Panmaeq 18:11 - Akha

¹¹ Miˇ tsaˬ kʼoeˇ taˆ jeˬ gaꞈ jeˬ ka mˇ-eu deuˬ kʼawꞈ, aˬ yawꞈ gʼaˇ duˬ tsawˇ ngoeˇ ngoeˇ-eu meh. Aˬ jeˬ miˇ neh ehˇ naˇ, aˬ yawꞈ maꞈ-euˬ myawˬ gahˬ zeuˇ-eu gʼaˬ maˬ jawˇ-ehˇ pyeuꞈ-iˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Mirtsaq-euq khoertav jeqgaf jeqka mr-eu deuq khawf aqyawf-euq gharduq tsawrngoer yawkhav-aer ngoer taef-a. Aqjeq mirnae aernar-aq, aqyawf maf-euq myawq zeur-eu tsawrhaq maqpar jawrni pyeuf-ir-euq mae.

Panmaeq 18:11 ပူးပေါင်းရင်းမြစ်များ

Dawqdaq 3:14

Aˬ jeˬ miˇ neh ehˇ naˇ, pyuˇ naˆ maˬ tseˇ zaˬ siˬ tsawˇ gahˇ gaˇ dahˇ tsoeˬ-awˇ, shuiˇ naˆ maˬ tseˇ aˇ poeˬ baw-eu meh.

Iˇsaˬyaˇ 13:19

Miˇ kʼahˬ dawˬ tawˆ luꞈ kʼoeˇ taˆ, Baˬbuˇloˬ miˇ kʼahˬ yaw shehꞈ kʼahˬ sehˇ huiˬ-eu miˇ neh, aˬ yawꞈ-euˬ tsawˇ haˬ deuˬ kʼahˬ sehˇ jaˆ kʼawꞈ Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, Sahˬpaˬ Miˬyehˇ pyeuꞈ-eu ngaˇ laˆ luˬ laˆ seˇ nehˬ ma.

Iˇsaˬyaˇ 47:15

Nawˬ-euˬ tiˬ ziˇ gʼoe daˆ laꞈ-euˬ ja maw kʼoeˇ deuˬ, nawˬ-euˬ gʼaˇ duˬ heu loꞈ-ehˇ jahˇ tehꞈ-a. Dawˬ tawˆ luꞈ nawˬ-ahˇ byehˇ dzeh-awˇ, yawˬ ha gaˇ ma yawˬ ha iˇ-eu miˇ neh, nawˬ-ahˇ ka kʼoꞈ-eu maˬ jawˇ-a.”

Yeˬsaˬgeˬlaˇ 27:9

Saˇ baoˬ-euˬ laꞈ saˇ maˇ deuˬ-aˬ, Biˇbaˬlawˆ meuˬ-ahˇ neh oe-euˬ, nya dui dui-eu tsawˇ haˬ deuˬ meh. Laˆ shaˆ saˇ baoˬ kʼaˇ dziˬ-eu deuˬ, nawˬ-ahˇ jeˬ gaꞈ taꞈ-eu tehꞈ meh.

Zeˬpaˬniˇ 1:11

Meuˬ laꞈ oˆ pyawˬ-ahˇjawˇ-eu deuˬ, teˇ saˇ kʼoeˇ deuˬ gaˬ doˆ laˇ ngeh, yaw kʼaˆ-ehˇ guˇ guˇ-ehˇ ngoeˇ-awˬ. Aˬ jeˬ miˇ neh ehˇ naˇ, baw gaꞈ deuˬ ya shiˇ jiˇ tehꞈ-a.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Maꞈtehˬ 22:5

Ehˇ kʼawꞈ, kuˇ taˬ-euˬ tsawˇ haˬ kʼoeˇ deuˬ kuˇ-euˬ gaˇ tiˬ pawꞈ-iˬ maˬ taˬ huiˬ ni, tiˬ paˆ na deuˬ yaˇ ngeh iˇ-awˇ, tiˬ paˆ na deuˬ jeˬ gaꞈ gaꞈ-iˇ-euˬ meh.

Yoˇhaˬ 2:16

Yaˇ miˇ kʼaˬ kʼoeˬ ahˬ luꞈ-eu tsawˇ haˬ deuˬ-ahˇ kʼawꞈ, “Yaˇ miˇ kʼaˬ kʼoeˬ teu deuˬ yuˇ doˆ gʼeh-awˬ. Ngaˬ Da-euˬ nymˇ-ahˇ lehˆ juꞈ-eu nymˇ taˬ paˇ bi pyeuꞈ” lehˇ ehˇ nehˬ-euˬ meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

Panmaeq 18:15

Meuˬ kʼoeˇ meuˬ nehˬ-ehˇ gaꞈ taꞈ ka taꞈ-awˇ smˇ muiˬ muiˬ laˇ-euˬ tsawˇ haˬ kʼoeˇ deuˬ-aˬ, aˬ yawꞈ-euˬ shaˬ zahˬ ya caw pi nehˬ gaˇ guˆ-awˇ, gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ heu loꞈ-ehˇ dawˬ kawˬ kawˬ-awˇ ngoeˇ tehꞈ-a.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

Panmaeq 18:23

Tsiˇ kʼmˬ doꞈ bya taˬ-euˬ yaw shehꞈ, tiˬ jawˇ-iˬ maˬ paˇ ya mawˇ-aˇ. Miˬ daꞈ zaˬ daꞈ jiˇ cehˇ gʼeh-eu, teˇ saˇ maˬ paˇ ya gaˬ haw-aˇ. Nawˬ-euˬ tsawˇ haˬ baw gaꞈ kʼoeˇ deuˬ, miˇ tsaˬ kʼoeˇ taˆ kʼawˇ teˇ doˆ-awˇ, nawˬ-euˬ mah loˬ ja maw kʼoeˇ neh, miˇ tsaˬ zaˬ-ahˇ shuiˇ tawˆ-euˬ meh.

Panmaeq 18:3

Aˬ jeˬ miˇ neh ehˇ naˇ, miˇ kʼahˬ tsawˇ jeuˬ dawˬ tawˆ luꞈ taˆ dui dui-eu aˬ gaꞈ dzaˇ uiˇ dawˇ yehꞈ-euˬ loꞈ-ehˇ, aˬ yawꞈ nehˬ-ehˇ joe-eu jeˬ-ahˇ dawˇ yehꞈ jiˇ-awˇ, miˇ tsaˬ kʼoeˇ taˆ jeˬ gaꞈ jeˬ ka mˇ-eu tsawˇ haˬ deuˬ aˬ yawꞈ-euˬ byawˬ gʼa mo gʼa-eu pyuˇ shuiˇ myawˬ gahˬ baˬ da neh smˇ muiˬ muiˬ laˇ jiˇ-euˬ meh.”

Panmaeq 18:9

Aˬ yawꞈ nehˬ-ehˇ joe-awˇ byawˬ gʼa mo gʼa-euˬ miˇ kʼahˬ sahˬ paˬ deuˬ-aˬ, aˬ yawꞈ-ahˇ puiˆ dzaˬ-eu miˬ dzaˬ uˬ kʼoeˬ-ahˇ ya mawˇ ngeh, aˬ yawꞈ gʼaˇ duˬ tsawˇ ngoeˇ ngoeˇ tehꞈ-a.