Panmaeq 17:4 - Akha

⁴ Zaˬ miˬ zaˬ kʼoeˇ gʼaˬ-aˬ, neˇ naˆ naˆ-eu mehˬ tsoeˬ hawˇ-eu neˇ tseuˆ ni gʼeh-eu mehˬ tsoeˬ dm-awˇ, shuiˇ myawˬ guˇ deuˬ, aˇ poeˬ kʼaˆ-eu kʼaˬ lo sehˇ deuˬ hawˇ-eu, aˇ caˇ caˇ kʼawꞈ sehˇ deuˬ tiˬ byah ni geuꞈ luꞈ-eu meh. Aˬ cawˬ nehˬ-ehˇ joe-euˬ jeˬ pyeuꞈ-eu jawꞈ dui dui-eu jeˬ hawˇ-eu nui daˆ daˆ laˇ paˬ-ehˇ gʼeh-eu jeˬ tiˬ byah ni ahˇ-eu shuiˇ kʼmˬ maˬ tiˬ kʼmˬ aˬ yawꞈ yuˇ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Zaqmiq aqbur heughaq, nerpuir puir-eu hawr-eu nertseuvni ghae-eu maeqtsoeq dm-awr, shuir, khaqlo saer hawr-eu arcar carkhawf-euq saer myawqgur geufluf-eu mae. Aqlaf-euq lafkhoer, aqcawq naeq-aer banq-awr muv-eu jeq-anr taf-eu jawflafni ghae-eu jeq hawr-eu nuidav davlar paq-aer ghae-eu jeq tiqbyanni danq-eu shuir khmqmaq ciqluf-eu mae.

Panmaeq 17:4 ပူးပေါင်းရင်းမြစ်များ

1 Sahˬpaˬ 14:24

Doeˇ dui dui-eu tiˬ jeˬ-aˬ, lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ, zaˬ miˬ zaˬ meh maˬ laˇ hawˇ-eu kʼaˬ dzeˇ zaˬ meh maˬ laˇ deuˬ kʼawꞈ jawˇ-eu kʼoeˇ hmˬ meh. Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ laꞈ kʼoeˇ jawˇ uˇ leˇ ngeh, Sahˬpaˬ Miˬyehˇ neh teh doˆ nehˬ-euˬ, yaw beh kʼoeˇ gaˇ jawˇ-euˬ tsawˇ jeuˬ deuˬ kʼaˇ mˇ-euˬ shaꞈ dawˇ dui dui paˬ-ehˇ gʼeh-eu jeˬ dawˬ tawˆ luꞈ-ahˇ, Yuˇdaˆ miˇ kʼahˬ zaˬ deuˬ mˇ-euˬ meh.

2 Sahˬpaˬ 21:2

Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ uˇ gʼeh ngeh, miˇ kʼahˬ kʼoeˇ kʼahˬ laꞈ kʼoeˇ Sahˬpaˬ Miˬyehˇ neh bi teh doˆ-euˬ tsawˇ jeuˬ kʼoeˇ deuˬ mˇ-eu shaˇ-eu jawꞈ dui dui-eu gaˇ deuˬ-ahˇ, Maˬnaˇseˬ caw teh-eu laꞈ kʼoeˇ, Sahˬpaˬ Miˬyehˇ mehˬ shi iˬ baˇ mˇ-euˬ meh.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Yeˬlaˬmiˇ 51:7

Baˬbuˇloˬ miˇ kʼahˬ-aˬ, ngaˬ-euˬ aˬ laꞈ-ahˇ ciˬ luꞈ-eu shuiˇ kʼmˬ maˬ-ahˇ duˇ-eu ma. Kʼmˬ maˬ kʼoeˇ miˇ tsaˬ dawˬ tawˆ luꞈ-ahˇ bi yehꞈ leˇ-eu meh. Miˇ kʼahˬ tsawˇ jeuˬ deuˬ kʼoeˇ gaˇ dahˬ-eu aˬ gaꞈ dzaˇ uiˇ dawˇ-awˇ, nui ma-ahˇ maˬ noeˬ ni pyeuꞈ jiˇ-euˬ meh.

Ngoeˇ dawˬ 1:9

Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.”

