Panmaeq 13:18 - Akha

¹⁸ Heu-aˬ, zaˬ siˬ tsawˇ gahˇ zmˬ-awˇ shaˇ noeˬ-eu gʼaˇ duˬ ehˇ taˬ-euˬ dawˬ meh. Zaˬ siˬ tsawˇ gahˇ ahˇ-eu tsawˇ haˬ-aˬ, jeˬ zaˬ yaw haiˬ-euˬ naˬ baꞈ kʼoeˇ-euˬ dawˬ tsuiꞈ shaˇ sawˇ doˆ nya-eu meh. Aˬ jeˬ miˇ neh ehˇ naˇ, naˬ baꞈ kʼoeˇ-aˬ, tsawˇ haˬ tiˬ gʼaˬ-euˬ tsawˇ myahˇ pyeuꞈ-eu meh. Kʼoeˇ-aˬ, koꞈ yaˇ koꞈ tseˇ koꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Garkawv heu siqnya’ni zaqsiq tsawrganr ya’anr-eu mae. Ghovshaw nya-eu tsawrhaq deuq-aq, jeqzaq yawghae khoermawr-euq nanqmyaq sawxdovnya taef-a. Aqjeq mirnae aernar-aq, nanqmyaq khoer-aq, tsawrhaq tiq ghaq-euq nanqmyaq mae. Nanqmyaq khoer-aq, 666 mae.

Panmaeq 13:18 ပူးပေါင်းရင်းမြစ်များ

Jaceuq 107:43

Zaˬ siˬ tsawˇ gahˇ kʼaˇ ahˇ-eu tsawˇ haˬ deuˬ, gaˇ kawˆ kʼoeˇ shaˇ sawˇ haw luꞈ-uˇ. Sahˬpaˬ Miˬyehˇ-euˬ maˬ tsehˆ leˇ-eu gʼoeˇ-eu gaˬ-eu jeˬ-ahˇ aˬ yawꞈ maꞈ shaˇ noeˬ doˆ luꞈ-uˇ.

Daˬyeˬlaˇ 12:10

Tsawˇ haˬ gʼawˬ mya ni muiˬ laˇ shawˇ laˇ tehꞈ-a. Haiˬ-eu tsawˇ haˬ deuˬ-aˬ, gaˇ kawˆ heu maˬ siˬ nya ni yaw haiˬ jeˬ mˇ mˇ-ehˇ jawˇ tehꞈ-a. Ehˇ kʼawꞈ, tsawˇ gahˇ ahˇ-eu deuˬ-aˬ, gʼoˆ shaw nya tehꞈ-a.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Maˬkuˆ 13:14

“‘Guˆ dui dui laˇ paˬ-ehˇ gʼeh-eu yaw jawꞈ jeˬ’ kʼoeˇ, maˬ bi jaˆ kʼmˬ-eu jawˇ duˬ-ahˇ jaˆ laˇ taˬ-euˬ gaˇ naw maꞈ ya mawˇ tehꞈ-a.” (Jaˇliꞈ gui-eu deuˬ dawˬ heu dawˬ-euˬ dawˬ tsuiꞈ gʼoˆ shaw-awˬ.) “Kʼoeˇ ngeh, Yuˇdaˆ miˇ kʼahˬ-ahˇ jawˇ-eu tsawˇ haˬ deuˬ gawˬ jawˬ paw ya cehˆ daˆ meh.

Lormav 3:5

Aˬ dui yaw lehˬ jeˬ mˇ-euˬ kʼoeˇ-aˬ, Miˬyehˇ yaw tsaˬ jeˬ mˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui-ahˇ kʼehˬ nehˬ kʼaˆ nehˬ laꞈ ngeh, aˬ yawꞈ yaw lehˬ jeˬ mˇ-eu meh lehˇ aˬ dui ehˇ nmˇ loˇ. (Heu-aˬ, tsawˇ haˬ zaˬ naˇ haˬ tseˇ mawꞈ-eu dawˬ tiˬ dawˬ meh.)

Dawˬmehˬ 3:11

(Sahˬ paˬ Awˇgaˆ-aˬ, Leˬpeˬ tsawˇ jeuˬ-euˬ sahˬ paˬ deuˬ laꞈ kʼoeˇ aˇ saˬ saˬ-eu gʼaˬ pyeuꞈ-eu meh. Aˬ yawꞈ-ahˇ duˬ pahˬ-eu mawˇ dmˬ kʼaˬ lo neh taꞈ-awˇ, yaw mahˇ paw gʼoeˬ caˆ byah-awˇ, yaw jeˇ paw oeˬ caˆ byah-eu meh. Mawˇ dmˬ kʼoeˇ hmˬ-aˬ, Aˬmoˬ tsawˇ haˬ deuˬ-euˬ Laˬbah meuˬ-ahˇ iˬ nah keuˆ ni jaˆ luꞈ-eu meh.)

Panmaeq 1:3

Sahˬ boꞈ heu taꞈ-ahˇ kʼaˇ gui-eu tsawˇ haˬ guiˬ lahˬ huiˬ-eu meh. Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ ya gaˬ-eu laꞈ kʼoeˇ, heu gaˇ kʼaˇ boꞈ taˬ-euˬ gaˇ kawˆ deuˬ-ahˇ kʼaˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, heu gaˇ kʼaˇ ehˇ taˬ-euˬ jeˬ dawˬ tawˆ luꞈ keuˆ le-eu aˇ yamˬ dawˬ peh peh laˇ-euˬ meh.

Panmaeq 15:2

Kʼoeˇ naˇ, miˬ dzaˬ nehˬ-ehˇ laˆ keuˬ taˬ-euˬ pyawˬ haw lah-ahˇ duˇ-eu jeˬ-ahˇ ngaˇ ya mawˇ-euˬ ma. Jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ maˬ ehˇ, tsawˇ myahˇ naˬ baꞈ neh myahˇ taˬ-euˬ gʼaˬ-ahˇ guiˇ deuˆ gʼaˬ-euˬ deuˬ-ahˇ maˬ ehˇ, ngaˇ ya mawˇ-euˬ ma. Aˬ yawꞈ maꞈ-aˬ, Miˬyehˇ neh biꞈ-euˬ deuˇ-mˬ yuˇ-awˇ, pyawˬ haw lah dawˬ peh yawꞈ luꞈ-eu meh.

Panmaeq 17:9

“Heu-aˬ, zaˬ siˬ tsawˇ gahˇ zmˬ-awˇ bi shaˇ sawˇ-eu gʼaˇ duˬ ehˇ-eu dawˬ ma. Uˬ duˬ kʼoeˇ shiꞈ siˬ-aˬ, zaˬ miˬ zaˬ kʼoeˇ gʼaˬ nuiˇ luꞈ-eu gawˬ duˇ shiꞈ duˇ pyeuꞈ-eu meh. Sahˬ paˬ shiꞈ gʼaˬ-ahˇ ehˇ mawꞈ-eu jeˬ kʼawꞈ pyeuꞈ-eu meh.

Panmaeq 21:17

Mˬ taˆ gʼaˬ kʼehˇ kʼoeˇ gʼaˬ meuˬ meuˬ lahˇ-ahˇ paˇ dza haw-euˬ meh. Aˬ yawꞈ-euˬ aˇ lmˇ-ahˇ tsaˬ ni, tiˬ yaˇ oeˬ tseˇ oeˬ caˆ goˇ-eu meh.