Panmaeq 14:1 - Akha

¹ Kʼoeˇ naˇ, ngaˇ haw gʼeh leꞈ ngeh, Ziˇoˬ gawˬ jawˬ kʼoeˇ taˆ Yawˇzaˬ yawꞈ luꞈ gaˇ ya mawˇ-euˬ ma. Naˇ kʼawˇ-ahˇ aˬ yawꞈ Aˬda-euˬ tsawˇ myahˇ hawˇ-eu aˬ yawꞈ-euˬ tsawˇ myahˇ boꞈ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ, aˬ yawꞈ nehˬ-ehˇ jawˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Hawsher-eq. Ngar hawghaelef ngae, Ziroq gawqjawq-euq khoertav Yawrzaq yawfluf-eu gar ya’mawr-euq ma. Yawrzaq naeq-aer tsawrhaq 144,000 ghaq yawfluf-eu mae. Aqyawf maf-euq narkhawr-anr aqyawf-euq Aqda-euq tsawrmyanr boftaq-euq mae.

Panmaeq 14:1 ပူးပေါင်းရင်းမြစ်များ

Jaceuq 2:6

“Ngaˬ-euˬ muiˬ-eu shawˇ-eu gawˬjawˬ, Ziˇoˬ gawˬjawˬ heu-euˬkʼoeˇ taˆ, dzoeˬdzaˬsahˬpaˬ ciˬnuiˇ-euˬma.”

Iˇsaˬyaˇ 49:14

Ehˇ kʼawꞈ, Yeˬluˇsaˬlehˬ tsawˇ haˬ ehˇ-eu, “Sahˬpaˬ Miˬyehˇ nga maꞈ-ahˇ byehˇ dzeh laꞈ-euˬ meh. Nga maꞈ-ahˇ aˬ yawꞈ ngehˇ-euˬ meh.”

Yeˬlaˬmiˇ 1:11

“Yeˬlaˬmiˇ-oˇ, nawˬ-ahˇ aˬ jeˬ mawˇ laˇ-eu nya” lehˇ Sahˬpaˬ Miˬyehˇ ngaˬ-ahˇ naˇ haˬ laˇ ngeh, “Aˬlaˬmoˬ aˇ bawˇ uˬ laꞈ tiˬ laꞈ mawˇ-euˬ ma” lehˇ ngaˇ ehˇ kʼoꞈ nehˬ-euˬ ma.

Yeˬsaˬgeˬlaˇ 1:4

Ngaˇ haw daˆ gʼeh ngeh, laꞈ taˆ paw pyawˬ-ahˇ neh jaˬ lehˇ lehˇ ma oe luꞈ-eu mawˇ-euˬ ma. Huiˬ dui dui-eu mˬ dmˇ laꞈ kʼoeˇ mˬ myawꞈ myawꞈ luꞈ-awˇ, kʼoeˇ-euˬ tiˬ jawˬ mˬ bya cehˆ ni jaˆ luꞈ-eu meh. Mˬ myawꞈ myawꞈ-eu laꞈ kʼoeˇ, guiˬ shuiˇ loꞈ-ehˇ guiˇ nyiˬ ni tiˬ jeˬ mawˇ laˇ-eu meh.

Yeˬsaˬgeˬlaˇ 10:1

Jeˬluˇbeˬ kʼoeˇ deuˬ-euˬ uˬ duˬ uˬ taˆ jaˆ-eu mˬ-ahˇ duˇ-eu kʼoeˇ hmˬ-ahˇ ngaˇ haw gʼeh ngeh, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ ngaˇ mawˇ-euˬ ma.

Yeˬsaˬgeˬlaˇ 10:9

Jeˬluˇbeˬ kʼoeˇ deuˬ-euˬ gaˇ dzeˇ aˇ beuˆ oeˬ beuˆ tsoꞈ gaˇ ya mawˇ-euˬ ma. Tiˬ mawˇ-euˬ gaˇ dzeˇ tiˬ beuˆ tsoꞈ-awˇ, aˇ beuˆ kʼoeˇ deuˬ aˇ poeˬ kʼaˆ-eu kʼaˬ lo sehˇ loꞈ-ehˇ yaw shehꞈ bya-eu meh.

Yeˬsaˬgeˬlaˇ 2:9

Ngaˇ jawˇ gaˇ aˬ laꞈ cawˬ ja leꞈ-eu ya mawˇ-awˇ, aˬ laꞈ kʼoeˇ laꞈ-ahˇ sahˬ boꞈ paˇ yoˆ tiˬ yoˆ tuˆ tehˬ taˬ-euˬ meh.

Yeˬsaˬgeˬlaˇ 44:4

Kʼoeˇ naˇ, laꞈ taˆ paw pyawˬ-ahˇ jaˆ-eu lahˇ kʼehˬ-ahˇ neh, Uˬ duˬ tahˬ nymˇ nymˇ ma mehˬ shi tsawˇ haˬ kʼoeˇ gʼaˬ ngaˬ-ahˇ sheuˬ gʼeh nehˬ laꞈ-euˬ meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, Sahˬpaˬ Miˬyehˇ-euˬ yaw shehꞈ kʼahˬ sehˇ tiˬ byah ni jaˆ gaˇ ngaˇ mawˇ-awˇ, baˬ ba miˇ tsa tuˆ ni awˆ byaˆ-euˬ ma.

