Panmaeq 11:7 - Akha

⁷ Aˬ yawꞈ nyaꞈ Miˬyehˇ dawˬ kawˬ mehˬ gʼaˬ ngeh, yaw li maˬ baw-eu duˬ kʼahˬ-ahˇ doˆ laˇ-euˬ haiˬ-eu jeˬ zaˬ kʼoeˇ mawˇ aˬ yawꞈ nyaꞈ-ahˇ guiˇ deuˆ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqyawfnyaf sarkirkamq ghaq-euq nar-aq, li-eu maqbaw-eu duqkhanq-anr nae dovlar-eu jeqzaq yawghae khoermawr, aqyawf nyaf-anr guirdeuv deuv-awr deuvghaq ngae, aqyawf nyaf-anr saef taef-a.

Panmaeq 11:7 ပူးပေါင်းရင်းမြစ်များ

Daˬyeˬlaˇ 7:25

Dawˬ tawˆ kʼoeˇ taˆ huiˬ-eu Miˬyehˇ-ahˇ ceh cawˬ cawˬ-eu dawˬ ngehˬ-awˇ, Miˬyehˇ-euˬ tsawˇ haˬ deuˬ-ahˇ aˬ yawꞈ kʼehˬ nehˬ kʼaˆ nehˬ tehꞈ-a. Uˬ duˬ tahˬ-eu zahˇ sahˇ kʼoꞈ deuˬ hawˇ-eu, uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ deuˬ-ahˇ aˬ yawꞈ laˆ paˇ-awˇ, Miˬyehˇ-euˬ tsawˇ haˬ deuˬ aˬ yawꞈ uˆ lahˇ-eu uˬ moˆ smˇ kʼoꞈ uˬ taꞈ tiˬ paˆ ya jawˇ tehꞈ-a.

Luˇkaꞈ 13:32

Yeˬsuˇ aˬ yawꞈ maꞈ-ahˇ ehˇ nehˬ-eu, “‘Iˬ nah hawˇ-eu ni shawˬ laꞈ kʼoeˇ, nehꞈ teh doˆ-eu gaˇ hawˇ-eu naˇ gawˇ laˆ taˬ nehˬ-eu gaˇ, ngaˇ mˇ luꞈ-eu ma. Ehˇ kʼawꞈ, saˇ pehˬ ngeh nah mˇ luiˆ jiˇ ma’ lehˇ, kʼaˬ yehˇ kʼoeˇ mawˇ-ahˇ ehˇ nehˬ-iˇ-awˬ.

Luˇkaꞈ 8:31

Nehꞈ kʼoeˇ deuˬ Yeˬsuˇ-ahˇ shaˇ-eu, “Naꞈ dui dui-eu shiˬ buiˇ lah ma -ahˇ taˬ bi uˇ-iˇ nehˬ laꞈ.” lehˇ, nehꞈ kʼoeˇ deuˬ Yeˬsuˇ-ahˇ shaˇ-eu meh.

Yoˇhaˬ 17:4

Miˇ tsaˬ kʼoeˇ taˆ nawˬ-euˬ yaw shehꞈ kʼahˬ sehˇ ngaˇ bi mawˇ gʼaˬ-euˬ ma. Nawˬ neh bi mˇ laꞈ-euˬ gaˇ-ahˇ ngaˇ mˇ luiˆ gʼaˬ-euˬ ma.

Yoˇhaˬ 19:30

Yeˬsuˇ aˬ gaꞈ dzaˇ uiˇ kʼoeˇ cuˆ dawˇ gʼaˬ-awˇ, “Gaˇ mˇ jiˇ-euˬ ma” lehˇ ehˇ-eu meh. Kʼoeˇ naˇ, uˬ duˬ ga moꞈ le-awˇ, saꞈ tsehˆ leˇ-euˬ meh.

Gʼaˬkʼehˇ 20:24

Ehˇ kʼawꞈ, ngaˬ-euˬ gʼawˇ mawˇ heu-aˬ, tiˬ jeˬ-iˬ maˬ poeˬ maˬ lawˬ-a lehˇ ngaˇ noeˬ jiˇ taˬ-euˬ ma. Ngaˇ ya mˇ-eu saˬ saˬ naˬ gaˇ heu mˇ jiˇ-awˇ, Sahˬpaˬ Yeˬsuˇ neh ngaˬ-ahˇ biꞈ taˬ-euˬ Miˬyehˇ gʼawˬ shaˬ gaˬ-eu jeˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu gaˇ heu mˇ luiˆ yaꞈ nya ni noeˬ tsoˆ taˬ-euˬ ma.

2 Tiˆmoˇseˬ 4:7

Cehˆ ceh ceh-eu heu laꞈ kʼoeˇ, ngaˇ kʼaˇ gʼeh nya-eu loꞈ-ehˇ cehˆ-euˬ ma. Aˇ saˬ saˬ ngeh keuˆ ni cehˆ-awˇ, jah-eu jeˬ-ahˇ ziꞈ dah ni tuˆ tehˬ luꞈ-eu ma.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

Panmaeq 12:17

Byaˆ yahˬ kʼoeˇ mawˇ zaˬ miˬ zaˬ kʼoeˇ gʼaˬ-ahˇ nui ma pehˇ dui dui laˇ-awˇ, zaˬ miˬ zaˬ kʼoeˇ gʼaˬ-euˬ dzeˇ luꞈ-eu zaˬ deuˬ uˆ deuˬ pyeuꞈ-eu, Miˬyehˇ-euˬ ehˇ dawˬ naˇ haˬ-awˇ Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ saˇ jaˇ ziꞈ-eu tsawˇ haˬ dawˬ tawˆ luꞈ-ahˇ, guiˇ deuˆ-eu lehˇ doˆ-iˇ-euˬ meh.

Panmaeq 13:11

Kʼoeˇ naˇ, miˇ tsaˬ-ahˇ doˆ laˇ-euˬ jeˬ zaˬ yaw haiˬ tiˬ mawˇ ngaˇ paˇ ya mawˇ-euˬ ma. Yawˇ-euˬ uˬ coeˇ-ahˇ duˇ-eu uˬ coeˇ nyiˬ coeˇ tsoꞈ-awˇ, byaˆ yahˬ loꞈ-ehˇ dawˬ ngehˬ-eu meh.

Panmaeq 13:7

Miˬyehˇ-euˬ tsawˇ haˬ deuˬ-ahˇ guiˇ deuˆ-awˇ, deuˆ gʼaˬ-eu gʼaˇ duˬ aˬ yawꞈ-ahˇ aˬ kawˬ-aˬ biꞈ taˬ-euˬ meh. Miˇ tsaˬ tsawˇ jeuˬ tsawˇ ca dawˬ tawˆ luꞈ kʼoeˇ taˆ uˆ lahˇ-eu a kawˬ-aˬ kʼawꞈ, biꞈ taˬ-euˬ meh.