Panmaeq 15:6 - Akha

⁶ Kʼehˬ-eu kʼaˆ-eu shiꞈ jeˬ ahˇ-eu mˬ taˆ gʼaˬ kʼehˇ shiꞈ gʼaˬ, uˬ duˬ tahˬ nymˇ nymˇ ma laꞈ kʼoeˇ neh doˆ le-euˬ meh. Aˬ yawꞈ maꞈ-aˬ, yaw shehꞈ bya-eu shawˇ jehˆ ni gʼeh-eu saˬ paˇ paˇ pyuˇ dm-awˇ, kʼahˬ-ahˇ shuiˇ joꞈ paꞈ paꞈ luꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khaeq-awr khav-eu shif jeq yurluf-eu mqtav ghaqkhaer khoer shif ghaq, yawshaef bya-awr shawrjaevni ghae-eu sheqsha saqpar maeqtsoeq dm-awr, khanq-anr shuir jofpaf paftaq-awr nae, yawshawr lawv-anr nae dovle-euq mae.

Panmaeq 15:6 ပူးပေါင်းရင်းမြစ်များ

Daˬyeˬlaˇ 10:5

Ngaˇ haw daˆ gʼeh leꞈ ngeh, shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm-awˇ, maˇ jawˆ ni gʼeh-eu shuiˇ joꞈ paꞈ paꞈ luꞈ-eu tsawˇ haˬ tiˬ gʼaˬ-ahˇ ngaˇ mawˇ-euˬ ma.

Luˇkaꞈ 24:4

Aˬ yawꞈ maꞈ zahˬ leˇ-awˇ jawˇ ngeh, yaw shehꞈ bya-eu mehˬ tsoeˬ dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh yawꞈ luꞈ gaˇ ya mawˇ-euˬ meh.

Panmaeq 1:13

Kʼoeˇ-euˬ gʼahˇ ceh, aˬ kuiˇ pehˬ zaˬ-ahˇ keuˆ-eu pehˇ kʼahˬ pehˇ mahˇ dm-awˇ kʼahˬ-ahˇ shuiˇ joꞈ paꞈ paꞈ taˬ-euˬ, tsawˇ haˬ-ahˇ duˇ-eu tiˬ gʼaˬ mawˇ-euˬ ma.

Panmaeq 14:15

Kʼoeˇ ngeh, uˬ duˬ tahˬ nymˇ nymˇ ma laꞈ kʼoeˇ neh mˬ taˆ gʼaˬ kʼehˇ tiˬ gʼaˬ doˆ le-awˇ, teˇ saˇ yaw kʼaˆ-ehˇ guˇ-awˇ mˬ dmˇ kʼoeˇ taˆ nuiˇ luꞈ-eu kʼoeˇ gʼaˬ-ahˇ ehˇ nehˬ-eu, “Nawˬ-euˬ yehˬ kʼoꞈ neh cehˇ yehˬ-awˬ. Aˬ jeˬ miˇ neh ehˇ naˇ, miˇ tsaˬ kʼoeˇ taˆ cehˇ myah laˇ-awˇ, cehˇ yehˬ yamˬtsaˬ laˇ-euˬ meh.”

Panmaeq 14:17

Kʼoeˇ naˇ, uˬ duˬ tahˬ nymˇ nymˇ ma laꞈ kʼoeˇ neh mˬ taˆ gʼaˬ kʼehˇ tiˬ gʼaˬ paˇ doˆ le gaˇ ngaˇ ya mawˇ-euˬ ma. Aˬ yawꞈ-euˬ aˬ laꞈ-ahˇ kʼawꞈ, taˆ dui dui-eu yehˬ kʼoꞈ tiˬ kahˇ ahˇ-eu meh.

Panmaeq 15:1

Kʼoeˇ naˇ, zahˬ leˇ paˬ-ehˇ gʼeh-eu huiˬ dui dui-eu bi siˬ bi mawˇ-eu jeˬ mˬ-ahˇ ya mawˇ-euˬ ma. Kʼoeˇ-aˬ, mˬ taˆ gʼaˬ kʼehˇ shiꞈ gʼaˬ hawˇ-eu aˇ saˬ saˬ-eu kʼehˬ-eu kʼaˆ-eu shiꞈ jeˬ meh. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma pehˇ-eu jeˬ bi siˬ bi mawˇ-eu aˇ saˬ saˬ-eu poˆ pyeuꞈ-eu meh.

Panmaeq 19:8

Dahˬ dzaˬ-iˇ-eu zaˬ miˬ gʼaˬ-ahˇ, yaw shehꞈ bya-eu paˇ pyuˇ paˇ shawˇ, bi dm-eu lehˇ jahˇ taˬ-euˬ meh.” (Paˇ pyuˇ paˇ shawˇ kʼoeˇ-aˬ, Miˬyehˇ-euˬ tsawˇ haˬ deuˬ neh mˇ-euˬ yaw tsaˬ yaw dawˇ jeˬ-euˬ dawˬ tsuiꞈ pyeuꞈ-eu meh.)