Yeˬsaˬgeˬlaˇ 8:7

Uˬ duˬ tahˬ nymˇ nymˇ ma-euˬ laꞈ nyiˇ lahˇ-ahˇ uˇ leˇ-eu lahˇ kʼehˬ dawˬ peh, ngaˬ-ahˇ aˬ yawꞈ sheuˬ gʼeh-awˇ, lahˇ-ahˇ byoe-eu maˇ byoe tiˬ byoe mehˬ nehˬ laꞈ-euˬ meh.

Yeˬsaˬgeˬlaˇ 9:4

“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”

Daˬyeˬlaˇ 12:5

Kʼoeˇ naˇ, tsawˇ haˬ nyiˬ gʼaˬ lawˇ baˬ kʼoeˇ baˬ heu baˬ-ehˇ yawꞈ luꞈ gaˇ ngaˇ ya mawˇ-euˬ ma.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Aˬmoˆ 8:2

“Aˬmoˆ-oˇ, nawˇ aˬ jeˬ mawˇ teˬ” lehˇ, Sahˬpaˬ Miˬyehˇ ngaˬ-ahˇ naˇ haˬ-eu miˇ neh, “Aˇ siˬ kʼa sa tiˬ sa mawˇ-euˬ ma” lehˇ ngaˇ ehˇ kʼoꞈ nehˬ-eu ma. Sahˬpaˬ Miˬyehˇ ngaˬ-ahˇ ehˇ-eu, “Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ gʼaˇ duˬ aˇ saˬ saˬ-eu aˇ yamˬ keuˆ le luꞈ meh. Ngaˇ nui ma maˬ paˇ ni aˬ yawꞈ maꞈ-ahˇ kʼehˬ nehˬ kʼaˆ nehˬ ma.

Miˇkaˬ 4:7

Aˬ yawꞈ maꞈ-aˬ, aˬ kuiˇ kuiˇ tawˆ bi dawˆ-awˇ, iˇ kahˇ-ahˇ gʼawˬ mahˇ kaˬ gaˇ jawˇ luꞈ meh. Ehˇ kʼawꞈ, dzeˇ yaꞈ-euˬ deuˬ-ahˇ ngaˇ yaw shuiꞈ shuiꞈ-ehˇ aˇ dahˬ paˇ beh nehˬ-awˇ, huiˬ-eu tsawˇ jeuˬ paˇ bi pyeuꞈ laˇ ma. Kʼoeˇ ngeh neh naˇ, Ziˇoˬ gawˬ jawˬ-ahˇ neh aˬ yawꞈ maꞈ-ahˇ ngaˇ mˬ maˬ maˬ byaˆ zaˇ ziˇ uˆ lahˇ ma.”

Zaˬkaˬliˇ 4:2

“Nawˇ aˬ jeˬ mawˇ teˬ” lehˇ aˬ yawꞈ ngaˬ-ahˇ naˇ haˬ laˇ ngeh, ngaˇ heu loꞈ-ehˇ ehˇ kʼoꞈ nehˬ-euˬ ma. “Shuiˇ neh jahˇ taˬ-euˬ tsiˇ kʼmˬ doꞈ taˬ duˬ mawˇ-euˬ ma. Tsiˇ kʼmˬ doꞈ taˬ duˬ kʼoeˇ hmˬ-euˬ uˬ du, tsiˇ shehˆ ahˇ duˬ naˬ bo jaˆ-awˇ, tsiˇ kʼmˬ shiꞈ kʼmˬ dahˇ-eu meh. Tsiˇ kʼmˬ aˬ yawꞈ kʼmˬ yawꞈ, tsiˇ diꞈ shiꞈ hmˬ tsoꞈ kʼaˇ za-eu meh.

Luˇkaꞈ 12:8

“Tsawˇ haˬ tiˬ gʼaˬ na ngaˬ-aˇ taꞈ ma lehˇ aˬ cawˬ mehˬ shi ehˇ naˇ, ‘Tsawˇ haˬ kʼoeˇ gʼaˬ ngaˬ-ahˇ taꞈ meh’ lehˇ, Miˬyehˇ-euˬ mˬ taˆ gʼaˬ kʼehˇ deuˬ mehˬ shi Tsawˇhaˬ-euˬ Zaˬmaˇ ehˇ tehꞈ-a.

Lormav 9:33

Jaˇliꞈ laꞈ kʼoeˇ ehˇ taˬ-euˬ, “Haw yawˬ, tsawˇ haˬ bi coˬ-iˇ-eu, tsawˇ haˬ sahˬ tiꞈ tiꞈ duˬ kʼaˬ lo, Ziˇoˬ meuˬ-ahˇ ngaˇ bi jaˆ ma. Ehˇ kʼawꞈ, aˬ yawꞈ-ahˇ jah-eu deuˬ daˬ ga-awˇ maˬ ya shaꞈ dawˇ-aˇ.”

