Panmaeq 14:9 - Akha

⁹ Mˬ taˆ gʼaˬ kʼehˇ smˇ gʼaˬ tiˬ gʼaˬ, yaw beh kʼoeˇ nyiˬ gʼaˬ-euˬ mehˬ nah caw teh-awˇ, teˇ saˇ yaw kʼaˆ-ehˇ guˇ-awˇ heu loꞈ-ehˇ ehˇ-eu meh. “Jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, naˇ kʼawˇ maˬ ngeuˇ naˇ aˬ laꞈ-ahˇ aˬ yawꞈ neh tsaˬ bi tsoˆ taˬ-euˬ tsawˇ haˬ deuˬ-aˬ,

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoernar-aq, mqtav ghaqkhaer smr ghaq tiqghaq, khoer nyiq ghaq-euq maeqnan cantaedov lef-awr tersar yawkhav-aer heulof-aer aer-eu mae, “Jeqzaq yawghae khoermawr-anr hawr-eu jeqzaq khoermawr-euq mawrkawr-anr uqduq tanq-awr, narkhawr-anr maqngeur nar-aq, aqlaf-anr tsaq bitsov taq-euq aqsur ghaq maqkaq,

Panmaeq 14:9 ပူးပေါင်းရင်းမြစ်များ

Yeˬlaˬmiˇ 44:4

Miˬyehˇ gʼaˇ duˬ ngehˬ dah-euˬ ngaˬ-euˬ zaˬ kʼaˆ deuˬ-ahˇ, naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, ngaˇ bye dui dui-eu yaw jawꞈ jeˬ taˬ paˇ mˇ lehˇ bi ehˇ gaˬ le-euˬ ma.

Panmaeq 14:11

Aˬ yawꞈ maꞈ-ahˇ kʼehˬ-euˬ miˬ dzaˬ kʼoeˇ, mˬ maˬ maˬ byaˆ zaˇ ziˇ uˬ kʼoeˬ doˆ tehꞈ-a. Jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu tsawˇ haˬ deuˬ hawˇ-eu, aˬ yawꞈ neh tsaˬ kʼaˇ bi tsoˆ-euˬ tsawˇ haˬ deuˬ-aˬ, uˬ ciꞈ nah gʼahˇ maˬ ehˇ, saꞈ gʼawˇ dah kʼaˇ maˬ za-a.”

Panmaeq 16:2

Kʼoeˇ naˇ, mˬ taˆ gʼaˬ kʼehˇ yaw beh gʼaˬ iˇ-awˇ, aˬ yawꞈ-euˬ naˬ bo miˇ tsaˬ kʼoeˇ taˆ shehˆ daˆ-euˬ meh. Kʼoeˇ ngeh, jeˬ zaˬ yaw haiˬ kʼoeˇ mawˇ neh tsaˬ tsoˆ taˬ-euˬ tsawˇ haˬ deuˬ hawˇ-eu, aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ kʼoeˇ taˆ, gawˇ dui dui-eu maˇ naˇ naˇ-eu jeˬ keuˆ le-euˬ meh.

Panmaeq 7:3

“Aˬ dui Miˬyehˇ-euˬ zaˬ kʼaˆ deuˬ-euˬ naˇ kʼawˇ-ahˇ aˬ dui jmˬ maˬ diˬ gʼaˬ kʼoeˇ keuˆ ni, miˇ tsaˬ-ahˇ maˬ ehˇ, iˬ ma laˆ shaˆ-ahˇ maˬ ehˇ, aˇ bawˇ deuˬ-ahˇ maˬ ehˇ, tiˬ jeˬ-iˬ taˬ gʼeh lawˬ siˬ” lehˇ mˬ taˆ gʼaˬ kʼehˇ kʼoeˇ gʼaˬ ehˇ-eu meh.