Yeˬsaˬgeˬlaˇ 20:30

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu gaˇ kawˆ, nymˬ-mˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Aˬ jeˬ miˇ neh naw maꞈ-euˬ aˬ da deuˬ neh mˇ-euˬ iˬ baˇ naw maꞈ paˇ mˇ-awˇ, aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-euˬ mehˬ nah caw teh te.

Yeˬsaˬgeˬlaˇ 24:11

Kʼoeˇ naˇ, oeˬ lahˬ-ahˇ miˬ jiˆ kʼoeˇ taˆ ciˬ daˆ-awˇ, neˇ tseuˆ ni bi puiˆ neˇ ma. Shmˇ kaw kʼoeˇ deuˬ puiˆ dzaˬ jiˇ ngeh, oeˬ lahˬ kʼoeˇ shawˇ laˇ tehꞈ-a.

Yeˬsaˬgeˬlaˇ 24:13

Yeˬluˇsaˬlehˬ-oˇ, nawˬ neh dehꞈ doeˇ-euˬ jeˬ nawˬ-ahˇ laˆ jawꞈ-euˬ meh. Ngaˇ aˇ naˆ ni leh jeh kʼawꞈ, maˬ laˆ shawˇ jiˇ nya-a. Ngaˇ nui ma pehˇ-eu jeˬ-ahˇ tiˬ li maˬ ya daˬ kʼoeˇ keuˆ ni, nawˇ maˬ shawˇ laˇ luꞈ-a.

Yeˬsaˬgeˬlaˇ 28:13

Miˬyehˇ yaˇ kmˇ kmˇ muiˬ kmˇ jaˬ, Eˬdeˬ yaˇ kmˇ-ahˇ nawˇ jawˇ-awˇ, Aˇ poeˬ kʼaˆ-eu kʼaˬ lo sehˇ deuˬ, lo neˇ, lo nyoeˇ, lo byaꞈ kʼoeˇ deuˬ nawˇ tiˬ byah ni geuꞈ taˬ-euˬ meh. Nawˬ-ahˇ beh ngeh nah neh daˬ-awˇ, sehˇ kʼoeˇ deuˬ lehˬ hmˬ taˬ-euˬ meh.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Daˬyeˬlaˇ 11:38

Ehˇ kʼawꞈ, ziꞈ dah ni gʼeh-eu taˆ deuˬ-ahˇ haw piˇ-eu miˬ yehˇ-ahˇ aˬ yawꞈ yaw zeu baw tehꞈ-a. Aˬ yawꞈ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ-ahˇ, shuiˇ, pyuˇ, aˇ poeˬ kʼaˆ-eu kʼaˬ lo sehˇ hawˇ-eu, muiˬ dui dui-eu aˇ poeˬ kʼaˆ-eu laꞈ sawˬ deuˬ aˬ yawꞈ damˬ nehˬ tehꞈ-a.

Hawˇseˬ 9:10

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-ahˇ, yaw beh poˆ ngaˇ mawˇ dahˬ beh ngeh, kʼaˇ shuiꞈ deh ga gʼahˇ ceh dehꞈ-eu, aˬ gaꞈ baw duˆ-ahˇ duˇ-eu meh. Naw maꞈ-euˬ aˬ poeˬ aˬ piˬ deuˬ, yaw beh poˆ ngaˇ mawˇ dahˬ beh ngeh, awꞈ beh beh laˇ-awˇ siˬ luꞈ-eu, siˬ guˬ aˇ siˬ-ahˇ duˇ-eu meh. Ehˇ kʼawꞈ, Peˬoˇlaˬ gawˬ jawˬ-ahˇ laˇ ngeh, Baˬlaˇ-ahˇ uˬ duˬ tahˬ paˇ-awˇ, yawꞈ maꞈ gaˬ-eu miˬyehˇ loꞈ-ehˇ, jawꞈ dui dui gaˇ ya mawˇ-euˬ ma.

Dawˬmehˬ 29:17

Daˇ kawˬ, kʼaˬ lo, pyuˇ hawˇ-eu shuiˇ heu deuˬ neh jahˇ taˬ-euˬ maˬ haw nahˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ deuˬ-ahˇ naw maꞈ ya mawˇ haw-euˬ meh.

