Panmaeq 18:12 - Akha

¹² A yawꞈ maꞈ-euˬ shuiˇ deuˬ, pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, aˇ caˇ caˇ kʼawꞈ sehˇ deuˬ, shawˇ jehˆ ni gʼeh-eu saˬ paˇ paˇ pyuˇ deuˬ, neˇ naˆ naˆ-eu saˬ paˇ deuˬ, boeˬ saˬ paˇ deuˬ, poeˬ dui dui-eu daˇ kawˬ deuˬ, ya ma juiˇ hawˇ-eu aˇ poeˬ kʼaˆ-eu daˇ kawˬ neh jahˇ taˬ-euˬ mˇ myawˬ deuˬ, guiˬ shuiˇ, shmˇ hawˇ-eu lo pyuˇ neh jahˇ taˬ-euˬ mˇ myawˬ deuˬ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Mrmyawq khoerdeuq-aq, pyur, shuir, khaqlo saer, arcar carkhawf-euq saer, zawr muiq-eu saqpar parpyur, boeq-euq saqpar, nerpuir puir-eu hawr-eu nertseuvni ghae-eu saqpar, sawkheufni ghae-eu arbawr yawqjeq navluf, ya’ma-euq juir nae janrtaq-euq yawqjeq navluf, arpoeq khav-eu darkawq nae janrtaq-euq yawqjeq navluf, guiqshuir, shmr hawr-eu khaqlo lopyur,

Panmaeq 18:12 ပူးပေါင်းရင်းမြစ်များ

2 Laˬsaˬbaˬ 2:8

Daˇ kawˬ deuˆ-eu nawˬ-euˬ tsawˇ haˬ deuˬ nya dui dui-eu gaˇ kawˆ ngaˇ siˬ nya ma. Kʼoeˇ miˇ neh, Leˬbaˬnoˬ gawˬ jawˬ-ahˇ jaˆ-eu, shuˬ liˇ, miˬ shuˬ hawˇ-eu, aˬ laˬ gmˬ miˬ shuˬ diˬ tm deuˬ ngaˇ jawˇ gaˇ bi sha laꞈ-awˬ. Nawˬ-euˬ tsawˇ haˬ kʼoeˇ deuˬ-ahˇ bi caw ba-eu gʼaˇ duˬ, ngaˬ-euˬ tsawˇ haˬ deuˬ pyehˬ gʼeh laꞈ-eu lehˇ ngaˇ lehˬ hmˬ taˬ-euˬ ma.

Naˬhmˬ 2:9

Pyuˇ deuˬ ceh geuꞈ yuˇ geuꞈ jiˇ-awˬ. Shuiˇ deuˬ nawˬ geuꞈ kʼaˆ geuꞈ jiˇ-awˬ. Aˇ poeˬ kʼaˆ-eu pyuˇ shuiˇ myawˬ gahˬ maˬ ehˇ jiˇ coeˇ ni jaˆ luꞈ meh.

Panmaeq 17:3

Yaw sahˇ Miˬyehˇ ngaˬ-ahˇ uˆ lahˇ le-awˇ, mˬ taˆ gʼaˬ kʼehˇ kʼoeˇ gʼaˬ ngaˬ-ahˇ bawˇ tsahˬ-ahˇ sheuˬ gʼeh-euˬ meh. Kʼoeˇ gaˇ, neˇ tseuˆ ni gʼeh-eu jeˬ zaˬ yaw haiˬ tiˬ mawˇ-ahˇ dziˬ luꞈ-eu zaˬ miˬ zaˬ tiˬ gʼaˬ-ahˇ ngaˇ mawˇ-euˬ ma. Jeˬ zaˬ kʼoeˇ mawˇ-aˬ, gʼawˇ mawˇ mawˇ lah-ehˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ myahˇ deuˬ boꞈ taˬ-euˬ meh. Uˬ duˬ shiꞈ siˬ tsoꞈ-awˇ, uˬ coeˇ tseˇ coeˇ tsoꞈ-eu meh.

Panmaeq 17:4

Zaˬ miˬ zaˬ kʼoeˇ gʼaˬ-aˬ, neˇ naˆ naˆ-eu mehˬ tsoeˬ hawˇ-eu neˇ tseuˆ ni gʼeh-eu mehˬ tsoeˬ dm-awˇ, shuiˇ myawˬ guˇ deuˬ, aˇ poeˬ kʼaˆ-eu kʼaˬ lo sehˇ deuˬ hawˇ-eu, aˇ caˇ caˇ kʼawꞈ sehˇ deuˬ tiˬ byah ni geuꞈ luꞈ-eu meh. Aˬ cawˬ nehˬ-ehˇ joe-euˬ jeˬ pyeuꞈ-eu jawꞈ dui dui-eu jeˬ hawˇ-eu nui daˆ daˆ laˇ paˬ-ehˇ gʼeh-eu jeˬ tiˬ byah ni ahˇ-eu shuiˇ kʼmˬ maˬ tiˬ kʼmˬ aˬ yawꞈ yuˇ luꞈ-eu meh.

Panmaeq 18:15

Meuˬ kʼoeˇ meuˬ nehˬ-ehˇ gaꞈ taꞈ ka taꞈ-awˇ smˇ muiˬ muiˬ laˇ-euˬ tsawˇ haˬ kʼoeˇ deuˬ-aˬ, aˬ yawꞈ-euˬ shaˬ zahˬ ya caw pi nehˬ gaˇ guˆ-awˇ, gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ heu loꞈ-ehˇ dawˬ kawˬ kawˬ-awˇ ngoeˇ tehꞈ-a.