Panmaeq 17:11 - Akha

¹¹ Aˇ hu dehꞈ-awˇ nymˬ-mˇ maˬ paˇ dehꞈ-euˬ jeˬ zaˬ yaw haiˬ kʼoeˇ mawˇ kʼawꞈ, sahˬ paˬ kʼoeˇ shiꞈ gʼaˬ laꞈ kʼoeˇ ahˇ-eu sahˬ paˬ yehꞈ gʼaˬ tiˬ gʼaˬ pyeuꞈ-awˇ, luˬ-iˇ seˇ-iˇ-eu jeˬ laꞈ kʼoeˇ ya uˇ-iˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Arhu jawr-euq khawf, nymq-mr maqjawr-eu jeqzaq yawghae khoermawr-aq, yaef ghaq tiqghaq mae. Aqyawf khawf khoer shif ghaq-anr gawfluf-awr, cawv-ir-eu jeq-anr ya’ur-ir-eu mae.

Panmaeq 17:11 ပူးပေါင်းရင်းမြစ်များ

Panmaeq 13:10

Aˬ cawˬ neh bi paꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni ya bi paꞈ tehꞈ-a. Mi cehˇ neh bi sehꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni mi cehˇ neh ya bi sehꞈ tehꞈ-a. Heu-aˬ, Miˬyehˇ-euˬ tsawˇ haˬ deuˬ daˬ dzeuˇ oˇ dzeuˇ-awˇ jah-eu gʼaˇ duˬ ehˇ-eu jeˬ pyeuꞈ-eu meh.”

Panmaeq 13:12

Aˬ yawꞈ-aˬ, jeˬ zaˬ yaw beh mawˇ-euˬ mehˬ shi, yaw beh mawˇ-euˬ uˆ lahˇ-eu baoˬ tiˬ byah ni zmˬ-eu meh. Jeˬ zaˬ kʼoeˇ mawˇ-aˬ, shiˇ taw tehˬ ni bi laˆ naˇ-awˇ taˬ leˇ-euˬ jeˬ zaˬ yaw beh mawˇ-ahˇ uˬ duˬ tahˬ ni, miˇ tsaˬ tahˬ kʼawˇ hawˇ-eu miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ-ahˇ zuiˆ-eu meh.

Panmaeq 13:3

Jeˬ zaˬ kʼoeˇ mawˇ-euˬ uˬ duˬ tiˬ siˬ-aˬ, shiˇ taw tehˬ ni bi laˆ naˇ taˬ-euˬ meh. Ehˇ kʼawꞈ, maˇ kʼehˬ kʼoeˇ taˬ leˇ-euˬ meh. Miˇ tsaˬ zaˬ dawˬ tawˆ luꞈ zahˬ leˇ-awˇ, jeˬ zaˬ yaw haiˬ kʼoeˇ mawˇ-euˬ mehˬ nah caw teh-eu meh.

Panmaeq 17:8

Nawˇ mawˇ-euˬ jeˬ zaˬ kʼoeˇ mawˇ-aˬ, aˇ hu dehꞈ-euˬ kʼawꞈ, nymˬ-mˇ maˬ paˇ dehꞈ meh. Gʼawˬ myahˇ maˬ gʼeh-ehˇ yaw li maˬ baw-eu duˬ kʼahˬ-ahˇ neh doˆ laˇ-awˇ, luˬ-iˇ seˇ-iˇ-eu jeˬ laꞈ kʼoeˇ ya uˇ-iˇ tehꞈ-a. Mˬ hawˇ-eu miˇ maˬ beh mi naˆ-ehˇ saꞈ laˇ dehꞈ-eu sahˬ boꞈ laꞈ kʼoeˇ tsawˇ myahˇ maˬ bi boꞈ ahˇ taˬ-euˬ miˇ tsaˬ kʼoeˇ taˆ jawˇ luꞈ-eu tsawˇ haˬ deuˬ-aˬ, jeˬ zaˬ yaw haiˬ kʼoeˇ mawˇ-ahˇ ya mawˇ ngeh zahˬ dui dui leˇ tehꞈ-a. Aˬ jeˬ miˇ neh ehˇ naˇ, jeˬ zaˬ yaw haiˬ kʼoeˇ mawˇ dzeuˇ laˇ ngeh yaw dehꞈ dehꞈ-euˬ kʼawꞈ, nymˬ-mˇ maˬ paˇ dehꞈ meh. Ehˇ kʼawꞈ, tiˬ poˆ paˇ doˆ laˇ tehꞈ-a.