Panmaeq 14:14

Kʼoeˇ naˇ, ngaˇ haw gʼeh ngeh, pyuˇ deuˬ ni gʼeh-eu mˬ dmˇ mawˇ-euˬ ma. Tsawˇ haˬ-ahˇ duˇ-eu tiˬ gʼaˬ uˬ duˬ-ahˇ shuiˇ uˬ kʼoˆ kʼoˆ-awˇ, aˬ laꞈ-ahˇ taˆ dui dui-eu yehˬ kʼoꞈ yuˇ-awˇ, mˬ dmˇ kʼoeˇ-euˬ kʼoeˇ taˆ nuiˇ luꞈ-eu meh.

Panmaeq 14:3

Tsawˇ haˬ tiˬ seh oeˬ muiˇ oeˬ heˇ gʼaˬ kʼoeˇ-aˬ, dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ deuˬ-euˬ mehˬ shi yawꞈ luꞈ-eu meh. Aˬ yawꞈ maꞈ-aˬ, aˬ cawˬ maˬ caˇ nya-eu caˇdawˬ yaw shuiꞈ tiˬ bymˇ caˇ luꞈ-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ, aˬ yawꞈ maꞈ tehꞈ-ehˇ ka kʼoꞈ-eu jeˬ za-euˬ meh.

Panmaeq 15:5

Kʼoeˇ naˇ, mˬ kʼoeˇ taˆ jaˆ-eu uˬ duˬ tahˬ nymˇ nymˇ ma pah taˬ-awˇ, laꞈ kʼoeˇ paw Miˬyehˇ jawˇ-eu Sehˬ gʼawˆ jaˆ gaˇ ngaˇ ya mawˇ-euˬ ma.

Panmaeq 22:4

Aˬ yawꞈ-euˬ myaˆ pyawˬ-ahˇ aˬ yawꞈ maꞈ ya mawˇ-awˇ, aˬ yawꞈ maꞈ-euˬ naˇ kʼawˇ-ahˇ aˬ yawꞈ-euˬ tsawˇ myahˇ boꞈ taˬ tehꞈ-a.

Panmaeq 3:12

Gʼaˬ leˇ-eu tsawˇ haˬ-ahˇ ngaˬ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ kʼawˇ zeuˇ bi geuꞈ-awˇ, aˬ myah luꞈ kʼoeˇ gaˇ ya jawˇ tehꞈ-a. Ngaˬ-euˬ Miˬyehˇ-euˬ tsawˇ myahˇ hawˇ-eu, ngaˬ-euˬ Miˬyehˇ jawˇ-eu mˬ-ahˇ neh zaꞈ le-euˬ Yeˬluˇsaˬlehˬ yaw shuiꞈ pyeuꞈ-eu ngaˬ-euˬ Miˬyehˇ-euˬ meuˬ-euˬ tsawˇ myahˇ, aˬ yawꞈ kʼoeˇ taˆ ngaˇ boꞈ myahˬ nehˬ ma. Ngaˬ-euˬ tsawˇ myahˇ yaw shuiꞈ kʼawꞈ, aˬ yawꞈ kʼoeˇ taˆ boꞈ myahˬ nehˬ ma.

Panmaeq 4:1

Kʼoeˇ naˇ, mˬ kʼoeˇ taˆ laˇ gʼoˆ pah taˬ-euˬ gaˇ, Yaw sahˇ laꞈ kʼoeˇ ngaˇ paˇ ya mawˇ-euˬ ma. Yaw beh ngaˬ-ahˇ dawˬ ngehˬ cawˬ le-euˬ daˇ heh baw gaˇ duˇ-eu teˇ saˇ kʼoeˇ saˇ ngaˬ-ahˇ ehˇ-eu, “Heu gaˇ daˆ laˇ-awˬ. Mehˬ hu paw pyeuꞈ laˇ-eu lehˇ gʼeh-eu gaˇ kawˆ ngaˇ nawˬ-ahˇ mehˬ nehˬ nyaˇ.”

Panmaeq 6:8

Ngaˇ haw gʼeh ngeh, pyuˇ pya ni gʼeh-eu mahˬ tiˬ mawˇ mawˇ-euˬ ma. Mahˬ dziˬ luꞈ-eu gʼaˬ-aˬ, shiˇ-eu jeˬ lehˇ myahˇ-awˇ, aˬ yawꞈ-euˬ mehˬ nah tehˬ ni shiˇ-eu miˇ kʼahˬ caw teh luꞈ-eu meh. Guiˇ deuˆ-eu jeˬ, mehꞈ-eu shuꞈ-eu jeˬ, naˇ-eu gawˇ-eu jeˬ , jeˬ zaˬ yaw haiˬ jeˬ, heu loꞈ-ehˇ gʼeh-eu deuˬ-ahˇ gʼoe-awˇ aˬ cawˬ-ahˇ sehꞈ-eu gʼaˇ duˬ, miˇ tsaˬ heu oeˬ bymˇ tiˬ bymˇ kʼoeˇ taˆ uˆ lahˇ-eu baoˬ aˬ yawꞈ nyaꞈ-ahˇ biꞈ taˬ-euˬ meh.