Panmaeq 16:9 - Akha

⁹ Aˬ yawꞈ maꞈ-aˬ, lahˇ dui dui-eu miˬ dzaˬ kʼoeˇ neh bi lahˇ-awˇ, kʼehˬ-eu kʼaˆ-eu kʼoeˇ deuˬ kʼoeˇ taˆ baoˬ jaˆ-eu gʼaˬ pyeuꞈ-eu Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Ehˇ kʼawꞈ, aˬ yawꞈ maꞈ iˬ baˇ maˬ noeˬ poˆ-ehˇ, aˬ yawꞈ huiˬ dui mahˇ dui dui gaˇ maˬ ja ceuˬ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Tsawrhaqzaq lanr duidui-eu mirnae, khaeq-awr khav-eu khoerdeuq-euq khoertav baoq jav-eu Miqyaer-euq tsawrmyanr-anr yaeqbawq saerlu-aer aer-eu mae. Aqyawfmaf noeqpov noeqpar maqmr-eu uqtaf, Miqyaer-anr maq ciqhuiq maq ciqmanr-a.

Panmaeq 16:9 ပူးပေါင်းရင်းမြစ်များ

2 Sahˬpaˬ 6:33

Aˬ yawꞈ kʼoeˇ loꞈ-ehˇ ehˇ gʼaˬ-eu maˬ dah ni, sahˬ paˬ oe keuˆ-awˇ ehˇ-eu, “Nga maꞈ kʼoeˇ taˆ shaˬ-eu zahˬ-eu heu bi keuˆ le-euˬ gʼaˬ Sahˬpaˬ Miˬyehˇ meh loˇ. Aˬ yawꞈ tiˬ jeˬ paˬ jahˇ nehˬ laꞈ gaˇ ngaˇ dawˬ dawˬ-ehˇ maˬ paˇ jawˇ ma.”

2 Laˬsaˬbaˬ 28:22

Aˬkaˆ-aˬ, aˬ yawꞈ kʼoeˇ taˆ shaˬ dui zahˬ dui dui-eu jeˬ keuˆ le luꞈ ngeh, yaw beh naˆ maˬ tseˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Iˇsaˬyaˇ 8:21

Tsawˇ haˬ kʼoeˇ deuˬ nui ma cawˆ-awˇ hawˬ mehꞈ shaˬ-eu laꞈ kʼoeˇ, miˇ kʼahˬ doe ni cah cah-ehˇ jawˇ tehꞈ-a. Aˬ yawꞈ maꞈ hawˬ mehꞈ mehꞈ ngeh nui ma pehˇ laˇ-awˇ, aˬ yawꞈ maꞈ-euˬ sahˬ paˬ hawˇ-eu aˬ yawꞈ maꞈ-euˬ Miˬyehˇ-ahˇ yaˬ kʼehˇ yaˬ tehꞈ-a. Aˬ yawꞈ maꞈ mˬ-ahˇ gʼawˇ leuˇ haw-awˇ,

Yeˬlaˬmiˇ 13:6

Aˇ nah aˇ yamˬ ui cuiˆ myahˇ laˇ gʼaˬ ngeh, “Uˇpaˬlaˇ lawˇ baˬ-ahˇ iˇ-awˇ, joꞈ paꞈ kʼoeˇ laˬ kʼoꞈ laˬ-iˇ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh.

Yeˬlaˬmiˇ 5:3

Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.

Yeˬsaˬgeˬlaˇ 24:13

Yeˬluˇsaˬlehˬ-oˇ, nawˬ neh dehꞈ doeˇ-euˬ jeˬ nawˬ-ahˇ laˆ jawꞈ-euˬ meh. Ngaˇ aˇ naˆ ni leh jeh kʼawꞈ, maˬ laˆ shawˇ jiˇ nya-a. Ngaˇ nui ma pehˇ-eu jeˬ-ahˇ tiˬ li maˬ ya daˬ kʼoeˇ keuˆ ni, nawˇ maˬ shawˇ laˇ luꞈ-a.

Luˇkaꞈ 13:3

Kʼoeˇ loꞈ-ehˇ maˬ ngeuˇ-a lehˇ, naw maꞈ-ahˇ ngaˇ ehˇ-eu ma. Naw maꞈ kʼawꞈ, iˬ baˇ maˬ noeˬ poˆ naˇ, kʼoeˇ loꞈ-ehˇ ya shiˇ tehꞈ-a.

Luˇkaꞈ 13:5

Kʼoeˇ loꞈ-ehˇ maˬ ngeuˇ-a lehˇ, naw maꞈ-ahˇ ngaˇ ehˇ-eu ma. Naw maꞈ kʼawꞈ, iˬ baˇ maˬ noeˬ poˆ naˇ, kʼoeˇ loꞈ-ehˇ ya shiˇ tehꞈ-a.”

