Panmaeq 15:1 - Akha

¹ Kʼoeˇ naˇ, zahˬ leˇ paˬ-ehˇ gʼeh-eu huiˬ dui dui-eu bi siˬ bi mawˇ-eu jeˬ mˬ-ahˇ ya mawˇ-euˬ ma. Kʼoeˇ-aˬ, mˬ taˆ gʼaˬ kʼehˇ shiꞈ gʼaˬ hawˇ-eu aˇ saˬ saˬ-eu kʼehˬ-eu kʼaˆ-eu shiꞈ jeˬ meh. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ nui ma pehˇ-eu jeˬ bi siˬ bi mawˇ-eu aˇ saˬ saˬ-eu poˆ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoernar-aq, ngar, mq-anr huiq duidui-eu zanqler paq-aer ghae-eu bisiq bimawr-eu jeq ya’mawr-euq ma. Khoer-aq, mqtav ghaqkhaer shif ghaq, arsaq saq-eu khaeq-awr khav-eu jeq shif jeq yurluf-eu mae. Miqyaer nuima paer duidui-eu jeq, khoer-euq lafkhoer anrjir-eu mae.

Panmaeq 15:1 ပူးပေါင်းရင်းမြစ်များ

Daˬyeˬlaˇ 6:27

Aˬ yawꞈ ka kʼoꞈ-eu gʼaˬ pyeuꞈ-awˇ, ngehˬ gʼeh dah teˬ nehˬ-eu gʼaˬ meh. Mˬ hawˇ-eu miˇ tsaˬ heu kʼoeˇ taˆ, zahˬ leˇ-eu jeˬ mˇ-eu gʼaˬ meh. Aˇ laˬ jaˬ shiˇ maˬ bi kawꞈ ni, Daˬyeˬlaˇ-ahˇ ka kʼoꞈ-euˬ meh.”

Uˬ duˬ 26:21

“Naw maꞈ ngaˬ-euˬ ehˇ dawˬ maˬ naˇ haˬ-ehˇ, ngaˬ-ahˇ puiˬ te siˬ lehˇ ngeuˇ naˇ, naw maꞈ-ahˇ kʼehˬ nehˬ kʼaˆ nehˬ-eu jeˬ shiꞈ bymˇ paˇ bi kʼaˆ dzehˬ laˇ ma.

Panmaeq 10:3

Aˇ laˬ jaˬ shiˇ joeˬ-eu teˇ saˇ loꞈ-ehˇ, aˬ yawꞈ yaw kʼaˆ-ehˇ guˇ-eu meh. Aˬ yawꞈ kʼoeˇ loꞈ-ehˇ guˇ gʼaˬ ngeh, mˬ jeˬ shiꞈ teˇ jeˬ-euˬ meh.

Panmaeq 11:14

Guˆ dui dui laˇ paˬ-ehˇ gʼeh-eu nyiˬ jeˬ tiˬ jeˬ dzeuˇ-iˇ-euˬ meh. Ehˇ kʼawꞈ, guˆ dui dui laˇ paˬ-ehˇ gʼeh-eu smˇ jeˬ tiˬ jeˬ keuˆ le-eu lehˇ lehˬ hmˬ taˬ-euˬ meh.

Panmaeq 14:10

Miˬyehˇ-euˬ nui ma pehˇ-eu kʼmˬ maˬ laꞈ kʼoeˇ, taˆ dui dui-eu Miˬyehˇ nui ma pehˇ-eu aˬ gaꞈ dzaˇ uiˇ ya dawˇ tehꞈ-a. Kʼoeˇ loꞈ-ehˇ gʼeh-eu tsawˇ haˬ dawˬ tawˆ luꞈ, muiˬ-eu shawˇ-eu mˬ taˆ gʼaˬ kʼehˇ deuˬ hawˇ-eu Yawˇzaˬ-euˬ mehˬ shi, miˬ dzaˬ hawˇ-eu miˬ dzaˇ dzaˇ shuiˇ neh kʼehˬ nehˬ gaˇ ya daˬ tehꞈ-a.

Panmaeq 14:19

Kʼoeˇ ngeh, mˬ taˆ gʼaˬ kʼehˇ kʼoeˇ gʼaˬ aˬ yawꞈ-euˬ yehˬ kʼoꞈ neh miˇ tsaˬ kʼoeˇ taˆ diˬ lahˇ-awˇ, aˬ gaꞈ yaˇ kmˇ-ahˇ aˬ gaꞈ aˇ puˇ pyehˆ-awˇ, Miˬyehˇ nui ma pehˇ-eu aˬ gaꞈ dzaˇ uiˇ nawˬ duˬ-ahˇ biˬ ahˇ-euˬ meh.

