Panmaeq 18:14 - Akha

¹⁴ Jeˬ gaꞈ jeˬ ka mˇ-eu tsawˇ haˬ kʼoeˇ deuˬ aˬ yawꞈ-ahˇ ehˇ-eu, “Nawˇ nui kʼahˇ jaˆ dui dui-eu jeˬ dawˬ tawˆ luꞈ hawˇ-eu, nawˬ-euˬ pyuˇ shuiˇ myawˬ gahˬ, yaw shehꞈ kʼahˬ sehˇ dawˬ tawˆ luꞈ byoˆ-iˇ jiˇ-awˇ, kʼoeˇ deuˬ-ahˇ nawˇ tiˬ jawˇ-iˬ maˬ paˇ ya mawˇ haw-aˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ “Nawq-euq nuima maerjuir juir duidui-eu arsiq arlu deuq, nawq-anr nae ghawq-ir-euq mae. Poeq duidui-eu jeq hawr-eu muiq duidui-eu myawqganq dawqtawvluf byov-ir jir-awr, khoerdeuq-anr tiqjawr-iq maqpar ya’mawr mae.

Panmaeq 18:14 ပူးပေါင်းရင်းမြစ်များ

Jaceuq 106:14

Kʼaˇ shuiꞈ deh-ahˇ jawˇ ngeh aˬ yawꞈ maꞈ shaˬ jiˇ mehꞈ laˇ-awˇ, Miˬyehˇ-ahˇ lawˬ haw-euˬ meh.

Jaceuq 78:18

Aˬ yawꞈ maꞈ mehꞈ-eu jeˬ bi dzaˬ laꞈ lehˇ ehˇ-awˇ, Miˬyehˇ-ahˇ aˬ yawꞈ maꞈ lawˬ haw-euˬ meh.

Bawˇtsahˬ 11:34

Jawˇ duˬ kʼoeˇ tsahˇ-ahˇ, Giˇbyoˆ Haˬtaˬbaˬ lehˇ kuˇ-euˬ meh. Aˬ jeˬ miˇ neh ehˇ naˇ, shaˬ jiˇ-ahˇ mehˇ juiˇ juiˇ-eu tsawˇ haˬ deuˬ-ahˇ kʼoeˇ gaˇ duˬ pahˬ-euˬ meh.

Bawˇtsahˬ 11:4

Iˇsaˬleˬlaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ gaˇ ma doˆ-iˇ luꞈ-eu boeˇ miˬ siˬ kʼaˬ tiˬ deuˬ jawˇ-eu meh. Boeˇ miˬ siˬ kʼaˬ kʼoeˇ deuˬ shaˬ jiˇ mehꞈ dui dui laˇ taˬ-euˬ meh. Iˇsaˬleˬlaˆ tsawˇ haˬ deuˬ kʼawꞈ, heu loꞈ-ehˇ toˇ-eu meh. “Shaˬ jiˇ ya dzaˬ law nmˇ-aˬ, gʼaˬ-eu miˇ-a.

Maꞈtehˬ 11:8

Maˬ ngeuˇ naˇ, aˬ jeˬ-ahˇ haw-iˇ-eu lehˇ iˇ teˬ. Muiˬ dui dui-eu mehˬ tsoeˬ dm luꞈ-eu tsawˇ haˬ-ahˇ haw-iˇ teˬ loˇ. Kʼoeˇ loꞈ-ehˇ gʼeh-eu mehˬ tsoeˬ dm-eu tsawˇ haˬ-aˬ, sahˬ paˬ-euˬ hawˇ nymˇ-ahˇ jawˇ-eu maˬ ngeuˇ-a loˇ.

Luˇkaꞈ 12:20

Ehˇ kʼawꞈ, aˬ yawꞈ-ahˇ Miˬyehˇ ehˇ nehˬ-eu, ‘Aˬ dzawˬ aˇ gah-oˇ, nymˇ ciꞈ neh nawˬ-euˬ saꞈ laˇ ngaˇ yuˇ kʼoꞈ ma. Nymˬ-mˇ poˆ jawˇ-aˬ, nawˬ neh poˆ uiˬ taˬ-euˬ myawˬ gahˬ deuˬ aˬ suˇ gʼaˬ-euˬ pyeuꞈ-iˇ nmˇ.’

Luˇkaꞈ 16:25

Ehˇ kʼawꞈ, Aˬbyaˬhaˬ ehˇ-eu, ‘Aˬ li-oˇ, miˇ tsaˬ kʼoeˇ taˆ dehꞈ ngeh, nawˇ yaw nuiˬ jeˬ-ahˇ za-awˇ, Laˬzaˬluˇ maˬ muiˬ-eu jeˬ zaˬ-euˬ gaˇ noeˬ mawˇ-awˬ. Ehˇ kʼawꞈ, nymˬ-mˇ poˆ jawˇ-aˬ, Laˬzaˬluˇ heu gaˇ saˇ lehˆ ni ya jawˇ luꞈ-awˇ, nawˇ ya daˬ dui dui luꞈ meh.

1 Gawˇliˬtu 10:6

Heu-aˬ, aˬ yawꞈ maꞈ loꞈ-ehˇ yaw haiˬ jeˬ-ahˇ aˬ dui maˬ mˇ-ehˇ yahˇ nya laˇ ni dzaw geuꞈ duˬ pyeuꞈ-eu meh.

Yaˬkoˆ 4:2

Naw maꞈ nui kʼahˇ jaˆ-eu jeˬ-ahˇ naw maꞈ maˬ za nya-eu miˇ neh aˬ cawˬ-ahˇ sehꞈ-eu meh. Naw maꞈ mawꞈ dui dui-eu jeˬ-ahˇ maˬza nya-eu miˇ neh iˬ dehˬ iˬ ceh doˆ laˇ-eu meh. Naw maꞈ Miˬyehˇ-ahˇ maˬ shaˇ-eu miˇ neh yawˬ haˬ geuꞈ mawꞈ-eu jeˬ-ahˇ maˬ za nya-a.

Panmaeq 18:13

cawˬ kʼaˬ cawˬ piˇ deuˬ, tsaˬ gawˬ baˬ gawˬ deuˬ, dzaˇ muiˇ dzaˇ sawˇ deuˬ, aˬ gaꞈ dzaˇ uiˇ deuˬ, dzaˬ-eu tsiˇ deuˬ, cehˇ meu hawˇ-eu cehˇ deuˬ, mawˇ neˇ hawˇ-eu yawˇ deuˬ, mahˬ hawˇ-eu mahˬ laˆ lawˬ deuˬ, zaˬ kʼaˆ deuˬ, tsawˇ haˬ-euˬ saꞈ laˇ deuˬ, heu deuˬ-ahˇ zeuˇ-eu gʼaˬ maˬ jawˇ-ehˇ pyeuꞈ-iˇ-euˬ meh.

Panmaeq 18:15

Meuˬ kʼoeˇ meuˬ nehˬ-ehˇ gaꞈ taꞈ ka taꞈ-awˇ smˇ muiˬ muiˬ laˇ-euˬ tsawˇ haˬ kʼoeˇ deuˬ-aˬ, aˬ yawꞈ-euˬ shaˬ zahˬ ya caw pi nehˬ gaˇ guˆ-awˇ, gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ heu loꞈ-ehˇ dawˬ kawˬ kawˬ-awˇ ngoeˇ tehꞈ-a.