2 Gawˇliˬtu 12:21

Ngaˇ paˇ oe ngeh, ngaˬ-euˬ Miˬyehˇ ngaˬ-ahˇ naw maꞈ-euˬ mehˬ shi tiˬ poˆ paˇ bi shaꞈ dawˇ laꞈ-awˇ, dzeuˇ laˇ ngeh maˬ muiˬ maˬ shawˇ-eu jeˬ hawˇ-eu maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ mˇ-euˬ tsawˇ haˬ deuˬ iˬ baˇ maˬ noeˬ poˆ-ehˇ jawˇ-eu baˬ da neh ngaˇ myaˆ biˇ ya doˆ le gaˇ kʼahˬ lahˇ dui dui nya.

Yawˇshuˆ 7:19

Aˬkaˬ-ahˇ Yawˇshuˆ ehˇ nehˬ-eu, “Ngaˬ li-oˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi nawˬ-euˬ iˬ baˇ-ahˇ dawˇ coe ni ehˇ doˆ-awˬ. Nawˇ aˬ joˆ-ehˇ jahˇ-euˬ gaˇ kawˆ nymˬ-mˇ ngaˬ-ahˇ ehˇ nehˬ laꞈ-awˬ. Ngaˬ-euˬ mehˬ shi tiˬ jeˬ-iˬ taˬ zaꞈ taˬ.”

Panmaeq 11:13

Kʼoeˇ ngeh kʼaˆ tseuˆ ni, miˇ luˆ yaw kʼaˆ-ehˇ luˆ laˇ-euˬ baˬ da neh, meuˬ kʼoeˇ meuˬ-euˬ tseˇ bymˇ tiˬ bymˇ cawˆ-iˇ-awˇ, tsawˇ haˬ shiꞈ heˇ gʼaˬ shiˇ-euˬ meh. Dzeˇ-eu tsawˇ haˬ deuˬ guˆ dui dui-iˇ-awˇ, mˬ taˆ Miˬyehˇ huiˬ dui mahˇ dui dui gaˇ ja ceuˬ tehꞈ-a.

Panmaeq 14:7

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Miˬyehˇ-ahˇ taˬ huiˬ taˬ mahˇ-awˇ, aˬ yawꞈ huiˬ dui mahˇ dui dui gaˇ ja ceuˬ-awˬ. Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ yawꞈ yaˇ kʼaˬ daˇ-eu aˇ yamˬ keuˆ le-euˬ meh. Mˬ, miˇ, iˬ ma laˆ shaˆ hawˇ-eu, iˇ cuꞈ lawˇ gawˆ deuˬ-ahˇ beh-euˬ gʼaˬ-ahˇ uˬ duˬ tahˬ-awˬ.”

Panmaeq 16:21

Smˬ tseˇ jawꞈ-i dzehˬ ni byah-eu uˬ yehˇ aˇ siˬ deuˬ mˬ-ahˇ neh ga le-awˇ, tsawˇ haˬ zaˬ-ahˇ ga deh le-euˬ meh. Uˬ yehˇ aˇ siˬ bi ga le-awˇ kʼehˬ-eu kʼaˆ-eu kʼoeˇ poˆ, kʼoeˇ naˆ naˆ-ehˇ guˆ laˇ paˬ-ehˇ gʼeh-eu miˇ neh, a yawꞈ maꞈ Miˬyehˇ-ahˇ yaˬ kʼehˇ toˇ-eu meh.

Panmaeq 2:21

Aˬ yawꞈ-euˬ iˬ baˇ-ahˇ noeˬ poˆ ni, ngaˇ aˬ yawꞈ-ahˇ aˇ yamˬ biꞈ taˬ-euˬ ma. Ehˇ kʼawꞈ, kʼaˬ miˬ sheu-eu jeˬ-ahˇ aˬ yawꞈ maˬ byehˇ dzeh-a.

Panmaeq 9:20

Kʼoeˇ smˇ jeˬ neh maˬ bi sehꞈ jiˇ-ehˇ dzeˇ-eu miˇ tsaˬ tsawˇ haˬ zaˬ deuˬ-aˬ, aˬ yawꞈ maꞈ neh mˇ dzeuˇ shaˇ dzeuˇ yaꞈ-euˬ jeˬ-ahˇ maˬ byehˇ dzeh-a. Nehꞈ deuˬ-ahˇ uˬ duˬ tahˬ-eu jeˬ-ahˇ maˬ ehˇ, shuiˇ, pyuˇ, guiˬ shuiˇ, kʼaˬ lo, daˇ kawˬ, heu deuˬ neh jahˇ taˬ-euˬ, maˬ mawˇ nya, maˬ gaˬ nya, maˬ cah nya-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu jeˬ-ahˇ maˬ ehˇ, aˬ yawꞈ maꞈ maˬ byehˇ dzeh-a.