jiˇ-awˇ, miˇ tsaˬ kʼoeˇ taˆ jeˬ gaꞈ jeˬ ka mˇ-eu tsawˇ haˬ deuˬ aˬ yawꞈ-euˬ byawˬ gʼa mo gʼa-eu pyuˇ shuiˇ myawˬ gahˬ baˬ da neh smˇ muiˬ muiˬ laˇ jiˇ-euˬ meh.”

Panmaeq 18:9

Aˬ yawꞈ nehˬ-ehˇ joe-awˇ byawˬ gʼa mo gʼa-euˬ miˇ kʼahˬ sahˬ paˬ deuˬ-aˬ, aˬ yawꞈ-ahˇ puiˆ dzaˬ-eu miˬ dzaˬ uˬ kʼoeˬ-ahˇ ya mawˇ ngeh, aˬ yawꞈ gʼaˇ duˬ tsawˇ ngoeˇ ngoeˇ tehꞈ-a.

Panmaeq 21:8

Ehˇ kʼawꞈ, guˆ-eu nui ma ahˇ-eu tsawˇ haˬ, saˇ jaˇ puiˬ-eu tsawˇ haˬ, yaw jawꞈ jeˬ mˇ-eu tsawˇ haˬ, tsawˇ haˬ sehꞈ-eu tsawˇ haˬ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, mah loˬ ja maw zmˬ-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, jaˬ myawꞈ mehˇ shuiˇ shuiˇ-eu tsawˇ haˬ, heu loꞈ-ehˇ gʼeh-eu deuˬ-ahˇ oꞈ-eu jawˇ duˬ-aˬ, nyiˬ poˆ tiˬ poˆ shiˇ-eu jeˬ pyeuꞈ-eu, miˬ dzaˬ hawˇ-eu miˬ dzaˇ dzaˇ shuiˇ doꞈ luꞈ-eu lah kʼoeˇ lah meh.

Panmaeq 22:15

Ehˇ kʼawꞈ, dehꞈ jawꞈ dui dui-eu tsawˇ haˬ deuˬ, maw loˬ ja maw mˇ-eu tsawˇ haˬ deuˬ, kʼaˬ miˬ sheu-eu tsawˇ haˬ deuˬ, aˬ cawˬ-ahˇ sehꞈ-eu tsawˇ haˬ deuˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ, ngehˬ-eu tmˇ-eu mˇ-eu shaˇ-eu laꞈ kʼoeˇ jaˬ myawꞈ myawꞈ-eu tsawˇ haˬ deuˬ, heu deuˬ-aˬ meuˬ-euˬ laꞈ nyiˇ ya jawˇ tehꞈ-a.

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.

Panmaeq 6:15

Kʼoeˇ naˇ, miˇ kʼahˬ sahˬ paˬ deuˬ maˬ ehˇ, uˆ lahˇ-eu sahˬ paˬ sahˬ ma deuˬ maˬ ehˇ, guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ deuˬ maˬ ehˇ, smˇ muiˬ muiˬ-awˇ baoˬ ahˇ-eu tsawˇ haˬ deuˬ maˬ ehˇ, nui deuˬ maˬ ehˇ, zaˬ kʼaˆ deuˬ hawˇ-eu zaˬ kʼaˆ maˬ ngeuˇ-eu deuˬ maˬ ehˇ, gawˬ jawˬ kʼoeˇ taˆ jaˆ-eu lo kʼahˬ lo guˇ doe ni cehˆ zaꞈ jiˇ-euˬ meh.

Panmaeq 9:21

Tsawˇ haˬ-ahˇ sehꞈ-eu, maw loˬ ja maw zmˬ-eu, kʼaˬ miˬ sheu-eu, kʼoeˬ-eu gʼehꞈ-eu heu deuˬ-ahˇ kʼawꞈ, aˬ yawꞈ maꞈ maˬ byehˇ dzeh-a.