Panmaeq 18:1 - Akha

¹ Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-ahˇ neh paˇ zaꞈ ka le gaˇ ngaˇ ya mawˇ-euˬ ma. Aˬ yawꞈ-aˬ, huiˬ dui dui-eu uˆ lahˇ-eu baoˬ ahˇ-awˇ, aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ yawˬ gaˇ na luꞈ bya keuˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, ngar, mqtav ghaqkhaer yawqghaqyawq, mq-anr nae zafka le-eu gar ya’mawr-euq ma. Aqyawf huiq duidui-eu aryaq jav-awr, aqyawf-euq yawshaef khanqsaer-euq baqda’nae, mirtsaq-anr yawshaef bya-eu mae.

Panmaeq 18:1 ပူးပေါင်းရင်းမြစ်များ

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.

Luˇkaꞈ 17:24

Aˬ jeˬ miˇ neh ehˇ naˇ, mˬ myawꞈ myawꞈ laˇ ngeh, mˬ-euˬ kʼoeˇ dzeˇ heu dzeˇ doˆ ni bya-iˇ-eu loꞈ-ehˇ, Tsawˇhaˬ-euˬ Zaˬmaˇ-aˬ, aˬ yawꞈ-euˬ aˇ nah keuˆ le ngeh, kʼoeˇ loꞈ-ehˇ gʼeh tehꞈ-a.

2 Teˇsaˬloˇni 2:8

Kʼoeˇ ngeh jawˇ, Haiˬ dui dui-eu gʼaˬ-ahˇ bya cehˆ ni ya mawˇ tehꞈ-a. Ehˇ kʼawꞈ, Sahˬpaˬ Yeˬsuˇ oe ngeh a yawꞈ-euˬ kʼaˬ meh-euˬ saꞈ neh Haiˬ dui dui-eu Gʼaˬ-ahˇ baw sehꞈ-awˇ, aˬ yawꞈ-euˬ yaw sehꞈ kʼahˬ sehˇ naˇ guiˇ guiˇ-eu kʼoeˇ neh laˆ piˬ laˆ byoˆ nehˬ tehꞈ-a.

Panmaeq 10:1

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ mˬ-ahˇ neh zaꞈ ka le gaˇ ngaˇ ya mawˇ-euˬ ma. Aˬ yawꞈ-ahˇ mˬ dmˇ neh lahˇ kaˬ taˬ-awˇ, uˬ duˬ tiˬ jawˬ aˇ deˇ leˇ kʼah tiˬ kʼah jaˆ-eu meh. Aˬ yawꞈ-euˬ myaˆ pyawˬ nahˇ ma-ahˇ duˇ-awˇ, aˬ kuiˇ miˬ dzaˬ kʼawˇ zeuˇ-ahˇ duˇ-eu meh.

Panmaeq 17:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, naˬ bo shiꞈ bo ahˇ-eu gʼaˬ ngaˇ jawˇ gaˇ oe-awˇ heu loꞈ-ehˇ ehˇ-eu meh. “Oe-awˬ, lawˇ baˬ baˬ ma gʼawˬ mya gawˆ dawˬ peh jaˆ-eu meuˬ meuˬ ma pyeuꞈ-eu tsawˇ myahˇ doˆ-eu meh maˬ laˇ kʼoeˇ gʼaˬ kʼehˬ-eu kʼaˆ-eu jeˬ-ahˇ aˬ joˆ-ehˇ ya daˬ gaˇ ngaˇ nawˬ-ahˇ sheuˬ mehˬ-iˇ nyaˇ.

Panmaeq 17:7

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ ehˇ-eu, “Aˬ jeˬ miˇ neh nawˇ zahˬ leˇ te. Zaˬ miˬ zaˬ kʼoeˇ gʼaˬ hawˇ-eu, uˬ duˬ shiꞈ siˬ tsoꞈ-awˇ uˬ coeˇ tseˇ coeˇ tsoꞈ-eu jeˬ zaˬ yaw haiˬ kʼoeˇ mawˇ-euˬ gaˇ kawˆ, zaꞈ taˬ-euˬ dawˬ tsuiꞈ ngaˇ nawˬ-ahˇ ehˇ nehˬ nyaˇ.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.