Panmaeq 15:7 - Akha

⁷ Dehꞈ luꞈ-eu jeˬ zaˬ kʼoeˇ shiꞈ mawˇ laꞈ kʼoeˇ tiˬ mawˇ-aˬ, mˬ taˆ gʼaˬ kʼehˇ kʼoeˇ shiꞈ gʼaˬ-ahˇ, mˬ maˬ maˬ byaˆ zaˇ ziˇ dehꞈ-eu Miˬyehˇ-euˬ nui ma pehˇ-eu jeˬ tiˬ byah ni dahˬ-eu shuiˇ naˬ bo shiꞈ bo ciˬ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Yawdaef jeq khoer oeq mawr-euq lafkhoer tiq mawr-aq, mqtav ghaqkhaer khoer shif ghaq-anr, mqmaq maqbyav yarzir daef-eu Miqyaer-euq nuima paer duidui-eu jeq tiqbyanni danq-eu shuir khmqmaq shif khmq ciqnaeq-euq mae.

Panmaeq 15:7 ပူးပေါင်းရင်းမြစ်များ

Jaceuq 75:8

Sahˬpaˬ Miˬyehˇ-euˬ aˬ laꞈ-ahˇ kʼmˬ maˬ tiˬ kʼmˬ ciˬ luꞈ-awˇ, aˬ yawꞈ-euˬ nui ma pehˇ-eu jeˬ pyeuꞈ-eu taˆ dui dui-eu aˬ gaꞈ dzaˇ uiˇ shehˆ ahˇ taˬ-euˬ meh. Aˬ gaꞈ dzaˇ uiˇ kʼoeˇ aˬ yawꞈ shehˆ kʼaˇ ngeh, haiˬ-eu tsawˇ haˬ dawˬ tawˆ luꞈ dawˇ-eu meh. Tiˬ dzaˆ-iˬ maˬ bi dzeˇ ni dawˇ jiˇ-eu meh.

Yeˬlaˬmiˇ 25:15

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˇ nui ma pehˇ-eu jeˬ tiˬ byah ni dahˬ-eu aˬ gaꞈ dzaˇ uiˇ kʼmˬ maˬ heu kʼmˬ-ahˇ haw sheˇ. Ngaˇ nawˬ-ahˇ kʼaˇ kʼehˇ gʼeh-euˬ tsawˇ jeuˬ dawˬ tawˆ luꞈ jawˇ gaˇ kʼmˬ maˬ heu ciˬ gʼeh-awˇ bi dawˇ-awˬ.

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

Panmaeq 1:18

Ngaˇ-aˬ, dehꞈ luꞈ-eu gʼaˬ ma. Ngaˇ shiˇ-euˬ ma. Ehˇ kʼawꞈ, nymˬ-mˇ mˬ maˬ maˬ byaˆ zaˇ ziˇ dehꞈ-eu ma. Shiˇ-eu jeˬ-euˬ mahˬ tawꞈ kahˬ maˬ ehˇ, shiˇ-eu miˇ kʼahˬ-euˬ mahˬ tawꞈ kahˬ maˬ ehˇ,ngaˬ-euˬ aˬ laꞈ laꞈ kʼoeˇ jaˆ-eu ma.

Panmaeq 10:6

Kʼoeˇ naˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu, mˬ, miˇ, iˬ ma laˆ shaˆ hawˇ-eu kʼoeˇ deuˬ-euˬ laꞈ kʼoeˇ kʼaˇ dehꞈ kʼaˇ jawˇ-eu jeˬ dawˬ tawˆ luꞈ-ahˇ beh-euˬ Miˬyehˇ-euˬ tsawˇ myahˇ uˬ moˆ heu loꞈ-ehˇ kamˬ-eu meh. “Aˇ yamˬ maˬ paˇ jiˆ nya meh.

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Panmaeq 15:1

Kʼoeˇ naˇ, zahˬ leˇ paˬ-ehˇ gʼeh-eu huiˬ dui dui-eu bi siˬ bi mawˇ-eu jeˬ mˬ-ahˇ ya mawˇ-euˬ ma. Kʼoeˇ-aˬ, mˬ taˆ gʼaˬ kʼehˇ shiꞈ gʼaˬ hawˇ-eu aˇ saˬ saˬ-eu kʼehˬ-eu kʼaˆ-eu shiꞈ jeˬ meh. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma pehˇ-eu jeˬ bi siˬ bi mawˇ-eu aˇ saˬ saˬ-eu poˆ pyeuꞈ-eu meh.

Panmaeq 16:2

Kʼoeˇ naˇ, mˬ taˆ gʼaˬ kʼehˇ yaw beh gʼaˬ iˇ-awˇ, aˬ yawꞈ-euˬ naˬ bo miˇ tsaˬ kʼoeˇ taˆ shehˆ daˆ-euˬ meh. Kʼoeˇ ngeh, jeˬ zaˬ yaw haiˬ kʼoeˇ mawˇ neh tsaˬ tsoˆ taˬ-euˬ tsawˇ haˬ deuˬ hawˇ-eu, aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ kʼoeˇ taˆ, gawˇ dui dui-eu maˇ naˇ naˇ-eu jeˬ keuˆ le-euˬ meh.

Panmaeq 17:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, naˬ bo shiꞈ bo ahˇ-eu gʼaˬ ngaˇ jawˇ gaˇ oe-awˇ heu loꞈ-ehˇ ehˇ-eu meh. “Oe-awˬ, lawˇ baˬ baˬ ma gʼawˬ mya gawˆ dawˬ peh jaˆ-eu meuˬ meuˬ ma pyeuꞈ-eu tsawˇ myahˇ doˆ-eu meh maˬ laˇ kʼoeˇ gʼaˬ kʼehˬ-eu kʼaˆ-eu jeˬ-ahˇ aˬ joˆ-ehˇ ya daˬ gaˇ ngaˇ nawˬ-ahˇ sheuˬ mehˬ-iˇ nyaˇ.

Panmaeq 21:9

Mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, aˇ saˬ saˬ-eu kʼehˬ-eu kʼaˆ-eu jeˬ tiˬ byah ni ahˇ-eu naˬ bo shiꞈ bo yuˇ luꞈ-eu gʼaˬ ngaˇ jawˇ gaˇ oe-awˇ ehˇ-eu, “Laˇ-awˬ. Yawˇzaˬ-euˬ zaˬ miˬ pyeuꞈ-eu miˬ shuiꞈ kʼoeˇ gʼaˬ ngaˇ nawˬ-ahˇ mehˬ nehˬ nyaˇ.”

Panmaeq 4:10

aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ mehˬ shi awˆ byaˆ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu aˬ yawꞈ-ahˇ uˬ duˬ tahˬ-eu meh. Dzoeˬ dzaˬ nuiˇ mahˬ mehˬ shi aˬ yawꞈ maꞈ shuiˇ uˬ kʼoˆ dzeh taˬ-awˇ,

Panmaeq 5:8

Kʼoeˇ loꞈ-ehˇ yuˇ laˬ leˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, Yawˇzaˬ-euˬ mehˬ shi awˆ byaˆ-euˬ meh. Aˬ yawꞈ maꞈ yawˬ gʼaˬ na luꞈ, deuˇ-mˬ tiˬ siˬ hawˇ-eu tsiˇ yaw saw jeˬ tiˬ byah ni dahˬ-eu shuiˇ naˬ bo deuˬ ahˇ-eu meh.