Panmaeq 16:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ-euˬ uˬ duˬ tahˬ nymˇ nymˇ ma laꞈ kʼoeˇ teˇ saˇ yaw kʼaˆ-ehˇ guˇ-eu laꞈ kʼoeˇ, “Miˬyehˇ nui ma pehˇ-eu jeˬ pyeuꞈ-eu naˬ bo kʼoeˇ shiꞈ bo miˇ tsaˬ kʼoeˇ taˆ shehˆ daˆ-iˇ-awˬ” lehˇ ehˇ gaˇ ngaˇ ya gaˬ-euˬ ma.

Panmaeq 17:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, naˬ bo shiꞈ bo ahˇ-eu gʼaˬ ngaˇ jawˇ gaˇ oe-awˇ heu loꞈ-ehˇ ehˇ-eu meh. “Oe-awˬ, lawˇ baˬ baˬ ma gʼawˬ mya gawˆ dawˬ peh jaˆ-eu meuˬ meuˬ ma pyeuꞈ-eu tsawˇ myahˇ doˆ-eu meh maˬ laˇ kʼoeˇ gʼaˬ kʼehˬ-eu kʼaˆ-eu jeˬ-ahˇ aˬ joˆ-ehˇ ya daˬ gaˇ ngaˇ nawˬ-ahˇ sheuˬ mehˬ-iˇ nyaˇ.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Panmaeq 21:9

Mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, aˇ saˬ saˬ-eu kʼehˬ-eu kʼaˆ-eu jeˬ tiˬ byah ni ahˇ-eu naˬ bo shiꞈ bo yuˇ luꞈ-eu gʼaˬ ngaˇ jawˇ gaˇ oe-awˇ ehˇ-eu, “Laˇ-awˬ. Yawˇzaˬ-euˬ zaˬ miˬ pyeuꞈ-eu miˬ shuiꞈ kʼoeˇ gʼaˬ ngaˇ nawˬ-ahˇ mehˬ nehˬ nyaˇ.”

Panmaeq 8:13

Kʼoeˇ naˇ, ngaˇ haw gʼeh ngeh, yaw goˇ-ahˇ zaw luꞈ-eu kʼaˬ dzeˇ dzeˇ ma tiˬ mawˇ yaw kʼaˆ-ehˇ guˇ-awˇ heu loꞈ-ehˇ ehˇ-eu teˇ saˇ ya gaˬ-euˬ ma. “Aˇ loˇ. Guˆ-eu gaˆ-eu jeˬ, guˆ-eu gaˆ-eu jeˬ. Dzeˇ-eu mˬ taˆ gʼaˬ kʼehˇ kʼoeˇ smˇ gʼaˬ daˇ heh paˇ baw laˇ naˇ, miˇ tsaˬ kʼoeˇ taˆ kʼaˇ jawˇ-eu deuˬ aˇ naˆ ni ya guˆ ya gaˆ, ya shaˬ ya zahˬ-eu maˬ paˇ ehˇ jiˇ coeˇ ngaˇ.”

Panmaeq 8:2

Kʼoeˇ naˇ, Miˬyehˇ mehˬ shi yawꞈ luꞈ-eu mˬ taˆ gʼaˬ kʼehˇ shiꞈ gʼaˬ-ahˇ ngaˇ mawˇ-euˬ ma. Aˬ yawꞈ maꞈ-ahˇ daˇ heh shiꞈ hmˬ biꞈ nehˬ-euˬ meh.

Panmaeq 8:6

Kʼoeˇ naˇ, daˇ heh shiꞈ hmˬ yuˇ luꞈ-eu mˬ taˆ gʼaˬ kʼehˇ kʼoeˇ shiꞈ gʼaˬ, daˇ heh baw-eu lehˬ hmˬ-euˬ meh.

Panmaeq 9:20

Kʼoeˇ smˇ jeˬ neh maˬ bi sehꞈ jiˇ-ehˇ dzeˇ-eu miˇ tsaˬ tsawˇ haˬ zaˬ deuˬ-aˬ, aˬ yawꞈ maꞈ neh mˇ dzeuˇ shaˇ dzeuˇ yaꞈ-euˬ jeˬ-ahˇ maˬ byehˇ dzeh-a. Nehꞈ deuˬ-ahˇ uˬ duˬ tahˬ-eu jeˬ-ahˇ maˬ ehˇ, shuiˇ, pyuˇ, guiˬ shuiˇ, kʼaˬ lo, daˇ kawˬ, heu deuˬ neh jahˇ taˬ-euˬ, maˬ mawˇ nya, maˬ gaˬ nya, maˬ cah nya-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu jeˬ-ahˇ maˬ ehˇ, aˬ yawꞈ maꞈ maˬ byehˇ dzeh-a.