Panmaeq 16:17 - Akha

¹⁷ Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ aˬ yawꞈ-euˬ naˬ bo jaˬ lehˇ laꞈ kʼoeˇ shehˆ dzeh-euˬ meh. Kʼoeˇ ngeh, teˇ saˇ yaw kʼaˆ-ehˇ guˇ-awˇ, “Jiˇ-euˬ ma” lehˇ ehˇ-eu dawˬ, uˬ duˬ tahˬ nymˇ nymˇ ma laꞈ kʼoeˇ jaˆ-eu dzoeˬ dzaˬ nuiˇ mahˬ-ahˇ neh gaˬ doˆ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Mqtav ghaqkhaer shif ghaq tiqghaq, aqyawf-euq khmqmaq, mq-euq ghanrcae shaevdzaeghae ngae, mq-euq khoertav-euq yawshawr lawv-euq nuirmanq-anr nae tersar yawkhav-aer ngaeqdov lef-eu, “Mrluiv jir-euq ma.”

Panmaeq 16:17 ပူးပေါင်းရင်းမြစ်များ

Yoˇhaˬ 19:30

Yeˬsuˇ aˬ gaꞈ dzaˇ uiˇ kʼoeˇ cuˆ dawˇ gʼaˬ-awˇ, “Gaˇ mˇ jiˇ-euˬ ma” lehˇ ehˇ-eu meh. Kʼoeˇ naˇ, uˬ duˬ ga moꞈ le-awˇ, saꞈ tsehˆ leˇ-euˬ meh.

Eˇpeˇsu 2:2

Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Eˇpeˇsu 6:12

Aˬ jeˬ miˇ neh ehˇ naˇ, tsawˇ haˬ zaˬ-ahˇ aˬ dui deuˆ ceh ceh luꞈ-eu maˬ ngeuˇ. Maˬ mawˇ nya-eu haiˬ dui dui-eu mˬ taˆ-euˬ yaw sahˇ pyeuꞈ-eu uˆ lahˇ-eu deuˬ-ahˇ maˬ ehˇ, baoˬ deuˬ-ahˇ maˬ ehˇ, zahˇ tsui ni gʼeh-eu ziˇ heu ziˇ-ahˇ dzoeˬ luꞈ-eu mˬ hawˇ-eu miˇ yaw kaˬ-ahˇ jawˇ-eu deuˬ-ahˇ maˬ ehˇ, aˬ dui deuˆ ceh ceh luꞈ-eu ma.

Panmaeq 11:15

Kʼoeˇ naˇ, mˬ taˆ gʼaˬ kʼehˇ shiꞈ gʼaˬ tiˬ gʼaˬ daˇ heh baw ngeh, mˬ kʼoeˇ taˆ teˇ saˇ yaw kʼaˆ-ehˇ lawꞈ gʼa laˇ-awˇ ehˇ-eu, “Miˇ tsaˬ heu kʼoeˇ taˆ uˆ lahˇ-eu baoˬ, nymˬ-mˇ aˬ dui-euˬ Sahˬpaˬ Miˬyehˇ hawˇ-eu aˬ yawꞈ-euˬ Ka li-ahˇ oꞈ-awˇ, mˬ maˬ maˬ byaˆ zaˇ ziˇ aˬ yawꞈ uˆ lahˇ tehꞈ-a.”

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Panmaeq 14:15

Kʼoeˇ ngeh, uˬ duˬ tahˬ nymˇ nymˇ ma laꞈ kʼoeˇ neh mˬ taˆ gʼaˬ kʼehˇ tiˬ gʼaˬ doˆ le-awˇ, teˇ saˇ yaw kʼaˆ-ehˇ guˇ-awˇ mˬ dmˇ kʼoeˇ taˆ nuiˇ luꞈ-eu kʼoeˇ gʼaˬ-ahˇ ehˇ nehˬ-eu, “Nawˬ-euˬ yehˬ kʼoꞈ neh cehˇ yehˬ-awˬ. Aˬ jeˬ miˇ neh ehˇ naˇ, miˇ tsaˬ kʼoeˇ taˆ cehˇ myah laˇ-awˇ, cehˇ yehˬ yamˬtsaˬ laˇ-euˬ meh.”

Panmaeq 14:17

Kʼoeˇ naˇ, uˬ duˬ tahˬ nymˇ nymˇ ma laꞈ kʼoeˇ neh mˬ taˆ gʼaˬ kʼehˇ tiˬ gʼaˬ paˇ doˆ le gaˇ ngaˇ ya mawˇ-euˬ ma. Aˬ yawꞈ-euˬ aˬ laꞈ-ahˇ kʼawꞈ, taˆ dui dui-eu yehˬ kʼoꞈ tiˬ kahˇ ahˇ-eu meh.

Panmaeq 16:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ-euˬ uˬ duˬ tahˬ nymˇ nymˇ ma laꞈ kʼoeˇ teˇ saˇ yaw kʼaˆ-ehˇ guˇ-eu laꞈ kʼoeˇ, “Miˬyehˇ nui ma pehˇ-eu jeˬ pyeuꞈ-eu naˬ bo kʼoeˇ shiꞈ bo miˇ tsaˬ kʼoeˇ taˆ shehˆ daˆ-iˇ-awˬ” lehˇ ehˇ gaˇ ngaˇ ya gaˬ-euˬ ma.

Panmaeq 21:6

Aˬ yawꞈ paˇ ehˇ-eu, “Jiˇ-euˬ ma. Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma. Iˇ cuꞈ kʼaˇ mehꞈ-eu tsawˇ haˬ-ahˇ, dehꞈ-eu saꞈ laˇ lawˇ gawˆ-euˬ iˇ cuꞈ yawꞈ ngehꞈ-ehˇ bi dawˇ ma.