Panmaeq 16:7 - Akha

⁷ Kʼoeˇ naˇ, lawˇ duˬ jaˆ gaˇ neh heu loꞈ-ehˇ ehˇ doˆ laꞈ gaˇ ngaˇ ya gaˬ-euˬ ma. “Baoˬhuiˬ-eu Sahˬpaˬ Miˬyehˇ-oˇ, nawˬ neh yaˇ kʼaˬ daˇ-euˬ heu-aˬ, tsaˬ dui dawˇdui dui meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Khoeruqtaf, ngar, lawrduq jav-eu gar nae heulof-aer aerdov lef-eu gar yagaq-euq ma. “Baoq huiq duidui-eu Sanqpaq Miqyaer-or! Nawq nae yarkhaq dar-euq-aq, tsaq duidui-awr dawr duidui-eu mae.”

Panmaeq 16:7 ပူးပေါင်းရင်းမြစ်များ

Iˇsaˬyaˇ 6:6

Kʼoeˇ ngeh, Seˬlaˬpeˬ mˬ taˆ gʼaˬ kʼehˇ kʼoeˇ tiˬ gʼaˬ, lawˇ duˬ kʼoeˇ taˆ ciˆ nyawˆ neh tehˬ doˆ-euˬ neˇ hoˬ ni doꞈ luꞈ-eu miˬ dzaˬ miˬ jiˆ yuˇ-awˇ, ngaˇ jawˇ gaˇ zaw ka leꞈ-euˬ meh.

Yeˬsaˬgeˬlaˇ 10:2

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu gʼaˬ-ahˇ Miˬyehˇ ehˇ nehˬ-eu, “Jeˬluˇbeˬ kʼoeˇ deuˬ-euˬ uˬ moˆ jaˆ-eu aˇ beuˆ kʼoeˇ deuˬ-euˬ yaw kaˬ-ahˇ uˇ leˇ-awˇ, nawˬ-euˬ aˬ laꞈ tiˬ byah ni, doꞈ luꞈ-eu miˬ jiˆ tawˆ doˆ laˬ-iˇ-awˇ, meuˬ-euˬ kʼoeˇ taˆ byaˆ gʼeh-awˬ.”

Yeˬsaˬgeˬlaˇ 10:7

Jeˬluˇbeˬ tiˬ mawˇ aˬ yawꞈ maꞈ gʼahˇ ceh doꞈ luꞈ-eu miˬ dzaˬ laꞈ kʼoeˇ aˬ laꞈ cawˬ ahˇ-awˇ, miˬ jiˆ tawˆ doˆ laꞈ-awˇ, tsawˇ haˬ kʼoeˇ gʼaˬ-euˬ aˬ laꞈ laꞈ kʼoeˇ tawˆ ahˇ nehˬ ngeh, tsawˇ haˬ kʼoeˇ gʼaˬ miˬ jiˆ kʼoeˇ yuˇ-awˇ doˆ-iˇ-euˬ meh.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Panmaeq 13:10

Aˬ cawˬ neh bi paꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni ya bi paꞈ tehꞈ-a. Mi cehˇ neh bi sehꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni mi cehˇ neh ya bi sehꞈ tehꞈ-a. Heu-aˬ, Miˬyehˇ-euˬ tsawˇ haˬ deuˬ daˬ dzeuˇ oˇ dzeuˇ-awˇ jah-eu gʼaˇ duˬ ehˇ-eu jeˬ pyeuꞈ-eu meh.”

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Panmaeq 14:18

Kʼoeˇ naˇ, miˬ dzaˬ-ahˇ haw-eu pyaˆ-eu mˬ taˆ gʼaˬ kʼehˇ tiˬ gʼaˬ lawˇ duˬ-ahˇ neh doˆ le-eu meh. Kʼoeˇ ngeh, taˆ dui dui-eu yehˬ kʼoꞈ yuˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ aˬ yawꞈ yaw kʼaˆ-ehˇ guˇ-awˇ ehˇ nehˬ-eu, “Miˇ tsaˬ kʼoeˇ taˆ-euˬ aˬ gaꞈ yaˇ kmˇ-ahˇ nawˬ-euˬ yehˬ kʼoꞈ neh aˬ gaꞈ aˇ puˇ pyehˆ-awˬ. Aˬ jeˬ miˇ neh ehˇ naˇ, aˬ gaꞈ aˇ siˬ awꞈ laˇ-euˬ meh.”

Panmaeq 19:2

Aˬ yawꞈ neh yaˇ kʼaˬ daˇ-euˬ jeˬ, tsaˬ-eu dawˇ-eu jeˬ pyeuꞈ-eu meh. Kʼaˬ miˬ sheu-eu jeˬ-ahˇ gaˬ-awˇ, miˇ tsaˬ tahˬ kʼawˇ-ahˇ laˆ jawꞈ-euˬ, huiˬ-eu meh maˬ laˇ kʼoeˇ gʼaˬ-ahˇ, aˬ yawꞈ yaˇ kʼaˬ daˇ nehˬ-euˬ meh. Yawꞈ-euˬ zaˬ kʼaˆ deuˬ shiˇ-euˬ poeˬ, yawꞈ laꞈ poˆ poˆ-euˬ meh.”

Panmaeq 6:9

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ ngaˬ hmˬ tiˬ hmˬ-ahˇ ngawˬ paˆ-euˬ meh. Kʼoeˇ ngeh, Miˬyehˇ-euˬ dawˬ kawˬ mehˬ-awˇ saˇ jaˇ ziꞈ-eu laꞈ kʼoeˇ saˇ kiˇ kamˬ-euˬ miˇ neh bi sehꞈ-euˬ tsawˇ haˬ deuˬ-euˬ saꞈ laˇ kʼoeˇ deuˬ, lawˇ duˬ-euˬ uˬ moˆ jawˇ luꞈ gaˇ ngaˇ ya mawˇ-euˬ ma.