Panmaeq 18:17 - Akha

¹⁷ naˬ liˬ tiˬ laꞈ laꞈ kʼoeˇ, pyuˇ shuiˇ myawˬ gahˬ dawˬ tawˆ piˬ jiˇ byoˆ jiˇ-euˬ nga.” Saˇ baoˬ kʼoeˇ taˆ aˬ yuiꞈ geuꞈ-eu deuˬ, saˇ baoˬ dziˬ-eu tsawˇ haˬ deuˬ hawˇ-eu, saˇ baoˬ laꞈ kʼoeˇ gaˇ mˇ-eu tsawˇ haˬ dawˬ tawˆ luꞈ, gaˇ mahˇ kaˬ gaˇ yawꞈ-awˇ haw-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqjeq mirnae aernar-aq, khoernav nav-aer smrmuiq muiq-eu, naqliq tiq laf-euq lafkhoer taef-aer yawqngaef pyeuf-ir jir-euq beu.’ Lawq-euq aqyuif dawqtawvluf, lawq-anr ur-awr irluf larluf-eu tsawrhaq dawqtawvluf, lawq-euq lafkhoer gar mr-eu tsawrhaq dawqtawvluf hawr-eu iqmalavshav-anr ghoe-awr gafdzaq mrdzaq-eu tsawrhaq dawqtawvluf, garmanr kaq-eu gar yawf-awr,

Panmaeq 18:17 ပူးပေါင်းရင်းမြစ်များ

Iˇsaˬyaˇ 23:14

Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ dui dui-awˬ. Naw maꞈ gʼoe-eu meuˬ bi laˆ cawˆ-euˬ meh.

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Yeˬlaˬmiˇ 51:8

Baˬbuˇloˬ meuˬ ja pyuˬ ni coˬ-iˇ-awˇ bi laˆ cawˆ-euˬ meh. Tsawˇ ngoeˇ ngoeˇ nehˬ-awˬ. Maˇ kʼehˬ maˇ naˇ-ahˇ jaˆ gʼaˬ dawˆ nehˬ haw sheˇ. Taˬ leˇ nya-eu baw le.

Ngoeˇ dawˬ 4:6

Myaˆ nuiˆ kʼoˆ tehˆ tiˬ tehˆ laꞈ kʼoeˇ, Sawˇdoˬ meuˬ-ahˇ laˆ cawˆ nehˬ ngeh, caw ba miˇ le-eu maˬ dah-a. Ehˇ kʼawꞈ ngaˬ-euˬ tsawˇ haˬ deuˬ-aˬ, kʼoeˇ naˆ maˬ tseˇ ya daˬ-euˬ meh.

Yawˇnaˆ 1:6

Saˇ baoˬ kʼoeˇ laˇ kʼoeˇ taˆ aˬ yuiꞈ geuꞈ-eu gʼaˬ aˬ yawꞈ-ahˇ mawˇ-awˇ, “Nawˇ aˬ jeˬ gʼeh-eu lehˇ teu naˆ naˆ-ehˇ yuꞈ sehꞈ taˬ teˬ. Tuˇ-awˇ nawˬ-euˬ miˬ yehˇ-ahˇ guiˬ lahˬ shaˇ-awˬ tawˇ. Aˬ yawꞈ aˬ dui maꞈ-ahˇ gʼawˬ shaˬ haw gaˬ-awˇ shiˇ gaˇ maˬ bi keuˆ law hawˇ maˬ siˬ tawˇ” lehˇ ehˇ-eu meh.

Gʼaˬkʼehˇ 27:11

Ehˇ kʼawꞈ, guiˇ maꞈ kʼoeˇ taˆ aˬ yuiꞈ geuꞈ-eu yaw huiˬ kʼoeˇ gʼaˬ, Pawˇluˆ ehˇ gaˇ naˇ haˬ-eu naˆ maˬ tseˇ, saˇ baoˬ teh-eu gʼaˬ hawˇ-eu saˇ baoˬ-euˬ yaw sahˇ gʼaˬ ehˇ gaˇ naˇ haˬ-euˬ meh.

Panmaeq 17:12

“Nawˬ neh mawˇ-euˬ uˬ coeˇ tseˇ coeˇ kʼoeˇ-aˬ, nymˬ-mˇ maˬ uˆ lahˇ le dah-euˬ sahˬ paˬ deuˬ pyeuꞈ-eu meh. Ehˇ kʼawꞈ, aˬ yawꞈ maꞈ-ahˇ jeˬ zaˬ yaw haiˬ kʼoeˇ mawˇ nehˬ-ehˇ tiˬ kawˆ loꞈ-ehˇ sahˬ paˬ geuꞈ-awˇ, tiˬ naˬ liˬ byah ni bi uˆ lahˇ-eu a kawˬ-aˬ biꞈ tehꞈ-a.

Panmaeq 17:16

Nawˬ neh ya mawˇ-euˬ uˬ coeˇ kʼoeˇ tseˇ coeˇ hawˇ-eu jeˬ zaˬ yaw haiˬ kʼoeˇ mawˇ meh maˬ laˇ kʼoeˇ gʼaˬ-ahˇ muiˇ-awˇ, aˬ yawꞈ kʼaˇ jaˆ-eu jeˬ dawˬ tawˆ luꞈ yuˇ geuꞈ jiˇ-awˇ, neˇ myawˆ ni byehˇ dzeh yaꞈ tehꞈ-a. Aˬ yawꞈ maꞈ aˬ yawˬ-euˬ shaˬ jiˇ dzaˬ-awˇ, aˬ yawꞈ-ahˇ miˬ dzaˬ keuˬ dzeh tehꞈ-a.

Panmaeq 18:19

Aˬ yawꞈ maꞈ uˬ duˬ-ahˇ kʼaˬ lehˇ tawˆ daˆ-awˇ, heu loꞈ-ehˇ dawˬ kawˬ kawˬ-awˇ ngoeˇ-eu meh. Aˬ huˇ-i, huiˬ-eu meuˬ-ahˇ haw sheˇ. Aˬ yawꞈ pyuˇ shuiˇ byehˬ-euˬ miˇ neh, laˆ shaˆ saˇ baoˬ kʼaˇ jaˆ-euˬ deuˬ, q3 smˇ muiˬ muiˬ laˇ-euˬ meh. Ehˇ kʼawꞈ naˬ liˬ tiˬ laꞈ laꞈ kʼoeˇ, aˬ yawꞈ piˬ le byoˆ le-euˬ meh.