Panmaeq 16:16 - Akha

¹⁶ Kʼoeˇ naˇ, Heˬbyehˇ dawˬ Aˬmaˬgeˬdoˬ lehˇ kuˇ-eu jawˇ duˬ-ahˇ, yaw sahˇ kʼoeˇ deuˬ neh miˇ kʼahˬ sahˬ paˬ deuˬ-ahˇ sheuˬ uiˬ laꞈ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoernar-aq, naef khoerdeuq, sanqpaq deuq-anr Heqbyaer dawq, Aqmaqgeqdoq laer kur-eu jawrduq-anr kuruiq laf-euq mae.

Panmaeq 16:16 ပူးပေါင်းရင်းမြစ်များ

2 Laˬsaˬbaˬ 35:22

Ehˇ kʼawꞈ, Yawˇshiˆ gʼaˬ guiˇ deuˆ ma lehˇ noeˬ tsehˆ-awˇ, Miˬyehˇ neh Neˬkawˇ-ahˇ bi ehˇ-euˬ dawˬ-ahˇ maˬ naˇ haˬ ni, aˬ cawˬ maˬ bi haw siˬ-eu gʼaˇ duˬ mehˬ tsoeˬ pyehˇ-awˇ, Meˬgiˇdoˬ deh ga-ahˇ guiˇ deuˆ-iˇ-euˬ meh.

Zaˬkaˬliˇ 12:11

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ laꞈ kʼoeˇ tsawˇ ngoeˇ ngoeˇ-euˬ kʼoeˇ-aˬ, Meˬgiˇdoˬ deh ga-ahˇ jaˆ-eu Haˬdaˬleˬmoˬ-ahˇ tsawˇ ngoeˇ ngoeˇ nehˬ-eu loꞈ-ehˇ teˇ saˇ kʼaˆ dui dui tehꞈ-a.

Yoˇhaˬ 19:13

Dawˬ kʼoeˇ dawˬ-ahˇ sahˬ paˬ Piˇlaˆ ya gaˬ ngeh, Yeˬsuˇ-ahˇ laꞈ nyiˇ sheuˬ doˆ leꞈ-awˇ, “Kʼaˬ lo kʼawˬ taˬ-euˬ jawˇ duˬ” lehˇ kuˇ gaˇ jaˆ-eu yaˇ kʼaˬ daˇ-eu nuiˇ mahˬ-ahˇ nuiˇ le-euˬ meh. Kʼaˬ lo kʼawˬ taˬ-euˬ jawˇ duˬ-ahˇ, Heˬbyeˇ dawˬ “Gaˬbaˬdaˬ” lehˇ ehˇ-eu meh.

Yoˇhaˬ 19:17

Aˬ yawꞈ-aˬ yawˬ ha-euˬ laꞈ yaꞈ baꞈ-awˇ Uˬ duˬ kʼmˬ lehˇ kuˇ-eu jawˇ duˬ-ahˇ le keuˆ-euˬ meh. Jawˇ duˬ kʼoeˇ tsahˇ-ahˇ, Heˬbyehˇ dawˬ Gawˇlaˬgawˇda lehˇ kuˇ-eu meh.

Yoˇhaˬ 5:2

Yeˬluˇsaˬlehˬ meuˬ-euˬ Yawˇ lahˇ kʼehˬ dawˬ peh, sehˬ gʼawˆ ngaˬ gʼawˆ gʼawˆ taˬ-euˬ lah tiˬ lah jaˆ-eu meh. Lah kʼoeˇ lah-ahˇ Heˬbyehˇ dawˬ Beˬzaˬdaˬ lehˇ kuˇ-eu meh.

Gʼaˬkʼehˇ 26:14

Nga maꞈ yawˬ gʼaˬ na luꞈ miˇ tsa coˬ dzeh-euˬ ma. Kʼoeˇ naˇ, Heˬbyehˇ dawˬ-ahˇ neh, ngaˬ-ahˇ heu loꞈ-ehˇ ehˇ-eu teˇ saˇ-ahˇ ngaˇ ya gaˬ-euˬ ma. ‘Sawˇluˆ-oˇ, Sawˇluˆ-oˇ, aˬ jeˬ miˇ neh nawˇ ngaˬ-ahˇ kʼehˬ te. Mawˇ neˇ-ahˇ tsawˆ-eu daˇ ceh-ahˇ behˆ-eu mawˇ neˇ loꞈ-ehˇ, yawˬ haˇ yawˬ ha laˆ tahˬ laˆ naˇ-eu jeˬ nawˇ mˇ-eu nga’ lehˇ ehˇ-eu meh.

Panmaeq 17:14

Aˬ yawꞈ maꞈ Yawˇzaˬ-ahˇ guiˇ deuˆ tehꞈ-a. Ehˇ kʼawꞈ, Yawˇzaˬ-aˬ, aˬ yawꞈ neh tseˇ doˆ-awˇ kuˇ-euˬ, saˇ jaˇ ziꞈ-eu laꞈ kʼoeˇ aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ tiˬ paw pyawˬ-awˇ, aˬ yawꞈ maꞈ-ahˇ deuˆ gʼaˬ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, sahˬ paˬ kʼoeˇ taˆ Sahˬpaˬ pyeuꞈ-eu meh.”

Panmaeq 9:11

Aˬ yawꞈ maꞈ-ahˇ uˆ lahˇ-eu sahˬ paˬ tiˬ gʼaˬ jawˇ-eu meh. Aˬ yawꞈ-aˬ, yaw li ma baw-eu duˬ kʼahˬ-ahˇ haw-eu pyaˆ-eu mˬ taˆ gʼaˬ kʼehˇ kʼoeˇ gʼaˬ pyeuꞈ-eu meh. Aˬ yawꞈ-euˬ tsawˇ myahˇ-aˬ, Heˬbyehˇ dawˬ Aˬbaˬdoˬ lehˇ kuˇ-awˇ, Heˬlaˬsaˇ dawˬ Aˬpawˇliˇoˬ lehˇ kuˇ-eu meh. (Dawˬ tsuiꞈ-aˬ, laˆ luˬ laꞈ seˇ-eu gʼaˬ lehˇ ehˇ mawꞈ-eu meh.)

Yaˇ kʼaˬ daˇ 4:7

Giˇshoˬ lawˇ baˬ-ahˇ nawˬ-ahˇ guiˇ bi deuˆ le-eu gʼaˇ duˬ, sahˬ paˬ Yaˬbiˬ-euˬ guiˇ maꞈ kʼoeˇ taˆ aˬ yuiꞈ geuꞈ-awˇ uˆ lahˇ-eu Siˇseˬlaˇ-ahˇ ngaˇ sheuˬ leꞈ ma. Aˬ yawꞈ-aˬ, mahˬ laˆ lawˬ deuˬ hawˇ-eu yehˇ deuˬ jawˇ kʼawꞈ, ngaˇ nawˬ-ahˇ aˬ yawꞈ-ahˇ bi gʼaˬ leˇ ma’ lehˇ dawˬ biꞈ le-euˬ meh.”

Yaˇ kʼaˬ daˇ 5:19

Meˬgiˇdoˬ lawˇ gawˆ dawˬ peh Taˬnehˇ meuˬ-ahˇ, sahˬ paˬ deuˬ guiˇ deuˆ le-euˬ meh. Kaˬnaˬ sahˬ paˬ deuˬ guiˇ deuˆ le kʼawꞈ, pyuˇ maˬ deuˆ za geuꞈ gʼeh nya-a.