Panmaeq 14:8

Mˬ taˆ gʼaˬ kʼehˇ nyiˬ gʼaˬ tiˬ gʼaˬ, mˬ taˆ gʼaˬ kʼehˇ yaw beh gʼaˬ-euˬ mehˬ nah caw teh-awˇ ehˇ-eu, “Aˬ yawꞈ coˬ dzeh-euˬ meh. Huiˬ dui dui-eu Baˬbuˬloˬ meuˬ coˬ dzeh-euˬ meh. Aˬ yawꞈ-euˬ taˆ dui dui-eu kʼaˬ miˬ sheu-eu aˬ gaꞈ dzaˇ uiˇ kʼoeˇ, tsawˇ jeuˬ dawˬ tawˆ luꞈ-ahˇ aˬ yawꞈ bi dawˇ-euˬ meh.”

Panmaeq 18:12

A yawꞈ maꞈ-euˬ shuiˇ deuˬ, pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, aˇ caˇ caˇ kʼawꞈ sehˇ deuˬ, shawˇ jehˆ ni gʼeh-eu saˬ paˇ paˇ pyuˇ deuˬ, neˇ naˆ naˆ-eu saˬ paˇ deuˬ, boeˬ saˬ paˇ deuˬ, poeˬ dui dui-eu daˇ kawˬ deuˬ, ya ma juiˇ hawˇ-eu aˇ poeˬ kʼaˆ-eu daˇ kawˬ neh jahˇ taˬ-euˬ mˇ myawˬ deuˬ, guiˬ shuiˇ, shmˇ hawˇ-eu lo pyuˇ neh jahˇ taˬ-euˬ mˇ myawˬ deuˬ,

Panmaeq 18:16

“Aˬ huˇ-i, huiˬ-eu meuˬ-ahˇ haw sheˇ. paˇ pyuˇ paˇ shawˇ dm-awˇ, paˇ neˇ neˇ naˆ dm-awˇ, shuiˇ myawˬ guˇ deuˬ geuꞈ-awˇ, kʼaˬ lo sehˇ deuˬ geuꞈ-awˇ, caˇ kʼawꞈ sehˇ deuˬ geuꞈ-euˬ,

Panmaeq 19:2

Aˬ yawꞈ neh yaˇ kʼaˬ daˇ-euˬ jeˬ, tsaˬ-eu dawˇ-eu jeˬ pyeuꞈ-eu meh. Kʼaˬ miˬ sheu-eu jeˬ-ahˇ gaˬ-awˇ, miˇ tsaˬ tahˬ kʼawˇ-ahˇ laˆ jawꞈ-euˬ, huiˬ-eu meh maˬ laˇ kʼoeˇ gʼaˬ-ahˇ, aˬ yawꞈ yaˇ kʼaˬ daˇ nehˬ-euˬ meh. Yawꞈ-euˬ zaˬ kʼaˆ deuˬ shiˇ-euˬ poeˬ, yawꞈ laꞈ poˆ poˆ-euˬ meh.”

Panmaeq 21:21

Lahˇ kʼehˬ tseˇ nyiꞈ kʼehˬ-aˬ, aˇ caˇ caˇ kʼawꞈ sehˇ tseˇ nyiꞈ siˬ pyeuꞈ-eu meh. Lahˇ kʼehˬ aˬ yawꞈ kʼehˬ yawꞈ-ahˇ, aˇ caˇ caˇ kʼawꞈ sehˇ tiˬ siˬ neh tehꞈ-ehˇ jahˇ jiˇ taˬ-euˬ meh. Meuˬ gʼahˇ ceh dahˇ-eu gaˇ jawˬ dawˬ tawˆ luꞈ, pyawˬ haw loꞈ-ehˇ shawˇ jehˆ ni gʼeh-eu shuiˇ pyeuꞈ-eu meh.

Panmaeq 9:21

Tsawˇ haˬ-ahˇ sehꞈ-eu, maw loˬ ja maw zmˬ-eu, kʼaˬ miˬ sheu-eu, kʼoeˬ-eu gʼehꞈ-eu heu deuˬ-ahˇ kʼawꞈ, aˬ yawꞈ maꞈ maˬ byehˇ dzeh-a.